Home Blog Page 3

“ბრიქსის” რომელიმე ქვეყანამ დოლარის განადგურება რომ ახსენოს, 150%-ანი ტარიფი დაეკისრება -დონალდ ტრამპი

აშშ-ის პრეზიდენტმა, დონალდ ტრამპმა განაცხადა, რომ BRICS-ის ქვეყნებს, შესაძლოა, აშშ-ისგან 150%-იანი ტარიფები დაეკისროთ „დოლარის განადგურების მცდელობისთვის“.

ამის შესახებ დონალდ ტრამპმა რესპუბლიკელი გუბერნატორების ასოციაციის შეხვედრაზე განაცხადა, სადაც ქვეყანაში რეგულაციების შემსუბუქების პირობა დადო.

„„ბრიქსის“ ქვეყნებს დაახლოებით ექვსი ქვეყანა წარმოადგენს, რომლებიც ცდილობდნენ ჩვენი დოლარის განადგურებას. იცით, ახალი ვალუტის შექმნას აპირებდნენ. სავარაუდოდ, უნდოდათ ჩინური იუანის გამოყენება. და ბაიდენმა თქვა: „კარგი, ეს რთული სიტუაციაა. ბევრს ვერაფერს გავაკეთებთ. ამას ვერ ვუშველით“. მე ვთქვი: „შეგვიძლია, ვუშველოთ“. როცა მოვედი, პირველი რაც ვთქვი, იყო, რომ „ბრიქსის“ ნებისმიერ ქვეყანას, რომელიც თუნდაც ახსენებს დოლარის განადგურებას, 150%-იანი ტარიფი დაეკისრება“, – განაცხადა დონალდ ტრამპმა.

თიბისი ლიზინგს კორპორაციული მდგრადობის ჯილდო გადაეცა

19 თებერვალს, გაეროს გლობალური შეთანხმების საქართველოს ქსელის ორგანიზებით “კორპორაციული მდგრადობის ჯილდო – ბიზნესი მდგრადი განვითარებისთვის “ მეშვიდე ცერემონია გაიმართა. SDG17 “პარტნიორობა მდგრადი განვითარებისთვის – პარტნიორული პროექტები/მდგრადი დაფინანსება” კატეგორიაში ჯილდო თიბისი ლიზინგს გადაეცა.  აღნიშნული პრიზი მან ფონდი მწვანე ზრდისთვის (GGF)-ის საკრედიტო ხაზის დახმარებით მზის ფოტოვოლტური პროექტების წამოწყებისთვის მიიღო.

ადგილობრივი და საერთაშორისო შემფასებლებისგან შემდგარი ჟიურის განსაკუთრებული მოწონება კომპანიის მიერ წარდგენილმა განვითარების გრძელვადიანმა სტრატეგიამ დაიმსახურა, რაც ეკომეგობრული და მდგრადი პროექტების დაფინანსებას გულისხმობს.

მიმდინარე წელს, ღონისძიება განსხვავებული ფორმატით ჩატარდა. ჟიურის მიერ შერჩეული გამარჯვებული კომპანიების წარმომადგენლებმა, დიპლომატიური კორპუსის და საერთაშორისო ორგანიზაციების წარმომადგენლებთან ერთად, ჯილდოს თემატური ნომინაციების ირგვლივ გამართულ პანელურ დისკუსიებში მიიღეს მონაწილეობა. ღონისძიება შედგა სამი პანელური დისკუსიისგან: მმართველობითი საკითხები და პარტნიორობა, გარემოს დაცვა და სოციალური საკითხები.

აღსანიშნავია, რომ ლიზინგი, თავისი არსით „მწვანე“ ინიციატივაა, რადგან საშუალებას აძლევს ბიზნესებს ინვესტიცია განახორციელონ უფრო ახალ და ეფექტიან აღჭურვილობაში, რომელიც ნაკლებ რესურსს მოიხმარს.

თიბისი ლიზინგის დაფინანსებული პროექტების მნიშვნელოვანი ნაწილი ფოკუსირებულია გარემოს დაცვასა და განახლებად ენერგიაზე – როგორიცაა მზის პანელები და მცირე ზომის ჰიდროელექტროსადგურები. კომპანია ხელს უწყობს ენერგოეფექტური სასოფლო-სამეურნეო და საწარმოო აქტივების დაფინანსებას. 2024 წლის მდგომარეობით მისი მწვანე პორტფელის მოცულობამ 40 მილიონი ლარი შეადგინა.

„მოხარულები ვართ, რომ მივიღეთ კორპორაციული მდგრადობის ჯილდო. ჩვენი გრძელვადიანი პარტნიორების მხარდაჭერის წყალობით, მწვანე და პასუხისმგებლობიან დაფინანსებაზე ხელმისაწვდომობის გაზრდით, ხელი შევუწყვეთ ადგილობრივი მცირე და საშუალო ზომის საწარმოების კიდევ უფრო გაძლიერებასა და მათი მწვანე საქმიანობის გაფართოებას. ჩვენი, როგორც საქართველოს წამყვანი სალიზინგო კომპანიის მიზანია შევქმნათ პროდუქტების უფრო ფართო არჩევანი, რაც ადგილობრივ მცირე და საშუალო ზომის საწარმოებს საშუალებას მისცემს ისარგებლონ დაფინანსების ალტერნატიული საშუალებებით, რათა გააფართოონ თავიანთი ბიზნესსაქმიანობა“, – გაგა გოგუა, თიბისი ლიზინგის დირექტორი.

