სუდანში ევროკავშირის ელჩს საკუთარ რეზიდენციაში თავს დაესხნენ, – ამის შესახებ საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა ჟოზეფ ბორელმა განაცხადა.
„რამდენიმე საათის წინ ევროკავშირის ელჩს სუდანში, საკუთარ რეზიდენციაში თავს დაესხნენ. ეს არის ვენის კონვენციის უხეში დარღვევა. დიპლომატიური შენობებისა და პერსონალის უსაფრთხოება სუდანის ხელისუფლების უპირველესი პასუხისმგებლობა და საერთაშორისო სამართლის ვალდებულებაა“, – აცხადებს ბორელი.
ვერძი
მოემზადეთ იმისთვის, რომ გეგმების შეცვლა და შეხვედრების გადადება მოგიწევთ. კონფლიქტური სიტუაციების თავიდან ასაცილებლად ეცადეთ, სიმშვიდე შეინარჩუნოთ და მთელი ძალისხმევა ახლად წარმოქმნილი პრობლემების მოგვარებისკენ მიმართოთ.
კურო
მუშაობისთვის ხელსაყრელი დღეა. ნებისმიერი სირთულის საქმეს უმოკლეს დროში და წარმატებით დაასრულებთ და დასვენებისთვის დროც დაგრჩებათ. გარემოებათა წარმატებული განვითარება ხანგრძლივი კონფლიქტის დასრულებას და დადებითი ემოციების ზღვას გპირდებათ.
ტყუპები
პლანეტების ხელსაყრელი განლაგება ძველი მინების და ოცნებების ასრულებას გპირდებათ. სავარაუდოდ, საღამოს სასიხარულო ამბავს გაიგებთ და ახლობელ ადამიანთან გაწყვეტილი ურთიერთობის აღდგენას შეძლებთ. დროა, ფიზიკური ფორმის გაუმჯობესებასა და იმუნიტეტის ამაღლებაზე იზრუნოთ.
კირჩხიბი
დილიდან შინაგან დისკომფორტს გრძნობთ და სამუშაოზე ყურადღების კონცენტრირება გიჭირთ. უმნიშვნელო ამბები ან გარეშე პირები თქვენს ყურადღებას ხშირად იქცევენ. დღის მეორე ნახევარში თავში ბრწყინვალე იდეა მოგივათ, მაგრამ გირჩევთ, ამის შესახებ კოლეგებს ჯერ არაფერი უამბოთ. ამჟამად მათგან მხარდაჭერას არ უნდა ელოდოთ, ამიტომ დამოუკიდებლად მოქმედება უნდა დაიწყოთ.
ლომი
ამ დღეს გარშემომყოფთა მხარდაჭერას და მოწონებას დაიმსახურებთ. რა გასაკვირია, თქვენი ოპტიმიზმი და ურთიერთობის სტილი ნებისმიერ ადამიანს მოხიბლავს. მარტოხელა ლომი საპირისპირო სქესის ადამიანს გაიცნობს, რომელიც მის ცხოვრებას მთლიანად შეცვლის. საღამო შოპინგისთვის ხელსაყრელია.
ქალწული
თქვენ ირგვლივ ბევრი საინტერესო რამ ხდება, მაგრამ საკუთარი პასუხისმგებლობები არ უნდა დაივიწყოთ. ეცადეთ, დღე ისე დაგეგმოთ, რომ დაწყებული საქმეების დროულად დასრულება შეძლოთ. შექმნილ მდგომარეობაზე ფიქრისა და სიტუაციის გაანალიზებისთვის დრო გამონახეთ – დაფიქრდით, რა ნაბიჯები უნდა გადადგათ შემოსავლის გასაზრდელად.
სასწორი
შეწყვიტეთ წვრილმანებზე ფიქრი, თორემ რაღაც ძალიან მნიშვნელოვან მოვლენას გამოტოვებთ. შფოთვითი მდგომარეობა სამსახურზე ყურადღების გამახვილების საშუალებას არ გაძლევთ, შედეგად საქმის დასრულება და სასურველი შედეგის მიღება გიჭირთ. გირჩევთ, სიამაყე დაივიწყოთ და დახმარება მეგობრებს ან კოლეგებს სთხოვოთ. სასურველია, რომ საღამო ოჯახში, საყვარელ ადამიანებთან ერთად გაატაროთ.
