“როცა ორი დაპირისპირებული მხარე ხელიაუფლებისთვის იბრძვიან, ვის უნდა ელაპარაკო, ვის სცალია უცხოელებისთვის?”-სალუქვაძე

64
spot_img
“ამ ქვეყანაში ბოლო სამ წელში ორი სამხედრო გადატრიალება მოხდა, 2019 და 2021 წლებში. სახელმწიფოს მართავს გარდამავალი სამხედრო საბჭო, უფრო გასაგებად – ხუნტა”- ასე ეხმაურება სოციალურ ქსელში სუდანში მიმდინარე მოვლენებს ექსპერტი, ამირან სალუქვაძე.
“სუდანის შესახებ, ორი სიტყვით.
ამ ქვეყანაში ბოლო სამ წელში ორი სამხედრო გადატრიალება მოხდა, 2019 და 2021 წლებში. სახელმწიფოს მართავს გარდამავალი სამხედრო საბჭო, უფრო გასაგებად – ხუნტა.
კონფლიქტი მოჰყვა სწრაფი რეაგირების ძალების არმიის შემადგენლობაში შეყვანის მცდელობას.
ეს მიზეზი ყველგან ითქვა, მაგრამ არსის უკეთ გასაგებად, უნდა დაზუსტდეს შემდეგი: არმია ექვემდებარება სამხედრო მთავრობის ხელმძღვანელს, გენერალია, ხოლო სწრაფი რეაგირების ძალები – ვიცე-პრეზიდენტს, ასევე გენერალია. გვარებით არ გადაგღლით.
ის რომ ყველა ფორმირება შეიარაღებულ ძალებში უნდა გადავიდეს, თანხმობა ჰქონდათ. ლიდერები, ანუ ვიცე-პრეზიდენტი და სამხედრო მთავრობის ხელმძღვანელი, ვერ შეთანხმდნენ ამ ინტეგრაციის ვადებთან დაკავშირებით, რასაც სამხედრო დაპირისპირება მოჰყვა.
რჩევა რომელიმე ქვეყანაში გამგზავრების წინ: უნდა გადახედოთ ინტერნეტს, ვიკიპედიას. როცა ქვეყანაში სამხედრო მმართველობაა, ხშირია გადატრიალებები და სხვა, ასეთ ქვეყანაში მგზავრობას, სამუშაოდ წასვლას უნდა მოერიდოთ, რადგან შეიარაღებული შეტაკებების განახლების შემთხვევაში, როცა ქვეყანაში სახელისუფლებო სტრუქტურები მოშლილია, შენი სახელმწიფოს და მისი საელჩოების მხრიდან დახმარების გაწევის შესაძლებლობა შეზღუდულია, ან შეუძლებელია.
როცა ორი დაპირისპირებული მხარე ხელისუფლებისთვის იბრძვიან, ვის უნდა ელაპარაკო, ვის სცალია უცხოელებისთვის?
სუდანის შემთხვევაში სახელმწიფო ყველაფერს გააკეთებს და უნდა გააკეთოს. რაც დავწერე, სამომავლო რჩევაა,”- წერს ამირან სალუქვაძე.