მადლიერი ვარ პრეზიდენტ სალომე ზურაბიშვილის ურყევი ერთგულებისთვის ევროატლანტიკური მომავლისადმი – ამბიციისადმი, რომელსაც ქართველი ხალხის უმრავლესობა იზიარებს, – ამის შესახებ ამერიკელი სენატორი ჯინ შაჰინი (დემოკრატიული პარტია) X-ზე წერს.

„სასიამოვნო იყო საქართველოში ვიზიტის პრეზიდენტ ზურაბიშვილთან შეხვედრით დაწყება.

მადლიერი ვარ მისი ურყევი ერთგულებისთვის ევროატლანტიკური მომავლისადმი – ამბიციისადმი, რომელსაც ქართველი ხალხის უმრავლესობა იზიარებს“, – წერს შაჰინი.

სენატორი ჯინ შაჰინი და კონგრესმენი მაიკ ტერნერი დღეს საქართველოს ოფიციალური ვიზიტით ეწვივნენ.

საქართველოში ამერიკის შეერთებული შტატების საელჩოს ცნობით, ორპარტიული ვიზიტის ფარგლებში, ისინი ასევე შეხვდებიან საქართველოს მთავრობის, სამოქალაქო საზოგადოების, კერძო სექტორისა და პოლიტიკური პარტიების წარმომადგენლებს. ასევე, სენატორი და კონგრესმენი გაეცნობიან აშშ-ის მთავრობის პროგრამებს, რომელიც მხარს უჭერს იძულებით გადაადგილებულ პირებს, მეწარმეებსა და სტუდენტებს.

მერამდენედ უნდა გამხილონ ტყუილში, რომ გაჩერდეთ. ეძებთ, ეძებთ, ეძებთ, იქნებ რამე კომპრომატი უპოვოთ ბიძინა ივანიშვილს, მაგრამ ხომ ხედავთ, რომ სულ ტყუილად ირჯებით, ტყუილად ხარჯავთ ფულს. ერთდღიანია თქვენი სიხარული, – ასე ეხმიანება ექსპერტი ნინო ფოჩხუა “ორგანიზებული კრიმინალისა და კორუფციის გამოძიების პროექტის“ ( OCCRP ) – ის მიერ გამოქვეყნებულ სტატიასთან დაკავშირებით „ქართული ოცნების“ პრესსამსახურის სახელით გავრცელებულ განცხადებას, სადაც ნათქვამია, რომ აღნიშნული, სტატია აგებულია ცრუ ინფორმაციაზე, ხოლო ფაქტები, რომელსაც ბიძინა ივანიშვილი ისედაც ადასტურებს, წარმოჩენილია როგორც „სენსაცია“ და „სკანდალური ამბავი“.

ფოჩხუას თქმით, დღეს, როცა ინფორმაციის მოძიება ყველას უპრობლემოდ შეუძლია, შეუძლებელია უნიჭო ტყუილებმა გზა ნახოს.

„მერამდენედ უნდა გამხილონ ტყუილში, რომ გაჩერდეთ.
ეძებთ, ეძებთ, ეძებთ, იქნებ რამე კომპრომატი უპოვოთ ბიძინა ივანიშვილს, მაგრამ ხომ ხედავთ, რომ სულ ტყუილად ირჯებით, ტყუილად ხარჯავთ ფულს. ერთდღიანია თქვენი სიხარული.

დღეს, როცა ინფორმაციის მოძიება ყველას უპრობლემოდ შეუძლია, შეუძლებელია თქვენმა უნიჭო ტყუილებმა გზა ნახოს.
ასე რომ ვერ მოერევით ამ კაცს, რადგან თქვენი ყველა ქმედება იაფფასიანი ფეიკია.
26 ოქტომბერს კი ისევ დაინახავთ ვის მხარეს დგას ქართველი ხალხი“, – წერს ფოჩხუა.