მორიელი
თქვენი გულწრფელობა და პირდაპირობა უამრავ ადამიანს მიიზიდავს და ახალ მოკავშირეებს გაპოვნინებთ. თქვენი იდეები და თამამი წინადადებები საყოველთაო აღიარებას მოიტანთ. დროა, ძველ საქმეებს მიუბრუნდეთ. ძველი პრობლემების ახლებურად დანახვა საკუთარი შეცდომების გამოსწორებაში დაგეხმარებათ.
მშვილდოსანი
მშვიდი და ყოველმხრივ ხელსაყრელი დღეა. დროა, აქტიურობა შეამციროთ და ძალების აღდგენაზე იფიქროთ. მეგობრებთან შეხვედრა სამსახურებრივი პრობლემების დავიწყებაში დაგეხმარებათ. საღამოს რომანტიკული პაემანი ან გაწყვეტილი ურთიერთობის აღდგენა გელით.
თხის რქა
თუნდაც ძალიან იღბლიანი ადამიანი იყოთ, გაუმართლებელ რისკს და დაუფიქრებელ მოქმედებას უნდა ერიდოთ. წარსულის გამოცდილება რთული ვითარებიდან გამოსვლაში დაგეხმარებათ. საღამოს შესაძლოა ძველი მეგობრები ან ნათესავები გესტუმრონ, რომლებიც დიდი ხანი არ გინახავთ.
მერწყული
ამ დღეს მნიშვნელოვანი შეხვედრები თუ რთული მოლაპარაკებები თქვენთვის ხელსაყრელი შედეგით დასრულდება. პიროვნული ხიბლი და ადამიანების დარწმუნების უნარი გავლენიანი ადამიანების მხარდაჭერას და მოგებიან გარიგებებს მოიტანთ. ეს დღე ასევე ხელსაყრელია ვარჯიშისა და კვალიფიკაციის ამაღლებისთვის.
თევზები
პროფესიული საქმიანობა და კოლეგებთან ურთიერთობა წარმატებული და ნაყოფიერია.სავარაუდოდ, ბიზნესპარტნიორები ხელსაყრელ პირობებს შემოგთავაზებენ, რაც სოციალური პოზიციის გაუმჯობესებაში დაგეხმარებათ, თუმცა შურიანი და არაკეთილსინდისიერი ადამიანების თავდასხმისთვისაც უნდა მოემზადოთ. საღამოს მოულოდნელ სიახლეებს შეიტყობთ.
სუდანში ევროკავშირის ელჩს თავს დაესხნენ. ამის შესახებ ინფორმაციას სოციალურ ქსელ „ტვიტერში“ საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენელი ჯოზეფ ბორელი წერს. მისი ცნობით, ელჩზე თავდასხმა მის რეზიდენციაში მოხდა.
„რამდენიმე საათის წინ, სუდანში ევროკავშირის ელჩს თავს დაესხნენ საკუთარ რეზიდენციაში. ეს წარმოადგენს ვენის კონვენციის უხეშ დარღვევას. დიპლომატიური დაწესებულებების და პერსონალის უსაფრთხოება არის სუდანის ხელისუფელბის მთავარი პასუხისმგებლობა და ვალდებულება საერთაშორისო სამართლის მიხედვით“, – წერს ბორელი.
ევროკავშირის ელჩზე თავდასხმის დეტალები და დიპლომატის მდგომარეობა უცნობია. სუდანში ევროკავშირის ელჩი ირლანდიელი დიპლომატი, აიდან ოჰარაა.
შეგახსენებთ, რომ სუდანში სამი დღეა, ქვეყნის არმიასა და გასამხედროებულ „სწრაფი მხარდაჭერის ძალებს შორის“ შეტაკებები მიმდინარეობს.
A few hours ago, the EU Ambassador in #Sudan was assaulted in his own residency.
This constitues a gross violation of the Vienna Convention. Security of diplomatic premises and staff is a primary responsibility of Sudanese authorities and an obligation under international law.
