ევროკავშირის უმაღლესი წარმომადგენელი საგარეო საქმეთა და უსაფრთხოების საკითხებში, ჯოზეფ ბორელი რუსეთის მიერ საქართველოს წინააღმდეგ განხორციელებული აგრესიის 16 წლისთავთან დაკავშირებით განცხადებას ავრცელებს.

ბორელის განცხადებაში ნათქვამია, რომ საქართველოში კონფლიქტების მშვიდობიანად მოგვარებისადმი ევროკავშირის ერთგულება ურყევია.

განცხადებაში ბორელი აღნიშნავს, რომ რუსეთის წარმომადგენლობა აფხაზეთისა და სამხრეთ ოსეთის სეპარატისტულ რეგიონებში ეწინააღმდეგება საერთაშორისო სამართალს და რუსეთის მიერ აღებულ ვალდებულებებს.

განცხადებაში საუბარია კონფლიქტით დაზარალებულ რეგიონებში ადამიანის უფლებების დარღვევებზე.

ევროკავშირი იმეორებს თავის ურყევ მხარდაჭერას საქართველოს დამოუკიდებლობის, სუვერენიტეტისა და საერთაშორისოდ აღიარებულ საზღვრებში ტერიტორიული მთლიანობისადმი.

“7 აგვისტოს 16 წელი შესრულდება მას შემდეგ, რაც 2008 წელს აგვისტოში რუსეთსა და საქართველოს შორის ომი დაიწყო. საქართველოში კონფლიქტების მშვიდობიანად მოგვარებისადმი ევროკავშირის ერთგულება ურყევია.

ჩვენ კვლავ ვგმობთ რუსეთის მიმდინარე სამხედრო წარმომადგენლობას აფხაზეთისა და სამხრეთ ოსეთის სეპარატისტულ რეგიონებში, რაც ეწინააღმდეგება როგორც საერთაშორისო სამართალს, ასევე, 2008 წლის 12 აგვისტოს ექვს-პუნქტიანი შეთანხმებით რუსეთის მიერ აღებულ ვალდებულებებს. გრძელდება საქართველოს კონფლიქტით დაზარალებულ რეგიონებში ადამიანის უფლებების დარღვევა, მათ შორის “ბორდერიზაციის” პოლიტიკით, გამშვები პუნქტების დახურვით და რუსი სამხედროებისა და დე ფაქტო ოფიციალური პირების მიერ უკანონო დაკავებებით. გადაადგილების თავისუფლების შეზღუდვები უნდა შეწყდეს, ადამიანის უფლებების დარღვევები გამოძიებულ უნდა იქნას, და ყველა დაშავებულმა სამართალი უნდა ნახოს.

ჩვენ კონფლიქტის მშვიდობიანად მოგვარების ბოლომდე ერთგული ვრჩებით, მათ შორის ჟენევის საერთაშორისო დისკუსიებში (GID) ევროკავშირის როგორც თანათავმჯდომარის ჩართულობით, სამხრეთ კავკასიისთვისა და საქართველოში კრიზისისთვის ევროკავშირის სპეციალური წარმომადგენლის მუშაობის მეშვეობით, და ადგილზე ევროკავშირის მონიტორინგული მისიის (EUMM) მიმდინარე ჩართულობის მეშვეობით. GID-ის ყველა მონაწილეს მოვუწოდებთ, კონსტრუქციულად ჩაერთოს დისკუსიებში 2008 წლის 12 აგვისტოს ექვს-პუნქტიანი შეთანხმების ბოლომდე შესრულების მისაღწევად.

ევროკავშირი იმეორებს თავის ურყევ მხარდაჭერას საქართველოს დამოუკიდებლობის, სუვერენიტეტისა და საერთაშორისოდ აღიარებულ საზღვრებში ტერიტორიული მთლიანობისადმი”, – ნათქვამია განცხადებაში.

აგვისტოს ომიდან 16 წელი გავიდა.

2008 წლის აგვისტოს რუსეთ-საქართველოს ომში საქართველოს თავდაცვის სამინისტროს 170 მოსამსახურე, შინაგან საქმეთა სამინისტროს 14 თანამშრომელი და 224 სამოქალაქო პირი დაიღუპა. დაჭრილ და დაშავებულ სამოქალაქო და სამხედრო პირთა რაოდენობა სულ 2 232-ს შეადგენს, მათ შორის, 1045 პირი სამხედრო მოსამსახურეა.

დღეს, საქართველოს ტერიტორიების 20% კვლავ ოკუპირებულია რუსეთის მიერ. რუსეთის ფედერაცია კვლავაც განაგრძობს საქართველოს რეგიონების – აფხაზეთისა და ცხინვალის რეგიონის ოკუპაციასა და მილიტარიზაციას, რეგულარულად ატარებს უკანონო სამხედრო წვრთნებს ქვეყნის ტერიტორიაზე, ინტენსიურად ამაგრებს საოკუპაციო ხაზს მავთულხლართებით და სხვადასხვა ხელოვნური ბარიერებით, აგრძელებს ადგილობრივი მშვიდობიანი მოსახლეობის უკანონო დაკავებისა და გატაცების პრაქტიკას.

