„ხალხის ძალის“ წევრმა და დეპუტატმა ეკა სეფაშვილმა სამი მოქმედი და ერთი ყოფილი მოსამართლისთვის კორუმპირებულობის ბრალდებით აშშ-ის მიერ სანქციების დაწესების შემდეგ ოპოზიციის ნაწილისგან საგამოძიებო კომისიის შექმნაზე მედიასთან ისაუბრა, რომელიც მიზნად ამ მოსამართლეებისთვის კორუმპირებულობის დამტკიცებას ისახავს.

ეკა სეფაშვილის თქმით, დასტურდება, რომ აშშ-ის ელჩს არ შეუძლია არგუმენტების წარმოდგენა. წინააღმდეგ შემთხვევაში, ოპოზიციის გაერთიანებულ ჯგუფს თავისუფლად შეეძლო ელჩთან აუდიენცია მოეთხოვა და პირისპირ საუბრისას ეკითხა, რა არგუმენტებზე დაყრდნობით მიიღო აშშ-ის სახელმწიფო დეპარტამენტმა სამი მოქმედი და ერთი ყოფილი მოსამართლისთვის სანქციების დაწესების გადაწყვეტილება.

„თემა, რის გამოც ოპოზიცია საგამოძიებო კომისიის შექმნას ფიქრობს, თითიდან გამოწოვილია. ოპოზიციის იმ ნაწილმა, რომელსაც, როგორც ჩანს საქმე გამოელია და არ იცის, რა გააფუჭოს ქვეყანაში, მორიგი, ახალი სპექტაკლის დადგმა გადაწყვიტა, რათა საზოგადოებას დაანახოს, როგორ გულმხურვალედ და მუხლჩაუხრელად შრომობს. სინამდვილეში, ეს მათი მორიგი მცდელობაა, რომ შექმნან ილუზია, თითქოს საქართველოს კეთილდღეობა აინტერესებთ.

ვუსმენდი გამომსვლელებს და ოპოზიციის ერთ-ერთმა წევრმა თეონა აქუბარდიამ საშინელი რამ თქვა – ჩვენ ამ კომისიით უნდა შევქმნათ მტკიცებულებები, რათა დავადასტუროთ სახელმწიფო დეპარტამენტის გადაწყვეტილება რომ სწორი იყოო. ეს გაუგონარი მესიჯია – ანუ, ოპოზიცია იმისთვის იღვწის, რომ რადგან უცხოეთმა, ამ შემთხვევაში ამერიკამ თქვა, სანქციები უნდა დავუწესოთო, სასწრაფოდ უნდა დაირაზმოს მთელი პარლამენტი და მტკიცებულებები შექმნას. იმიტომ, რომ რეალურადაც დასტურდება – ქალბატონ აშშ-ის ელჩს არ შეუძლია არგუმენტების წარმოდგენა. წინააღმდეგ შემთხვევაში, ოპოზიციის გაერთიანებულ ჯგუფს თავისუფლად შეეძლო ელჩთან აუდიენცია მოეთხოვა და პირისპირ საუბრისას ეკითხა, რა არგუმენტებზე დაყრდნობით მიიღო აშშ-ის სახელმწიფო დეპარტამენტმა სანქციების დაწესების გადაწყვეტილება, მით უმეტეს, რომ ქალბატონი ელჩი აცხადებს, ეს გადაწყვეტილება ღია წყაროებში გავრცელებული ინფორმაციების საფუძველზე იქნა მიღებულიო.