— Josep Borrell Fontelles (@JosepBorrellF) April 17, 2023
ავიაკომპანია Myway Airlines-ის განცხადებით, ამჟამად სუდანში მათი 13 თანამშრომელი იმყოფება, რომლებიც უსაფრთხო ზონაში არიან.
მათივე ცნობით, სუდანში ვითარების დაძაბვის პირველივე წუთებიდან, ავიაკომპანია მუდმივ კომუნიკაციაშია თურქეთში საქართველოს საელჩოსთან და მათთან ერთად ცდილობს დაგეგმოს ეკიპაჟის უსაფრთხო და დროული გამოყვანა სუდანიდან.
„გვსურს, გამოვეხმაუროთ სუდანში მიმდინარე მოვლენებს და შეგატყობინოთ სუდანში მყოფი ჩვენი თანამშრომლების მდგომარეობის თაობაზე.
სამსახურებრივი მივლინებით სუდანში იმყოფება ავიაკომპანია „მაივეი ეარლაინსის“ 13 თანამშრომელი (პილოტები, ბორტგამცილებლები და ტექნიკური პერსონალი). გვაქვს მუდმივი კონტაქტი ჩვენი ეკიპაჟის წევრებთან, რომლებიც ამჟამად იმყოფებიან უსაფრთხო ზონაში, თავიანთ საცხოვრებლებში და შექმნილი სიტუაციიდან გამომდინარე, თავს იკავებენ გარეთ გამოსვლისა და გადაადგილებისგან. სუდანში ჩვენს პარტნიორთან თანამშრომლობით, ვცდილობთ, რომ მათ მიეწოდოთ აუცილებელი სურსათი და სხვა საყოფაცხოვრებო ნივთები.
სუდანში ვითარების დაძაბვის პირველივე წუთებიდან ვართ მუდმივ კომუნიკაციაში თურქეთში საქართველოს საელჩოსთან და მათთან ერთად ვცდილობთ დავგეგმოთ ეკიპაჟის უსაფრთხო და დროული გამოყვანა სუდანიდან. ასევე ვთანამშრომლობთ ჩვენს კოლეგებთან ავიაკომპანია „ჯეო სქაიდან“, რომელთა თანამშრომლებიც ასევე იმყოფებიან სუდანში.
მოგახსენებთ, რომ ჩვენი ეკიპაჟი სუდანში იმყოფება ავიაკომპანია „მაივეი ეარლაინსსა“ და სუდანის ერთ-ერთ ადგილობრივ ავიაკომპანიას შორის არსებული ეკიპაჟიანი იჯარის ხელშეკრულების ფარგლებში. აღნიშნული გულისხმობს, რომ ჩვენი ეკიპაჟი სამგზავრო რეისებს ასრულებს ავიაკომპანია „მაივეი ეარლაინსის“ სუდანში ბაზირებული საჰაერო ხომალდებით“, – ნათქვამია განცხადებაში.
ცნობისთვის, სუდანში გასამხედროებულ დაჯგუფებასა და ქვეყნის არმიას შორის შეტაკებებს ასამდე ადამიანი ემსხვერპლა, დაჭრილია ათასზე მეტი. არმია და გასამხედროებული დაჯგუფება ვერ თანხმდებიან, თუ როგორ უნდა გადავიდეს ქვეყანა სამოქალაქო მმართველობაზე.
გაკვირვებული ვარ ამ დღეებში ახალი მენეჯმენტის რეაქციით, ოფისის გამო, -ამის შესახებ “ნაციონალური მოძრაობის” ყოფილი თავჯდომარე, პარტიის წევრი ნიკა მელია სოციალურ ქსელში წერს.
მისი თქმით, ძალა არა ერთობაში, არამედ განსხვავებულთა ერთობაშია და ოფისი გაიხსნა იმ რეალობიდან გამომდინარე, რაც პარტიაშია.
მელიას განცხადებით, როგორც თბილისში გახსნილი ოფისისა და მიზნების შესახებ პარტიის მენეჯმენტს აცნობეს.