შაჰინთან და ტერნერთან განვიხილეთ ორმხრივი ურთიერთობები, საქართველოს ევროატლანტიკური ინტეგრაცია, მომავალი არჩევნები, რუსული ოკუპაცია, ჰიბრიდული ომი და შავი ზღვრის უსაფრთხოება, – ამის შესახებ საქართველოს პრეზიდენტი სალომე ზურაბიშვილი X-ზე წერს.

„მივესალმე საქართველოს მეგობრებს, სენატორ ჯინ შაჰინსა და კონგრესმენ მაიკ ტერნერს.

განვიხილეთ ორმხრივი ურთიერთობები, საქართველოს ევროატლანტიკური ინტეგრაცია, მომავალი არჩევნები, რუსული ოკუპაცია, ჰიბრიდული ომი და შავი ზღვრის უსაფრთხოება.

მათი ვიზიტი აშშ-ის მხრიდან საქართველოს ურყევი მხარდაჭერის კიდევ ერთი დასტურია”, – წერს ზურაბიშვილი.

სენატორი ჯინ შაჰინი [დემოკრატიული პარტია] და კონგრესმენი მაიკ ტერნერი [რესპუბლიკური პარტია] დღეს საქართველოს ოფიციალური ვიზიტით ეწვივნენ.

საქართველოში ამერიკის შეერთებული შტატების საელჩოს ცნობით, ორპარტიული ვიზიტის ფარგლებში, ისინი ასევე შეხვდებიან საქართველოს მთავრობის, სამოქალაქო საზოგადოების, კერძო სექტორისა და პოლიტიკური პარტიების წარმომადგენლებს. ასევე, სენატორი და კონგრესმენი გაეცნობიან აშშ-ის მთავრობის პროგრამებს, რომელიც მხარს უჭერს იძულებით გადაადგილებულ პირებს, მეწარმეებსა და სტუდენტებს.

ამერიკის შეერთებული შტატების პრეზიდენტის უმკაცრესი წერილი კიდევ ერთი ცხადი დასტურია იმისა, რომ „ქართული ოცნების“ ხელისუფლება არ წარმოადგენს ქართველი ხალხის ინტერესებს. ისინი მოქცეული არიან სრულ და საბოლოო საერთაშორისო იზოლაციაში, – ამის შესახებ კოალიცია “ძლიერი საქართველოს” ერთ-ერთმა ლიდერმა გრიგოლ გეგელიამ აშშ-ის პრეზიდენტის, ჯო ბაიდენის წერილთან დაკავშირებით ბრიფინგზე განაცხადა.

გრიგოლ გეგელიას განცხადებით, დღეს უკვე აშშ-ის პრეზიდენტის პირით ვისმენთ, რომ საქართველოს მართავს ანტი-დემოკრატიული ხელისუფლება, რომლის მოქმედებებიც არ არის თავსებადი იმ ნორმებთან და ღირებულებებთან, რომელიც უნდა გააჩნდეს ევროპული კავშირისა და ნატოს წევრობის მსურველ სახელმწიფოს.

„ამერიკის შეერთებული შტატების პრეზიდენტმა, საქართველოს პრეზიდენტს წერილი გამოუგზავნა, რომელშიც ამბობს, რომ იმედგაცრუებულია საქართველოს მთავრობის ანტიდემოკრატიული ქმედებებით, რომლის მაგალითსაც წარმოადგენს კრემლის სტილის “უცხოური აგენტების” კანონი და საქართველოს მთავრობის ოფიციალური პირების ცრუ განცხადებები, რაც არ შეესაბამება ევროკავშირისა და ნატო-ს წევრობის ნორმებს

ამერიკის შეერთებული შტატების პრეზიდენტის უმკაცრესი წერილი კიდევ ერთი ცხადი დასტურია იმისა, რომ „ქართული ოცნების“ ხელისუფლება არ წარმოადგენს ქართველი ხალხის ინტერესებს. ისინი მოქცეული არიან სრულ და საბოლოო საერთაშორისო იზოლაციაში.

მაშინ როდესაც პრემიერ-მინისტრი „ჰამასთან“ და „ჰეზბოლასთან“ ერთად ზეიმებზე და პანაშვიდებზე დადის და პარალელურად უარს აცხადებს ვაშინგტონსა და ბრიუსელთან პარტნიორობაზე, ქართული სახელმწიფოებრიობა უდიდესი რისკის წინაშე დგას.