(R)

 სერიოზული პანიკა გამოიწვია იმან, რომ რევოლუცია არ შედგა, სისხლი არ დაიღვარა, როგორც ამას მაკკეინის ინსტიტუტი მოუწოდებდა ახალგაზრდებს, დესტაბილიზაცია არ შედგა და ახლა ახალი ინსტრუქცია გამოსცეს -გიორგი ვოლსკი

დესტაბილიზაცია არ შედგა და აქედან გამომდინარე, ახალი ინსტრუქცია გამოსცეს, – განაცხადა პარლამენტის პირველმა ვიცე-სპიკერმა გიორგი ვოლსკიმ. უმრავლესობის დეპუტატი გამოეხმაურა ლორა თორნტონის განცხადებას, სადაც ის საქართველოში პროტესტის მუხტის გაძლიერებაზე საუბრობს.

„სერიოზული პანიკა, გაწბილება, ისტერიკა გამოიწვია იმან, რომ რევოლუცია არ შედგა, სისხლი არ დაიღვარა, როგორც ამას მაკკეინის ინსტიტუტი ქვეყანას მოუწოდებდა და მოუწოდებდა ახალგაზრდებს, რომ ჩართულიყვნენ ისეთ პროტესტში, რომელიც აუცილებლად მიიყვანდა საქართველოს მეიდნის სცენარამდე. დღემდე გრძელდება სერიოზული ზეწოლა საქართველოზე, მის ხელისუფლებაზე იმასთან დაკავშირებით, რომ პოლიტიკა რომელსაც ჩვენ ვატარებთ, არ ემთხვევა იმ პოლიტიკას რომელსაც ატარებდა და გეგმავდა თუნდაც მაკკეინის ინსტიტუტი. დესტაბილიზაცია არ შედგა და აქედან გამომდინარე ახალი ინსტრუქცია გამოსცეს“, – განაცხადა ვოლსკიმ.

მაკკეინის ინსტიტუტის გლობალური დემოკრატიის პროგრამების უფროსის, ლორა თორნტონის აზრით, მომიტინგეებმა საქართველოში პროტესტი სამოქალაქო დაუმორჩილებლობასა და გაფიცვაში უნდა გადაიყვანონ. მისივე თქმით, საქართველოში ეკონომიკური კრიზისის შექმნაა საჭირო, რათა მომიტინგეებმა ხელისუფლება დაამარცხონ.

მემარცხენე რადიკალები ვაშინგტონზე შეიარაღებულ მარშს გეგმავენ -მარიო ნავფალი

ბლოგერმა მარიო ნავფალმა სოციალურ ქსელ X-ში დაწერა, რომ მემარცხენე რადიკალები ვაშინგტონზე შეიარაღებული მარშის მოწყობას გეგმავენ.

მისი თქმით, ამ გეგმას ექსტრემისტები სოციალურ ქსელ Reddit-ში განიხილავენ და არ მალავენ.

„მემარცხენე ექსტრემისტები Reddit-ზე ახლა ღიად საუბრობენ იარაღის მომარჯვებაზე და შეიარაღებული დაჯგუფების შექმნაზე, რასაც ისინი „კლასობრივ ომს“ უწოდებენ. ერთმა მომხმარებელმა საერთოდ დაწერა, რომ ისინი შეიარაღებულები ვაშინგტონზე მარშს გეგმავენ. და ამას იმით ამართლებს, რომ მას, როგორც ამერიკელს ამის უფლება აქვს“, – დაწერა მან.

სოციალური ქსელის Reddit-ის კიდევ ერთი მომხმარებელი წერს, რომ შეიარაღებული მარშის საჯაროდ გამოცხადება არასწორია, თუმცა მის თხოვნას არ ითვალისწინებენ.

„ეს იგივე ხალხია, რომელიც „მემარჯვენე ექსტრემიზმზე“ ყვირის და ქსელში ღიად გეგმავს ძალადობრივ მოქმედებებს. გააშუქებს თუა რა ამას მედია? თუ შეიარაღებული რადიკალიზმი მაშინ ხდება პრობლემა, როცა ის მათ დღის წესრიგს არ ემთხვევა?“, – დასძინა მარიო ნავფალმა.

https://x.com/MarioNawfal/status/1892639500901192129

როგორი ამინდია მოსალოდნელი დღეს საქართველოში

სინოპტიკოსები 21 თებერვალს მთელი ქვეყნის მასშტაბით თოვლიან ამინდს პროგნოზირებენ.

ქუთაისში დღისით +1 და ღამით -3 გრადუსია მოსალოდნელი, სინოპტიკოსები თოვას ვარაუდობენ.

თოვლს ელოდებიან ოზურგეთშიც, დღისით +2 გრადუსი დაფიქსირდება, ღამით კი -3 ითოვებს ბათუმშიც, დღისით ჰაერი +2 გრადუსამდე გათბება, ხოლო ღამით -2 გრადუსი დაფიქსირდება.

თოვლია მოსალოდნელი ფოთშიც. დღისით +4 გრადუსი დაფიქსირდება, ღამით კი -2 გრადუსია მოსალოდნელი. ითოვებს ზუგდიდშიც, დღისით ტემპერატურა +3, ღამით კი -5 გრადუსია ნავარაუდევი.

ითოვებს სოხუმშიც. +2 გრადუსია მოსალოდნელი დღისით, ღამით -4 გრადუსი დაფიქსირდება.

მესტიაში დღეს თოვლია მოსალოდნელი. დღისით -6 გრადუსი იქნება, ღამით კი -17 გრადუსი დაფიქსირდება. თოვლია მოსალოდნელი ამბროლაურში, ჰაერი -3 გრადუსამდე გათბება, ღამით კი -8 გრადუსი დაფიქსირდება.