ეს კიდევ ერთი დამადასტურებელი გარემოებაა იმისთვის, რომ კომისიის შექმნა, აბსოლუტურად, საფუძველს მოკლებულია, რადგან თუ ღია წყაროებში არსებული ინფორმაციის საფუძველზე შეიქმნა სანქციების გაცემის გადაწყვეტილება, დასხდნენ ოპოზიციის წარმომადგენლები, მოიძიონ ეს ღია წყაროებში წარმოდგენილი ინფორმაცია და დადონ დასკვნა. თუ არ აკმაყოფილებთ ეს, ან კომპეტენცია არ ჰყოფნით ამის გაკეთებისთვის, საქართველოს პარლამენტს აქვს ძალიან კარგი ინსტრუმენტი – თემატური მოკვლევა, რის ფარგლებშიც ამა თუ იმ საკითხის სიღრმისეული კვლევა მიმდინარეობს ხოლმე. შეუძლიათ ეს ინსტრუმენტიც გამოიყენონ“, – განაცხადა ეკა სეფაშვილმა.

ოპოზიციონერი დეპუტატი ხათუნა სამნიძე სასამართლო სისტემაში კორუფციული და სხვა კანონის საწინააღმდეგო ქმედებათა შემსწავლელი დროებითი საგამოძიებო კომისიის შექმნის საკითხის დღის წესრიგში დაყენებასთან დაკავშირებით კვორუმის არარსებობას გამოეხმაურა და განაცხადა, რომ „ქართულ ოცნებას“ საპროცედურო ომი აქვს გამოცხადებული.

კვორუმის არარსებობის გამო, პარლამენტში საგამოძიობო კომისიის შექმნის საკითხი ჩავარდა

როგორც სამნიძემ პარლამენტში გამართულ ფრიგინგზე განაცხადა, ოპოზიცია მობილიზებულია და ეს საკითხი ხვალ, დღის წესრიგზე დადგება.

„ეს არის დასტური, რომ „ქართულ ოცნებას“ ეშინია სიმართლის, რომელიც უნდა დაინახოს საზოგადოებამ, როდესაც იმუშავებს საგამოძიებო კომისია და საპროცედურო ომით ეცადა ხელი შეეშალა კომისიის შექმნისთვის, მაგრამ, ეს გაგრძელდება ხვალ – კენჭისყრაზე დადგება საკითხი და ამას ვერ გაექცევა „ქართული ოცნება“. ოპოზიცია არის მობილიზებული“, – განაცხადა ხათუნა სამნიძემ.

შეგახსენებთ, პარლამენტში სპეციალური დროებითი საგამოძიებო კომისიის საკითხი ოპოზიციის ნაწილმა მას შემდეგ დააყენა, რაც აშშ-ის სახელმწიფო დეპარტამენტმა ოთხ ქართველ სასამართლო ჩინოვნიკს, მიხეილ ჩინჩალაძეს, ლევან მურუსიძეს, ირაკლი შენგელიას და ვალერიან ცერცვაძეს ამერიკის ტერიტორიაზე შესვლა აუკრძალა.

თქვას, რაც უნდა და თავმჯდომარეობის გარდა ყველა პარტიულ თანამდებობას მივცემ, აცხადებს მედიასთან ხაბეიშვილი

“ნაციონალური მოძრაობის” მოქმედმა თავმჯდომარემ ყოფილთან მოსალაპარაკებლად “პირველების” ეთერი გამოიყენა. ხაბეიშვილი ამბობს, რომ ფლანგებს შორის დაპირისპირებით დაიღალა, ამიტომ მზად არის, ამ საკითხს წერტილი ერთხელ და სამუდამოდ დაუსვას. მზადაა, ყრილობის შედეგებიც  გააუქმოს და პოლიტსაბჭოს არჩევნებიც თავიდან ჩაატაროს.

ამასთან, ენმ-ს თავმჯდომარეს ერთი პირობა აქვს – მელიას ფლანგმა ივანიშვილის წინააღმდეგ უნდა იბრძოლოს.

აფხაზური მედიის ცნობით, სოხუმის რეჟიმის დე ფაქტო ლიდერი ასლან ბჟანია საქმიანი ვიზიტით მოსკოვში იმყოფება.

