თიბისის სტაჟირების პროგრამამ, რომელსაც კომპანია ყოველწლიურად აცხადებს,  ტრადიციულად წელსაც დიდი დაინტერესება გამოიწვია. თიბისის სხვადასხვა მიმართულებაში სტაჟირების პროგრამაზე 1020-ზე მეტი სტუდენტი და კურსდამთავრებული დარეგისტრირდა.

შერჩევის პირველი ეტაპი, ტესტირება, 700-ზე მეტმა ახალგაზრდამ გაიარა. შერჩევის პროცესი, რომელიც რამდენიმე ეტაპისგან შედგება, გრძელდება. ფინალში გადასული საუკეთესო კანდიდატები ანაზღაურებად სტაჟირებას თიბისიში 2025 წლიდან გაივლიან.

სტაჟირების პროგრამის ფარგლებში, ახალგაზრდებს შესაძლებლობა ექნებათ, 6-დან 12 თვემდე პერიოდში, თიბისის გუნდის  წევრები გახდნენ და რეალურ დროსა და სივრცეში მონაწილეობა მიიღონ სხვადასხვა საინტერესო პროექტის მართვასა და მათ დამოუკიდებლად განხორციელებაში, ისწავლონ წამყვანი პროფესიონალებისგან და კარიერაში პირველი დიდი ნაბიჯები გადადგან. პროგრამის ფარგლებში, სტაჟიორები ყველა იმ უნარსა და ცოდნას შეიძენენ, რომლებიც მათ პროფესიულ განვითარებაში, სამომავლოდ კი, დასაქმებაში დაეხმარებათ, როგორც თიბისიში, ისე – მათთვის საინტერესო ნებისმიერ სხვა საერთაშორისო თუ ქართულ კომპანიაში.

თიბისის სტაჟირების პროგრამა მრავალფეროვანია და მასში მონაწილეობა სხვადასხვა  მიმართულებით დაინტერესებულ ახალგაზრდებს შეუძლიათ.  

• ფინანსები
• ბიზნესი
• მაკროფინანსური ანალიზი
• ბრენდის გამოცდილება და მარკეტინგი
• მონაცემთა ანალიზი
• იურიდიული მიმართულება
• ადამიანური კაპიტალი
• გარემოს დაცვის, სოციალური და მმართველობის საკითხები (ESG)

“განვითარებაში ყველაზე მეტად ჩვენივე შემოსაზღვრული ჩარჩოები გვიშლის. მათი გარღვევა და ამ ბარიერების დანახვა გვიჭირს, არადა, წარმატებისთვის ყველაზე მთავარია და ვფიქრობ, ჩვენი კულტურიდან გამომდინარე, სხვა ყველაფერთან ერთად, თიბისიში ყველაზე კარგად ამას სწავლობ. ამიტომაც, თიბისი კარიერული დებიუტისთვის ყველაზე სასარგებლო ადგილია”, – მაკუნა თავბერიძე, თიბისის ბრენდის გამოცდილების და მარკეტინგის ხელმძღვანელი

თიბისის სტაჟირების პროგრამა იმ ახალგაზრდებისთვისაა განკუთვნილი, რომლებიც არ უშინდებიან სიახლეებს,  მზად არიან ახალი გამოწვევებისთვის, ვისაც საქმე ყოველთვის ბოლომდე მიჰყავს და გამოირჩევა ცნობისმოყვარეობითა და გაბედულობით.

 გარემოს ეროვნული სააგენტოს ცნობით, 7 ნოემბრიდან საქართველოში გამოიდარებს, ნალექი შეწყდება, ქარიც ჩადგება. ღამისა და დილის საათებში მოსალოდნელია ჰაერის ტემპერატურის დაკლება, ხოლო დღის საათებში ტემპერატურა შედარებით მოიმატებს: დასავლეთ საქართველოს დაბლობში +12, +17, აღმოსავლეთ საქართველოს ბარში კი +10, +15 გრადუსამდე.

ქ. თბილისში უნალექო ამინდი იქნება. ჰაერის ტემპერატურა ღამით -1,+2, დღისით კი +12, +14 გრადუსი დაფიქსირდება.

სანაპირო რაიონებში (ბათუმი, ქობულეთი, ანაკლია, ფოთი): უნალექო ამინდი იქნება. დღისით +11, +16 გრადუსი დაფიქსირდება.

დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): უნალექო ამინდი იქნება. ღამის საათებში ტემპერატურა 0, +5 გრადუსამდე დაიკლებს, დღისით კი +12, +17 გრადუსი დაფიქსირდება.