თოვს ჭიათურაშიც, დღისით -2 გრადუსი, ღამით კი -8 გრადუსი დაფიქსირდება. თოვლი იქნება ახალციხეში, დღისით ჰაერი -3 გრადუსამდე გათბება, ღამით კი ტემპერატურა 14 გრადუსამდე დაიწევს.

ბორჯომშიც თოვლს ელოდებიან, -3 იქნება დღისით, ღამით კი -12 გრადუსი დაფიქსირდება. ბაკურიანში თოვლია მოსალოდნელი, დღისით -7 გრადუსია მოსალოდნელი, ღამით -19 გრადუსი დაფიქსირდება.

ითოვებს გორში, სადაც დღისით -3 გრადუსი, ღამის განმავლობაში კი -8 გრადუსი დაფიქსირდება. თოვლიანი დღე იქნება ცხინვალშიც, ჰაერის ტემპერატურა -4 გრადუსი იქნება, ღამით კი -10 გრადუსი დაფიქსირდება.

გუდაურში ითოვებს. დღის განმავლობაში -7 გრადუსი დაფიქსირდება, ღამით კი ჰაერის ტემპერატურა -20 გრადუსი იქნება. ომალოშიც ითოვებს, დღისით -5, ღამით კი -18 გრადუსი დაფიქსირდება.

ლაგოდეხშიც თოვს დღის განმავლობაში, ჰაერის ტემპერატურა დღის განმავლობაში +1 გრადუსი იქნება, ღამით კი -3 გრადუსი დაფიქსირდება. თელავში თოვლიანი ამინდია მოსალოდნელი. -1 გრადუსი დაფიქსირდება, ღამით კი -5 გრადუსია ნავარაუდევი.

გურჯაანშიც თოვს. დღისით 0 გრადუსი, ღამით კი -4 გრადუსი დაფიქსირდება. სიღნაღში დღისით -1 გრადუსია მოსალოდნელი, ღამით -5 გრადუსი დაფიქსირდება.

რუსთავშიც თოვლიანი დღეა, დღისით +1 გრადუსია მოსალოდნელი, ღამით კი -4 გრადუსი დაფიქსირდება.

ითოვებს თბილისშიც. ჰაერის ტემპერატურა დღისით 0 გრადუსს მიაღწევს, ღამით კი -5 გრადუსი იქნება.

 შეკავების გარეშე რუსეთი სიტყვას არ დაიცავს, ეს უკვე გამოვცადეთ უკრაინაში პირველი ომის შემდეგ, ეს არის ის, რასაც ვხედავთ რუსული ზეწოლის სახით საქართველოში -მაკრონი

შეკავების გარეშე რუსეთი სიტყვას არ დაიცავს, ეს უკვე გამოვცადეთ უკრაინაში პირველი ომის შემდეგ, ეს არის ის, რასაც ვხედავთ რუსული ზეწოლის სახით საქართველოში, – ამის შესახებ საფრანგეთის პრეზიდენტმა, ემანუელ მაკრონმა განაცხადა.

„ევროპელებმა, ამერიკელებმა და მათმა მოკავშირეებმა უნდა შეაკავონ რუსეთი, რომ არ დაბრუნდეს და ხელახალა არ დაიპყროს. ამგვარი შეკავების გარეშე რუსეთი თავის სიტყვას არ დაიცავს. ეს ჩვენ უკვე გამოვცადეთ. 2014 წლის შემდეგ, უკრაინაში პირველი ომის შემდეგ გვქონდა ის, რასაც მინსკის პირველი, შემდეგ კი მეორე შეთანხმება ეწოდა. ეს არის ის, რასაც ვხედავთ რუსული ზეწოლის სახით საქართველოში. ეს არის ის, რასაც ვხედავთ ყველგან, სადაც რუსეთი არის. ამიტომ ჩემი მიზანია სწორედ ასეთი მსხვერპლის თავიდან აცილება, აქტიური ჩართულობის გზით ომის თავიდან აცილება“, – განაცხადა მაკრონმა.

21 თებერვლის ასტროლოგიური პროგნოზი

ვერძი

დაძაბული დღეა. შესაძლოა, რომელიმე კოლეგამ ან ნაცნობმა სიტყვით ან მოქმედებით გაგანაწყენოთ, მაგრამ საპასუხო რეაქციაზე თავს ნუ შეიწუხებთ. რაც უფრო მშვიდად იქნებით, სიტუაცია მით უფრო სწრაფად მოგვარდება. პირადი ცხოვრება თქვენგან მოთმინების გამოჩენას მოითხოვს. შესაძლოა, საყვარელ ადამიანებს შორის ეჭვი და უნდობლობა გაჩნდეს, თუმცა ამის საფუძველი არ არსებობს.

რჩევა: სხვის ინტრიგებში ნუ ჩაერევით. რაც უფრო ნაკლები რეაქცია გექნებათ პროვოკაციებზე, მით უფრო ადვილი იქნება ეს დღე.

კურო

ამ დღეს კოლეგებთან და ბიზნესპარტნიორებთან ურთიერთობაში სიფრთხილე უნდა გამოიჩინოთ. შეიძლება ვიღაცამ სხვა ადამიანების პრობლემების განხილვაში თქვენი ჩათრევა სცადოს. ჯობია, ამისგან თავი შორს დაიჭიროთ და მთელი ყურადღება სამუშაოზე გადაიტანოთ. სამსახურში არახელსაყრელი დღეა ახალი საქმის დასაწყებად, მაგრამ შესაფერისია — მიმდინარე პროექტების დასასრულებლად. თუ პირად ცხოვრებაში თქვენი პარტნიორი ჩვეულებრივზე ცივად იქცევა, დასკვნების გამოტანას ნუ იჩქარებთ. შესაძლოა, მან განცდები დაუგროვდა, რომელთა განხილვისთვის ჯერ მზად არ არის.

