ქართველი ხალხი ისეთ იოტისოდენა პატივისცემას მაინც იმსახურებს მეგობარი ამერიკისგან, რომ გვითხრან კონკრეტული ფაქტები, რა დანაშაულის გამო დაასანქცირეს მოსამართლეები. წინააღმდეგ შემთხვევაში, ქართული საზოგადოება კიდევ ერთხელ ჩათვლის, რომ აშშ-ს მხრიდან ეს არის პოლიტიკური ზეწოლის ინსტრუმენტის გამოყენება საქართველოს წინააღმდეგ. – ასე აფასებს ექსპერტი ლევან ნიკოლეიშვილი აშშ-ის მიერ ოთხი ქართველი მოსამართლისთვის სანქციების დაწესების გადაწყვეტილებას.

მისი თქმით, შტატების გადაწყვეტილება მეგობარი საქართველოს მიმართ, უკიდურესად არასამართლიანია და ხელს უწყობს საზოგადოებაში ანტი-ამერიკული განწყობების გაღვივებას. ნიკოლეიშვილი, აშშ-ის ამ ნაბიჯს, საქართველოს ხელისუფლების შეცვლის დიდი სურვილით ხსნის.

„ქართველი ხალხი ისეთ იოტისოდენა პატივისცემას მაინც იმსახურებს მეგობარი ამერიკისგან, რომ გვითხრან კონკრეტული ფაქტები, რა დანაშაულის გამო დაასანქცირეს მოსამართლეები. წინააღმდეგ შემთხვევაში, ქართული საზოგადოება კიდევ ერთხელ ჩათვლის, რომ აშშ ს მხრიდან ეს არის პოლიტიკური ზეწოლის ინსტრუმენტის გამოყენება საქართველოს წინააღმდეგ. მართლა გგონიათ, რომ ვინმეს დააჯერებთ აქ თქვენს ორხაზიან ბოდვას კორუფციაზე? ნუთუ ასეთი ჩამორჩენილი გგონიათ ქართველი ხალხი, რომ ვერ ხვდებოდეს რა მიზნები გაქვთ? ძალიან ცუდი. ერთადერთი, რასაც მოიმკით ამ თქვენი უკიდურესად უსამართლო გადაწყვეტილებით, არის ის, რომ კიდევ უფრო გააღვივებთ ქვეყანაში ანტიამერიკულ განწყობებს, რაც რუსეთის წისქვილზე ასხამს წყალს. ხელისუფლების არასამართლიანი ცვლილების დაუოკებელმა სურვილმა არ უნდა დაგაბრმაოთ.” – წერს ნიკოლეშვილი Facebook-ზე.

„ოთხი მოსამართლის სანქცირება მხოლოდ პირველი მერცხალია. თუ ხელისუფლება ვერ მოეგება გონს, ბოლომდე ჩაებღაუჭება სასამართლო კლანს და გააგრძელებს ამერიკასთან შანტაჟის ენით ლაპარაკს, ამ პირველ მერცხლებს აუცილებლად მოჰყვება პოლიტიკური გაზაფხულიც თავისი წვიმით, ქარით და ელჭექით“- ასე ეხმაურება სოციალურ ქსელში, დავით ზურაბიშვილი აშშ-ის მიერ ოთხი ქართველი მოსამართლისთვის სანქციების დაწესებას.

„საქართველოს ხელისუფლებამ ხანმოკლე შოკის შემდეგ სახელდახელოდ შეთხზა მოსამართლეების დასანქცირების თაობაზე მესიჯბოქსი, რომელსაც იმეორებს ყველა სახელისუფლო ტროლი ოფიციალური პირების ჩათვლით (ოფიციალური პირებიც რომ ბიძინას ტროლებად არიან გადაქცეულები, კიდევ ცალკე თემაა): ეს მოსამართლეები ხომ მიშას დროსაც იყვნენ და ამერიკა თუ შარზე არ არის, რატომ მაშინ არ ადებდა მათ სანქციებსო.

