რუსეთის ძალებმა ხარკოვის ოლქის სოფელ გროზაზე საარტილერიო დარტყმა მიიტანეს, რის შედეგადაც, სულ მცირე, 49 ადამიანი დაიღუპა. ინფორმაციას ამის შესახებ უკრაინული მედია ავრცელებს.
“დაახლოებით 13:15 საათზე რუსებმა სოფელში მდებარე კაფე და მაღაზია დაბომბეს, სადაც უამრავი მშვიდობიანი მოქალაქე იმყოფებოდა.
შემთხვევის ადგილზე მაშველები ამ დრომდე მუშაობენ. ამ დროისთვის ნანგრევებიდან ამოყვანილია 48 დაღუპული ადამიანის ცხედარი, მათ შორის 6 წლის ბიჭი.
დაშავებულია 6 ადამიანი, მათ შორის 1 ბავშვი. ექიმები მათ აუცილებელ დახმარებას უწევენ. ადგილზე სამაშველო სამუშაოები გრძელდება”, – ნათქვამია განცხადებაში.