მანამ სანამ საქართველოს ხელისუფლება თავს ესხმის საკუთარ ხალხს, საკუთარი სახელმწიფოს მიმართ სვამს კითხვებს, რომელსაც მხოლოდ კრემლი სვამს და საკუთარ სახელმწიფოს უყენებს ბრალს, რომელსაც მხოლოდ კრემლი გვიყენებს, ამერიკის პრეზიდენტი კიდევ ერთხელ ადასტურებს, რომ 2008 წლის აგვისტოში საქართველო გახდა „ბრუტალური რუსული შემოჭრის“ მსხვერპლი, რომლის შედეგად დღემდე ოკუპირებულია საქართველოს ტერიტორიის ერთი მეხუთედი.

მანამ სანამ საქართველოს აღმასრულებელი ხელისუფლება ყოველდღიურად კლავს ქართულ საგარეო პოლიტიკას და საქართველოს რუსულ-ირანულ-ჩინური ავტოკრატიული ბლოკის წევრად აქცევს, დღეს უკვე ამერიკის შეერთებული შტატების პრეზიდენტის პირით ვისმენთ, რომ საქართველოს მართავს ანტი-დემოკრატიული ხელისუფლება, რომლის მოქმედებებიც არ არის თავსებადი იმ ნორმებთან და ღირებულებებთან, რომელიც უნდა გააჩნდეს ევროპული კავშირისა და ნატოს წევრობის მსურველ სახელმწიფოს.

როდესაც ამერიკის პრეზიდენტი ღიად ამბობს, რომ რუსული სტილის კანონის მიღებით ამ ხელისუფლებამ ძირი გამოუთხარა სამოქალაქო საზოგადოებას და საქართველოს ევროპულ ევრო-ატლანტიკურ გზას, ეს არის საბოლოო დასტური, რომ „ქართული ოცნების“ პირობებში საქართველოს აღარ გააჩნია ევროკავშირში და ნატოში გაწევრიანების არავითარი პერსპექტივა, რაც მილიონობით ქართველს აშორებს მშვიდობის, კეთილდღეობის და განვითარების პერსპექტივისგან.

პრეზიდენტ ბაიდენის წერილი კიდევ ერთხელ გვაგონებს, რას ნიშნავს ცხოვრობდე კაპიტულანტი რეჟიმის პირობებში, როდესაც შენი ხელისუფლება შენივე სახელმწიფოს ინტერესების ძირის გამოთხრას ემსახურება, ხოლო პარტნიორი სახელმწიფოს ლიდერები შენი ეროვნული ინტერესის მხარეს არიან. სწორედ ამიტომ, თითოეული ქართველის სამოქალაქო და პატრიოტული ვალდებულებაა, 26 ოქტომბერს დაასრულოს ხელისუფლება, რომელიც ემსახურება რუსეთს და აირჩიოს ხელისუფლება, რომელიც ემსახურება ქართველ ხალხს. ძლიერი საქართველო დგას ქართველი ხალხის, ძლიერი, ევროპული და ეროვნული საქართველოს სამსახურში“, – განაცხადა გრიგოლ გეგელიამ.

მტკნარი სიცრუეა ის გარემოება, რომ თითქოს მმართველი პარტიის საპატიო თავმჯდომარემ რამდენიმე თვის წინ რუსეთის ფედერაციაში რაიმე სახის ქონება შეიძინა – 1998 წლის შემდეგ, „ქართული ოცნების“ დამფუძნებელს რუსეთში არანაირი ქონება არ შეუძენია, – ამის შესახებ ინფორმაციას „ქართული ოცნების“ პრესსამსახური სოციალურ ქსელში ავრცელებს.

„გვსურს გამოვეხმაუროთ „ორგანიზებული კრიმინალისა და კორუფციის გამოძიების პროექტის“ (OCCRP )-ის მიერ გამოქვეყნებულ სტატიას „ქართული ოცნების“ საპატიო თავმჯდომარის, ბიძინა ივანიშვილისა და მისი მეუღლის, ეკატერინე ხვედელიძის შესახებ.