საქმეც ისაა, რომ მიშას დროს კონკრეტული მოსამართლეების სანქცირებას აზრი არ ჰქონდა, რადგან სასამართლო მთლიანად იყო პროკურატურას დაქვემდებარებული და ნებისმიერი მოსამართლე პრაქტიკულად პროკურატურის ნოტარიუსის როლს ასრულებდა. ამ მახინჯი სისტემის შეცვლის პირობა დადო სააკაშვილმა 2009 წელს აშშ მაშინდელი ვიცე-პრეზიდენტის, ჯო ბაიდენის თბილისში ვიზიტის დროს და როდესაც  არ შეასრულა ეს პირობა, საპასუხოდაც ძალიან მკაფიოდ და ცალსახად ითქვა, რომ საქართველოში უნდა მოხდეს ხელისუფლების გადაბარება (რაც, სხვათა შორის, ამ ხელისუფლების მიმართ ჯერ არ თქმულა). თუ ვინმეს მართლა ჰგონია, რომ 2012 წელს სააკაშვილი ამერიკის სერიოზული ზეწოლის გარეშე აღიარებდა დამარცხებას არჩევნებში, მე მისი გულუბრყვილობისა მშურს მეთქი ვერ ვიტყვი, რადგან ეს გულუბრყვილობაც აღარაა.

ახლა არის ცოტა განსხვავებული სიტუაცია. კერძოდ, სასამართლო ემორჩილება არა პროკურატურას, არამედ პირადად ბიძინა ივანიშვილს, რომელიც ამ სისტემას მართავს ე. წ. კლანის, ანუ კონკრეტულ მოსამართლეთა დაჯგუფების მეშვეობით. ოთხივე სანქცირებული მოსამართლე კი შეადგენს, თუ შეიძლება ასე ითქვას,  კლანის  ტოპ-მენეჯმენტს. ამ ტოპ-მენეჯერებს აქვთ პირდაპირი კავშირი ბიძინა ივანიშვილთან და ასრულებენ მხოლოდ მისგან წამოსულ დაკვეთებს. თუ ბიძინასგან არ მოდის რამე დაკვეთა ( ცხადია ივანიშვილი ყველა საქმეში არ ერევა, არამედ მხოლოდ იმაში, რომელიც პირადად მის პოლიტიკურ და ძალაუფლებრივ ინტერესებშია), კლანის ლიდერები არიან  მოქმედებაში თავისუფლები და სასამართლო სისტემას მართავენ, როგორც მოეხასიათებათ.

ამერიკის შეერთებული შტატები როგორც სააკაშვილისგან ითხოვდა მახინჯი სასამართლო სისტემის რეფორმირებას, ზუსტად ისევე ითხოვს ივანიშვილისგანაც, რადგან სასამართლოს დამოუკიდებლობა თავისთავად გამორიცხავს ერთპიროვნულ ავტორიტარიზმს და ჩრდილოვან მმართველობას). ოღონდ ბიძინას ხელისუფლება სააკაშვილისგან განსხვავებით იქით ცდილობს ამერიკის დაშანტაჟებას სტრატეგიული კურსის ცვლილების მუქარით (სააკაშვილის ხელისუფლებას მსგავსი სიგიჟე თავში არასდროს მოუვიდოდა, თუნდაც წმინდა პრაგმატული მოსაზრებით), რაც უკრაინაში ომის ფონზე საერთოდ ორმაგი სიგიჟე და ამორალობაა და რაც, რასაკვირველია, ამერიკის მხრიდან ვერცერთ შემთხვევაში ვერ დარჩებოდა რეაგირების გარეშე. ბოლო-ბოლო მსოფლიოს უძლიერეს და უმდიდრეს სახელმწიფოსთან გვაქვს საქმე, რომელიც დღეს პრაქტიკულად მესამე მსოფლიო ომშია ჩაბმული რუსული იმპერიალიზმის წინააღმდეგ და საქართველოს გეოპოლიტიკური მნიშვნელობაც როგორც არასდროს ისეა გაზრდილი.

