“ქვეყანამ ისტორიას უნდა ჩააბაროს პოლიტიკური დევნა” – ზურაბ ჭიაბერაშვილი

24
spot_img

აუცილებელი და გადაუდებელი ამოცანაა პრეზიდენტ სააკაშვილის გათავისუფლება. თუ ჩვენ გვინდა ევროპა, წინსვლა, ადამიანების ცხოვრების შეცვლა უკეთესობისკენ, მაღალანაზღაურებადი სამუშაო ადგილები და სტაბილური ფასები, ქვეყანამ ისტორიას უნდა ჩააბაროს პოლიტიკური დევნა, – ამის შესახებ „ერთიანი ნაციონალური მოძრაობის“ საგარეო მიმართულების მდივანმა, ზურაბ ჭიაბერაშვილმა განაცხადა.

ჭიაბერაშვილის თქმით, უკლებლივ ყველა გამოკითხვაში, საქართველოს ყოველი სამი მოქალაქიდან ორი მხარს უჭერს მიხეილ სააკაშვილის დაუყოვნებლივ გათავისუფლებას.

„საქართველოს მოქალაქეებმა, რომელთა აბსოლუტურ უმრავლესობას უნდა ქვეყანა გახდეს ევროკავშირის წევრი და მიიღოს ის სარგებელი, რაც მოდის ევროკავშირისგან. ეს არის მაღალანაზღაურებადი სამუშაო ადგილები, ეს არის სტაბილური ფასები, ეს არის ძლიერი ოჯახები, მდიდარი ოჯახები, ძლიერი ადამიანები, რომლებიც მყარად დგანან ფეხზე. [მოსახლეობამ] ეს სარგებელი რომ მიიღოს, წინ ეღობება მიხეილ სააკაშვილის პატიმრობა, პოლიტიკური დევნა და ამიტომ მოქალაქეების აბსოლუტური უმრავლესობა ამბობს, რომ სააკაშვილი უნდა გათავისუფლდეს; სალომე ზურაბიშვილმა ყური უნდა უგდოს ამას.

მოქალაქეების აზრით, მეორე მიზეზი თუ რატომ უნდა გათავისუფლდეს მიხეილ სააკაშვილი, არის ზუსტად ის, რომ მიხეილ სააკაშვილი არის ის ადამიანი, რომლის ეკონომიკურმა რეფორმებმა, ჩვენ გვაჩვენა ვარდების რევოლუციის შემდეგ, მაღალი ეკონომიკური ზრდა, გვაჩვენა ის, რომ კეთილდღეობა იყო მოქალაქეთა უდიდესი ნაწილისთვის და არა პატარა კლანისთვის, რომელიც მდიდრდება დღეს ივანიშვილის რეჟიმის პირობებში და სწორედ ივანიშვილი ეღობება, მათ შორის პოლიტიკური დევნით, საქართველოს კეთილდღეობას, საქართველოს მოქალაქეების კეთილდღეობას, ოჯახების გამდიდრებას, ძლიერად ფეხზე დადგომას. ამიტომ აუცილებელია და გადაუდებელი ამოცანაა სააკაშვილის გათავისუფლება. ქვეყანამ ისტორიას უნდა ჩააბაროს პოლიტიკური დევნა, თუ გვინდა ჩვენ წავიდეთ წინ, ადამიანების ცხოვრება შეიცვალოს უკეთესობისკენ, იყოს მაღალანაზღაურებადი სამუშაო ადგილები, სტაბილური ფასები“, – განაცხადა ზურაბ ჭიაბერაშვილმა.