“რუსეთს უკრაინაში კონფლიქტის საკუთარი პირობებით დასრულება სურს” – ვლადიმერ პუტინი

122
spot_img

რუსეთსაც სურს უკრაინაში კონფლიქტის დასრულება, ოღონდ საკუთარი პირობებით, – ამის შესახებ რუსეთის პრეზიდენტმა, ვლადიმერ პუტინმა განაცხადა.

„ჩვენ ასევე გვსურს კონფლიქტის დასრულება. და რაც შეიძლება სწრაფად. მხოლოდ ჩვენი პირობებით. ჩვენ არ გვაქვს სურვილი გაუთავებლად ვიბრძოლოთ. მაგრამ ჩვენ არ ვაპირებთ ჩვენი პოზიციების დათმობას“, – აღნიშნა პუტინმა.

მისი თქმით, რუსეთის მოწინააღმდეგე დასავლეთია, რომელიც პრობლემების მოგვარებას უკრაინის დახმარებით ცდილობს. „საქმე იმაში კი არ არის, რომ ისინი ჩვენს მოწინააღმდეგეს ეხმარებიან, არამედ ისინი ჩვენი მოწინააღმდეგეები არიან. ისინი საკუთარ პრობლემებს მათი ხელით აგვარებენ, საქმე ამაშია“, – აღნიშნა პუტინმა ვიშნევსკის სამხედრო ჰოსპიტალში სამხედრო მოსამსახურეებთან შეხვედრისას.