სალომე ზურაბიშვილი ამბობდა, რომ სწორი იყო გადაწყვეტილება, როდესაც ჩვენ არ მოგვეცა კანდიდატის სტატუსი -შალვა პაპუაშვილი

43
spot_img

სალომე ზურაბიშვილი ამბობდა, რომ სწორი იყო გადაწყვეტილება, როდესაც ჩვენ არ მოგვეცა კანდიდატის სტატუსი, ეს მისი ციტატაა, რომ ეს იყო სამართლიანი გადაწყვეტილება, ასევე, ის ამბობდა, რომ საქართველო არ ასრულებს რეკომენდაციებს და შესაბამისად ახლაც არ იმსახურებს გადაწყვეტილებას, ესეც მისი ციტატაა, – ამის შესახებ პარლამენტის თავმჯდომარემ, შალვა პაპუაშვილმა განაცხადა.

მისი თქმით, საზოგადოებამ ნახა ის შედეგები, რომელიც სალომე ზურაბიშვილის საზღვარგარეთ ვიზიტებს მოჰყვა.

„ვნახეთ, რომ მან იმ ვიზიტებში, რომელშიც იმყოფებოდა, ისე რომ ნებართვა არ ჰქონდა მთავრობისგან, რა შედეგები გამოჰქონდა, გამოსული არ იყო ოთახიდან ერთ-ერთი ქვეყნის პრეზიდენტისა, როდესაც იმ ქვეყნის პრეზიდენტმა განაცხადა და მოუწოდა საქართველოს, რომ დავუწესოთ სანქციები რუსეთს. ეს არის საბოლოო ჯამში მისი შედეგები, რაც ჩვენ ხილულად ვნახეთ და რაც დახურულ კარს მიღმა მიდიოდა“, – განაცხადა პაპუაშვილმა.