“ოფისი გაიხსნა იმ მძიმე რეალობიდან გამომდინარე, იმ გამოწვევებთან გასამკლავებლად, რომელიც დღის წესრიგში დადგა არა პარტიის თავმჯდომარის არჩევნების შემდეგ,(რომელიც ვაღიარე, მივულოცე და ვუსურვე ეპოვათ თავის თავში ძალა პარტია ემართათ ღირსებითა და სიმართლით) არამედ წარმოუდგენლად უსამართლოდ ჩატარებული ყრილობის შემდეგ, რამაც პარტია პრაქტიკულად ორად გაყო.
სწორედ ამ “ყრილობის” შემდეგ, დარჩა პარტიის ძალიან ბევრი წევრი (დაფუძნების დღიდან) პარტიის კარს მიღმა და ასევე ძალიან ბევრი ისეთი თანამოაზრე, რომელიც პარტიის ბრძოლას არა მთავრობაში, არამედ ოპოზიციაში ყოფნის დროს შემოუერთდა – ეს ხალხი გახდა მიუღებელი ახალი მენეჯმენტისათვის მათი პოზიციის გამო.
ბოლო პერიოდში პარტიის მდგომარეობა მნიშვნელოვნად დამძიმდა, განსაკუთრებით რთული მდგომარეობაა თბილისში.
სწორედ ამიტომ მივიღეთ გადაწყვეტილება, გაგვეგრძელებინა ოპოზიციური აზრის კონსოლიდაცია და საერთო მიზნისათვის ბრძოლა და როგორც თბილისში გახსნილი ოფისის, ისე ჩვენი მიზნების შესახებ ეცნობა პარტიის მენეჯმენტს.
ძალა არა ერთფეროვნებაში, არამედ განსხვავებულთა ერთობაშია!”, – წერს მელია “ფეისბუქზე”.
კინორეჟისორი, გოგა ხაინდრავა აშშ-ის სახელმწიფო დეპარტამენტის სანქციების პოლიტიკის ყოფილი კოორდინატორის, დენიელ ფრიდის განცხადებებს, საქართველოსთან დაკავშირებით, ,,ტვიტერით,, ეხმიანება.
“არჩევნების გაყალბებისა და პოლიტიკური დევნის იარაღად ქცეული მართლმსაჯულება პორნოვარსკლავს და პრეზიდენტს შორის გასაღებს რომ დაკარგავს, დაზვერვის სისტემის კრახს 21 წლის ბიჭს რომ დააბრალებს, – მრუდე სარკეში დანახული აშშ ამას ჰქვია, მისტერ ფლიდ! სარკე გამოცვალეთ!”, – წერს ხაინდრავა.
ვთხოვთ ჩვენს მოქალაქეებს სუდანში, თავი შეიკავონ გარეთ გასვლისა და გადაადგილებისგან,- ამის შესახებ საგარეო საქმეთა მინისტრის მოადგილემ ალექსანდრე ხვთისიაშვილმა განაცხადა.
მისივე თქმით, სუდანში ამ მომენტამდე შეტაკებები არ გაჩერებულა, რის გამოც ჯერჯერობით მათთან კორიდორზე მოლაპარაკებების წარმოება ვერ ხერხდება.
„ვთხოვთ ჩვენს მოქალაქეებს სუდანში, რომ თავი შეიკავონ გარეთ გასვლისა და გადაადგილებისგან. ინტენსიურად ვმუშაობთ ჩვენს პარტნიორებთან ერთად, რომ კორიდორი გაკეთდეს ან შესაძლებლობა მოვძებნოთ რამენაირად, რომ ჩვენი მოქალაქეები ერთდროულად გამოვიყვანოთ სუდანიდან. კონტაქტზე ვართ გაეროს ოფისთანაც და ჩვენს პარტნიორებთან ვართ მჭიდრო კონტაქტზე. სამწუხაროდ, ამ მომენტამდე არ გაჩერებულა სროლები და შეტაკებები, რომ რომელიღაცა მხარემ აიღოს კონტროლი სიტუაციაზე და მოხდეს მათთან ამ ნებართვებსა და დერეფანზე დალაპარაკება. ჯერჯერობით არ გვესაუბრებიან, რადგან შეტაკებებში არიან. ქართველები ყველა უსაფრთხოდ, ჯანმრთელად არიან და იმყოფებიან იქ, სადაც ცხოვრობენ და ცდილობენ, რომ გარეთ არ გამოვიდნენ“- განაცხადა ხვთისიაშვილმა.
