ალექსი პეტრიაშვილი სოციალურ ქსელში უკრაინაში მიმდინარე მოვლენებს ეხმაურება:

“სულ რაღაც 2 საათის წინ ოკუპირებულ სევასტოპოლში ურდოს ფლოტის წინააღმდეგ ჩვენებმა წყალზედა კამიკაძე დრონები გაუშვეს! იყო სერიოზული აფეთქებები; ვნახოთ, გათენდეს, გავიგებთ ახალ ამბებს! აკი გააფრთხილა კიდეც უკრაინის წარმომადგენელმა ნატალია გუმენიუკმა, მორჩა ყირიმში ქვიშაში თამაში, ბავოვნას ანუ აფეთქებების

სეზონი მოდის და მოემზადეთ ურდოსებოო!

აფეთქებები იყო გუშღამ დროებით ოკუპირებულ ბერდიანსკში და ურდოსიის ტერიტორიაზე ბელგოროდში!
დიდი კონტრშეტევის დაწყებამდე ჯერ კიდევ დროა. ვინც ნახა ზაპოროჟიეში სანგრებში რა მდგომარეობაა (წელამდე წყალში არიან ჩვენი გმირები), ის კი მიხვდება, რომ სანამ წვიმები არ გადაიღებს და გრუნტი არ გაშრება საკმარისად, რომ მძიმე ტანკები გადაადგილდეს, მანამდე შეტევა არ დაიწყება. ესტონეთის თავდაცვის მინისტრი ამბობს, რომ მინიმუმ 1 თვე მაინც არ დაიწყება შეტევა. იმავეს ამბობს ლეგენდარული გენერალი პეტრეუსი. 1 თვე მაინც არის საჭირო, რომ ნიადაგი მზად იყოს დიდი შეტევისთვისო.

ჩვენი #ბუკადეილი უკრაინაში ჯგუფიც მაგ ამინდს შესცქერის. ასე არასდროს ჩავჯდომივარ უკრაინის ამინდებს.

ამსიობაში, მინამ კონტრშეტევა დაწყებულა, სამხრეთში ძაან კაი კაი ამბებია. კი გვითხრა თავდაცვის მინისტრის მოადგილემ ანა მალერმა, მოთმინება ძვირფასებო, მოთმინებაო, კი გავარდნენ ურდოსიკები და დნეპრის მარცხენა სანაპიროზე ოლეშკების ტრაფარეტთან ფოტოები გადაიღეს, მაგრამ ურდოს სამხედრო ბოლგერებიც კი გეოლოკაციით აფიქსირებენ, რომ ჩვენები მიიწევენ ხერსონის ოლქის სიღრმეში და ათავისუფლებენ ახალ-ახალ ტერიტორიებს. ჩვენებმა უკვე დაიკავეს და გამაგრდნენ დაჩების ზონაში, რითაც მიუახლოვდნენ ოლეშკების პერიმეტრს. სამხრეთში დიდი ამბები გვექნება მალე, დიდიიი!

ფრონტის ამბებს რადგან მივადექით, გეტყვით, რომ ყველაზე რთული ვითარება ისევ ბახმუტშია. გვიტევენ ყველა მხრიდან – ჩრდილოეთში ო0506 ტრასის გადასაჭრელად, ცენტრში რკინიგზის ხაზიდან დასავლეთით და სამხრეთში ტ0504 ტრასაზე კონტროლის დასამყარებლად. ტრასები ჩვენი კონტროლის ქვეშაა, მაგრამ აღარ გამოიყენება მომარაგებისთვის. თუმცა, ბახმუტი არ არის ალყაში და ბახმუტის გარნიზონს უწყვეტად მიეწოდება შეიარაღება და ყველაფერი აუცილებელი თავდაცვისთვის; გეგმიურად ხდება ცოცხალი ძალის როტაცია და დაჭრილების ევაკუირება. გენერალი სირსკი გუშინ ისევ იმყოფებოდა ბახმუტში. მისი განცხადებით, სიტუაცია კრიტიკულია, მაგრამ კვლავ კონტროლს ექვემდებარება.

