მესამე პრეზიდენტი მიხეილ სააკაშვილი კლინიკა „ვივამედში“ დედამ გიული ალასანიამ მოინახულა.

ალასანიას განცხადებით, ექსპრეზიდენტის ჯანმრთელობის მდგომარეობა მძიმეა.

„რაღაცა ჯგუფი ადამიანების  იყო მოსული აქ და მიულოცეს ქვემოდან. რა თქმა უნდა, ეს ესიამოვნა. ჯანმრთელობის მხრივ, ისევ იგივე მდგომარეობაა, სიცხეები, წნევა, ეს ყველაფერი გრძელდება. წონა, განსაკუთრებით რომ წამოიწევა ხოლმე, ძალიან მძიმე შთაბეჭდილებას ტოვებს. ვიზუალურად, რომ შეხედავთ, ძალიან მძიმე სანახავია, იმდენად რომ ვუთხარი, იქნებ მეტი იმოძრავოთქო, არ მაქვს ძალაო. ძირითადად სულ წამოწოლილია“, – აცხადებს გიული ალასანია.

ახალქალაქის, კუმურდოსა და კარის მიტროპოლიტი მეუფე ნიკოლოზი აცხადებს, რომ პატრიარქი ილია მეორე ძალიან  დასუსტებულია.

მეუფე ნიკოლოზის თქმით, პატრიარქთან შეთანხმების გარეშე ეპისტოლეში არცერთი სიტყვა არ დაწერილა.

„ყოველ წირვაზე მოსვლა მისთვის ეს არის რაღაც ახალი მორიგი გმირობა, იმიტომ, რომ  ფიზიკურად ძალიან დასუსტებულია და ჩვენ გვითხრეს, რომ მოვიდოდა წირვისთვის. წირვაში მონაწილეობა მიიღო, ეზიარა თვითონ. შემოსით არ შემოსილა და რამდენიმე სიტყვით კიდევაც მიმართა მრევლს. ისეთ ფაზაში შედის უკვე ჯანმრთელობა, რომ აი, რამდენ ხანს შეძლებს, ასე რომ ითქვას. ავად არ არის, მაგრამ სუსტდება თანდათანობით. პატრიარქი თავისი ხელით ვერ დაწერს ამ ეპისტოლეს, ეს ყველასათვის ცხადია, მაგრამ არცერთი სიტყვა მასთან შეთანხმების გარეშე ამ ეპისტოლეში არ იქნება“, – აცხადებს მეუფე ნიკოლოზი. 

შეგახსენებთ, წელს პირველი აღდგომა იყო, როდესაც სადღესასწაულო ლიტანიობა სამების საკათედრო ტაძარში პატრიარქმა ილია მეორემ ვერ ჩაატარა. სადღესასწაულო ლიტანიობა სამების საკათედრო ტაძარში მოსაყდრე შიომ აღავლინა.

აღდგომის ბრწყინვალე დღესასწაულთან დაკავშირებით, საქართველოს აეროპორტების გაერთიანება მესტიის, ბათუმის და ამბროლაურის მიმართულებით დამატებით 8 რეისს ნიშნავს.

საქართველოს აეროპორტების გაერთიანების ინფორმაციით, დამატებითი რეისები, შიდა ფრენების მიმართულებით 13-22 აპრილის პერიოდში შემდეგი განრიგით შესრულდება:

„17 აპრილი: ნატახტარი – ამბროლაური გაფრენა – 15:00 საათზე, ამბროლაური – ნატახტარი გაფრენა – 16:30 საათზე.

18 აპრილი: ნატახტარი – მესტია გაფრენა – 13:00 საათზე, მესტია – ნატახტარი გაფრენა 15:00 საათზე;

22 აპრილი: ნატახტარი – მესტია გაფრენა -13:30 საათზე, მესტია – ნატახტარი გაფრენა 15:00 საათზე;

22 აპრილი: ნატახტარი – ბათუმი გაფრენა – 9:45 საათზე, ბათუმი – ნატახტარი გაფრენა 11:45 საათზე;

შეგახსენებთ, ნატახტარი-მესტიის მიმართულებით – 90 ლარს, ხოლო ნატახტარი-ამბროლაურის მიმართულებით ფრენა 50 ლარი ღირს. 0-დან 3-წლამდე ჩვილები უფასოა, ხოლო 3-დან 12-წლამდე ბავშვებზე მოქმედებს 30 %-იანი ფასდაკლება.