აგვისტოს ომის შემდეგ რუსეთმა საქართველოს ორი რეგიონის – აფხაზეთისა და „სამხრეთ ოსეთის“ დამოუკიდებლობა აღიარა, მაგრამ საერთაშორისო საზოგადოება საქართველოს ტერიტორიული მთლიანობის მხარდამჭერად რჩება.

ევროკავშირის უმაღლესი წარმომადგენლი, ევროკომისიის ვიცე-პრეზიდენტი ჯოზეფ ბორელი აგვისტოს ომის 16 წლისთავთან დაკავშირებით განცხადებას ავრცელებს.

როგორც ბორელის განცხადებაშია აღნიშნული, კვლავ ურყევია ევროკავშირის ერთგულება საქართველოში კონფლიქტების მშვიდობიანი მოგვარების მიმართ.

ამავე განცხადების მიხედვით, ევროკავშირი კვლავ მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას ქვეყნის საერთაშორისოდ აღიარებულ საზღვრებში.

„7 აგვისტოს რუსეთსა და საქართველოს შორის 2008 წლის აგვისტოში ომის დაწყებიდან 16 წელი შესრულდება. ევროკავშირის ერთგულება საქართველოში კონფლიქტების მშვიდობიანი მოგვარების მიმართ კვლავ ურყევია.

ვგმობთ აფხაზეთისა და სამხრეთ ოსეთის ოკუპირებული თვითგამოცხადებული რეგიონებში რუსეთის სამხედრო ძალების განგრძობად ყოფნას, რაც არღვევს საერთაშორისო სამართალს და ეწინააღმდეგება რუსეთის მიერ 2008 წლის 12 აგვისტოს მიღწეული ექვსპუნქტიანი შეთანხმების შესაბამისად ნაკისრ ვალდებულებებს. საქართველოში კონფლიქტით დაზარალებული მოსახლეობის ადამიანის უფლებების დარღვევა გრძელდება, მათ შორის, „ბორდერიზაციის“ პოლიტიკის, გადაკვეთის პუნქტების დაკეტვისა და რუსეთის სამხედროებისა და დე ფაქტო ხელისუფლების მიერ უკანონო დაკავებების შედეგად. გადაადგილების თავისუფლების შეზღუდვები უნდა დასრულდეს, უნდა ჩატარდეს გამოძიებები ადამიანის უფლებების დარღვევებთან დაკავშირებით და სამართლიანობა უნდა იყოს უზრუნველყოფილი ყველა მსხვერპლისთვის.

კონფლიქტების მშვიდობიანი მოგვარების სრულად ერთგულნი ვრჩებით, მათ შორის ევროკავშირის ჩართულობით ჟენევის საერთაშორისო დისკუსიებში (GID) თანათავმჯდომარის რანგში, სამხრეთ კავკასიასა და საქართველოში კრიზისის საკითხებში ევროკავშირის სპეციალური წარმომადგენლის საქმიანობისა და საქართველოში ევროკავშირის სადამკვირვებლო მისიის (EUMM) ადგილზე უწყვეტად მუშაობის საშუალებით. მოვუწოდებთ ჟენევის საერთაშორისო დისკუსიების ყველა მონაწილეს, კონსტრუქციულად ჩაერთონ განხილვებში 2008 წლის 12 აგვისტოს ექვსპუნქტიანი შეთანხმების სრული განხორციელების მისაღწევად.

ევროკავშირი კვლავ მტკიცედ უჭერს მხარს საქართველოს დამოუკიდებლობას, სუვერენიტეტსა და ტერიტორიულ მთლიანობას ქვეყნის საერთაშორისოდ აღიარებულ საზღვრებში“, – აღნიშნულია განცხადებაში.

„მიკვირს, რომ დემოკრატიულ საფრანგეთში გაზრდილ სალომე ზურაბიშვილს არასდროს გაუპროტესტებია ჩემი უკანონო პატიმრობა და არ მოუთხოვია ე.წ. “პიჯაკების” საქმესთან დაკავშირებით, 2014 წლიდან საპრეზიდენტო ხარჯებზე გრიფი “საიდუმლოს” მოხსნა.- ამის შესახებ საქართველოს ყოფილი პრეზიდენტი, მიხეილ სააკაშვილი სოციალურ ქსელში წერს.

როგორც სააკაშვილი წერს, ზურაბიშვილი სასამართლოსგან ითხოვს მის გაჩუმებას.

„მიკვირს, რომ დემოკრატიულ საფრანგეთში გაზრდილ სალომე ზურაბიშვილს არასდროს გაუპროტესტებია ჩემი უკანონო პატიმრობა და არ მოუთხოვია ე.წ. “პიჯაკების” საქმესთან დაკავშირებით, 2014 წლიდან საპრეზიდენტო ხარჯებზე გრიფი “საიდუმლოს” მოხსნა.