მარიინკაშიც ცხელა, მაგრამ არა ისე, როგორც ბახმუტში. დგანან ჩვენები ყოჩაღად დასახლების ცენტრალურ ნაწილში;
ავდეევკა და უჰლედარზეც პზოციური ბრძოლები იყო;

კრემინნასთან არის გარკვეული ინტენსიურობა, მაგრამ არსებითი ცვლილებები ჯერ არ არის, ისევე როგორც პოზიციურობაა შენარჩუნებული სვატოვოსა და კუპიანსკის მიმართულებაზე;
საერთაშორისო რინგზე მაგარი გაილახა საფრანგეთში ჩინეთის ელჩი. ოფიციალურმა პარიზმაც შეუტია, პეკინმა დააფიქსიროს პოზიცია, ეს ელჩის ფრუტუნია თუ პეკინის პოზიციაო;

ევროკომისიის უმაღლესმა წარმომადგენელმა საგარეო პოლიტიკის საკითხებში ჯოზეპ ბორელმა ასევე გამოხატა თავისი კრიტიკული პოზიცია და მოითხოვა სიცხადე პეკინისგან; მოკლედ, თუ რამდენად შარშია პარიზში ჩინეთის ელჩი, სავარაუდოდ დღეს გაირკვევა;

არ ეშვებიან საერთაშორისო მოთამაშეები ჩვენებისთვის მოწოდებებს, მოლაპარაკებები საჭირო იქნებაო; ჩვენების პასუხი იყო: გვაცალეთ ბატონო, დავჩეჩქვავთ ურდოს შეტევებში, გავათავისუფლებთ ჩვენს ტერიტორიებს და მერე დავსხდებით მოლაპარაკებების მაგიდასთან გამარჯვების გასაფორმებლადო;

პუტლერის ჯაგლაგა ლავრაშა ნიუ იორკში ჟურნალისტების გარეშე გაემგზავრა. არ დავივიწყებთ, არ გაპატიებთო, დაიმუქრა პუტლერის ცხენტურა, თქვენ საქმესაც ჩვენ გავაკეთებთო, დაჰპირდა პროპაგანძილებს და გაგაზა ნიუ იორკში.

ბრძოლით კი ებრძვიან დასავლეთს, მაგრამ ჩვენებური რუსეთუმეების არ იყოს, გიჟდებიან ამ ევროპებში და ნიუ იორკებში შოპინგზე, დასვენებაზე და სეირნობაზე.

სანქცირებულ ქმრებსაც კი ეყრებიან, ოღონდ ევროპაში სპაში ჩაეწონ და მაღაზიებში იარონ!

ამიტომაა ეტყობა, რომ ბიზნეს ელიტა და უკვე პოლიტიკურიც სულ უფრო აქტიურად ეძებს კავშირებს უკრაინის სპეც.სამსახურებთან და პოლიტიკურ ხელმძღვანელობასთან, არ უნდათ პუტლერის საფლავში ჩაყოლა!

უკრაინა გაიმარჯვებს 2023-ში! საქართველო უნდა გამოერკვეს 2023-ში! პუტლერის ბოროტების იმპერია ჩამოინგრევა გრუხუნით!
დიდება უკრაინას!
დიდება გმირებს!
დიდება ერს!
სიკვდილი მტერს!”- წერს ალექსი პეტრიაშვილი.

„ხალხის ძალის“ წევრი დავით ქართველიშვილი საქართველოში აშშ-ის ელჩ კელი დეგნანათან დაკავშირებით სოციალურ ქსელში პოსტს ავრცელებს.

დავით ქართველიშვილი ელჩის საქმიანობასა და იმ შეცვლილ ურთიერთდამოკიდებულებებს მიმოიხილავს, რაც ბოლო დროს საქართველოსა და ამერიკას შორის ჩამოყალიბდა.

„სავსებით გასაგებია საზოგადოების უნდობლობა და ნეგატიური მოლოდინები საქართველოში აშშ-ის მომავალ ელჩთან დაკავშირებით: „იმასთან შედარებით, კელი დეგნანი „ანგელოზად“ მოგვეჩვენება“ და ა.შ. სავსებით მოსალოდნელია ეს სკეფსისი, მაგრამ საკითხია არასწორად დაყენებული.

ის კი არ არის მთავარი, ვინ ვის და როგორ ჩაანაცვლებს, მთავარი ის არის, აქ რა საზოგადოება დახვდება ამერიკის ნებისმიერ ახალ ელჩს და უნდა დამეთანხმოთ, რომ აშშ-ის ელჩთან ჩვენი საზოგადოების მიდგომა ბოლო ერთ წელიწადში ნამდვილად შეიცვალა. კელი დეგნანისთვის უსიამოვნოდ, გამაღიზიანებლად, მოულოდნელად, მაგრამ შეიცვალა, და ამ ცვლილების „ტრიგერი“ ნამდვილად იყო „ხალხის ძალა“.

ამ ცვლილებამ გამოიწვია ის, რომ კელი დეგნანის შემდგომ სულ რომ განხორციელებული „მონსტრი“ მოგვევლინოს, ჩვენი საზოგადოების „თამასა“ უსამართლობასთან ბრძოლის, სიცრუის მხილების, ცილისწამების უპასუხოდ არდატოვების, ისეთ სიმაღლეზეა აწეული, რომ ასეთ „მონსტრსაც“ კი საქართველოში მივლინება იოლ გასეირნებად ნამდვილად არ ჩაეთვლება და ამ ილუზიაში წინასწარვე ნუ იმყოფება.