ასე, რომ ოთხი მოსამართლის სანქცირება მხოლოდ პირველი მერცხალია. თუ ხელისუფლება ვერ მოეგება გონს, ბოლომდე ჩაებღაუჭება სასამართლო კლანს და გააგრძელებს ამერიკასთან შანტაჟის ენით ლაპარაკს, ამ პირველ მერცხლებს აუცილებლად მოჰყვება პოლიტიკური გაზაფხულიც თავისი წვიმით, ქარით და ელჭექით.

სხვა რა გითხრათ? თუ კიდევ დარჩით ვინმე ქართული ოცნების მხარდამჭერებში, ვისაც ოდესმე ჭკუა მოგეკითხებოდათ, იქნებ ცოტა აზრზე მოხვიდეთ, თორემ დიტო სამხარაძის ჩამოსხმის ქოცები არა მგონია რამეს მიხვდნენ. სიმართლე თუ გინდათ, ესაა და თუ არ გინდათ, იყავით იქ სადაც ხართ და ბოლოს სად აღმოჩნდებით, იმასაც ვნახავ“,- წერს დავით ზურაბიშვილი.

“როდესაც უშუალოდ ევროკავშირი ვერ ელევა რუსეთთან ეკონომიკურ ურთიერთობებს და ამ დროს საქართველოსკენ ტალახს ისვრიან ეს ფარისევლობაა. ამიტომ, მიმაჩნია, რომ სანქციებთან დაკავშირებით, საქართველოსკენ ხელის გაშვერა და ბრალდებები უნდა შეწყდეს,” – ამის შესახებ ექსპერტი ანდრი გვიდიანი სოციალურ ქსელში წერს.

ექსპერტი იმ ბრალდებებს ეხმიანება, რაც ხშირად ჟღერდება საქართველოს სანქციებთან მიერთებასთან დაკავშირებით. როგორც გვიდიანი აღნიშნავს, საქართველო რომ სანქციების გვერდის ავლის მექანიზმად გამოიყენება, ეს არ დადასტურდა არცერთი ოფიციალური წყაროს მხრიდან. თუმცა, ეს არ აღმოჩნდა შემაფერხებელი ფაქტორი ქართული მედიისთვის და პოლიტიკური სპექტრისთვის.

“ცოტა ვრცელი სტატუსი გამომივიდა, მაგრამ მგონი ღირს წაკითხვად მოკლედ, ცალკეული მოსყიდული ევროპარლამენტარების და ქართველი ოპოზიციის მიერ, ისევ ექოსავით ისმის უსაფუძვლო ბრალდებები საქართველოს სანქციებთან მიერთებასთან დაკავშირებით. ამ საკითხზე ბევრი ითქვა როგორც საქართველოში, ისე მსოფლიოში, რომ სანქციებზე მიერთება, რომელიც თავად უფრო გაზიანებს, ვიდრე მის ადრესატს, უბრალოდ სიგიჟეა და მეტი არაფერი.

