საქართველოს საპატრიარქო  რუსთაველის გამზირზე გამართულ აქციებთან დაკავშირებით, სადაც “უცხოური გავლენის გამჭვირვალობის შესახებ” კანონს აპროტესტებენ, განცხადებას ავრცელებს.

ლატვიის პრეზიდენტი ედგარს რინკევიჩსი ქართველ ხალხს სოლიდარობას უცხადებს.

ამის შესახებ “ტვიტერის” პირად გვერდზე წერს.

“ჩემი სოლიდარობა ქართველ ხალხს და ევროპული ოცნებისთვის მათ ბრძოლას,” – წერს რიკევიჩსი.

პარლამენტთან „უცხოური გავლენის გამჭვირვალობის შესახებ“ კანონპროექტის საწინააღმდეგო პროტესტი დღესაც გრძელდება.

აქციის ერთ-ერთმა ორგანიზატორმა რატი ამაღლობელმა განაცხადა, რომ აქციის მონაწილეები თბილისის სხვადასხვა უბანში აპირებენ გადაადგილებას, თუმცა რას ემსახურება ეს, ჯერჯერობით უცნობია.

მანამდე შსს-მ გაავრცელა განცხადება, რომელშიც აღნიშნულია, რომ ამ დროისთვის მიმდინარეობს პოლიციის კორდონების გაყვანა და აქციის მონაწილეებს შესაძლებლობა ექნებათ პროტესტი გამოხატონ მათთვის სასურველ ადგილზე. შსს-მ მოუწოდა პოლიტიკური პარტიების ლიდერებსა და აქციის მონაწილეებს, არ დაარღვიონ კანონი.

დარწმუნებული ვართ, დღესაც აუცილებლად გადავლენ ძალადობაზე მომიტინგეები, ამისთვის მობილიზებული ჰყავთ 300-კაციანი საგანგებო ძალადობრივი ჯგუფი, – ამის შესახებ საქართველოს პრემიერ-მინისტრმა ირაკლი კობახიძემ მთავრობის ადმინისტრაციაში გამართულ პრესკონფერენციაზე განაცხადა.

მთავრობის მეთაურის თქმით, ეს არის იმ ე.წ. ახალგაზრდული ორგანიზაციების ჯგუფები, რომლებსაც არსებითად აფინანსებენ კეზერაშვილი, ხაზარაძე და კონკრეტული წყაროებიდან დაფინანსებული სხვა დაჯგუფებები, რაც კანონის მიღების შემდეგ გამჭვირვალე გახდება.

„ეს 300-კაციანი დაჯგუფებების ერთობლიობა დღესაც გადავა ძალადობაზე. წარმოვიდგინოთ იგივე სცენარი, რომ არის სპეცრაზმი, რომელსაც დაუშენენ ქვებს, შუშის ბოთლებს, გადავლენ პირდაპირ ხელჩართულ დაპირისპირებაზე, რა უნდა გააკეთოს ამ დროს სპეცრაზმმა?! კანონთან დაკავშირებით ვერცერთი არგუმენტი ვერ მოიტანეთ და რაც შეეხება სპეცრაზმის მოქმედებებს, ვერცერთ საკითხთან დაკავშირებით არგუმენტი ვერ თქვით. რაც შეეხება გადაცდომებს, იყო რამდენიმე ძალიან სამწუხარო ინციდენტი, როდესაც მაგალითად გაუსწორდნენ კონკრეტულ მომიტინგეებს. ძალიან რთულია მოთმენა პოლიციელებისთვის. როდესაც მოდის კონკრეტული მომიტინგე და სახეში გაფურთხებს, ყველა ვერ უძლებს ამას, უმეტესობამ გაუძლო, 100-დან 1-მა ვერ გაუძლო და ამიტომ, იყო რამდენიმე სამწუხარო ინციდენტი. რაც შეეხება ხაბეიშვილის შემთხვევას, რა თქმა უნდა, დაზიანებები არის ძალიან მძიმე და მას სჭირდება, ბუნებრივია, შესწავლა და ეს არის ყველაზე სამწუხარო ინციდენტი მთელი გუშინდელი დღის განმავლობაში. იყო ცალკეული ინციდენტები, მაგრამ რაც შეეხება შეკრების ძალადობრივ ხასიათს, კანონის მიხედვით და კანონის მიღმაც, ვერავითარ შემთხვევაში ვერ დადგება ეჭვქვეშ და ის, რომ იძულებული იყო სპეცრაზმი, გამოეყენებინა შესაბამისი ზომები, ესეც ვერავითარი ფორმით ვერ დადგება ეჭვქვეშ. როდესაც დღეს ქვებს, შუშის ბოთლებს დაუშენენ სპეცრაზმს, იგივე ზომების გამოყენება დასჭირდებათ, წყლის ჭავლი, აირი და ნებისმიერი სხვა ზომა, რაც არის გათვალისწინებული პროპორციულობის პრინციპით“, – განაცხადა პრემიერმა.

