პუტინი არის მტაცებელი, რომელიც გაყინული საკვებით არ კმაყოფილდება- ზელენსკი

23
spot_img

„უკრაინის პრეზიდენტმა ვოლოდიმირ ზელენსკიმ მათ მიმართა, ვინც უკრაინის მხარდაჭერას ყოყმანობს და კონფლიქტის გაყინვაზე საუბრობს“,-  ამის შესახებ უკრაინული მედია წერს.

როგორც ზელენსკიმ დავოსის ეკონომიკურ ფორუმზე სიტყვით გამოსვლისას აღნიშნა, პუტინი მტაცებელია.

ზელენსკიმ თქვა, რომ 2014 წლის შემდეგ დონბასში ომის გაყინვის მცდელობები იყო, რაშიც აქტიურად იყვნენ ჩართული გერმანიის მაშინდელი კანცლერი და საფრანგეთის პრეზიდენტი.

„პუტინი არის მტაცებელი, რომელიც არ კმაყოფილდება გაყინული საკვებით,” – აცხადებს ზელენსკი.

მისი თქმით, უკრაინამ უკვე დაამტკიცა, რომ შეუძლია პუტინის დამარცხება ხმელეთზე, ზღვასა და ცაში.

ამასთან, ზელენსკიმ თქვა, რომ ომი უნდა დასრულდეს სამართლიანი და სტაბილური მშვიდობით.