პარლამენტის პირველი ვიცე-სპიკერის, გია ვოლსკის განაცხადებით, „ქოლცენტრების“ საქმეზე მიმდინარე  გამოძიებას გერმანული მხარე ხელმძღვანელობს.

“ქოლცენტრების“ საქმეზე გამოძიება მიმდინარეობს, რომელშიც ჩართული არიან საერთაშორისო ძალები, ფაქტობრივად, გამოძიებას გერმანული მხარე ხელმძღვანელობს”- აცხადებს გია ვოლსკი

მისი თქმით, „ბიბისის“ გამოძიებამ კონკრეტული მასალები დადო, რაც შეიძლება უკვე წარმოჩინდეს, როგორც ბრალდების საფუძველი.

„რასაკვირველია, რადიკალური ოპოზიციის ფუთფუთი გასაგები ხდება იმ თვალსაზრისით, რომ გამორიცხულია, რომ კეზერაშვილი, რომელიც პოლიტიკური მფარველია ოპოზიციის, რა საკვირველია, ისინი მოინდომებენ იმას, რომ გამოძიებიდან აქცენტები გადმოტანილი იყოს საპარლამენტო კომისიაზე. მათი გააფთრებული მოთხოვნის საფუძველი სწორედ ეს შეიძლება იყოს.

გიორგი გახარიას გუნდი ცდილობს, ამ თემას გაემიჯნოს, რადგან სწორედ გახარიას შს მინისტრობისა და პრემიერობის დროს წარმოიშვა და გაფართოვდა ეს თემა. ზოგიერთი გამიჯვნის და ზოგიერთიც ინფორმაციის მოზიდვის მიზნით გააფთრებულად ითხოვს კომისიის შექმნას.

დიახ, დედა ნამდვილად დედაა, მამა ნამდვილად მამაა – თუ ეს ძალადობის წახალისებაა, აგერ, გიწვევთ ნებისმიერს და გაგცემთ პასუხს, – ამის შესახებ ჟურნალისტებს „ქართული ოცნების“ დეპუტატმა ალუდა ღუდუშაურმა ბუდაპეშტში, კონსერვატიული პოლიტიკური მოქმედების ყოველწლიურ კონფერენციაზე საქართველოს პრემიერ-მინისტრის ირაკლი ღარიბაშვილის გამოსვლის შესახებ დასმული კითხვის პასუხად განუცხადა.

ღუდუშაურმა ისიც აღნიშნა, რომ “პრემიერ მინისტრის გამოსვლა სანიმუშო, ღირსეული ქვეყნის ღირსეული პრემიერის გამოსვლა იყო და ვინმეს ეწყინა თუ ეტკინა, ცივი წყალი დალიოს“.

“ქართული ოცნების“ დეპუტატის თქმით, საქართველო ისეთ ფუნდამენტურ ღირებულებებზე დგას, როგორიცაა რწმენა, ოჯახის სიწმინდე, ისტორიისა და ეკლესიის პატივისცემა და ჩვენი ქვეყნის სიძლიერე ამ ღირებულებებშია და არა ფსევდოღირებულებებში.

“ბატონი პრემიერის გამოსვლა ძალიან მნიშვნელოვანი იყო – მართლაც, ეს ძალიან ღირსეული ქვეყნის ღირსეული პრემიერ-მინისტრის გამოსვლა იყო, რომელიც საკუთარ ქვეყანასა და ხალხზე ფიქრობს. დიახ, ჩვენ ვართ ქვეყანა, რომელსაც საქართველო ჰქვია, ვართ ამაყი, ვაჟკაცი და ღირსეული ხალხი, რომელიც საკუთარი წარსულით ამაყობს და ბუნებრივია, ფიქრობს, აწმყოზე. ის, რაც საქართველოს ბოლო ათწლეულების განმავლობაში აკლდა, დღეს დავინახეთ, რომ საქართველოს ხელისუფლება საკუთარ ხალხთან და ქვეყანასთან დგას.

პრემიერ მინისტრის განცხადებაში დავინახეთ, რომ დიახ, ჩვენ პატივს ვცემთ ჩვენ წარსულს. საქართველო ტოლერანტობის სამინუშო მაგალითია. ჩვენი კულტურა და წარსული არის საამაყო. ჩვენ, ჩვენი ისტორიითა და იდენტობით ვამაყობთ. საქართველო იმ ღირებულებების ერთგულია, რომელსაც ევროპული ღირებულებები ჰქვია – დიახ, დღეს თუ საქართველო რაიმეს იმსახურებს, ეს არის ევროკავშირის ღირსეული წევრობა.

ჩვენ ვართ შემწყნარებლები, ყველას აზრს პატივს ვცემთ, თუმცა ეს იმას არ გულისხმობს, რომ უმცირესობის რომელიმე ჯგუფმა უმრავლესობის ნება გადაფაროს“, – განაცხადა ალუდა ღუდუშაურმა.