ძალაუფლება საერთოდ არ არის მნიშვნელოვანი ფაქტორი, მნიშვნელოვანი ფაქტორი არის ის, რომ აგენტურა არ შეიძლება დაბრუნდეს ხელისუფლებაში, ქვეყანა უნდა მართოს ხალხის მიერ არჩეულმა ხელისუფლებამ და არა თავს მოხვეულმა აგენტურამ,- ამის შესახებ საქართველოს პრემიერ-მინისტრმა, ირაკლი კობახიძემ მთავრობის ადმინისტრაციაში გამართულ პრესკონფერენციაზე განაცხადა.

როგორც პრემიერ-მინისტრმა აღნიშნა, უნდა გაკეთდეს ყველაფერი, რათა აგენტურას არა თუ პრაქტიკული, თეორიული შანსიც არ დარჩეს ამ ქვეყანაში.

„ეს კანონიც ამას ემსახურება. არჩევნებზე არაფერი გვემუქრება, 61,5 პროცენტი იყო ბოლო კვლევის თანახმად ჩვენი რეიტინგი, ანუ არჩევნების მოგება შეგვიძლია თავისუფლად, მაგრამ ეს კი არ არის მთავარი – ჩვენ არჩევნები მოვიგეთ 2020 წელსაც და ვართ იმის შემდეგ ხელისუფლებაში, მაგრამ ამ სამი წლის განმავლობაში იყო რევოლუციის ორი მცდელობა. ეს რომ არ ყოფილიყო, მინიმუმ ჩვენი ეკონომიკა იქნებოდა დღეს 5 მილიარდი დოლარით მეტი, მარტივად შეიძლება ამ ყველაფრის დათვლა. 5 მილიარდი დოლარით მეტი როცა არის შენი ეკონომიკა, ასეთ დროს შეგიძლია, მილიარდი დოლარით მეტი დაამობილიზო სახელმწიფო ბიუჯეტში, მილიარდი დოლარით მეტი ნიშნავს იმას, რომ რა პროექტებიც კეთდება, იმაზე ბევრად მეტი შეგიძლია გააკეთო, შეგიძლია სოციალურ პროგრამებს მოახმარო და ა.შ. საბოლოო ჯამში, ვითარების არევის და რევოლუციის ეს გამუდმებული მცდელობა ჩვენ ვერ გვარყევს, ხომ ხედავთ. ზედიზედ რვა არჩევნები მოვიგეთ და მეცხრე არჩევნებსაც მოვიგებთ, მაგრამ ქვეყანას არ ასვენებენ, მის ეკონომიკას არ ასვენებენ, ამიტომ გვჭირდება სტაბილური სამომავლო განვითარებისთვის მყარი საფუძვლების შექმნა და ამას ემსახურება გამჭვირვალობის კანონი“, – განაცხადა ირაკლი კობახიძემ.

გამოსავალი მხოლოდ ერთია – კანონის სასწრაფოდ უკან გაწვევა, მთავრობის გადადგომა და ევროკავშირთან გაწევრიანების დიალოგის განახლება

ხელისუფლებამ უნდა გაიაზროს, რომ ის, რაც დღეს ხდება, არ არის პოლიტიკური პარტიების დაპირისპირება და პოლიტიკური ოპოზიცია აქ არაფერ შუაშია – დღეს “ქართული ოცნება” უპირისპირდება ქართველ ხალხს, რომელსაც აღარ უნდა რუსეთი, მონობა, კორუმპირებული ოლიგარქია, – ამის შესახებ პარლამენტის ოპოზიციონერი დეპუტატი, დავით ბაქრაძე „ფეისბუქზე“ წერს, რითაც 30 აპრილს საპროტესტო აქციაზე განვითარებულ მოვლენებს ეხმაურება.

დავით ბაქრაძე გამოსავალს, მათ შორს „უცხოური გავლენის გამჭვირვალობის შესახებ“ კანონპროექტის უკან გაწვევისა და მთავრობის გადადგომაში ხედავს.