მიუხედავად ამისა, სანქციების საკითხი კვლავ გამოიყენება პოლიტიკურ იარაღად და სატელევიზიო შოუების მოსაწყობად. სინამდვილეში ვითარება აბსოლუტურად განსხვავებულია და იმ უსაფუძვლო კრიტიკას, რაც საქართველოსთან მიმართებით პერიოდულად ისმის ხოლმე, შინაარსი საერთოდ არ გააჩნია. მოდით ახლა მარტივად შევხედოთ რა ხდება რეალურად?! მოლდოვა არ მიერთებია რუსეთის და ბელორუსის წინააღმდეგ არცერთ სანქციას, ხაზს ვუსვამ არცერთ!!! სანქციას (წყარო: https://eur-lex.europa.eu/homepage.html ) სხვათა შორის ეს არ ყოფილა მოლდოვისთვის კანდიდატის სტატუსის მიცემის შემაფერხებელი ფაქტორი. ვფიქრობ, ეს ფაქტი დაფიქრებად ღირს. უკრაინა არ მიერთებია სანქციებს ბელორუსის წინააღმდეგ (წყარო: https://eur-lex.europa.eu/homepage.html – ამ დროს რატომღაც ჩვენს მიმართ ისმის მოწოდებები, რომ საქართველო რომის პაპზე მეტი კათოლიკე უნდა იყოს და, მაგალითად, ჩვენ უნდა შევზღუდოთ ფრენები და მივუერთდეთ სხვადასხვა სახის სანქციებს ბელორუსის წინააღმდეგ. ალბათ დამეთანხმებით, რომ ეს სიგიჟეა. 2022 წლის ნოემბრის მონაცემების მიხედვით, ევროკავშირის და G7-ის ქვეყნების კომპანიების მხოლოდ 8.5%-მა დატოვა რუსული ბაზარი. (წყარო: https://www.politico.eu/…/majority-of-western-companies…/ – ამ დროს ჩვენ გვეუბნებიან, რომ ქართულმა კომპანიებმა უნდა შეწყვიტონ ყველანაირი კავშირები, უნდა გაკოტრდნენ და ხარაკირი უნდა ჩაიტარონ. ალბათ აქაც დამეთანხმებით, რომ ეს მიდგომაც იდიოტურად გამოიყურება.

უკრაინაში ომის დაწყების შემდეგ, 2022 წლის თებერვალ-ნოემბრის მონაცემებით, გასული წლის ანალოგიურ პერიოდთან შედარებით, ევროკავშირის ქვეყნებმა 50%-ით გაზარდეს რუსეთიდან იმპორტი. https://www.politico.eu/…/numbers-delayed-impact-eu…/ ცხადია, ამას აკეთებენ საკუთარი ინტერესებიდან გამომდინარე, თუმცა მეორე მხრივ, ევროკავშირის წევრი სახელმწიფოები თავად აფინანსებენ რუსეთის სამხედრო ინფრასტრუქტურას და, ვფიქრობ, ეს დასაფიქრებელი საკითხია. ამ ყველაფრის ფონზე, ჩვენ გვეუბნებიან, რომ საქართველომ უნდა შეწყვიტოს რუსეთთან ვაჭრობა და, მაგალითად, არ უნდა გავყიდოთ ღვინო ან სხვა ნებისმიერი პროდუქტი. ეს მიდგომა ფარისევლობის კლასიკური ნიმუშია. იაპონიამ დაარღვია ბოლო შეთანხმება შეერთებულ შტატებთან და მოკავშირეებთან და რუსული ნავთობი დადგენილ ზღვარზე მაღალი ფასით შეიძინა ( წყარო: https://www.wsj.com/…/japan-breaks-with-u-s-allies-buys… ) ამ დროს ჩვენ გვეუბნებიან, რომ საქართველომ არ უნდა შეიძინოს რუსული იაფი ნავთობი და სხვაგან უნდა ვიყიდოთ ძვირად.