დასავლეთ საქართველოს მთიან რაიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): უნალექო ამინდი იქნება. ღამის საათებში ტემპერატურა -1, -6 გრადუსამდე დაიკლებს, დღისით კი +7, +12 გრადუსი დაფიქსირდება.

დასავლეთ საქართველოს მაღალმთიან რაიონებში (მესტია, ბახმარო): უნალექო ამინდი იქნება. ღამის საათებში ტემპერატურა -11, -16 გრადუსამდე დაიკლებს, დღისით კი +2, +7 გრადუსი დაფიქსირდება.

ქართლში (რუსთავი, ბოლნისი, მარნეული, გარდაბანი, გორი, ცხინვალი): უნალექო ამინდი იქნება. ღამის საათებში ტემპერატურა შიდა ქართლში -2, -4 გრადუსამდე დაიკლებს, დღისით კი +9, +14 გრადუსი დაფიქსირდება.

კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): უნალექო ამინდი იქნება. ღამის საათებში ტემპერატურა 0, -2 გრადუსამდე დაიკლებს, დღისით კი +10, +15 გრადუსი დაფიქსირდება.

აღმოსავლეთ საქართველოს მთიან რაიონებში (ახალციხე, ბორჯომი, დუშეთი, თიანეთი, ფასანაური): უნალექო ამინდი იქნება. ღამის საათებში ტემპერატურა -5, -10 გრადუსამდე დაიკლებს, დღისით კი +4, +9 გრადუსი დაფიქსირდება.

აღმოსავლეთ საქართველოს მაღალმთიან რაიონებში (ახალქალაქი, წალკა, ბაკურიანი, გუდაური, ომალო): უნალექო ამინდი იქნება. ღამის საათებში ტემპერატურა -12, -17 გრადუსამდე დაიკლებს, დღისით კი 0, +5 გრადუსი დაფიქსირდება.

გოდერძის უღელტეხილზე მაღალი გამავლობის ავტოტრანსპორტის მოძრაობა აღდგა.

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, შიდასახელმწიფოებრივი მნიშვნელობის ბათუმი (ანგისა)-ახალციხის საავტომობილო გზის კმ106-კმ123 (გოდერძის უღელტეხილი) მონაკვეთზე მაღალი გამავლობის (ორი და მეტი წამყვანი ხიდის მქონე) ავტოტრანსპორტის მოძრაობა აღდგენილია, ხოლო დანარჩენი სახის ავტოტრანსპორტის გადაადგილება აკრძალულია.

6 ნოემბერს „ავერსის კლინიკაში“ გაიმართა გამა ნაიფ ესპრიტის (Gamma Knife Esprit) ოფიციალური პრეზენტაცია. გამა ნაიფი (Gamma Knife) არის უსაფრთხო, უმტკივნეულო და უსისხლო რადიოქირურგიული მეთოდი, რომელიც წარმოადგენს თავის ტვინის სიმსივნეებისა და სხვა პათოლოგიების მკურნალობის ოქროს სტანდარტს.

„ავერსის კლინიკა“ პირველი სამედიცინო დაწესებულებაა საქართველოში, რომელმაც მკურნალობის ეს ყველაზე თანამედროვე მეთოდი დანერგა. გამა ნაიფის (Gamma Knife), მისი უნიკალური შესაძლებლობებისა და საუკეთესო შედეგების გამო, მსოფლიოს წამყვანი კლინიკები ირჩევენ. ამ რადიოქირურგიული მეთოდით წელიწადში 90 000-მდე პაციენტი იკურნება.

გამა ნაიფით (Gamma Knife) მკურნალობენ:

• თავის ტვინის კეთილთვისებიან სიმსივნეებს:
• თავის ტვინის ავთვისებიან სიმსივნეებს;
• სამწვერა ნერვის ნევრალგიას;
• ტვინის არტერიოვენურ მალფორმაციას;
• ნებისმიერ სიმსივნეს, რომელიც გავლენას ახდენს თავის ტვინის სასიცოცხლო ფუნქციაზე;
• ეპილეფსიის განსაზღვრულ ფორმებს;
• ესენციურ ტრემორს.

პროცედურის დროს რადიაქტიური სხივები კონად იკრიბება და დაზიანებული ქსოვილისკენ მიემართება მის გასანადგურებლად. აქ ყველაზე მნიშვნელოვანი ის არის, რომ სხივები არ აზიანებს ჯანმრთელ ქსოვილს.