როგორც ბჟანიას პრესსამსახურის მიერ გავრცელებულ ინფორმაციაშია აღნიშნული, დღის წესრიგშია შეხვედრები „პრეზიდენტის ადმინისტრაციაში, მთავრობასა და რუსეთის ფედერაციის უშიშროების საბჭოში“.

ისინიც ხომ ამ ქვეყნის მოქალაქეები არიან და თუ რამე ეჭვები აწუხებდათ მოსამართლეებთან დაკავშირებით, რატომ არ მოითხოვეს მანამდე საგამოძიებო კომისიის შექმნა, სანამ ამ სანქციებს დაკვეთა არ იყო იქითა მხრიდან ისევე, როგორც ე.წ. რუსულ კანონთან დაკავშირებით?“ – ამის შესახებ „ხალხის ძალის“ ერთ-ერთმა ლიდერმა, მიხეილ ყაველაშვილმა, ტელეკომპანია „პოსტივის“ ეთერში განაცხადა.

მისი თქმით, ჯანსაღი ოპოზიცია საკუთარი გონებით უნდა მოქმედებდეს და არა უცხო, თუნდაც პარტნიორი ქვეყნების გავლენითა თუ დაკვეთით.

„მიუხედავად იმისა, რომ აღვნიშნავთ უდიდეს დღესასწაულს – აღდგომას, ჩვენი დღის წესრიგში დგას ის საკითხი, რომლის შესრულებაც აუცილებელია ჩვენი ქვეყნის კეთილდღეობისთვის: საზოგადოებას, რომელიც ჩვენი ქვეყნის მთავარ ძალას წარმოადგენს, ჰქონდეს მეტი ინფორმაცია ქვეყნის შიგნით, თუ გარეთ მომხდარი მოვლენების შესახებ. აღსანიშნავია, რომ პატრიარქი თავის ეპისტოლეში ამ გლობალურ საკითხებსაც შეეხო. ხაზგასასმელია, ასევე, მცდელობა, იმ უმრავლესობისა, რომელმაც ყველაზე კარგად გაითავისა ჩვენი ქვეყნის მდგომარეობა და მხარი დაუჭირა მშვიდობასა და ქვეყნის მშვიდობიანი გზით გამთლიანებას, რასაც, დარწმუნებული ვარ, ყველა მივესალმებით. სწორედ ეს არის გონივრული პოლიტიკა. ეს, რა თქმა უნდა, უფალთანაც დაკავშირებულია, რადგან თითოეულმა ადამიანმა უნდა ჩავიხედოთ ჩვენს შინაგან სამყაროში, უფრო მეტად ვიყოთ პასუხისმგებელნი ჩვენს გადაწყვეტილებაზე, თუ ჩვენს ნათქვამზე. ჩვენ, ყველას, ეს ქვეყანა გვაერთიანებს, ამიტომ აუცილებელია, რომ მისი გაერთიანებისა და კეთილდღეობისთვის ვიბრძოლოთ.