„საქართველო და ქართველი ხალხი ბევრჯერ მდგარა გზაგასაყარზე, მაგრამ 1989 წლის 9 აპრილის შემდეგ არასდროს ასე თვალსაჩინო არ ყოფილა არჩევანი სიბნელეს და სინათლეს, მონობას და თავისუფლებას, ჭაობში დარჩენას და წინსვლას შორის.

ხელისუფლებამ უნდა გაიაზროს, რომ ის, რაც დღეს ხდება, არ არის პოლიტიკური პარტიების დაპირისპირება და პოლიტიკური ოპოზიცია აქ არაფერ შუაშია – დღეს “ქართული ოცნება” უპირისპირდება ქართველ ხალხს, რომელსაც აღარ უნდა რუსეთი, მონობა, კორუმპირებული ოლიგარქია. ქართულმა საზოგადოებამ აჩვენა, რომ საკუთარი ევროპელობით და ბრძოლისუნარიანობით ის ბევრად წინ უსწრებს ქვეყნის პოლიტიკურ ელიტას და მზად არის, თავად დაიცვას საკუთარი ევროპული მომავალი.

დღეს ხელისუფლების ერთადერთ დასაყრდენად დარჩა ძალა და ძალადობა მშვიდობიანი დემონსტრანტების წინააღმდეგ. ვხედავთ ქალებზე, ახალგაზრდებზე, პარლამენტის წევრებზე ძალადობის უმძიმეს და ამაზრზენ კადრებს. ძალადობის ეს სპირალი ბოლომდე ჩაითრევს და გაანადგურებს თავად ხელისუფლებას, მაგრამ ეს ძალადობა უმძიმესი შედეგებით ემუქრება სამოქალაქო დაპირისპირების და გახლეჩის ზღვარზე მდგომ ქართულ სახელმწიფოსაც.

მოვუწოდებ “ქართულ ოცნებას”, ადეკვატურად გაიაზროს მდგომარეობის სიმძიმე – ქართული საზოგადოების წინააღმდეგ ბრძოლა განწირულია დამარცხებისთვის. დამარცხების და მორალური განადგურებისთვის განწირულია თითოეული ის თანამდებობის პირი და პარლამენტის წევრიც, ვინც ამართლებს რუსულ კანონს და ძალადობას. ამიტომ, გამოსავალი მხოლოდ ერთია – კანონის სასწრაფოდ უკან გაწვევა, მთავრობის გადადგომა, პარლამენტის მიერ ქვეყნის ევროპული გზის შეუქცევადობის დამადასტურებელი რეზოლუციის მიღება, ევროკავშირთან გაწევრიანების დიალოგის განახლება და ამ გზით, ოქტომბერში დაგეგმილ გადამწყვეტ არჩევნებამდე ქვეყნის მშვიდობიანად მიყვანა. დანარჩენს უკვე ქართველი ხალხი განსაზღვრავს და მჯერა, რომ საზოგადოება არჩევნებზე საბოლოო უარს ეტყვის რუსულ მთავრობას.

პროცესების ნებისმიერი სხვა გზით გაგრძელება ამ ქვეყანას მიიყვანს სრულმასშტაბიან სამოქალაქო დაპირისპირებამდე, რაზეც სრული პასუხისმგებლობა დაეკისრება საქართველოს ხელისუფლებას და პარტია “ქართულ ოცნებას”, – წერს დავით ბაქრაძე „ფეისბუქზე“.

ხელისუფლებამ უნდა გაიაზროს, რომ ის, რაც დღეს ხდება, არ არის პოლიტიკური პარტიების დაპირისპირება და პოლიტიკური ოპოზიცია აქ არაფერ შუაშია – დღეს “ქართული ოცნება” უპირისპირდება ქართველ ხალხს, რომელსაც აღარ უნდა რუსეთი, მონობა, კორუმპირებული ოლიგარქია, – ამის შესახებ პარლამენტის ოპოზიციონერი დეპუტატი, დავით ბაქრაძე „ფეისბუქზე“ წერს, რითაც 30 აპრილს საპროტესტო აქციაზე განვითარებულ მოვლენებს ეხმაურება.

დავით ბაქრაძე გამოსავალს, მათ შორს „უცხოური გავლენის გამჭვირვალობის შესახებ“ კანონპროექტის უკან გაწვევისა და მთავრობის გადადგომაში ხედავს.

„საქართველო და ქართველი ხალხი ბევრჯერ მდგარა გზაგასაყარზე, მაგრამ 1989 წლის 9 აპრილის შემდეგ არასდროს ასე თვალსაჩინო არ ყოფილა არჩევანი სიბნელეს და სინათლეს, მონობას და თავისუფლებას, ჭაობში დარჩენას და წინსვლას შორის.