გამა ნაიფით (Gamma Knife)  მკურნალობის უპირატესობები:

• არაინვაზიური პროცედურაა, რომელიც არ მოითხოვს განაკვეთს, შესაბამისად, არ ტოვებს ნაიარევს თავის ქალაზე;
• მინიმალურია ოპერაციის შემდგომი გართულებების რისკი;
• მკურნალობა სრულდება ერთ სეანსში;
• პაციენტთა უმრავლესობა შინ ბრუნდება პროცედურიდან რამდენიმე საათის შემდეგ და მეორე დღესვე უბრუნდება ცხოვრების ჩვეულ რიტმს;
• უსაფრთხოა ორსულებისა და ბავშვებისთვის.

გამა ნაიფი (Gamma Knife) – ვისაც ყველაზე ძვირფასს, გონებას ანდობ!

ღონისძიებას ესწრებოდნენ:

„ავერსის“ დამფუძნებელი პაატა კურტანიძე;

დევნილთა, შრომის, ჯანმრთელობისა და სოციალური დაცვის მინისტრი- მიხელ სარჯველაძე;

„ავერსის კლინიკის“ დირექტორი დიმიტრი ჯორბენაძე;

Gamma Knife-ის ევროპის რეგიონის ხელმძღვანელი;

სამედიცინო სექტორის წარმომადგენლები;

მერიის, ჯანდაცვისა და სოციალური სამსახურის წარმომადგენლები;

ჰოლდინგ „ავერსის“ წარმომადგენლები.

ვერძი

რთული და მოვლენებით სავსე დღე გელით. რომ არ გადაიღალოთ უფრო ხშირად უნდა დაისვენოთ და ყურადღება სასიამოვნო საქმეებზე გადაიტანოთ. საბოლოო წარმატება თქვენი რეაქციის სიჩქარეზეა დამოკიდებული. ასე რომ, გადაწყვეტილების მიღებას ნუ გააჭიანურებთ. ეცადეთ საღამოს გაერთოთ და პრობლემები დაივიწყოთ. ვარსკვლავები ამბობენ, რომ კომპრომისებისა და დათმობის გზით მიზანს უფრო სწრაფად მიაღწევთ.

კურო

იმისთვის, რომ თქვენი დღე წარმატებული იყოს, რთულ სიტუაციაში კომპრომისის პოვნა უნდა შეძლოთ. ურთიერთობა ადვილი არ იქნება, მაგრამ ეცადეთ, ოპონენტებს დაუთმოთ. მოერიდეთ კამათს და მოსაუბრეზე ზეწოლას. სასურველია, დღის განმავლობაში ურთიერთობები შეძლებისდაგვარად შეზღუდოთ და დისტანციურად იმუშაოთ. ამ რთულ სამუშაო დღეს გადაღლა რომ თავიდან აიცილოთ, პერიოდულად საქმეს უნდა მოწყდეთ და დაისვენოთ.

ტყუპები

ამ დღეს თქვენთვის პირადი და ოჯახური ურთიერთობები პირველ ადგილზეა. ეცადეთ, საყვარელ ადამიანებს მეტი ყურადღება მიაქციოთ. ხელსაყრელი დღეა ახალი, საინტერესო პროექტის დასაწყებად. გადაწყვეტილებები ფრთხილად, მოსალოდნელი შედეგების გათვალისწინებით უნდა მიიღოთ. ამ დღეს აჩქარებას შეიძლება, სერიოზული შეცდომები მოჰყვეს.

კირჩხიბი

ეცადეთ, მთელი ყურადღება სამუშაოზე გადაიტანოთ, რომ დაგეგმილი საქმე დროულად დაასრულოთ და საქმიანი კავშირები გააძლიეროთ. გაუფრთხილდით დროს და უსარგებლო საქმეზე ნუ დახარჯავთ. ახალ ნაცნობებზე წარუშლელ შთაბეჭდილებას მოახდენთ. სავარაუდოდ, ოჯახის წევრებს და საყვარელ ადამიანებს თქვენი მხარდაჭერა დასჭირდებათ.

ლომი

ამ დღეს მხოლოდ საკუთარი თავის იმედი უნდა გქონდეთ. კოლეგებს და მეგობრებს ბევრი საქმე აქვთ და თქვენს დასახმარებლად არავის სცალია. სიჯიუტე და შეუპოვრობა ყველა სირთულის დაძლევაში და სასურველი შედეგების მიღებაში დაგეხმარებათ. გახსოვდეთ თქვენი წარსული გამოცდილება და ძველი შეცდომები არ გაიმეოროთ. ადამიანებზე შესანიშნავ შთაბეჭდილებას ახდენთ და ეცადეთ, ეს თქვენთვის სასარგებლოდ გამოიყენოთ.

