გარემოს ეროვნული სააგენტოს ცნობით, 6 – 7 ივნისს საქართველოში შენარჩუნებული იქნება წვიმიანი ამინდი, ზოგან ელჭექით, აღმოსავლეთ საქართველოში შესაძლებელია სეტყვა. ჰაერის ტემპერატურა დღის საათებში დაბლობსა და ბარში +22, +27 გრადუსი იქნება.
სინოპტიკოსების პროგნოზით, 8-9 ივნისს დასავლეთ საქართველოში გამოიდარებს და +31, + 33 გრადუსამდე დაცხება. აღმოსავლეთ საქართველოში იწვიმებს მხოლოდ ცალკეულ რაიონში.
ასევე, გარემოს ეროვნული სააგენტოში აცხადებენ, რომ თბილისში დროგამოშვებით იწვიმებს. ჰაერის ტემპერატურა დღის საათებში +26, +28 გრადუსი დაფიქსირდება.