რჩევა: ნუ ეცდებით ყველას ასიამოვნოთ – ახლა მნიშვნელოვანია საკუთარ კომფორტზე და არა სხვის მოლოდინებზე იზრუნოთ.

ტყუპები

ამ დღემ შეიძლება მოულოდნელი სირთულეები მოგიტანოთ, განსაკუთრებით იმ შემთხვევაში, თუ ბოლო დროს საკუთარ აზრს მეტისმეტად ღიად გამოხატავთ და სათქმელს პირდაპირ ამბობთ. შესაძლოა, ვიღაცამ ძველი წყენა გაიხსენოს ან თქვენთვის პროვოკაციის მოწყობა სცადოს. შეეცადეთ, სამსახურში დისკუსიაში მონაწილეობას მოერიდოთ — მით უფრო, თუ ის პირად თემებს ეხება. პირად ცხოვრებაში მცირე გაუგებრობა გელით. შესაძლოა, პარტნიორმა თქვენგან უყურადღებობა იგრძნოს. ეცადეთ, მასზე ზეწოლა არ მოახდინოთ და საკუთარ თავში გარკვევის საშუალება მისცეთ.

რჩევა: აკონტროლეთ საკუთარი სიტყვები — დღეს მათ შეიძლება მოულოდნელი შედეგი მოჰყვეს.

კირჩხიბი

თავი შორს დაიჭირეთ მათგან, ვინც გაღიზიანებთ. თქვენს გარემოცვაში არიან ადამიანები, რომლებსაც თქვენი წარმატების შურთ ან ცდილობენ უსარგებლო კამათში ჩაგითრიონ. ეცადეთ, კონფლიქტებში არ ჩაერიოთ და თქვენი გეგმები სანდო ადამიანებსაც კი არ გაუზიაროთ. მარტოხელა კირჩხიბები გრძნობენ, რომ მათი ემოციური მდგომარეობა არასტაბილურია – ვარსკვლავები გირჩევენ, წარსულზე ფიქრი შეწყვიტოთ და მომავლის გეგმები დაისახოთ. უმჯობესია საღამო საკუთარ თავს დაუთმოთ – დამამშვიდებელი აბაზანა, საყვარელი მუსიკა ან კითხვა ძალების აღდგენაში დაგეხმარებათ.

რჩევა: გაუფრთხილდით საკუთარ ძალებს და მოერიდეთ ადამიანებს, რომლებიც თქვენით მანიპულირებას ცდილობენ.

ლომი

ეს დღე თქვენგან თვითკონტროლს მოითხოვს. შესაძლოა, კოლეგამ ან ნაცნობმა სიტყვით და მოქმედებებით თქვენი გაღიზიანება სცადოს. მნიშვნელოვანია გახსოვდეთ, რომ ყველა კონფლიქტი თქვენს პასუხს არ საჭიროებს. პროფესიულ სფეროში უმჯობესია, ახალი პროექტები არ დაიწყოთ, რადგან მოულოდნელი სირთულეები გელით. გირჩევთ, მოლაპარაკებებში ნეიტრალური პოზიცია შეინარჩუნოთ.

რჩევა: ნუ მისცემთ უფლებას სხვის ემოციებს, რომ თქვენი განწყობა მართოს. ყურადღება გაამახვილეთ იმაზე, რაც ნამდვილად მნიშვნელოვანია.

ქალწული

მიზნისკენ მიმავალ გზაზე შეიძლება მცირე დაბრკოლება შეგხვდეთ, მაგრამ საბრძოლო განწყობა დაგეხმარებათ, ისინი ზედმეტი ძალისხმევის გარეშე დაძლიოთ. შეიძლება მოულოდნელი შეთავაზება მიიღოთ, რომელიც სწრაფ შეფასებას მოითხოვს. თქვენს პირად ცხოვრებაში შეიძლება ახალი იდეები ან გეგმები გაჩნდეს, რომლებიც ცვლილებებისკენ გიბიძგებენ.

რჩევა: დასკვნების გამოტანას ნუ იჩქარებთ — ჯობია, გადაწყვეტილების მიღებამდე ყველა ვარიანტი განიხილოთ.

სასწორი

შესაძლოა, ამ დღემ მოულოდნელი კონფლიქტი მოგიტანოთ. სამსახურში უმჯობესია მხოლოდ ყველაზე მნიშვნელოვანი საქმეები აკეთოთ და თავი ზედმეტი ვალდებულებებით არ დაიტვირთოთ. ვარსკვლავები გირჩევენ, ამ დღეს საყვარელ ადამიანთან ურთიერთობის გარკვევას მოერიდოთ. უმჯობესია საღამო განმარტოებით, მშვიდ ატმოსფეროში გაატაროთ.

რჩევა: ზოგჯერ ჰარმონიის შენარჩუნისთვის უსარგებლო დისკუსიებში არ უნდა ჩაერთოთ. შეინარჩუნეთ დისტანცია იმ ადამიანებთან, ვისაც თქვენს ცხოვრებაში სტრესი მოაქვს.