ბილეთების შეძენა უკვე შესაძლებელია ვებგვერდზე https://ticket.vanillasky.ge/en/tickets“, – აღნიშნულია გავრცელებულ ინფორმაციაში.

სასაფლაოების მიმართულებით დღეს და ხვალ ახალი მარშრუტებია დანიშნული.  მუხათგვერდის, ვაშლიჯვრის, კუკიის, ახალი კუკიის, მახათას, საბურთალოს, ღრმაღელის, ველისა და ვარკეთილის სასაფლაოების მიმართულებით ავტობუსები დილის 08:00-დან 20:00-მდე იმოძრავებენ. მგზავრობა უფასოა.

ავტობუსები მეტროსადგურებიდან გავლენ.

ადამიანები ვერ აცნობიერებენ, რამდენად საშიშია ასეთი დამოკიდებულება სიტყვასთან” – ამის შესახებ აღნიშნულია სრულიად საქართველოს კათოლიკოს-პატრიარქის, ილია II-ის სააღდგომო ეპისტოლეში.

“მთელ რჯულს ეს ერთი მცნება მოიცავს: „გიყვარდეს მოყვასი შენი, ვითარცა თავი შენი“. ამ სიტყვებით კარგად ჩანს, რომ ჭეშმარიტად თავისუფალი პიროვნება თავისუფალია ეგოიზმისგან და მისი ცხოვრება სიყვარულზე, ზნეობასა და სათნოებაზეა დამყარებული. ასეთ ადამიანთა სიმრავლე ქვეყნის სიძლიერეა.

ჩვენს საზოგადოებაში კი ქვეყანაზე ზრუნვის მოტივით, სამწუხაროდ, მრავალი მხრიდან აქვს ადგილი კატეგორიულ აზროვნებას და მძლავრობს აგრესიული მეტყველება, რაც მოსახლეობაში მკვეთრ პოლარიზებას იწვევს.

ადამიანები ვერ აცნობიერებენ, რამდენად საშიშია ასეთი დამოკიდებულება სიტყვასთან.

სიტყვა ენერგიაა, დადებითი ან უარყოფითი, და თანაც ძალიან ძლიერი, რომელიც თავის გავლენას, პირველ რიგში, მათზე ახდენს, ვისგანაც იგი წარმოითქმის, შემდეგ კი აისახება სხვებზე და საერთოდ გარემოზე;

წმ. პატრიარქი ამბროსი ხელაია მოგვიწოდებს: „თუ დავუდებთ ჩვენს თავისუფლებას საფუძვლად ქრისტეს ზნეობრივ სწავლას და მისი იდეალების ცხოვრებაში განხორციელებას, მაშინ და მხოლოდ მაშინ, შეგვიძლია ვიყოთ სასარგებლო წევრნი სახელმწიფოსი,” – აღნიშნულია ეპისტოლეში.

საქართველოს პრემიერ-მინისტრი ირაკლი ღარიბაშვილი მეუღლესთან ერთად სააღდგომო ლიტურგიას დაესწრო.

საზეიმო წირვა სამების საკათედრო ტაძარში, სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ საპატრიარქო ტახტის მოსაყდრე, სენაკისა და ჩხოროწყუს მიტროპოლიტ შიო მუჯირთან,   მღვდელმთავრებთან და სამღვდელოებასთან  ერთად აღავლინა.

საზეიმო წირვის დაწყებამდე, სამების საკათედრო ტაძარში შეკრებილმა მრევლმა საქართველოს პატრიარქის სააღდგომო ეპისტოლე მოისმინა.

სააღდგომო ლიტურგიაზე  მთავრობის მეთაურთან ერთად პარტია “ქართული ოცნების” თავმჯდომარე ირაკლი კობახიძე, თბილისის მერი კახა კალაძე, ასევე აღმასრულებელი და საკანონმდებლო ხელისუფლების წარმომადგენლები იმყოფებოდნენ.

გურიაში ტრადიციული თამაშის – “ლელობურთის” სამზადისი დაიწყო. სოფელ შუხუთში სასულიერო პირები აღდგომას ულოცავენ ადგილობრივებს და სტუმრებს. სამზადისი ბურთის სილით დატენვის რიტუალს მოიცავს. ბურთი 16 კგ უნდა იყოს და მის მოსაპოვებლად ერთმანეთს სოფელ შუხუთის ორი უბანი, ე.წ. ზემოურები და ქვემოურები შეერკინებიან.

თამაში, რომელიც როგორც წესი აღდგომის დღესასწაულზე ტარდება, 17:00 საათზე დაიწყება.