კვლავ შეუფერხებლად გრძელდება ევროპაში რუსული გაზის ექსპორტი უკრაინის!!! გავლით. არათუ გრძელდება, არამედ იზრდება კიდეც. (წყარო: https://www.reuters.com/…/russian-gas-europe-via-ukraine…/ ) ევროპულ სარგებელზე რომ არაფერი ვთქვათ, ამ ყველაფრიდან თავად უკრაინა სარგებლობს. რუსეთთან ვაჭრობა შეამცირა, თუმცა ბოლომდე არ გაუწყვიტავს არც აშშ-ს. ძირითადი პროდუქცია რითიც კიდევ ვაჭრობენ არის – ფერადი ლითონები, სასუქები და ინოგამიური მასალები. (წყარო: https://www.census.gov ) რაც შეეხება სანქციების გვერდის ავლის ბრალდებას პირველი რაც უნდა ითქვას, საქართველო რომ სანქციების გვერდის ავლის მექანიზმად გამოიყენება, ეს არ დადასტურდა არცერთი ოფიციალური წყაროს მხრიდან. უფრო მეტიც, აშშ-ს სახელმწიფო დეპარტამენტმაც თქვა, რომ მსგავსი ინფორმაცია არ არსებობს. თუმცა, ეს არ აღმოჩნდა შემაფერხებელი ფაქტორი ქართული მედიისთვის და პოლიტიკური სპექტრისთვის. ამ საკითხზე დღემდე გვესმის ჰაერზე მოსროლილი ფრაზები, რაც არაფერს ეფუძნება, საერთოდ არაფერს!!!

ახლა რეალობა სანქციების ფონზე გაიზარდა ევროკავშირისა და აშშ-ის ექსპორტი რუსეთის მეზობლებში საქართველოს გარდა. სომხეთი, ყირგიზეთი და ტაჯიკეთი არიან საბაჟო კავშირში რუსეთთან და ბელორუსთან, როგორც ევრაზიის ეკონომიკური კავშირის წევრები. შესაბამისად, აშშ-ს და ევროკავშირის კომპანიებმა საქართველოს გარდა არანორმალურად გაზარდეს ექსპორტი რუსეთის სხვა მეზობლებში (წყარო: https://www.bloomberg.com/news/articles/2023-02-16/western-trade-with-russia-s-neighbors-may-show-dodged-sanctions-ebrd-says?leadSource=uverify%20wall ).

მიუხედავად ყველაფრისა კარგად დაგეშილი არასამთავრობოები მაინც საკუთარ ქვეყანას ადანაშაულებენ სანქციების გვერდის ავლაში. სომხეთში ექსპორტი: აშშ-დან – ზრდა 348%, ევროკავშირიდან – ზრდა 72%; ყირგიზეთში ექსპორტი: აშშ-დან ექსპორტი – ზრდა 152%, ევროკავშირიდან ექსპორტი – ზრდა 84%; ტაჯიკეთში ექსპორტი: აშშ-დან ექსპორტი – ზრდა 220%, ევროკავშირიდან ექსპორტი – ზრდა 21%; ამ ფონზე საქართველოში ექსპორტი: აშშ-დან ექსპორტი – ზრდა 33%, ევროკავშირიდან ექსპორტი – ზრდა 19%; ეს მონაცემები ადასტურებს იმას, რომ საქართველო უბრალოდ ფიზიკურად ვერ იქნება სანქციებისგან გვერდის ავლის მექანიზმი. შესაბამისად, ეს ბრალდება სიყალბეა და მეტი არაფერი. P.S. – მსგავსი ჩამონათვალი ძალიან დიდია და უსასრულოდ შეიძლება გაგრძელება, თუმცა ახლა მხოლოდ ამ ფაქტებით შემოვიფარგლები. P.P.S. – ამ ყველაფრით იმის თქმა მინდა, რომ როდესაც უშუალოდ ევროკავშირი ვერ ელევა რუსეთთან ეკონომიკურ ურთიერთობებს და ამ დროს საქართველოსკენ ტალახს ისვრიან ეს ფარისევლობაა. ამიტომ, მიმაჩნია, რომ სანქციებთან დაკავშირებით, საქართველოსკენ ხელის გაშვერა და ბრალდებები უნდა შეწყდეს,” – წერს ანდრია გვიდიანი.