ახლა ივანიშვილის სასამართლოსგან ითხოვს, ყველაზე წარმომადგენლობითი ოპოზიციური პარტიის ლიდერის, ჩემს გაჩუმებას, ესაა მისი დემოკრატიული პლატფორმა?

დემოკრატია ხომ პირველ რიგში სამართლიანობა და თანასწორუფლებიანობა არის, ასე როგორ შევქმნით სამართლიანსა და დემოკრატიულ სახელმწიფოს?“,- წერია სააკაშვილის განცხადებაში.

საქართველოს პრეზიდენტმა სალომე ზურაბიშვილმა 5 აგვისტოს, მედიასთან პრესკონფერენციაზე უპასუხა კითხვას, აპირებს თუ არა ყოფილი პრეზიდენტის, მიხეილ სააკაშვილის შეწყალებას და განაცხადა, რომ ამაზე “ერთხელ და სამუდამოდ, პასუხი გაცემულია”. პრეზიდენტის თქმით, სააკაშვილის აქტუალიზაცია მხოლოდ და მხოლოდ „ოცნებას“ სჭირდება. ამასთან, სალომე ზურაბიშვილის თქმით, „ძალიან ნიშანდობლივია”, რომ სააკაშვილის ყველა სასამართლო ახლა ინიშნება, აძლევენ შეუზღუდავ პირდაპირ ტრანსლაციას, რომ პოლიტიკური გზავნილები გააჟღეროს, რადგან „ოცნების ბოლო იმედია, ამომრჩეველი კიდევ სააკაშვილით შეაშინოს”. პრეზიდენტი ზურაბიშვილი აცხადებს, რომ დღეს სააკაშვილი აქტუალური არ არის, აქტუალურია, რა მომავალი ექნება საქართველოს. მისი თქმით, “ჯერ საქართველო უნდა გადავარჩინოთ და მერე სააკაშვილის ბედიც თავის ადგილზე იქნება“.

საკუთარ თავზე როცა არ ხარ დამოკიდებული, ნამდვილად ვერ იქნები პრინციპული და მოგიწევს ძალიან ხშირად შენი ნათქვამის გადათქმა, შენი ქმედების გადაკეთება. სამწუხაროა, რომ საქართველოს პრეზიდენტად მომუშავე ადამიანს უწევს ამის კეთება დღეს, – ამის შესახებ საქართველოს პარლამენტის ევროპასთან ინტეგრაციის კომიტეტის თავმჯდომარემ, მაკა ბოჭორიშვილმა განაცხადა.

მისივე თქმით, დასაფიქრებელია, რას ემსახურება ქართველის ხალხის შანტაჟი და წინასწარ აპელირება იმაზე, თუ როგორი უნდა იყოს არჩევნების შედეგები, რასაც, ბოჭორიშვილის შეფასებით, ოპოზიციის, პრეზიდენტის და ზოგიერთი ოპოზიციური პოლიტიკოსის მხრიდან აქვს ადგილი.

„საქართველო არის დემოკრატიული ქვეყანა, ქართველ ხალხს აქვს არჩევანი და საქართველოს დღევანდელი ხელისუფლება არის სწორედ იმის გარანტი, რომ ქვეყნის ყველა მოქალაქეს აქვს შესაძლებლობა, საკუთარი აზრი, პოზიცია არჩევნებზე დააფიქსიროს. ხდება წინასწარ აპელირება, როგორი უნდა იყოს ქართველი ხალხის გადაწყვეტილება და ქართველი ხალხის შანტაჟი, რასაც ჩვენ ვუყურებთ უკვე ამდენი თვეა და რასაც ახორციელებს ოპოზიცია, რომელშიც ასევე ჩართულია საქართველოს პრეზიდენტი სალომე ზურაბიშვილი, რომელიც რეგულარულად არღვევს კონსტიტუციას მსგავსი ნაბიჯებით და ჩართულები არიან უცხოელი პოლიტიკოსებიც. ნამდვილად დასაფიქრებელია, რას ემსახურება ეს ყველაფერი და ამ შანტაჟს ქართველი ხალხი ზუსტადაც გასცემს პასუხს 26 ოქტომბერს. შემდგომ არავის არ უნდა გაუკვირდეს ის შედეგი, რაც დადგება 26 ოქტომბერს.

ძალიან რთულია, პოლიტიკოსი და, ზოგადად, ადამიანი იყო პრინციპული, როდესაც საკუთარ თავზე არ ხარ დამოკიდებული. ამ შემთხვევასთან გვაქვს ზუსტად საქმე. როდესაც საკუთარ თავზე არ ხარ დამოკიდებული, ნამდვილად ვერ იქნები პრინციპული და მოგიწევს ძალიან ხშირად შენი ნათქვამის გადათქმა, შენი ქმედების გადაკეთება. სამწუხაროა, რომ საქართველოს პრეზიდენტად მომუშავე ადამიანს უწევს ამის კეთება დღეს. ეს არის ზუსტად, როდესაც პოლიტიკოსი, ადამიანი არ ხარ საკუთარი თავის პატრონი“, – განაცხადა მაკა ბოჭორიშვილმა.