რაც შეეხება „ნაციონალურ მოძრაობას“, მათი დღის წესრიგი დღეს არ დადგენილა. მათი პოზიციები ცნობილი გახდა მათი ხელისუფლებაში მოსვლის დღიდან იქიდან გამომდინარე, თუ როგორ ექცეოდნენ საკუთარ მოქალაქეებს. შემდეგ ამ პარტიიდან ზოგი გავიდა, ზოგიც – შიგნითაა და ახლა ერთმანეთს ებრძვიან. მოკლედ, ამ ადამიანების არსებობასა და მოქმედებაზე კარგი იუმორისტული ფილმის გადაღებაც შეიძლება. დავით ქართველიშვილმა დღეს აღნიშნა, რომ ჩვენ, „ხალხის ძალამ“, შექმნის დღიდან ინფორმაციული მნიშვნელობის გზავნილებით ხაზი გავუსვით მშვიდობასაც, ეროვნულ ღირსებასაც, სუვერენიტეტსაც და ამით ვმოქმედებდით. ამის გამო უდიდესი ზეწოლის ქვეშ ვიყავით და დღემდე ვართ. მიუხედავად ამისა, ჩვენ მიგვაჩნია, რომ სწორედ ეს გზა გაგვიყვანს სამშვიდობოს. წინასწარ ვიცოდით, რომ ასეთი აგრესია იქნებოდა ჩვენ მიმართ, არც ნელდება ეს აგრესია, თუმცა ვიცით, რომ სწორ გზაზე ვდგავართ. ჩვენი ქვეყანა უნდა გადარჩეს და ის გონიერი პოლიტიკა, რომელსაც ხელისუფლება პირველივე დღიდან ატარებს, ამ ყველაფერს ემსახურება. ძალა, რომელიც, თითქოს, ქვეყნის მთავარ ოპოზიციურ ძალად უნდა აღიქმებოდეს, თითქმის დაიშალა. შიდა არჩევნებმაც გამოავლინა, თუ რას ფიქრობდნენ ისინი ერთმანეთზე. მე რომ მათი მხარდამჭერი ვიყო, ჩემთვის უკვე მიუღებელი იქნებოდა ის ქმედებები და ბრალდებები, რომლებსაც ერთმანეთის წინააღმდეგ იყენებენ. ჩვენც კი არ გაგვიჟღერებია მათ მიმართ ისეთი ბრალდებები, რასაც ერთმანეთს აბრალებენ. მიაჩუმათეს, რომ ჟორიკა რურუამ ვანო მერაბიშვილზე თქვა, რუსეთის აგენტიაო. ამაზე არავინ საუბრობს, თითქოს მას კი არ უთქვამს, არამედ ვიღაც „ქართული ოცნების“ წარმომადგენელმა ისაუბრა ამ თემაზე.

უკვე სააშკარაოზე დევს, რომ „ნაციონალური მოძრაობა“ გარედან იკვებება. თვალსაჩინოა, თუ ვინ აერთიანებს საპარლამენტო, თუ პარლამენტს გარეთ ოპოზიციას. დღეს ჩვენი მიდგომით – „არ შეიძლება ვასალური დამოკიდებულება“, საუბრობს საფრანგეთის პრეზიდენტი მაკრონი და თურქეთის პრეზიდენტი ერდოღანი. ტრამპი საუბრობს საკუთარ ქვეყანაზე და საკუთარი უფლებების დაცვაზე, ამბობს, რომ იქაც არის ის ზეწოლა, რომელიც ჩვენ გვაქვს „გლობალური ომის პარტიიდან“ და რომელსაც ლიბერალური ფაშიზმი დავარქვით. ჩვენი რადიკალური ოპოზიცია, ზუსტად ამ „გლობალური ომის პარტიას“ ემსახურება და აქვთ დაკვეთები. მაგალითად, ჩვენს კანონპროექტთან დაკავშირებით პირდაპირი გზავნილი იყო ამერიკის საელჩოდან, რომ უნდა შეერაცხათ რუსულ კანონად, შემდეგ ნედ პრაისმა განაცხადა, რომ ეს არის რუსული კანონი და ვნახეთ, რა დღეში იყო ჩვენი ოპოზიცია პარლამენტთან. თუნდაც მოსამართლეების თემა ავიღოთ, იყო პირდაპირი გზავნილები სანქცირებასთან დაკავშირებით და იგივე ოპოზიციონერები ითხოვენ საგამოძიებო კომისიის შექმნას. ისინიც ხომ ამ ქვეყნის მოქალაქეები არიან და თუ რამე ეჭვები აწუხებდათ მოსამართლეებთან დაკავშირებით, რატომ არ მოითხოვეს მანამდე საგამოძიებო კომისიის შექმნა, სანამ ამ სანქციებს დაკვეთა არ იყო იქითა მხრიდან ისევე, როგორც ე.წ რუსულ კანონთან დაკავშირებით?“ – განაცხადა მიხეილ ყაველაშვილმა.