ხელისუფლებამ უნდა გაიაზროს, რომ ის, რაც დღეს ხდება, არ არის პოლიტიკური პარტიების დაპირისპირება და პოლიტიკური ოპოზიცია აქ არაფერ შუაშია – დღეს “ქართული ოცნება” უპირისპირდება ქართველ ხალხს, რომელსაც აღარ უნდა რუსეთი, მონობა, კორუმპირებული ოლიგარქია. ქართულმა საზოგადოებამ აჩვენა, რომ საკუთარი ევროპელობით და ბრძოლისუნარიანობით ის ბევრად წინ უსწრებს ქვეყნის პოლიტიკურ ელიტას და მზად არის, თავად დაიცვას საკუთარი ევროპული მომავალი.

დღეს ხელისუფლების ერთადერთ დასაყრდენად დარჩა ძალა და ძალადობა მშვიდობიანი დემონსტრანტების წინააღმდეგ. ვხედავთ ქალებზე, ახალგაზრდებზე, პარლამენტის წევრებზე ძალადობის უმძიმეს და ამაზრზენ კადრებს. ძალადობის ეს სპირალი ბოლომდე ჩაითრევს და გაანადგურებს თავად ხელისუფლებას, მაგრამ ეს ძალადობა უმძიმესი შედეგებით ემუქრება სამოქალაქო დაპირისპირების და გახლეჩის ზღვარზე მდგომ ქართულ სახელმწიფოსაც.

მოვუწოდებ “ქართულ ოცნებას”, ადეკვატურად გაიაზროს მდგომარეობის სიმძიმე – ქართული საზოგადოების წინააღმდეგ ბრძოლა განწირულია დამარცხებისთვის. დამარცხების და მორალური განადგურებისთვის განწირულია თითოეული ის თანამდებობის პირი და პარლამენტის წევრიც, ვინც ამართლებს რუსულ კანონს და ძალადობას. ამიტომ, გამოსავალი მხოლოდ ერთია – კანონის სასწრაფოდ უკან გაწვევა, მთავრობის გადადგომა, პარლამენტის მიერ ქვეყნის ევროპული გზის შეუქცევადობის დამადასტურებელი რეზოლუციის მიღება, ევროკავშირთან გაწევრიანების დიალოგის განახლება და ამ გზით, ოქტომბერში დაგეგმილ გადამწყვეტ არჩევნებამდე ქვეყნის მშვიდობიანად მიყვანა. დანარჩენს უკვე ქართველი ხალხი განსაზღვრავს და მჯერა, რომ საზოგადოება არჩევნებზე საბოლოო უარს ეტყვის რუსულ მთავრობას.

პროცესების ნებისმიერი სხვა გზით გაგრძელება ამ ქვეყანას მიიყვანს სრულმასშტაბიან სამოქალაქო დაპირისპირებამდე, რაზეც სრული პასუხისმგებლობა დაეკისრება საქართველოს ხელისუფლებას და პარტია “ქართულ ოცნებას”, – წერს დავით ბაქრაძე „ფეისბუქზე“.

დროა, ბიძინა ივანიშვილს და ყველას, ვინც მას საქართველოს დემოკრატიის განადგურებაში ეხმარება, სანქციები დაუწესდეს, – ამის შესახებ განცხადებას „ევროპის სახალხო პარტია“ X-ზე ავრცელებს.

„ამ ბრძოლაში ქართველების მომავალ თაობას მარტო ვერ დავტოვებთ“, – აღნიშნულია განცხადებაში.

„ევროპის სახალხო პარტიამ“ სპეცრაზმის მიერ დემონსტრანტების დაშლისა და „ერთიანი ნაციონალური მოძრაობის“ თავმჯდომარის, ლევან ხაბეიშვილის ცემის ფაქტი დაგმო.

„ჩვენ აღშფოთებულები ვართ თბილისში იმ დემონსტრანტების მიმართ განხორციელებული სასტიკი ძალადობით, რომლებიც „უცხოელი აგენტების“ შესახებ კანონს მშვიდობიანად აპროტესტებენ. ასევე, ჩვენ მკაცრად ვგმობთ სპეცრაზმის მიერ „ერთიანი ნაციონალური მოძრაობის“ თავმჯდომარის, ლევან ხაბეიშვილის ცემის ფაქტს. საქართველოს მოსახლეობა დემოკრატიასა და ევროპას იმსახურებს!“- ნათქვამია „ევროპის სახალხო პარტიის“ განცხადებაში.