მორიელი

ამ დღეს შეიძლება არაკეთილგანწყობილი ადამიანებისგან მოულოდნელი ინტრიგები და ფარული პროვოკაციები წამოვიდეს. გამორიცხული არ არის, რომ ვიღაცამ თქვენი გულუბრყვილობით სარგებლობა სცადოს. ეცადეთ ემოციებს არ აჰყვეთ და მონაწილეობა არ მიიღოთ კამათში, რომელიც შეიძლება თქვენ წინააღმდეგ შემობრუნდეს. სამსახურში მოერიდეთ ჭორიკანა კოლეგებს. ახალი წამოწყებისთვის არახელსაყრელი დროა.

რჩევა: თავი შორს დაიჭირეთ ადამიანებთან, რომლებიც ორაზროვნად იქცევიან. ეცადეთ ზედმეტი ემოციებისა და სხვა ადამიანების უარყოფითი გავლენისგან თავი დაიცვათ.

მშვილდოსანი

ყველაფერს ნუ დაიჯერებთ, რასაც ამ დღეს გაიგებთ. შესაძლოა, ვიღაც ჭორებით ან ორაზროვანი მინიშნებებით თქვენს დაბნევას ცდილობს. ვარსკვლავები გირჩევენ, სიმართლის გარკვევაზე დრო არ დაკარგოთ და ყურადღება საკუთარ ამოცანებზე გადაიტანოთ. თუ სხვის საქმეებში არ ჩაერევით, პროფესიულ სფეროში დღე მშვიდად ჩაივლის,.

რჩევა: ჭორებსა და ვარაუდებს არ ენდოთ და თითოეული ინფორმაცია საგულდაგულოდ გადაამოწმეთ.

თხის რქა

ამ დღეს სიტყვებსა და ქმედებებში სიფრთხილე უნდა გამოიჩინოთ. გირჩევთ, სამსახურში საკუთარი აზრი ღიად არ გამოხატოთ. მით უმეტეს, თუ ეს თქვენი უფროსების ან კოლეგების პოზიციას ეწინააღმდეგება. არახელსაყრელი დღეა კამათისა და საკუთარი უფლებების დასაცავად — ჯობია, მნიშვნელოვანი დისკუსიები უფრო ხელსაყრელ მომენტამდე გადადოთ.

რჩევა: ნუ ცდილობთ, თქვენ ირგვლივ ყველაფერი აკონტროლოთ. ზოგჯერ ჯობია, უბრალოდ მოვლენების განვითარებას დაელოდოთ.

მერწყული

ამ დღეს საკუთარი სიტყვები უნდა აკონტროლოთ, რათა უნებურად ვინმეს გრძნობები არ შეურაცხყოთ ან ისეთი რამ არ თქვათ, რაც დაძაბულობას გამოიწვევს. სამსახურში ნეიტრალური პოზიცია შეინარჩუნეთ და კოლეგების პირადი ცხოვრება არ განიხილოთ – გამორიცხული არ არის, თქვენი სიტყვები თქვენ წინააღმდეგ გამოიყენონ. თუ მნიშვნელოვანი საქმეები გაქვთ, შეეცადეთ დღის ბოლომდე დაასრულოთ, რათა დასვენების დღეებს მშვიდად შეხვდეთ.

რჩევა: ამ დღეს ჯობია, მეტი მოისმინოთ და ნაკლები ილაპარაკოთ.

თევზები

ამ დღეს მოულოდნელი ემოციური აფეთქებები გელით, განსაკუთრებით — პირადი ურთიერთობების სფეროში. მთავარია, მომხდარზე ძალიან მკვეთრი რეაქცია არ მოახდინოთ და პროვოკაციებს არ აჰყვეთ. თუ სხვის საქმეებში არ ჩაერევით, სამსახურში დღე მშვიდად ჩაივლის. ჯობია, ყურადღება საკუთარ ამოცანებზე გადაიტანოთ და სხვისი პრობლემების გადაჭრას არ ეცადოთ.

ვიდრე სიტყვებს „პოლიტიკური რეპრესიები“ გამოიყენებთ, გაითვალისწინეთ, რომ საუბარია 29 ადამიანზე, რომლებიც „მოლოტოვის კოქტეილებს“ ესროდნენ პოლიციელებს, თავს ესხმოდნენ სახელმწიფო ინსტიტუტებს -ლევან მახაშვილი

სიტყვებს „პოლიტიკური რეპრესიები“ ვიდრე გამოიყენებთ, გაითვალისწინეთ, რომ საუბარია 29 ადამიანზე, რომელთა მიმართაც სისხლის სამართლის დევნა არის დაწყებული, – ამის შესახებ პარლამენტის ევროინტეგრაციის კომიტეტის თავმჯდომარემ, ლევან მახაშვილმა ეუთო-ს დემოკრატიის, ადამიანის უფლებებისა და ჰუმანიტარული საკითხების კომიტეტზე განაცხადა და ეუთო-ს საპარლამენტო ასამბლეის კომიტეტის მომხსენებელს, კარინა ოდებრინკს მიმართა.

ლევან მახაშვილის თქმით, თითოეულ მათგანზე კონკრეტული ვიდეომტკიცებულებები არსებობს.

„მინდა, გამოვეხმაურო კომიტეტის ანგარიშის რაპორტიორს, ქალბატონ ოდებრინკს. ვიდრე სიტყვებს „პოლიტიკური რეპრესიები“ გამოიყენებთ, გაითვალისწინეთ, რომ საუბარია 29 ადამიანზე, რომელთა მიმართაც არის სისხლის სამართლის დევნა დაწყებული, რადგან „მოლოტოვის კოქტეილებს“ ესროდნენ პოლიციელებს და თავს ესხმოდნენ სახელმწიფო ინსტიტუტებს. თითოეულ მათგანზე არსებობს კონკრეტული ვიდეომტკიცებულებები. საქართველოს ხელისუფლება მზად არის თქვენთან და თქვენს გუნდთან თანამშრომლობისთვის და ამ ვიდეომტკიცებულებების გაზიარებისთვის თქვენი ანგარიშის წერის პროცესში“, – განაცხადა ლევან მახაშვილმა.

