წელს პირველი აღდგომა იყო, როდესაც სადღესასწაულო ლიტანიობა სამების საკათედრო ტაძარში პატრიარქმა ილია მეორემ ვერ ჩაატარა.
სადღესასწაულო ლიტანიობა სამების საკათედრო ტაძარში მოსაყდრე შიომ აღავლინა.
პროტოპრესვიტერი გიორგი ზვიადაძე ამბობს, რომ ილია მეორის ტაძარში მისვლა გმირობა იყო.
„ღვთის მადლით, სტაბილურია მისი ჯანმრთელობის მდგომარეობა, რასაც ადასტურებს ის, რომ მან შეძლო გუშინ მობრძანებულიყო სამების საკათედრო ტაძარში და ვიდრე არ დასრულდა აღდგომის უდიდეს დღესასწაულთან დაკავშირებით ტაძარში იმყოფებოდა. ფიზიკურად, რა თქმა უნდა, ეს ყველაფერი ძალიან რთულია, მაგრამ პატრიარქი ქართველი ხალხის უდიდესი სიყვარულით, ქართველი ხალხისადმი უდიდესი პატივისცემით, მაინც უდიდესი ძალისხმევის ფასად ახერხებს იმას, რომ ამხელა მსახურებაზე, მაინც იმყოფებოდა ტაძარში“, – აცხადებს პროტოპრესვიტერი გიორგი ზვიადაძე.