ქალწული

ბედი სასიამოვნო სიურპრიზებსა და საჩუქრებს გიმზადებთ. დახმარების თხოვნაზე უარი არავის უთხრათ. გირჩევთ, საპასუხისმგებლო მოლაპარაკებები თუ საქმიანი დისკუსიები სხვა დღისთვის გადადოთ. ნუ დაივიწყებთ პირობას, რომელიც ახლობელ ადამიანს მიეცით – მისი შესრულების დროა.

სასწორი

უსმინეთ საკუთარ ინტუიციას და რთულ სიტუაციაში გამოსავალს დაგანახვებთ. შესაძლოა, გაიცნოთ ადამიანი, რომელიც თქვენს ცხოვრებას უკეთესობისკენ შეცვლის. პლანეტების ხელსაყრელი განლაგება სასიამოვნო სიურპრიზს გპირდებათ. იმედს ნუ გაუცრუებთ მათ, ვისაც თქვენი რჩევა ან დახმარება სჭირდება. შესაძლოა, თანამშრომლობაზე საინტერესო შეთავაზება მიიღოთ.

მორიელი

ნუ აჩქარდებით, რომ საბედისწერო შეცდომა არ დაუშვათ, რომელიც ფინანსურად დაგაზარალებთ. ეცადეთ, საჭირო ადამიანებზე კარგი შთაბეჭდილება მოახდინოთ და მიზნებს უფრო სწრაფად მიაღწევთ. გადაწყვეტილების მიღებისას ასჯერ გაზომეთ და ერთხელ გაჭერით. გირჩევთ, სამსახურის შემდეგ ხმაურიან ადგილზე წახვიდეთ, მეგობრებთან ერთად გაერთოთ და ემოციურად დაიმუხტოთ.

მშვილდოსანი

ეცადეთ, საყვარელ ადამიანების სიტყვებს უფრო ყურადღებით მოუსმინოთ და მათი სურვილები გაითვალისწინოთ. გარშემო მყოფები თქვენს შემოქმედებით აზროვნებას ძალიან აფასებენ და შესაძლოა, თანამშრომლობის მოგებიანი შეთავაზებები მიიღოთ. შუადღე ხელსაყრელი დროა მოლაპარაკებებისა და შეხვედრებისთვის. ეცადეთ, სიმშვიდე შეინარჩუნოთ და ოჯახში კონფლიქტური სიტუაციის შექმნა არ დაუშვათ.

თხის რქა

ეცადეთ, სამუშაოს შემოქმედებითად მიუდგეთ, რომ მენეჯმენტსა და კოლეგებზე შთაბეჭდილება მოახდინოთ. ენერგიულობა და შრომისმოყვარეობა დაგეხმარებათ შეძლოთ ის, რაც აქამდე მიუღწეველი გეგონათ. გირჩევთ მნიშვნელოვანი მოლაპარაკებები ან დისკუსიები შუადღისთვის დაგეგმოთ, როცა საჭირო სიტყვების პოვნას და კამათში საკუთარი პოზიციის დაცვას ადვილად შეძლებთ.

მერწყული

ჰოროსკოპი გირჩევთ, რომ მაღაზიების შემოვლა სხვა დროისთვის გადადოთ, რადგან ამ დღეს შეიძლება უამრავი უსარგებლო ნივთი იყიდოთ და ფული წყალს გაატანოთ. სამსახურში სადავო საკითხები თქვენს სასარგებლოდ გადაწყდება და ქებას დაიმსახურებთ. თუ არ იზარმაცებთ, შეიძლება ძველი უსიამოვნო და მომაბეზრებელი საქმე დაასრულოთ. გამორიცხული არ არის, რომ ახალი მოკავშირეები იპოვოთ.

თევზები

რასაც არ უნდა აკეთებდეთ, ეცადეთ, ძალიან ფრთხილად იმოქმედოთ და ყოველ მომდევნო ნაბიჯზე იფიქროთ. სხვა შემთხვევაში შეიძლება შეცდომა დაუშვათ, რომლის გამოსწორება რთული იქნება. ეს დღე ახალი პროექტების დასაწყებად არახელსაყრელია – შესაძლოა, საქმის ბოლომდე მისაყვანად ენერგია არ გეყოთ და შუა გზაზე მიატოვოთ.