რუსულმა ძალებმა რივნეში ნავთობბაზა გაანადგურეს – ომის 533-ე დღე

106
spot_img

ომის 533-ე დღეს, ოკუპანტები უკრაინის ქალაქებს ისევ ბომბავენ. სარაკეტო დარტყმა ამჯერად ზაპოროჟიეს დასახლებულ რაიონზე განხორციელდა, რის შედეგადაც ტაძარი, რამდენიმე საცხოვრებელი სახლი და სავაჭრო ობიექტები დაზიანდა.

ბოლო ინფორმაციით, დაიღუპა 2 ადამიანი. არიან დაშავებულებიც.

რუსულმა ძალებმა რივნეს ოლქზე დრონების გამოყენებით მასიური იერიში განახორციელეს, – ინფორმაციას უკრაინული მედია რივნის საოლქო-სამხედრო ადმინისტრაციის ხელმძღვანელზე, ვიტალი კოვალიზე დაყრდნობით ავრცელებს.

მათივე ინფორმაციით, თავდასხმის შედეგად დუბნოს რაიონში, ნავთობბაზა განადგურდა.

„რივნეს ოლქში უპილოტო თვითმფრინავების მასიურ თავდასხმის სამიზნე გახდა. სამწუხაროდ, დუბნოში ნავთობბაზა განადგურდა. მსხვერპლი არ არის“, – წერს ვიტალი კოვალი „ტელეგრამზე“.

მისი ინფორმაციით, ადგილზე 45 მაშველი და 14 ერთეული ტექნიკა მუშაობს.

„ქიმიური და რადიაციული ფონი ნორმალურია. მოსახლეობის ევაკუაცია არ განხორციელდება“, – აცხადებს კოვალნი.