თქვენ იცით, რომ არჩევნების წინ ძირითადი ლოზუნგები არის – „არა მიგრაციას“, „არა გენდერულ საკითხებს“, „არა ერების დაყოფას“, „ერების დეზინტეგრაციას“. ჩვენ ასევე ვებრძვით გენდერულ პროპაგანდასა და სკოლებში განხორციელებულ ბავშვების სექსუალიზაციას. ჩვენ ყოველთვის ვიბრძვით მშვიდობის შესანარჩუნებლად და ეს მუშაობს კიდეც, – ამის შესახებ უნგრეთის პრემიერ-მინისტრმა ვიქტორ ორბანმა კონსერვატიული პოლიტიკური მოქმედების ყოველწლიურ კონფერენციაზე განაცხადა.

მისივე თქმით, ეს სწორედ მათ ინტერესებს წარმოადგენს.

„მათ ცხოვრებაზე აქვს ამ ყველაფერს გავლენა და ეს მათ ინტერესებს წარმოადგენს, ჩვენ ვიცავთ მათ ინტერესებს. დემოკრატია ერთ-ერთი ყველაზე დიდი სუსტი წერტილია პროგრესული მოძრაობისა. არსებობს ორი გზა ქალაქის დაპყრობისა, ეს ჩვენ ძველი რომიდან ვიცით – თქვენ ან დაიპყრობთ გალავანს ქალაქის გარშემო ან დაანგრევთ ტაძრებს. მე დავიწყებდი ტაძრების დანგრევით და შევინარჩუნებდი კედლებს, ეს არის ასეთი იდეოლოგია ამ ხალხის, რომში, იერუსალიმში, ყველგან იგივე გზა აქვთ ამათ. თანამედროვე ტაძრები მორალისა და იდეოლოგისა ნამდვილი ტაძრები ბრიუსელსა და აშშ-ში ჯერად მყარად დგას ფეხზე, დღესაა 4 მაისი და მაისის ძალა შეგეწიოთ, ასე ვთქვათ,“- განაცხადა ორბანმა.

ის, რაც მთელ მსოფლიოში ბოლო წლების განმავლობაში ხდება, მეორე მსოფლიო ომის შემდეგ ისტორიაში ალბათ ყველაზე დრამატული მოვლენებია, – ამის შესახებ საქართველოს პრემიერ-მინისტრმა ირაკლი ღარიბაშვილმა ბუდაპეშტში, კონსერვატიული პოლიტიკური მოქმედების ყოველწლიურ კონფერენციაზე (CPAC) სიტყვით გამოსვლისას განაცხადა.

როგორც მთავრობის მეთაურმა აღნიშნა, თითქმის რვა ათწლეული გავიდა ისტორიაში ყველაზე დიდი ბოროტების, ფაშიზმის დამარცხებიდან. მისი თქმით, მას შემდეგ განვლილ დროში მთლიანად კაცობრიობამ, ჩვენმა ქვეყნებმა და ხალხებმა არაერთი რთული პერიოდი გამოიარეს.

პრემიერ-მინისტრის თქმით, ქართველებმა, ისევე როგორც სხვა ერებმა, გამოვიარეთ თავისუფლებისათვის ბრძოლის, სამოქალაქო ომების, ოკუპაციის, ეკონომიკური კოლაფსის, ავტოკრატიული რეჟიმის რთული პერიოდები და ჩვენთვის უცხო არ არის გამოწვევები.

„სულ რამდენიმე დღეში მეორე მსოფლიო ომის დასრულებიდან 78 წლისთვს აღვნიშნავთ. თითქმის რვა ათწლეული გავიდა ისტორიაში ყველაზე დიდი ბოროტების, ფაშიზმის დამარცხებიდან. მას შემდეგ განვლილ დროში მთლიანად კაცობრიობამ, ჩვენმა ქვეყნებმა და ხალხებმა არაერთი რთული პერიოდი გამოიარეს. ჩვენ, ისევე როგორც სხვა ერებმა, გამოვიარეთ თავისუფლებისათვის ბრძოლის, სამოქალაქო ომების, ოკუპაციის, ეკონომიკური კოლაფსის, ავტოკრატიული რეჟიმის რთული პერიოდები. ასე რომ, ჩვენთვის უცხო არ არის გამოწვევები. მაგრამ ის, რაც მთელ მსოფლიოში ბოლო წლების განმავლობაში ხდება, მეორე მსოფლიო ომის შემდეგ ისტორიაში ალბათ ყველაზე დრამატული მოვლენებია. პანდემიით გამოწვეული რთული ეკონომიკური და ჰუმანიტარული კრიზისი კიდევ უფრო გააღრმავა ევროპის კონტინეტზე მიმდინარე მასშტაბურმა სამხედრო კონფლიქტმა”,-განაცხადა პრემიერ-მინისტრმა.