ეუთო-ს საპარლამენტო ასამბლეის მესამე კომიტეტის მომხსენებელმა, კარინა ოდებრინკმა ეუთო-ს საპარლამენტო ასამბლეაზე განაცხადა: „საქართველოში დავინახეთ პოლიტიკური რეპრესიების მკვეთრი ზრდა გასული წლის არჩევნების შემდეგ. სავალალო ვითარება საქართველოში რჩება ტრაგიკულ უკუსვლად, სადაც ეუთო-მ არ უნდა დათმოს თავისი ძირითადი პრინციპები“.

სავალალო ვითარება საქართველოში რჩება ტრაგიკულ უკუსვლად, სადაც ეუთო-მ არ უნდა დათმოს თავისი ძირითადი პრინციპები -ეუთო-ს საპარლამენტო ასამბლეის კომიტეტის მომხსენებელი

Lavc58.76.100

საქართველოში დავინახეთ პოლიტიკური რეპრესიების მკვეთრი ზრდა გასული წლის არჩევნების შემდეგ, – ამის შესახებ ეუთო-ს საპარლამენტო ასამბლეის მესამე კომიტეტის მომხსენებელმა, კარინა ოდებრინკმა ეუთო-ს საპარლამენტო ასამბლეაზე განაცხადა.

„ეუთო-ს ანგარიშმა ოქტომბრის არჩევნების შესახებ დაადგინა, რომ ამომრჩეველთა დაშინების შემთხვევებმა, საარჩევნო კამპანიის დაფინანსების დისბალანსმა და პოლიტიზებულმა მედია პროპაგანდამ, ყველაფერმა ერთად ხელი შეუწყო არჩევნებს, რომელიც დემოკრატიულ პრინციპებს მოკლებული იყო. სავალალო სიტუაცია საქართველოში რჩება ტრაგიკულ უკუსვლად, სადაც ეუთო-მ არ უნდა დათმოს თავისი ძირითადი პრინციპები”, – აღნიშნა  კარინა ოდებრინკმა.

 საქართველოში ვიხილეთ, როგორ შეიძლება მტკიცებულების გარეშე არჩევნების დისკრედიტაცია, პროცესების დესტაბილიზაცია ოპოზიციური ჯგუფების და უცხოური აქტორების მეშვეობით-ლევან მახაშვილი

საქართველოში ვიხილეთ, როგორ შეიძლება ყოველგვარი მტკიცებულების გარეშე არჩევნების დისკრედიტაცია და პოლიტიკური პროცესების დესტაბილიზაცია ოპოზიციური ჯგუფების და მათთან დაკავშირებული უცხოური აქტორების მიერ კოორდინირებული დეზინფორმაციისა და სიცრუის კამპანიების მეშვეობით, – ამის შესახებ პარლამენტის ევროინტეგრაციის კომიტეტის თავმჯდომარემ, ლევან მახაშვილმა ეუთო-ს დემოკრატიის, ადამიანის უფლებებისა და ჰუმანიტარული საკითხების კომიტეტზე განაცხადა.

მახაშვილის თქმით, მიმდინარე საგაზაფხულო პლენარულ სესიაზე საქართველო აქტიურად იმუშავებს, რათა გააუმჯობესოს როგორც პოლიტიკური ჩარჩო, ისე მისი პრაქტიკული განხორციელება საზოგადოებრივ და მედიის სფეროებში.

„ახალმა ტექნოლოგიებმა და სოციალურმა მედიამ მნიშვნელოვნად შეცვალა ჩვენი საარჩევნო გარემო. დღეს ისინი წარმოადგენს როგორც შესაძლებლობას დემოკრატიული პროგრესისთვის, ისე გამოწვევას საარჩევნო პროცესებისთვის. საქართველოში, პირველად ჩვენს ისტორიაში, გამოვიყენეთ SmartMatic-ის ელექტრონული აპარატები ამომრჩეველთა რეგისტრაციისთვის, ხმის მიცემის, დათვლისა და საარჩევნო ოქმების შეჯამებისთვის – რაც ამომრჩევლების 90%-ზე მეტს მოიცავდა. ამ მნიშვნელოვანმა ინიციატივამ არსებითად შეამცირა ადამიანური შეცდომები და, პრაქტიკულად, აღმოფხვრა რამე სერიოზული საარჩევნო დარღვევები. საერთო ჯამში, აღნიშნულმა ხელი შეუწყო საზოგადოებრივი ნდობის ამაღლებას საარჩევნო სისტემის მიმართ. ასე რომ, ახალი ტექნოლოგიების არ უნდა შეგვეშინდეს, თუმცა, ტექნოლოგიის შესაძლებლობა, რომ გაზარდოს საზოგადოებრივი ნდობა, რისკებსაც შეიცავს, როდესაც მას ადამიანები ბოროტად იყენებენ. მაგალითად, 2024 წელს საქართველოში ვიხილეთ, თუ როგორ შეიძლება ყოველგვარი მტკიცებულების გარეშე არჩევნების დისკრედიტაცია და პოლიტიკური პროცესების დესტაბილიზაცია ოპოზიციური ჯგუფების და მათთან დაკავშირებული უცხოური აქტორების მიერ კოორდინირებული დეზინფორმაციისა და სიცრუის კამპანიების მეშვეობით. აღნიშნულის გათვალისწინებით, ახალი ტექნოლოგიების და მედიის მხრიდან დემოკრატიული პროცესის მდგრადობისა და საარჩევნო მთლიანობის გასამტკიცებლად, აუცილებელია, რომ მათი გამოყენება ხდებოდეს ანგარიშვალდებულებისა და გამჭვირვალობის სტანდარტების უპირობო დაცვით. მიმდინარე საგაზაფხულო პლენარულ სესიაზე საქართველო ორივე მიმართულებით აქტიურად იმუშავებს, რათა გააუმჯობესოს როგორც პოლიტიკური ჩარჩო, ისე მისი პრაქტიკული განხორციელება საზოგადოებრივ და მედიის სფეროებში. მოხარული ვიქნებით, ვითანამშრომლოთ ეუთო-ს საპარლამენტო ასამბლეის დაინტერესებულ წევრებთან, რათა შევისწავლოთ ამ მიმართულებებით თქვენი საუკეთესო გამოცდილება.

