“როგორც ჩანს, უახლოეს დღეებში მთიან ყარაბაღში არც ერთი სომეხი აღარ დარჩება”-ფაშინიანი

405
spot_img

როგორც ჩანს, უახლოეს დღეებში მთიან ყარაბაღში არც ერთი სომეხი აღარ დარჩება, – ამის შესახებ სომხეთის მთავრობის სხდომაზე პრემიერ-მინისტრმა, ნიკოლ ფაშინიანმა განაცხადა.

„ანალიზის საფუძველზე შეიძლება დავასკვნათ, რომ უახლოეს დღეებში მთიან ყარაბაღში არც ერთი სომეხი აღარ დარჩება. ეს ეთნიკური წმენდის პირდაპირი აქტია, რის შესახებაც დიდი ხანია საერთაშორისო საზოგადოებას ვაფრთხილებდით. მნიშვნელოვანია, რომ საერთაშორისო აქტორები საკუთარ განცხადებებში ეთნიკურ წმენდას გმობენ, მაგრამ თუ ამ განცხადებებს არ მოჰყვება კონკრეტული ქმედებები, ეს ისტორიაში მხოლოდ მორალური სტატისტიკის შექმნის მაგალითად დარჩება“, – აცხადებს ფაშინიანი.

სომხეთის მთავრობის ინფორმაციით, მთიანი ყარაბაღის რეგიონიდან სომხეთში უკვე 50 ათასზე მეტი ეთნიკური სომეხი გადავიდა.