პირველ რიგში აღვნიშნავთ, რომ აღნიშნული სტატია აგებულია ცრუ ინფორმაციაზე, ხოლო ფაქტები, რომელსაც ბიძინა ივანიშვილი ისედაც ადასტურებს, წარმოჩენილია როგორც „სენსაცია“ და „სკანდალური ამბავი“. კერძოდ, მტკნარი სიცრუეა ის გარემოება, რომ თითქოს, მმართველი პარტიის საპატიო თავმჯდომარემ რამდენიმე თვის წინ რუსეთის ფედერაციაში რაიმე სახის ქონება შეიძინა. მსგავსი ტყუილების გავრცელება ყოველგვარი მტკიცებულებების გარეშე არათუ არ ჯდება რაიმე სახის ჟურნალისტურ სტანდარტებში, საერთოდ გაუგებარია, რა მიზანი ამოძრავებთ სტატიის ავტორებს. 1998 წლის შემდეგ, „ქართული ოცნების“ დამფუძნებელს რუსეთში არანაირი ქონება არ შეუძენია. უფრო მეტიც, ბიძინა ივანიშვილი და მისი ოჯახის არც ერთი წევრი რუსეთის ფედერაციაში 1998 წლის შემდეგ არ გამგზავრებულა.

რაც შეეხება ტყუილებზე აგებული სტატიის კიდევ ერთ, მანიპულაციურ ნაწილს – არავისთვის დასამალი არ არის, რომ წლების განმავლობაში ბიძინა ივანიშვილი სწორედ რუსეთში მოღვაწეობდა და აქტივების დიდი ნაწილი ამ ქვეყანაში დააგროვა. 2013 წელს შევსებულ ქონებრივ დეკლარაციაში „ქართული ოცნების“ საპატიო თავმჯდომარე ღიად მიუთითებდა, რომ მეუღლე, ეკატერინე ხვედელიძე რუსეთის დედაქალაქში ფლობდა საცხოვრებელ სახლს და სამ მიწის ნაკვეთს. შესაბამისად, იმ ინფორმაციის „სკანდალად“ წარმოჩინების მცდელობა, რაც 11 წელია, ისედაც საჯაროა და ეს ყველაფერი დეკლარაციაშია ასახული, მიანიშნებს ერთადერთ რამეზე – სტატიის ავტორს აქვს დაკვეთა, რომ მოურიდებლად გაავრცელოს არასწორი ინფორმაცია ბიძინა ივანიშვილსა და მის ოჯახზე. ეს შეგვიძლია ჩავთვალოთ იმ 13-წლიანი ისტერიის გაგრძელებად, რასაც რიგი უცხოური და ადგილობრივი რადიკალური ოპოზიციის კონტროლირებადი მედია განუწყვეტლად ცდილობს, თუმცა ვერც ერთ შემთხვევაში მათთვის სასურველი ვერანაირი შედეგი ვერ მიიღეს. ბიძინა ივანიშვილის პოლიტიკაში მოსვლის დღიდან ეს ადამიანები ცდილობენ, რაიმე სახის მაკომპრომეტირებელი ფაქტის მოპოვებას, მაგრამ სიცრუის და ტყუილების მეტი ვერასოდეს ვერაფერი მოიფიქრეს, რადგან ბუნებაში არ არსებობს ფაქტი, რომელიც მმართველი პარტიის საპატიო თავმჯდომარისა და მისი ოჯახის წინააღმდეგ შეიძლება არსებობდეს.

ტყუილებით გაჯერებული სტატიის მომზადების პერიოდში მის ავტორს, ვინმე კელი ბლოსს ჰქონდა კომუნიკაცია მმართველი პარტიის პრეს-სამსახურთან, თუმცა მათ მიერ გადმოგზავნილ კითხვებში პირდაპირ იკვეთებოდა, რომ არანაირი აზრი მათთან საქმიანი ურთიერთობის დამყარებას არ ჰქონდა და ჩვენთვის იმთავითვე ნათელი იყო, რომ სტატია განსაზღვრული გახლდათ ივანიშვილისა და მისი ოჯახის შესახებ ცრუ და მანიპულაციური ინფორმაციის გავრცელებისათვის.

