გასულ დღეს, 18 იანვარს, ფრონტზე თავდაცვის ძალებსა და დამპყრობლებს შორის 127 საბრძოლო შეტაკება მოხდა, – ამის შესახებ უკრაინის გენშტაბი იუწყება.
როგორც გენერალურმა შტაბმა დილის ბრიფინგზე განაცხადა, მოწინააღმდეგემ 18 შეტევა განახორციელა ხარკოვის რეგიონზე, მაგრამ თავდასხმა წარუმატებელი აღმოჩნდა.
ამავე ცნობით, ლიმანის რეგიონში უკრაინის შეიარაღებულმა ძალებმა მოიგერიეს 15 თავდასხმა და კიდევ 8 თავდასხმა – ლუგანსკის ოლქის ბელოგორივკაში. ბახმუტის მიმართულებით რუსებმა ორი წარუმატებელი თავდასხმა განახორციელეს.
„ავდიივკას მიმართულებით უკრაინელი დამცველები აგრძელებენ დამპყრობლის შეკავებას, რომელიც არ წყვეტს ავდიივკას ალყაში მოქცევის მცდელობას. უკრაინელი ჯარისკაცები მტკიცედ იცავენ თავდაცვას და მნიშვნელოვან დანაკარგს აყენებენ ოკუპანტებს. ამგვარად, გასული დღის განმავლობაში თავდაცვის ძალებმა მოიგერიეს მოწინააღმდეგის 27 თავდასხმა და კიდევ 17 თავდასხმა დონეცკის ოლქის მახლობლად“, – აცხადებენ გენერალურ შტაბში.
გენშტაბის ინფორმაციით, ამავდროულად, ბრძოლები მიმდინარეობდა მარიინსკის მიმართულებით კრასნოგორივკას, მარინკასა და ნოვომიხაილოვკას, დონეცკის ოლქში. შეიარაღებულმა ძალებმა 15 თავდასხმა მოიგერიეს. შახტარსკის მიმართულებით ოკუპანტმა 4 შეტევა განახორციელა, მაგრამ ისინი წარუმატებელი აღმოჩნდა.
ზაპოროჟიეს მიმართულებით თავდაცვის ძალებმა მოიგერიეს ოკუპანტების 5 თავდასხმა. ხერსონის მიმართულებით მოწინააღმდეგემ 11 წარუმატებელი თავდასხმა განახორციელა უკრაინული ჯარების პოზიციებზე.
