“რუსმა დამპყრობლებმა მარიუპოლში ყველა ხიდი დანაღმეს”- პეტრო ანდრიუშჩენკო

134
spot_img

რუსეთის საოკუპაციო ძალებმა მარიუპოლში ყველა ხიდი დანაღმეს და თითოეული მათგანის გარშემო თავდაცვითი ნაგებობები აღმართეს, – ამის შესახებ ემიგრაციაში მყოფი მარიუპოლის მერის მრჩეველმა, პეტრო ანდრიუშჩენკომ განაცხადა, რომელმაც ინფორმაცია „ტელეგრამის“ საშუალებით გაავრცელა.

„მარიუპოლში ოკუპანტებმა ყველა ხიდი დანაღმეს და თითოეულ მათგანთან თავდაცვითი სტრუქტურები შექმნეს. ახლა ხიდებზე გადასასვლელი შეზღუდულია და თავდაცვითი სტრუქტურების ტერიტორია შემოღობილია“, – წერს ანდრიუშჩენკო.

ოფიციალური პირის თქმით, ამით რუსები მარიუპოლისთვის გარდაუვალი ბრძოლისთვის ემზადებიან.