კიდევ ერთი მნიშვნელოვანი გარემოება – დაშვების დონეზე, ყველაფერი სწორედ ისე რომ იყოს, როგორც სტატიაში წერია, ავტორების მიერ მოყვანილი არც ერთი ტყუილი გარემოება არავითარ კანონდარღვევას არ შეიცავს – არც ქონების შეძენა და არც მისი ფლობა. თუმცა კიდევ ერთხელ ხაზგასმით აღვნიშნავთ, რომ 1998 წლის შემდეგ ბიძინა ივანიშვილი და მისი ოჯახი რუსეთის ფედერაციაში აღარ ყოფილა, ასევე 1998 წლის შემდეგ არანაირი ქონება არ შეუძენია. ამ ამბავში ყველაზე სამწუხარო ის არის, რომ ტყუილებზე აგებული სტატიის გამავრცელებელ მედიას აფინანსებენ ისეთი ორგანიზაციები, როგორებიც არიან „ღია საზოგადოების ფონდი“ (სოროსის ფონდი), აშშ-ის საერთაშორისო განვითარების სააგენტო (USAID), ამერიკის დემოკრატიის ეროვნული ფონდი (NED), შვედეთის საერთაშორისო განვითარების თანამშრომლობის სააგენტო (SIDA) და სხვა.

მოვუწოდებთ სტატიის ავტორს და მის დამსაქმებელ მედიას, ასევე იმ ორგანიზაციებს, რომლებიც აფინანსებენ სიცრუეზე დაფუძნებულ პროპაგანდას, შემდეგ ჯერზე თავი შეიკავონ აშკარა ტყუილების ტირაჟირებისგან, ასევე დონორებმა გაიზიარონ პასუხისმგებლობა სიცრუის გავრცელებაზე და შემდგომში საფუძვლიანად გადახედონ მსგავსი მედიების დაფინანსების საკითხს“, – წერია ინფორმაციაში.

გასარკვევი და გამოსაკვლევია, პროვოკაცია, რასაც 2008 წელს მიხეილ სააკაშვილი წამოეგო, მისი უგუნურების შედეგი თუ გამიზნული ნაბიჯების ლოგიკური დასასრული იყო, – ამის შესახებ ჟურნალისტებს „ქართული ოცნების“ წევრმა ირაკლი ქადაგიშვილმა განუცხადა.

როგორც უმრავლესობის დეპუტატმა ამ კონტექსტში აღნიშნა, კარგად დასანახია მთელი ის პროცესი, რასაც ომის დაწყებამდე ჰქონდა ადგილი.

„ფაქტია, რომ 2008 წელს მიხეილ სააკაშვილი პროვოკაციას წამოეგო. ეს პროვოკაცია როგორ და რანაირად მოხდა, გამოძიება და ფაქტებისა და პროცესების შესაბამისი ანალიზი სწორედ ამას სჭირდება! კარგად უნდა დავინახოთ მთელი ის პროცესი, რომელიც ომის დაწყებამდე მიმდინარეობდა.

გვახსოვს, გერმანიის მაშინდელი საგარეო საქმეთა მინისტრის ვალტერ შტაინმაიერის ვიზიტი, რომელმაც საქართველოში აფხაზეთის კონფლიქტის დარეგულირების გეგმა ჩამოიტანა. გვახსოვს, როგორ მოიშორა ეს გეგმა და მისი ჩამომტანი მიხეილ სააკაშვილმა. ამიტომ ბევრი რამ არის გასარკვევი და გამოსაკვლევი – პროვოკაცია, რასაც მიხეილ სააკაშვილი წამოეგო, იყო მისი უგუნურების შედეგი თუ გამიზნული ნაბიჯების ლოგიკური დასასრული“, – განაცხადა ირაკლი ქადაგიშვილმა.