“რუსეთი ჩრდილოეთ კორეასთან ურთიერთობებს აძლიერებს, რათა მეტი საბრძოლო მასალა შეიძინოს” – „ომის შემსწავლელი ინსტიტუტი“

საერთაშორისო ორგანიზაცია „ომის შემსწავლელი ინსტიტუტი“ რუსეთისა და ჩრდილოეთ კორეის ურთიერთობების შესახებ მოკლე მიმოხილვას აქვეყნებს.

როგორც ორგანიზაციის ანალიტიკოსები აცხადებენ, რუსეთი აძლიერებს ურთიერთობას ჩრდილოეთ კორეასთან, რათა შეიძინოს მეტი საარტილერიო საბრძოლო მასალა საზღვარგარეთიდან რუსეთში საბრძოლო მასალის დეფიციტის ფონზე.

სამხედრო ანალიტიკოსები მიიჩნევენ, რომ რუსეთის პრეზიდენტის ვლადიმერ პუტინის დაგეგმილი ვიზიტი ჩრდილოეთ კორეაში უახლოეს მომავალში და რუსეთ-ჩრდილოეთ კორეის ურთიერთობების გაღრმავება არის რუსეთის მცდელობების ნაწილი, შეიძინოს საბრძოლო მასალა საზღვარგარეთიდან.

„ომის შემსწავლელი ინსტიტუტის“ ანალიტიკოსები ციტირებენ, უკრაინის მთავარი სადაზვერვო სამმართველოს ხელმძღვანელის კირილ ბუდანოვის განცხადებას, რომლის თანახმადაც ჩრდილოეთ კორეამ რუსეთს მიაწოდა საარტილერიო საბრძოლო მასალის მნიშვნელოვანი რაოდენობა, რამაც რუსეთს „ცოტა ამოსუნთქვის“ საშუალება მისცა.

ინფორმაციისთვის, 20 იანვარს რუსეთის პრეზიდენტმა ვლადიმერ პუტინმა ჩრდილოეთ კორეის საგარეო საქმეთა მინისტრ ჩოი სონგ ჰესთან შეხვედრისას მზადყოფნა გამოთქვა, ეწვიოს ჩრდილოეთ კორეას.