მიხეილ სააკაშვილი ქართული პოლიტიკიდან არასდროს წასულა, – ასე გამოეხმაურა უმრავლესობის წევრი ირაკლი ქადაგიშვილი საქართველოს ყოფილი პრეზიდენტის, მიხეილ სააკაშვილის ქართულ პოლიტიკაში შესაძლო დაბრუნებას.
ქადაგიშვილის თქმით, „ბოლო სერიაში მიხეილ სააკაშვილი იტყვის, რომ მას საერთაშორისო იმპერიალისტური ძალები დევნიან“.
„სხვადასხვა როლი ჰქონდა მორგებული. წინა სერიაში იყო – მომწამლეს, მკლავენ და მაწამებენ, მაგრამ ამას სტრასბურგის სასამართლომ საბოლოოდ წერტილი დაუსვა. დღევანდელი სერიაა – დავბრუნდი პოლიტიკაში, პრემიერ-მინისტრი უნდა გავხდე და ა.შ. ბოლოს, ალბათ, მესამე სერია დამთავრდება – საერთაშორისო იმპერიალისტური ძალები მდევნიან. ეს არის მიხეილ სააკაშვილის პოლიტიკის მთელი სიუჟეტი“, – განაცხადა ქადაგიშვილმა.