დაბოლოს, მინდა, გამოვეხმაურო კომიტეტის ანგარიშის რაპორტიორს, ქალბატონ ოდებრინკს. ვიდრე სიტყვებს „პოლიტიკური რეპრესიები“ გამოიყენებთ, გაითვალისწინეთ, რომ საუბარია 29 ადამიანზე, რომელთა მიმართაც არის სისხლის სამართლის დევნა დაწყებული, რადგან „მოლოტოვის კოქტეილებს“ ესროდნენ პოლიციელებს და თავს ესხმოდნენ სახელმწიფო ინსტიტუტებს. თითოეულ მათგანზე არსებობს კონკრეტული ვიდეომტკიცებულებები. საქართველოს ხელისუფლება მზად არის თქვენთან და თქვენს გუნდთან თანამშრომლობისთვის და ამ ვიდეომტკიცებულებების გაზიარებისთვის თქვენი ანგარიშის წერის პროცესში“, – განაცხადა ლევან მახაშვილმა.

ლორა თორნტონი აქეზებს ხელისუფლების ძალისმიერ ცვლილებას, მიუთითებს მაიდნის სულისკვეთებაზე, რომელიც ჩვენი მოქალაქეების უმეტესობისთვის ერის განადგურების სიმბოლო გახდა-შალვა პაპუაშვილი

მაშინ როდესაც მსოფლიოში დიდი გეოპოლიტიკური ტრანსფორმაცია მიმდინარეობს, ზოგიერთი საერთაშორისო ქსელი აგრძელებს საქართველოს შიდა საქმეებში ჩარევას არეულობის გაღვივებისა და ლეგიტიმური ხელისუფლების დამხობის მცდელობების გზით, „მაკკეინის ინსტიტუტის“ წარმომადგენლის, ლორა თორნტონის სტატია ამისი ნათელი მაგალითია, – ამის შესახებ საქართველოს პარლამენტის თავმჯდომარე შალვა პაპუაშვილი სოციალურ ქსელში წერს.

„ერთი წუთით მისგან „დიქტატურის“, „რეპრესიისა“ და „წამების“ შესახებ წამოსროლილ ცარიელ ბრალდებებს ყურადღებას თუ არ მივაქცევთ, უფრო საინტერესო სურათი გამოჩნდება, რომლის მიღმაც საქართველოს უცხოელი მტერ-მოყვარეების და მათი ადგილობრივი მიმდევრებს კოორდინირებული ქსელი გამოჩდნდება.

პირველი, თორნტონი „მაკკეინის ინსტიტუტს“ წარმოადგენს, სადაც დასაქმებულია საქართველოს ექსპრეზიდენტი ზურაბიშვილი, რომლის ხელითაც ამ ქსელს „თვითმარქვია ხელისუფლების“ ალტერნატიულ რეალობის შექმნა სურს;

მეორე, ის მიუთითებს „საერთაშორისო რესპუბლიკურ ინსტიტუტსა“ (IRI) და „სამართლიან არჩევნებზე“ (ISFED), როგორც „სანდო რეპუტაციის მქონე საერთაშორისო და ადგილობრივ დამკვირვებლებზე“, რათა გაამართლოს თავისი თავდასხვა არჩევნების შედეგებზე, თუმცა, ამავდროულად, მალავს არჩევნებზე დაკვირვების ერთადერთი ლეგიტიმური საერთაშორისო ორგანიზაციის, ეუთო/ოდირის ანგარიშს. საინტერესოა, რომ IRI-ს ადგილობრივი ოფისი ფინანსდება ავად სახსენებელი „დემოკრატიის ეროვნული ფონდის“ (NED) მიერ, რომელიც აშშ-ის ამჟამინდელმა ადმინისტრაციამ უცხო ქვეყნების შიდა საქმეებში ჩარევაში დაადანაშაულა. 2020 წლის პარალელური დათვლის დროს ISFED-ის და მისი დამფინანსებელი USAID-ის სიყალბის ისტორია კი უკვე ყველასთვის ცნობილია. ამ ორგანიზაციების რეპუტაციული განულების შედეგიცაა, რომ ამ დღეებში მათ სრულად შეუწყდათ ამერიკული დაფინანსება;

მესამე, ენჯეო-მედიაპლატფორმა Civil. ge, რომელმაც გამოაქვეყნა თორნტონის ისტრუქცია, ასევე, ფინანსდება NED-ის და სხვა ამერიკული წყაროების მიერ, მისი მთავარი რედაქტორი კი ერთ-ერთი ყველაზე რადიკალური ქართველი პოლიტიკოსის ოჯახის წევრია“, – აღნიშნავს პაპუაშვილი.

