პრიგოჟინის თვითმფრინავის აფეთქების საქმეში პირველი ეჭვმიტანილი გამოჩნდა

446
spot_img

“ვაგნერის” ხელმძღვანელის, ევგენი პრიგოჟინის თვითმფრინავის აფეთქების საქმეში პირველი ეჭვმიტანილი გამოჩნდა.

რუსეთის სპეცსამსახურებთან დაახლოებული ტელეგრამის არხი Cheka-OGPU-ს ცნობით, რომ ეს არის​პრიგოჟინის პირადი პილოტი და MNT Aero-ს ყოფილი დამფუძნებელი (ჩამოვარდნილი თვითმფრინავის მფლობელი) არტიომ სტეპანოვი.

სამართალდამცავები მას ვერ პოულობენ.

გავრცელებული ინფორმაციით, მას თვითმფრინავზე წვდომა ჰქონდა, აფეთქებამდე ის კამჩატკაში გაემგზავრა, სადაც “დაიკარგა”.

ერთადერთი, რისი თქმაც მისმა ძმამ შეძლო, რომ არტიომი მესამე დღეა ლაშქრობაში იმყოფება და გარე სამყაროს არის მოწყვეტილი.

გამოცემა წერს, რომ სტეპანოვს ძალოვანი უწყებები აქტიურად ეძებენ, შესაძლოა ის რუსეთის ფედერაციაში აღარ იმყოფება.

ამასთან, Fontanka წერს, რომ ევგენი პრიგოჟინის ცხედარი მორგში იდენტიფიცირებულია “ირიბი ნიშნებით” – მას ხელზე ერთი თითი აკლდა. პრიგოჟინი ერთ-ერთმა ვაგნერელმა ამოიცნო. აღინიშნება, რომ ნაშთი იმდენად არის დაზიანებული, რომ მისი ვიზუალური იდენტიფიკაცია რთულდება.