“მარტივი კითხვა ჩნდება რამ უნდა მიგიზიდოს, მოგანდომოს ან სულაც გადაგაწყვეტინოს  დღეს “ნაციონალურ მოძრაობაში” გაწევრიანებისკენ?! -ასე ეხმაურება სოციალურ ქსელში ექსპერტი, ლევან ნიკოლეიშვილი მამუკა ყურაშვილისა და ზაზა გოგავას “ნაციონალურ მოძრაობაში” გაწევრიანებას.

“ორი ყოფილი სამხედრო და გენერალი გოგავა და ყურაშვილი, უცბად იღებიან “ისტორიულ” გადაწყვეტილებას და იმ პარტიას უერთდებიან, რომელიც ყველაზე გაკოტრებულია, რომლის რეიტინგიც ყოველდღიურად ეცემა, რომლის ხელისუფლებაში ყოფნის დროსაც, საქართველოში ყველა უბედურება მოხდა  დაწყებული ადამიანების წამებიდან დამთავრებული ტერიტორიების 20 % ოკუპაციისა. მარტივი კითხვა ჩნდება რამ უნდა მიგიზიდოს, მოგანდომოს ან სულაც გადაგაწყვეტინოს  დღეს „ნაციონალურ მოძრაობაში“ გაწევრიანებისკენ?!

– ჯერ საკუთარი ქვეყნის მოქალაქეობაზე უარისმთქმელი და შემდეგ არაჟნის კონტეინერით შემოპარულ-შემოგდებული, ღირსება დაკარგული პატიმრის სააკაშვილის თუ პოლიტიკურ პარტიების ლიდერებს  შორის ყველაზე არა ქარიზმატული, უფრო მეტიც კომიკური ხაბეიშვილის „ფენომენმა?“ არა, ალბათ არც ერთმა და არც მეორემ, უფრო სხვამ და ამ სხვას სავარაუდოდ კეზერაშვილი ჰქვია, უბრძანა ოლიგარქმა და ესენიც ადგნენ და მარტივად შეასრულეს. რა აქამდე არ უჭირდა ნაცებს? თუ დახმარება იყო სანამ ავადმყოფობდა პარტია, მაშინ დახმარებოდნენ, ახლა ლამის სულთმობრძავს მალე უფრო პოლიტიკური დაკრძალვა ჭირდება. თუმცა, თურმე ასე არ ფიქრობს მისი ნაც-პარტიის-ლიდერი: “წინ ძალიან ბევრი ბრძოლა გვაქვს, რომელსაც ერთად აუცილებლად მოვიგებთ“ – უთქვია ხაბეიშვილს გოგავა-ყურაშვილის წარდგენისას!

აი, რატომ დაჭირდა ყოფილი სამხედროები, თან ისეთები, რომლებსაც კეზერაშვილის ხელმძღვანელობით უამრავი ომი და ბრძოლა აქვთ მოგებული. აგერ ხაბეიშვილმაც ხომ პარტიის თავმჯდომარედ არჩევიდან, როგორც იყო დაპირებული საავადმყოფოდან გაიტაცა და გაათავისუფლა ბელადი სააკაშვილი, მერე ვისაც ოდნავ ჭკუა მოეკითხებოდა პარტიიდან გაყარა, მომავალში კი  რას იზამს კაცმა არ იცის! არა მართლა,  არც თვითონ არ იცის, არც ძველმა თუ ახალმა წევრებმა იციან, იცის მხოლოდ იმან ვინც რეალურად მართავს „ნაციონალურ მოძრაობას“ და სხვა რადიკალურ პარტიებს-აკი არც მალავს, უბრალოდ ამათი იმდენად ეხამუშებათ( თან მაგრად “უტყდებათ!”) ოლიგარქი კეზერაშვილის დაფინანსების და მერაბიშვილის უფროსობის, რომ  ფიცს ფიცზე ამბობენ არა ჩვენ არ გვაფინანსებსო, არადა ხომ ყველაფერი სახეზეა!”- წერს ნიკოლეიშვილი.