მისივე თქმით, ლორა თორნტონი აქეზებს საქართველოში ხელისუფლების ძალისმიერ ცვლილებას და მიუთითებს უკრაინული „მაიდნის“ სულისკვეთებაზე.

„რას ვიღებთ შედეგად? ერთსა და იმავე უცხოური წყაროდან დაფინანსებული ადმიანებისა და ორგანიზაციების ამ ქსელის მეშვეობით თორნტონი აქეზებს საქართველოში ხელისუფლების ძალისმიერ ცვლილებას და მიუთითებს უკრაინული „მაიდანის“ სულისკვეთებაზე, რომელიც ჩვენი მოქალაქეების უმეტესობისთვის ერის განადგურების სიმბოლო გახდა და არა „თავისუფლების გლობალური მოწოდება“, როგორც თორნტონი დაჟინებით გვარწმუნებს.

თორნტონის მცდელობა, რომელიც იმედგაცრუებულია ქართული ოპოზიციის უუნარობით, მოახდინოს ამომრჩეველთა ან საპროტესტო მოძრაობის მობილიზება, შეთავაზებაა, გახადოს საქართველო, „ფაქტობრივად, უმართავი, გაფიცვებისა და ბოიკოტების გზით“.

ის, ასევე, ურჩევს საქართველოს რადიკალურ ოპოზიციას „შეეხონ… ქართველების უკმაყოფილების უფრო ღრმა საკითხებსა და ყოველდღიურ, სოციალურ პრობლემებს”.

სწორედ აქ იჩენს თავს სრული მასშტაბით თორნტონისა და მისი მოკავშირეების გზააბნეულობა. „ეკონომიკის პარალიზების“ გზით დესტაბილიზაციის მცდელობა ეწინააღმდეგება არა მხოლოდ საქართველოს, არამედ აშშ-ის ადმინისტრაციის ინტერესებსაც, რომელიც თორნტონს, თავისი ქართველი მარიონეტების მსგავსად, ასე საშინლად სძულს და პრეზიდენტ ტრამპს „მოძალადესა“ და „კრიმინალს“ უწოდებს.

მაშინ როდესაც აშშ-ის ადმინისტრაცია ცდილობს, შეაჩეროს ომები და დაამყაროს მშვიდობა, ზოგიერთი საერთაშორისო ქსელი, რომელიც ჯერ კიდევ იყენებს აშშ-ის გადასახადების გადამხდელთა ფულს, ცდილობს, დათესოს არეულობა და უცხო ქვეყნებს ომისა და განადგურებისკენ უბიძგოს.

თორნტონის „ნგრევის ინსტრუქცია“ ხელისუფლების დამხობის იდეოლოგიის სასოწარკვეთილი ამოძახილია, რომლის შემოქმედნიც, როგორც უკრაინის მაგალითზე ვნახეთ, ენთუზიაზმით ანგრევენ საზოგადოებებს, სწირავენ სიცოცხლეებს და შემდეგ ჩრდილში იმალებიან“, – წერს შალვა პაპუაშვილი სოციალურ ქსელში.

„მაკკეინის ინსტიტუტის“ გლობალური დემოკრატიის პროგრამების დირექტორმა, საქართველოში NDI-ს ოფისის ყოფილმა ხელმძღვანელმა, ლორა თორნტონმა საკუთარ წერილში აღნიშნა: „ნაგვის არგატანა, ბანკის მოლარეების გაფიცვა, სატვირთოების მძღოლების სახლში დარჩენა ეკონომიკის პარალიზებას მოახდენდა და მნიშვნელოვნად გააძლიერებდა ზეწოლას „ქართულ ოცნებაზე““.

ვფიქრობ, წელს ცეცხლის შეწყვეტამდე მივალთ -კირილ ბუდანოვი

ვფიქრობ, წელს ცეცხლის შეწყვეტამდე მივალთ, რამდენ ხანს გაგრძელდება და რამდენად ეფექტიანი იქნება – სხვა საკითხია. ამის შესახებ უკრაინის დაზვერვის მთავარი სამმართველოს უფროსმა, კირილ ბუდანოვმა განაცხადა.

“ჩემი აზრი გაინტერესებთ? – ვფიქრობ, რომ კი. ეს პარადოქსული ვითარებაა: მიუხედავად იმისა, რომ მხარეების საწყისი პოზიციები დიამეტრულად განსხვავებულია (იმდენად, რამდენადაც შესაძლებელია), ამასთან ერთად ვფიქრობ, რომ წელს ცეცხლის შეწყვეტის რეჟიმამდე მივალთ. რამდენ ხანს გაგრძელდება და რამდენად ეფექტიანი იქნება – ეს სხვა საკითხია. მაგრამ ის, რომ ეს მოხდება, ვფიქრობ, მოხდება. ამისთვის შემადგენელი ნაწილების უმეტესობაა”, – განაცხადა ბუდანოვმა.

მშვიდობისმყოფელი ძალების შესაძლო განლაგებაზე საუბრისას ბუდანოვმა ეჭვის ქვეშ დააყენა, რომ ეს შესაძლოა უსაფრთხოების გარანტია გახდეს, ვინაიდან, “მსოფლიოში არცერთი ქვეყანა არ არის, სადაც მშვიდობისმყოფელების შეყვანამ იმუშავა”.

1234...2,566Page 3 of 2,566
ჩვენი არქივი

კონტაქტი

მის: ქ.თბილისი, მ.კოსტავას 59

ტელ: +995 32 93 44 05

ელ.ფოსტა: editor@geotimes.ge

ნავიგაცია

ონლაინ გაზეთი Geotimes.ge

დამატებითი რესურსი