სუდანში გასამხედროებულ დაჯგუფებასა და ქვეყნის არმიას შორის შეტაკებებს ასამდე ადამიანი ემსხვერპლა, დაჭრილია ათასზე მეტი. არმია და გასამხედროებული დაჯგუფება ვერ თანხმდებიან, თუ როგორ უნდა გადავიდეს ქვეყანა სამოქალაქო მმართველობაზე.
სუდანში ამჟამად დაახლოებით 40-მდე საქართველოს მოქალაქეა, მათი ნაწილი იქ სამუშაოდ იმყოფება.
დიდი ბრიტანეთის პარლამენტმა 13 აპრილს პრემიერმინისტრ რიში სუნაკის წინააღმდეგ ფინანსური ინტერესების საკითხზე გამოძიება დაიწყო.
ამის შესახებ ინფორმაცია ქვეყნის პარლამენტის საიტზე განთავსდა, მაგრამ გამოძიების დეტალებზე არაფერია ნათქვამი.
გამოძიება პარლამენტის სტანდარტების კომისარმა, დენიელ გრინბერგმა დაიწყო.
ამასთან, როგორც SkyNews-ი იტყობინება, გამოძიება უკავშირდება იმას, რომ ბავშთა მოვლის კომპანიაში სუნაკის მეუღლის წილი შესაძლოა, არ იყოს დეკლარირებული.
ტელეკომპანიას დაუნინგ-სთრითზე წყარომ განუცხადა, რომ გამოძიება ეხება მისი მეუღლის, აკშატა მურთის წილებს ბავშვებზე მოვლის სააგენტო Koru Kids-ში, რომელიც დაფინანსებას ბიუჯეტიდან მიიღებს.
გასულ თვეში კანცლერმა, ჯერემი ჰანტმა გამოაცხადა ბავშვთა მომვლელებისთვის 600 ფუნტი სტერლინგის ოდენობის სტიმულირების საპილოტე სქემა და ეს თანხა გაორმაგდება 1200 ფუნტამდე, თუ ისინი Koru Kids სააგენტოს მეშვეობით დარეგისტრირდებიან.
ამასთან, ჰანტს პრეზენტაციაზე სუნაკის მეუღლეზე არაფერი უთქვამს, როდესაც მას ჰკითხეს, თუ რატომ ენიჭება უპირატესობა კერძო კომპანიებს.
დღემდე ვერ გამოვასწორეთ ჩვენი უწყების ფინანსური ანგარიშგება, რა თქმა უნდა, ეს კეზერაშვილის პასუხისმგებლობაა. ამას ბიუჯეტის ქურდობას ვერ დავარქმევ, ეს არის ბიუჯეტის ორგანიზებული ყაჩაღობა, – ამის შესახებ საქართველოს თავდაცვის მინისტრმა ჯუანშერ ბურჭულაძემ მედიის წარმომადგენლებთან განაცხადა.
„ხუთი მილიონი არ არის მხოლოდ ის თანხა, რომლითაც გაძარცვა სახელმწიფო ყოფილმა ხელისუფლებამ. ჩვენ გვაქვს ასობით მილიონი, დღემდე ვერ გამოვასწორეთ ჩვენი უწყების ფინანსური ანგარიშგება, ზუსტად ამ უპასუხისმგებლო და ძარცვის შედეგად მიყენებული ზიანის გამო. კიდევ ასობით მილიონია დებიტორულ დავალიანებაში. ვცდილობთ, მაქსიმალურად მოვახდინოთ იდენტიფიცირება, რომელი იყო არაკომპეტენტურობით და რომელი ყაჩაღობით გამოწვეული. რა თქმა უნდა, კეზერაშვილის პასუხისმგებლობაა. ამას ბიუჯეტის ქურდობას ვერ დავარქმევ, ესაა ბიუჯეტის ორგანიზებული ყაჩაღობა“, – განაცხადა მინისტრმა.
