“საკონსტიტუციო ცვლილებებით სერიოზული პრობლემების გადაფარვა ხდება” – ხატია დეკანოიძე

13
spot_img

საკონსტიტუციო ცვლილებებით სერიოზული პრობლემების გადაფარვა ხდება, – ამის შესახებ ოპოზიციონერმა დეპუტატმა, ხატია დეკანოიძემ განაცხადა.

როგორც ხატია დეკანოიძემ აღნიშნა, ამ თემას „ქართული ოცნება“ საკუთარი პროპაგანდისთვის გამოიყენებს.

„ადამიანებს ის გამოგონილი თემა არ აწუხებთ, რომელზეც რეალურად მარტო „ქართული ოცნება“ ლაპარაკობს და მეტი არავინ. ეს არის პროპაგანდის ნაწილი და იმის გაგრძელება, რაც გულისხმობს იმას, რომ ნებისმიერ ფასად ბიძინა ივანიშვილმა შეინარჩუნოს ძალაუფლება. ვფიქრობ, ამას გაგრძელება არ ექნება და ეს, უბრალოდ, ძალიან სერიოზულად ჩავარდნილი პროექტია „ქართული ოცნების“ მხრიდან. დარწმუნებული ვარ, ეს მხოლოდ იმიტომ გამოიგონეს, ვითომ ოპოზიციის დისკრედიტაცია მოახდინონ, რაც არ მოხდება, რადგან საქართველოს მოქალაქეებს სრულიად სხვა პრობლემები აწუხებთ“, – განაცხადა დეკანოიძემ.

პარტია „ქართულმა ოცნებამ“ ოჯახურ ღირებულებათა და არასრულწლოვანთა დაცვის შესახებ საკონსტიტუციო ცვლილებები მოამზადა.