“რას ნიშნავს ეს წარმომავლობის მიხედვით დაყოფა?!”- ვასილ მაღლაფერიძე
“აი, საიდანაც არ უნდა შეხედო, ერთობ უხერხული განცხადებაა, ერთობ და უაღრესად ერთობ!”- ასე ეხმაურება ვასილ მაღლაფერიძე საფრანგეთის პრეზიდენტის ემანუელ მაკკრონის განცხადებას, რომლითაც მან ქვეყნის შინაგან საქმეთა მინისტრს, ჯერალდ დარმანინს მიმართა, რომ განსაკუთრებული ყურადღება შემოწმებისას მიექცეს კავკასიური წარმომავლობის 16-25 წლის ასაკის ჯგუფებს.
“აი, საიდანაც არ უნდა შეხედო, ერთობ უხერხული განცხადებაა, ერთობ და უაღრესად ერთობ! რას ნიშნავს ეს წარმომავლობის მიხედვით დაყოფა?!
ჰიუგო სხვა საფრანგეთს მასწავლიდა!
P.S. როგორ გრძელდება ის ლექსი, მე პატარა ქართველი ვარო?!’- წერს სოციალურ ქსელში ვასილ მაღლაფერიძე.
“ემანუელ მაკრონმა ქვეყნის შინაგან საქმეთა მინისტრს, ჯერალდ დარმანინს მიმართა, რომ განსაკუთრებული ყურადღება შემოწმებისას მიექცეს კავკასიური წარმომავლობის 16-25 ასაკის ჯგუფებს.”
შეგახსენებთ, რომ საფრანგეთის პრეზიდენტმა, ემანუელ მაკრონმა რეგიონების ხელმძღვანელებს დაავალა, შეამოწმონ ყველა რადიკალიზებული პირის მონაცემები და განსაკუთრებული აქცენტი კავკასიური წარმომავლობის ადამიანებზე გააკეთონ.
ფრანგული მედიის ინფორმაციით, საფრანგეთის პრეზიდენტი ითხოვს „დაუნდობელ მიდგომას ყველას მიმართ, ვინც სიძულვილის და ტერორისტული იდეოლოგიის მატარებელია“.
ემანუელ მაკრონის დავალებით, პრეფექტურებმა რადიკალიზაციის შესაფასებლად შეხვედრები პოლიციის, ჟანდარმერიის, ციხის სამსახურების, სასამართლოსა და დაზვერვის მონაწილეობით უნდა გამართონ. შემოწმების მიზანია, ყველა რადიკალიზებული უცხოელის იდენტიფიცირება, რომლებიც სავარაუდოდ გაძევებული იქნებიან საფრანგეთიდან.
ემანუელ მაკრონმა ქვეყნის შინაგან საქმეთა მინისტრს, ჯერალდ დარმანინს მიმართა, რომ განსაკუთრებული ყურადღება შემოწმებისას მიექცეს კავკასიური წარმომავლობის 16-25 წლის ასაკის ჯგუფებს.
ელისეს სასახლეში ირწმუნებიან, რომ საუბარი არ არის კონკრეტული თემის სტიგმატიზაციაზე.
13 ოქტომბერს, საფრანგეთის ქალაქ არასში ჩეჩნური წარმოშობის მოჰამედ მოგოუჩკოვმა ლიტერატურის პროფესორი, დომინიქ ბერნარი მოკლა.
