სამების საკათედრო ტაძარში ოკუპირებული აფხაზეთიდან გადმოსვენებული 20 პირის სამოქალაქო პანაშვიდი იმართება

98
spot_img

სამების საკათედრო ტაძარში ოკუპირებული აფხაზეთიდან გადმოსვენებული, 1990-იანი წლების შეიარაღებული მოქმედებების დროს უგზო-უკვლოდ დაკარგული 20 იდენტიფიცირებული პირის სამოქალაქო პანაშვიდი იმართება.

გარდაცვლილები გადმოასვენეს სახელმწიფო მინისტრის აპარატისა და წითელი ჯვრის საერთაშორისო კომიტეტის თანამშრომლობით, ორმხრივი ქართულ-აფხაზური საკოორდინაციო მექანიზმის ფარგლებში.

მათგან 14 სამხედრო და 6 მშვიდობიანი მოქალაქეა. სამოქალაქო პანაშვიდი 2 დღის განმავლობაში გაიმართება. 5 მებრძოლს დიღმის ძმათა სასაფლაოზე სამხედრო პატივით დაკრძალავენ, დანარჩენებს კი ოჯახების გადაწყვეტილებით, სხვადასხვა ადგილებში, მათ შორის საგვარეულო სასაფლაოებზე დაკრძალავენ.