თავის შემცვლელს დეგნანი უმძიმეს მემკვიდრეობას უტოვებს. პირველ რიგში – გაკოტრებული, დეგრადირებული, უსარგებლო იდიოტებად ქცეული ოპოზიციური ველის სახით. ამაში აშშ-ის ელჩის დიდი პირადი წვლილიც არის. ის ჩვენი მეხუთე კოლონისთვის ზუსტად იმ ბაგაჟის მწყემსად მოგვევლინა, რა დონის ლიდერსაც წარმოადგენს ოპოზიციაში ლევან ხაბეიშვილი.

ამ უკანასკნელს მხოლოდ ინგლისური ენა არ ესმის, ქალბატონ კელის კი – საქართველოს ეროვნული სულისკვეთება. დღეს კელი დეგნანი ქაოსურად ჩქარობს საქართველოს მოქმედ ხელისუფლებას უკვე ავად სახსენებელი „სტატუსი“ არ მიანიჭებინოს იმ ევროკავშირის მხრიდან, რომლის ლიდერები უკვე თავად ღიად საუბრობენ იმაზე, თუ რა მავნებლობას წარმოადგენს აშშ-ის პოლიტიკა თავისი პარტნიორების ვასალებად გადაქცევის საქმეში.

კელი დეგნანი გრძნობს, რომ მისი ქვეყნის ამჟამინდელმა ადმინისტრაციამ შეიძლება ვეღარ იქონიოს სათავისოდ მოგებიანი ზეგავლენა საქართველოსთან დაკავშირებით. ამიტომ ააგორა „სასამართლო სკანდალი“, ამიტომ აღვივებს „პოლარიზაციას“, ამიტომ ახდენს ჩვენი ქვეყნის ყოველდღიურ დისკრედიტაციას „დემოკრატიის უკუსვლის“ გზაზე, ამიტომ ემზადება „პრაიდის“ ჩასატარებლად.

მე მესმის ჩემთან კეთილგანწყობილი ოპონენტების პოზიციაც, რომლებსაც არ ესმით, თუ რატომ მაქვს გადამეტებული მოლოდინი ამერიკაში მომავალში რესპუბლიკელების სავარაუდო გამარჯვების, რომლებიც არც ტრამპის პრეზიდენტობის დროს გამოირჩეოდნენ საქართველოსთან მიმართებით ზეკონსტრუქციული მიდგომებით. აგიხსნით: ამერიკაც შინაარსობრივად შეიცვალა მას შემდეგ. იმ საფრთხემ, რომელსაც აშშ-სა და საქართველოშიც ერთი და იგივე ფესვები გააჩნია, ტრამპის შემდეგ იფეთქა BLM-ს მოძრაობის, „თეთრი რასიზმის“, „ტრანსგენდერთა ტერორიზმის“ და სხვა უამრავი სიმახინჯის (გენდერული, რასისტული) გამოვლინებების სახით.

დღეს რესპუბლიკელებს სხვა გზა აღარ რჩებათ, რომ პრაგმატული პოლიტიკით „იდეოლოგიური უკუღმართობის მიდგომები“ ჩაანაცვლონ და ამით პირველ რიგში საკუთარი სახელმწიფო გადაარჩინონ. ამასთან ერთად, საკუთარ მეკავშირეებთან შეცვალონ ურთიერთობები. მათ შორის საქართველოც არის, რომელიც თავის თავს არც ერთ ვარიანტში არ დაკარგავს და საკუთარ ღირსებასა და საბაზისო ფასეულობებს „ლუციფერის“ საბოლოო დამარცხებამდე დაიცავს.

იმის იმედს, რომ ამერიკელი რესპუბლიკელები გამოვლენ „ლეთარგიული ძილიდან“ და განთავისუფლდებიან „გენდერული“ და „რასობრივი“ კვაზითეორიებისაგან და ღმერთისა და ოჯახური ფასეულობების მადიდებელ ხელისუფლებებთან საპარტნიორო ურთიერთობებს დაამყარებენ, მაძლევს ამერიკაში მიმდინარე ის სოციალურ-პოლიტიკური პროცესები, სადაც ქვეყნის მოსახლეობის უმრავლესობას ასევე მოსწყურდა ამერიკის შელახული ღირსება, მოენატრა ღმერთი და ღვთაებრივი კანონებით შექმნილი სამყარო“, – წერს დავით ქართველიშვილი.