თუ თქვენ თვლით, რომ არანაირ ზეწოლას ადგილი არ აქვს და მურუსიძე დღეს წმინდანი გახდა, როცა თქვენ თვითონ ამბობდით, რომ წინა ხელისუფლების დროს უპრინციპო მოსამართლე იყო და გადაწყვეტილებებზე ზეგავლენას ახდენდა, შევისწავლოთ ეს. თუ პრობლემა არაფერი გაქვთ, რატომ გეშინიათ? , – ასე მიმართა რესპუბლიკური პარტიის“ თავმჯდომარე, ხათუნა სამნიძემ უმრავლესობას პარლამენტის პლენარულ სხდომაზე სიტყვით გამოსვლისას.

სამნიძის განცხადებით, 2012 წლამდე შეიქმნა საფუძვლები, იმისთვის, რასაც „დღეს ვიმკით“.

„ეს კომისია არ დაინფიცირებულა მხოლოდ სანქციების პასუხად. ჯერ კიდევ დეკემბერში იყო ინიციატივა და ეს კომისია დარეგისტრირდა. ეს იყო პასუხი იმ საკითხებზე, რომელიც სამოქალაქო საზოგადოებიდან ისმოდა. სამოქალაქო საზოგადოების მხრიდან იყო ინიციატივა ასეთ საგამოძიებო კომისიაზე. მოგვმართეს, რომ შეგვესწავლა გავლენიანი ჯგუფების მიერ სასამართლო გადაწყვეტილებების, საქმეების განაწილების და სხვა საქმეებთან დაკავშირებით, მათი ზეწოლის ფაქტები. მაშინ დავარეგისტრირეთ ჩვენ ეს ინიციატივა, მაგრამ სანქციების შემდეგ ეს კიდევ უფრო აქტუალური გახდა.

ეს არის ერთადერთი საკითხი, სადაც ოპოზიცია არის ერთიანი და აზრთა სხვადასხვაობა არ არსებობს. იმედი მქონდა, რომ ამ საკითხში, არც ხელისუფლებისგან წამოვიდოდა ასეთი კითხვები, თურმე 2012 წლამდე რა ხდებოდა. თუ ვინმემ არ იცით შემდეგი სიტყვები უნდა წაგიკითხოთ, რომელიც 2012 წლის თქვენს საარჩევნო პროგრამაში იყო: „სასამართლო საქმიანობას მთლიანად აკონტროლებს პოლიტიკური ხელისუფლება და უპრინციპო მოსამართლეთა ხელში სასამართლო ხშირად გვევლინება მისი უსამართლო სურვილების შემსრულებლად“. უპრინციპო და უსამართლო მოსამართლეებში მაშინ მურუსიძე იგულისხმებოდა. მეც იქ ვიყავი, მეც ამაში ვმონაწილეობდი და, ამიტომ შეკითხვების დასტაზე, რომელიც ეხებოდა თუ რა ხდებოდა 2012 წლამდე, დიახ, 2012 წლამდე შეიქმნა საფუძვლები, იმისთვის, რასაც დღეს ვიმკით.

როცა ვამბობთ, რომ სისტემურ შესწავლაზე იქნება ორიენტირებული ეს კომისა, ეს ნიშნავს იმას, რომ სისტემურ პრობლემებს შეისწავლის და არა რომელიმე საქმეს. რომ მეკითხებით გირგვლიანთან დაკავშირებითო. გირგვლიანთან დაკავშირებით სტრასბურგის სასამართლომ დასკვნა გამოიტანა. ამ სიტყვებსაც წაგიკითხავთ: „გამაოგნებელია ის ფაქტი, რომ არც პროკურატურა და არც ადგილობრივი სასამართლოები არ შეეცადნენ გაერკვიათ საქმის ძირითადი გარემოებები“. ეს ითქვა და ამის გადახედვა გინდათ?“,- განაცხადა სამნიძემ.

მისივე თქმით, საგამოძიებო კომისიაში შეისწავლის ყელა პერიოდში არსებულ პრობლემებს.