თავდაცვის მინისტრის განმარტებით, საქმე ეხება არა ერთი პირის მიერ განხორციელებულ ქურდობას, არამედ ყოფილი ხელისუფლების მიერ სახელმწიფოს ძარცვას.
ჯუანშერ ბურჭულაძე ამბობს, რომ შესაძლოა, დამატებით იყოს ისეთი საქმე, რომელიც გამოწვეულია ძარცვის შედეგად.
„ვცდილობთ, მოვიძიოთ დოკუმენტები საქმეებზე, შესყიდვებზე და ჩამოვწეროთ დებიტორული დავალიანებიდან, თუმცა არ არის გამორიცხული, მათ შორის იყოს კიდევ ორგანიზებული დანაშაული. ეს არ არის ერთი პირის მიერ განხორციელებული დანაშაული და ქურდობა, ეს არის სახელმწიფოს ძარცვა ორგანიზებული ჯგუფის მიერ, რომელიც იყო იმდროინდელი ხელისუფლება“, – აღნიშნა ჯუანშერ ბურჭულაძემ.
მოსკოვის საქალაქო სასამართლომ ვლადიმერ პუტინის კრიტიკოსს, ვლადიმერ ყარა-მურზას 25 წლით თავისუფლების აღკვეთა მიუსაჯა.
მას, რუსული არმიის დისკრედიტაციაში, რუსეთში არასასურველ ორგანიზაციებთან თანამშრომლობასა და სახელმწიფოს ღალატში დასდეს ბრალი.
ვლადიმერ ყარა-მურზა 41 წლისაა, ის რუსეთის და ბრიტანეთის მოქალაქეა, წლების განმავლობაში აკრიტიკებდა რუსეთის პრეზიდენტს, ვლადიმერ პუტინს და რუსეთის ხელისუფლების წევრების წინააღმდეგ სანქციების დაწესებას ლობირებდა.
ვერდიქტის გამოცხადებამდე რამდენიმე საათით ადრე ყარა-მურზამ „სიენენთან“ ინტერვიუში განაცხადა, რომ რუსეთს „მკვლელების რეჟიმი“ მართავს.
სასამართლოს წინაშე ბოლო გამოსვლაში ყარა-მურზამ მისი სასამართლო სტალინის რეჟიმის საჩვენებელ სასამართლო პროცესებს შეადარა და განაცხადა, რომ მოსამართლეებს მის გამართლებას არ სთხოვს.
2015 და 2017 წელს ვლადიმერ ყარა-მურზა მოულოდნელად გახდა ავად და კომაში იყო, რის გამოც პოლიტიკოსი რუსეთის სპეცსამსახურებს მის მოწამვლაში ადანაშაულებს.
ყოფილი ხელისუფლების მიერ იყო ორგანიზებულად სახელმწიფოს ძარცვა, ამის გაგრძელება არის ჩვენი მეგობარი ქვეყნების პენსიონრების გაძარცვა. ყოველთვის მაქსიმუმს გავაკეთებთ, რათა გვერდში დავუდგეთ სამართალდამცველებს, რომ ასეთი სქემები აღარ მუშაობდეს ევროპაში და არც საქართველოში – ასე გამოემხურა თავდაცვის მინისტრი, ჯუანშერ ბურჭულაძე BBC-ის მიერ გამოქვეყნებულ საგამოძიებო დოკუმენტურ ფილმს, რომელიც ევროპის მაღალშემოსავლიან ქვეყნებში პენსიონერების ე.წ. ტრეიდინგული სქემებით ძარცვას უკავშირდება.
თავდაცვის მინისტრის, ჯუანშერ ბურჭულაძის განცხადებით, ყალბი ქოლ-ცენტრებისა და ყალბი ტრეიდინგული ოპერაციების თაობაზე ქართველმა სამართალდამცავებმა ევროპელ პარტნიორებთან მჭიდრო კოორდინაციით იმუშავეს. მინისტრი დასანანს უწოდებს ფაქტს, რომ საქართველო ევროპელი პენსიონერების ორგანიზებული ძარცვის სქემაში აქტიურად იყო ჩართული.
