,, ყველამ შეძლებისდაგვარად უნდა დავუჭიროთ მხარი უკრაინას”- ხავიერ კალომინა

58
spot_img

სამხრეთ კავკასიასა და ცენტრალურ აზიაში ნატოს გენერალური მდივნის სპეციალური წარმომადგენლის ხავიერ კალომინას განცხადებით, ნატო ძალიან მჭიდროდაა დაკავშირებული საქართველოსთან და საქმე, რომელიც ორმხრივ ფორმატში კეთდება, შესანიშნავია.

კალომინას თქმით, ძლიერი შეშფოთებაა არსებითი რეფორმების იმპლემენტაციის დონესთან და ტემპთან მიმართებით, ისევე როგორც უცხოური გავლენების პროექტთან დაკავშირებით.

„რეაქციები, რომელსაც ვკითხულობთ და ვხედავთ, არის ჩვენთვის შემაშფოთებელი. მე გადავეცი ეს გზავნილი თქვენს ხელისუფლებას. ჩვენ გვესმის, რომ ეს მოსკოვის ცალმხრივი გადაწყვეტილებაა, მაგრამ რეაქციები საქართველოს მხრიდან იმ მომენტში, როდესაც კრიტიკული მომენტია, ყველამ შეძლებისდაგვარად უნდა დავუჭიროთ მხარი უკრაინას.

ვფიქრობთ, ამგვარმა რეაქციებმა შესაძლოა, შექმნას ჩრდილი, რომ რუსეთის მხრიდან სანქციებისთვის შესაძლო თავის არიდება ხდება ამ კონკრეტულ მომენტში. ამიტომ ჩვენ უნდა ვიყოთ ძალიან მკაფიო, ყველა უნდა ვიყოთ უკრაინისთვის, ეს არის, რასაც ველოდებით საქართველოსგან და ყველა პარტნიორისგან. რეაქციები, რომელსაც ვკითხულობთ, რა საკვირველია, ჩვენთვის შეშფოთებას იწვევს და ესეც გავუზიარეთ თქვენს ხელისუფლებას“, – განაცხადა ხავიერ კალომინამ.