„საგამოძიებო კომისიაში დიახ, შევისწავლით ყელა პერიოდში არსებულ პრობლემებს, სისტემური მიდგომით. მიზანი არის ის, რომ გამოძიება არსებობდეს და კონკრეტული ფაქტები არსებობდეს და არა სანქციების საკითხების გადახედვას. ამ საკითხების გადახედვას არავინ აპირებს.

თუ თქვენ თვლით, რომ არანაირ ზეწოლას ადგილი არ აქვს და მურუსიძე დღეს წმინდანი გახდა, როცა თქვენ თვითონ ამბობდით, რომ წინა ხელისუფლების დროს უპრინციპო მოსამართლე იყო და გადაწყვეტილებებზე ზეგავლენას ახდენდა , შევისწავლოთ ეს . თუ არაფერი პრობლემა არ გაქვთ რატომ გეშინიათ?“,- განაცხადა სამნიძემ.

პარლამენტის პლენარულ სხდომაზე სასამართლო სისტემაში კორუფციული და სხვა სახის სამართალდარღვევების შესწავლის მიზნით საგამოძიებო კომისიის შექმნის საკითხს განიხილავენ.

თქვენ გინდათ, უბრალოდ მორიგი შოუ დადგათ, რომ რადიკალურმა ოპოზიციამ ცოტა სახე შეინარჩუნოთ, მოსახლეობას დაანახოთ, რომ თითქოს მუშაობთ, – ამის შესახებ საპარლამენტო უმრავლესობის წევრმა ირაკლი ზარქუამ განაცხადა.

ირაკლი ზარქუას განცხადებით, ოპოზიციას საგამოძიებო კომისიის შექმნის ნაცვლად შეეძლო ელჩი დაებარებინა და მისთვის დაესვა კითხვები.

ზარქუამ მიმართა, დეპუტატ ხათუნა სამნიძეს და აღნიშნა, რომ „ვერ მიხვდა“ რა არის საგამოძიებო კომისიის შექმნის არგუმენტი.

„ქალბატონო ხათუნა, მთელი დღეა გისმენთ და სიმართლე გითხრათ ვერ მივხვდი, არგუმენტი ვერ გავიგე, რატომ გინდათ კომისიის შექმნა, ერთადერთი, რასაც ლოგიკურად ვხვდები ისაა, რომ ჩავარდნილი აქციების შემდეგ, ბოლო 9 აპრილის აქციისთვის, რომ მთელი თვე ემზადებოდით რადიკალური ოპოზიცია და შემდეგ მარტო ჩემს ხაბეზე გადატეხეთ [ჯოხი],ეგ იყო ავტორიო, თორემ ჩვენ რა შუაში ვართო და გაემიჯნეთ…. თუ რეალურად საქმე გაინტერესებდათ თქვენ და დანარჩენ რადიკალებს, შეგეძლოთ ქალბატონი ელჩი დაგებარებინათ და გეკითხათ, ქალბატონო ელჩო, კონკრეტული არგუმენტები მოგვეცით, რომ ჩვენ გაგვიადვილდეს შემდეგ მუშაობა. არა, თქვენ ეს არ გაინტერესებთ, თქვენ გინდათ, უბრალოდ მორიგი შოუ დადგათ, რომ ამ რადიკალურმა ოპოზიციამ ცოტა სახე შეინარჩუნოთ, მოსახლეობას დაანახოთ, რომ თითქოს მუშაობთ.

ქალბატონო ხათუნა კითხვა მაქვს პირადად თქვენთან, გეგმავთ თუ არა, რომ შეისწავლოთ ადეიშვილის დროინდელი სასამართლო სისტემა და თქვათ, რომ მაშინ ტირანია იყო სააკაშვილის ხელმძღვანელობით და იქიდან უნდა დავიწყოთ შესწავლა?“, – განაცხადა ირაკლი ზარქუამ.