„სხვას ვერაფერს დავარქმევ და შევაფასებ, ეს იყო ყოფილი ხელისუფლების მიერ ორგანიზებულად სახელმწიფოს ძარცვა. ამ ძარცვით არ დასრულდა ეს ისტორია, ამის გაგრძელება არის ის, რომ შემდეგ ძარცვავდნენ ჩვენი მეგობარი ქვეყნების პენსიონრებს. რა თქმა უნდა, ესეც ჩვენთვის დასანანია და ჩვენ ყოველთვის მაქსიმუმს გავაკეთებთ იმისთვის, რომ სამართალდამცველებს გვერდში დავუდგეთ, რომ ასეთი სქემები აღარ მუშაობდეს. ეროვნულ დონეზე ჩვენმა სამართალდამცველებმა მჭიდროდ ითანამშრომლეს ჩვენს პარტნიორ ქვეყნებთან და საკმაოდ კარგი შედეგი ჰქონდათ გამოძიების თვალსაზრისით და ახლა გასარკვევია გამოძიების თვალსაზრისით და რა თქმა უნდა, გასარკვევია სამართლებრივად როგორ უნდა გაგრძელდეს საგამოძიებო მოქმედებები ჩვენთან, სხვა ქვეყანაში თუ ერთობლივად“, – განაცხადა ბურჭულაძემ.
ჯუანშერ ბურჭულაძემ უშუალოდ დავით კეზერაშვილის თავდაცვის მინისტრობის შესახებაც ისაუბრა და განაცხადა, რომ თანხები, რომლებიც წინა ხელისუფლების დროს თავდაცვის სამინისტროსგან იყო წაღებული 5 მილიონ ევროს მნიშვნელოვნად აჭარბებს.
“მხოლოდ 5 მილიონი არ არის ის თანხა, რომლითაც ყოფილმა ხელისუფლებამ სახელმწიფო გაძარცვა. ჩვენ გვაქვს ასობით მილიონი. დღემდე ვერ გამოვასწორეთ ჩვენი უწყების ფინანსური ანგარიშგება. რა თქმა უნდა, კეზერაშვილის პასუხისმგებლობაა. ამას მე ბიუჯეტის ქურდობას ვერ დავარქმევ, ეს არის ბიუჯეტის ორგანიზებული ყაჩაღობა. კიდევ ვიმეორებ, ასობით მილიონი არის დებიტორულ დავალიანებად ჩამოკიდებული, ზოგი გამოწვეულია მათი არაკომპეტენტურობით, მათ შორის შეიძლება დამატებით კიდევ იყოს ისეთი საქმე, რომელიც არის ისევ ძარცვის შედეგად გამოწვეული. ჩვენ ვცდილობთ, რომ დოკუმენტები იმ საქმეებზე, იმ შესყიდვებზე, რომლებზეც უბრალოდ არ არის, მოვიძიოთ და ჩამოვწეროთ დებიტორულ დავალიანებიდან. თუმცა არ არის გამორიცხული, მათ შორის იყოს კიდევ ორგანიზებული დანაშაული. ამას სხვას ვერაფერს დავარქმევ. ეს არ არის ერთი პირის მიერ განხორციელებული დანაშაული და არ არის ქურდობა, ეს არის სახელმწიფოს ძარცვა ორგანიზებული ჯგუფის მიერ, რომელიც იმ შემთხვევაში იყო მთელი ხელისუფლება”, – განაცხადა ბურჭულაძემ.
BBC-იმ რამდენიმე დღის წინ ჟურნალისტური გამოძიების მასალები გამოაქვეყნა , სადაც გაშიფრულია ევროპელი პენსიონრების გაძარცვის სქემა.
ჟურნალისტური გამოძიების თანახმად, ერთ-ერთი ასეთი თაღლითური ქსელის – Milton Group-ის უკან სავარაუდოდ დგას საქართველოს ყოფილი თავდაცვის მინისტრი დავით კეზერაშვილი, რომელიც ამჟამად ლონდონში ცხოვრობს.
12 აპრილს ბიზნესმენმა დავით კეზერაშვილმა გაავრცელა განცხადება, რომლის თანახმადაც ის გეგმავს BBC-ის მიერ გამოქვეყნებულ ჟურნალისტურ გამოძიებასთან დაკავშირებით სასამართლოს მიმართოს.
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge