„ხვიჩიას სარწმუნო მოსაზრება, რომ იმპიჩმენტის წარმატებული დაგვირგვინების მიზნით, ოცნება აპირებს ნაცების „საროსკიპოს” დაფინანსებას, გამომდინარეობს მხოლოდ მისი დახარვეზებული მორალით გამოწვეული ავადმყოფური ბოდვითი აშლილობიდან, რომელსაც ჰუმანური პრინციპებიდან გამომდინარე, მაქსიმალური ლმობიერებით უნდა მოვეკიდოთ,” – ამის შესახებ „ხალხის ძალის” წევრი დავით ქართველიშვილი სოციალურ ქსელში წერს.

მისი თქმით, ხვიჩია კოლეგა-დეპუტატებს მეძავებად განიხილავს და ამასთან, ამ მეძავებს ნაცმოძრაობის რიგებში ეძებს.

„სუტენიორი – ქართულ პოლიტიკაში დამკვიდრებული სარფიანი პოზიცია. მას იკავებენ ფულის სუნზე დაგეშილი და პოლიტიკას ამოფარებული ავანტიურისტები, რომლებიც მაგალითად ახალგაზრდების გან-სამშობლოებზე დაფუძნებულ პარტიულ ფინანსურ პირამიდებს აგებდნენ, როდესაც 30 „ვერცხლად” მათ კარდინალების ტიტულებს ურიგებდნენ, ქვეყნის დაცვაზე უარის თქმის ფასად.

დღეს სამშობლოს დაცვის სისტემაში „დეკარდინალიზაციის” პროცესების შემომღებ ხელისუფლებაზე განაწყენებული ერთ-ერთი ასეთი „სუტენიორი” იაგო ხვიჩია, პრეზიდენტის იმპიჩმენტის საკითხის ინიციირებას განიხილავს თავისთვის ყველაზე გასაგებ კატეგორიაში: თურმე რამდენ “მეძავ” დეპუტატისთვის აპირებს ოცნება ფულის გადახდას.

აქ ყველაფერია „შესანიშნავი”: ის, რომ თავის კოლეგა-დეპუტატებს ხვიჩია „მეძავებად” განიხილავს და ისიც, რომ ამ „მეძავებს” მაინცდამაინც ნაცმოძრაობის რიგებში ეძებს. ერთ რამეში უშვებს შეცდომას ხვიჩია – „ოცნება” როსკიპებში ფულის გადახდის მანკიერ პრაქტიკას შეეშვა. მისთვის ისიც კმარა, რომ თავის დროზე სწორედ მის მიერ მსგავსი დაფინანსებული „მეძავებით” გაივსო დღეს ხვიჩიასთვის ესოდენ მშობლიური ოპოზიციური სპექტრი.

ხვიჩიას რომ არა „სუტენიორის”, არამედ პოლიტიკოსის მსოფლმხედველობა ჰქონოდა, ჯერ კიდევ შესაძლებელი იქნებოდა მისთვის აგვეხსნა, რას წარმოადგენს კონსტიტუციის უზენაესობა, რა არის მისი დარღვევისათვის გარდაუვალი ანგარიშგება, რას ნიშნავს ამ დანაშაულის გამო პრეცედენტის შექმნა, განურჩევლად იმისა, პრეზიდენტი არღვევს ქვეყნის ძირითად კანონს თუ რიგითი მოქალაქე.

ოცნება, რომელმაც პროცესის ინიცირებისთანავე მშვენივრად იცოდა საიმპიჩმენტოდ აუცილებელი 100 ხმის შეგროვების პრობლემატურობის შესახებ, ვერანაირად ვერ გაიხდის თავს სასაცილოდ, როგორც ამას ხვიჩია ვარაუდობს, რომლის პოლიტიკურმა ჯგუფმა კი პირიქით, არაერთგზის ჩაიგდო თავი კომიკურ სიტუაციაში. ხვიჩიას სარწმუნო მოსაზრება, რომ იმპიჩმენტის წარმატებული დაგვირგვინების მიზნით, ოცნება აპირებს ნაცების „საროსკიპოს” დაფინანსებას, გამომდინარეობს მხოლოდ მისი დახარვეზებული მორალით გამოწვეული ავადმყოფური ბოდვითი აშლილობიდან, რომელსაც ჰუმანური პრინციპებიდან გამომდინარე, მაქსიმალური ლმობიერებით უნდა მოვეკიდოთ,” – წერს ქართველიშვილი სოციალურ ქსელში.

ერთობაზე საუბრობდე და გახლეჩვის მეტს არაფერს აკეთებდე, „ოცნების“ საოცნებო თამაშია, – ამის შესახებ „ნაციონალური მოძრაობის“ წევრი ნიკა მელია სოციალურ ქსელში წერს.

„7 ოქტომბერს, თანამოაზრეებმა, ადამიანებმა, ვისაც ქვეყნის უკეთესი მომავალი გვინდა, ვისაც გვინდა ცვლილება და „ქართული ოცნების“ მმართველობის სისტემის დემონტაჟი, დავნიშნეთ საკონსულტაციო შეხვედრა, რომ განვიხილოთ როგორ ვაგრძლებელთ ბრძოლას…

პარტიის მენეჯმენტი, რომელსაც გამარჯვება მივულოცე, მიუხედავად ბინძური მეთოდებით, ფარული ჩანაწერებითა და სხვა გამოვლინებებით, „ოცნების“ სტილში ჩატარებული კამპანიისა, ვუსურვე ღირსებითა და სიმართლით მართვა – ვიცოდი, ძალიან დასჭირდებოდათ, ღირსებისა და სიმართლის დეფიციტი ექნებოდათ….

ამ მენეჯმენტმა მოსვლიდან ხუთ დღეში დაივიწყა თავისი დაპირება, დაპირება, რომელზეც ბევრი ემოციური, ერთგული მხარდამჭერი წამოაგო, უთხრა, რომ მიშას თავისუფლება, რეჟიმის შეცვლის გარეშეა შესაძლებელი.

გავიდა ცხრა თვე და არ გვინახავს ერთი გადაკეტილი ქუჩა, არ გვინახავს ერთი მასშტაბური აქცია. ბოლო უმასშტაბო აქცია კი „ვივამედთან“ სამი თვის წინ ვიხილეთ.

და ახლა, როდესაც ადამიანებმა, რომელთაც ქვეყანაზე, ცვლილებასა და უკეთეს ხვალინდელ დღეზე შეგვტკივა გული – გადავწყვითეთ შეკრება, დაინიშნა ბათუმში „აქცია“:

საკრებულოს წევრებს მისდით შეტყობინებები, მიშას თავისუფლებისათვის მსვლელობააო…

სწორედ ასე იქცევიან ერთობის შენარჩუნებისა და დისკუსიის ყველა მცდელობისას;

დიახ, საკონსულტაციო შეხვედრის დღეს, ზაფხულის არდადეგებიდან დაბრუნებული, დასვენებული და გარუჯული „ახალი მენეჯმენტი“ მართავს აქციას, მიშას თავისუფლების მოთხოვნით….

ყოველივე ეს მხოლოდ ერთ რამეს მახსენებს, „ოცნების“ ხელწერას, ხელისუფლების კონტრაქციას ბუნებრივ პრეტენზიებზე, არ აგარევინებთო, გვეუბნებიან, „ოცნებიდან“ გრეჩიხა და „ნაციონალური მოძრაობიდან“ ჩრდილოვანი მმართველები…

სიმართლე ფულზე ძლიერია, ღირსება კი ან გაქვს, ან არა…

ერთობაზე საუბრობდე და გახლეჩვის მეტს არაფერს აკეთებდე, „ოცნების“ საოცნებო თამაშია…

ძალა მართალი და პრინციპული ადამიანების ერთობაშია“, – წერს ნიკა მელია.