ეს ცრუ პატრიოტიზმი არახამიამ მოუყვეს სოჭელებს, სადაც დაიბადა და გაიზარდა. რუსეთშია დაბადებული, – ამის შესახებ საპარლამენტო უმრავლესობის წევრმა ირაკლი ზარქუამ განაცხადა.

„ახლა გამოიყვანეს, ეტყობა დაფინანსებულია და მორიგი ტალღაა ჩვენი ქვეყნის წინააღმდეგ. ეტყობა ახლა ახალს ამზადებენ. ეს არის ამათი სცენარი. ვინ ჰკითხავს არახამიას კანდიდატის სტატუსის მიცემას. ასეთი უავტორიტეტო ადამიანია და ახლა თურმე ეს გვილაგებს შიგნით ვინ გარეთ იყოს, ვინ შიგნით და ესე იგი სასამართლოს მითითებებს აძლევს?“, – განაცხადა ირაკლი ზარქუამ.

„ვაპირებდი ვახტანგ კიკაბიძის დაკრძალვაზე ჩამოსვლას, მაგრამ ამერიკელებმა გამაფრთხილეს არ წახვიდეო, ალბათ საზღვრის კვეთისას უნდა შექმნილიყო პრობლემები“, – ამის შესახებ უკრაინის რადას ფრაქციის, „ხალხის მსახურის“ თავმჯდომარემ, დავით არახამიამ ერთ-ერთ ქართულ ტელევიზიასთან ინტერვიუში განაცხადა.

მისივე თქმით, დარწმუნებულია, რომ მომავალი არჩევნების შემდეგ საქართველოში ეს მთავრობა აღარ იქნება ხელისუფლებაში. არქახამიას განცხადებით, მოქმედი მთავრობა რუსეთს სულ უფრო და უფრო უახლოვდება, თუმცა ხალხი იმსახურებს ევროპულ მომავალს და არა მთავრობა.

რეალურად, საქმე გვაქვს იმიტირებულ ქოლცენტრთან. სპეცოპერცია თავიდან ბოლომდე დაგეგმეს სპეცსამსახურებმა და სუს-მა, – ამის შესახებ „სტრატეგია აღმაშენებლის“ ლიდერმა, გიორგი ვაშაძემ განაცხადა.

გიორგი ვაშაძის თქმით, რეესტრის ამონაწერის მიხედვით, 13 აპრილს ვინმე მიხეილ არახამია არეგისტრირებს კომპანია „ლაიონ 7 გრუპს“, რომელიც ქირაობს ფართს იმ შენობაში, სადაც ვაშაძის ძმა ფლობს 10-ნომრიან სასტუმროს. გიორგი ვაშაძის განმარტებით, ფართის დამქირავებლებმა შენობის დირექტორს განუცხადეს, რომ იქ სასწავლო ცენტრის გახსნა სურდათ. როგორც გიორგი ვაშაძე აღნიშნავს, გავრცელდა ყალბი ინფორმაცია, თითქოს ეს მასთან დაკავშირებული რაიმე ქოლცენტრი იყო.

„ქოლცენტრების საკითხზე რუსული რეჟიმის პროპაგანდისტული არხების მიერ ხდება ჩემი და ჩემი ოჯახის წევრების, ზოგადად, ჩვენი ოპოზიციური ჯგუფის მიზანმიმართული და აღვირახსნილი, პროვოკაციული, პირდაპირ ვიტყვი, სახელის და რეპუტაციის შელახვა. მინდა, საზოგადოებას მივაწოდო სიმართლე ამ საკითხთან დაკაშირებით და მოგიყვეთ კონკრეტული ფაქტები, რეალურად როგორ დაგეგმეს ეს პროვოკაცია, სავარაუდოდ, სუს-მა და სხვა სპეციალურმა სამსახურებმა, როგორ არის ჩართული ამ პროპაგანდისტულ პროვოკაციაში „ქართული ოცნების“ მერ მართული ტელეარხები და სხვა მედიასაშუალებები.

როცა მთელი საქართველო საუბრობს ქოლცენტრებთან დაკავშირებით, ხელთ მაქვს რეესტრის ამონაწერი, სადაც 13 აპრილს, სავარაუდოდ, სუს-ის დავალებით, ვინმე მიხეილ არახამია არეგისტრირებს კომპანიას, „ლაიონ 7 გრუპს“, რომელიც მიდის და ქირაობს ფართს იმ შენობაში, სადაც ჩემი ძმა ფლობს 10-ნომრიან სასტუმროს და, რაც მთავარია, ამ შენობის მეპატრონეებს და დირექტორს, ბატონ ლომგულ ჭკუასელს ეუბნებიან, რომ იქ უნდათ სასწავლო ცენტრის გახსნა. ამავე ოფისში წლების განმავლობაში არსებობდა სასწავლო ცენტრი და დიდი ხანია, ეს ოფისი ვერ ქირავდებოდა. შესაბამისად, დამქირავებლს ეჭვი არ გაუჩნდა და მიაქირავა ვინმე არახამიას ეს ოფისი. ზუსტად სამ კვირაში, ვიდრე შინგან საქმეთა სამინისტრო რამე ოპერაციებს ჩაატარებდა, ქოცპროპაგანდისტმა ექსპერტებმა, მაგალითად, ბატონმა სალუქვაძემ და „ქოცებთან“, რუსულ რეჟიმთან დაკავშირებულმა მედიასაშუალებებმა, მაგალითად, „პრაიმ ტაიმმა“, გაავრცელეს ყალბი ინფორმაცია იმასთან დაკავშირებით, თითქოს ეს იყო ჩემთან დაკავშირებული რაიმე ქოლცენტრი. მეტიც, ამ ადამიანებს, შინაგან საქმეთა სამინისტროს, სამართალდამცავ ორგანოებს არანაირი განცხადება არ გაუკეთებიათ ამ შინაარსთან დაკავშირებით, იყო თუ არა იქ ქოლცენტრი, რაიმე სხვა ოფისი იყო, რას ლუქავდნენ. თავიდან ბოლომდე „ქართული ოცნების“ მიერ მართული ტელეარხების და მათი პროპაგანდისტი, იაფფასიანი, სუს-ის მიერ „დავერბორკებული“ ექსპერტების მიერ ხდება რაღაც ინფორმაციის ტირაჟირება. რეალურად, ჩვენ საქმე გვაქვს იმიტირებულ ქოლცენტრთან. ეს სპეცოპერცია თავიდან ბოლომდე დაგეგმეს სპეცსამსახურებმა, სუს-მა და, რაც მთავარია, ეს ვინმე არახამია საერთოდ გაქრა, არსად არ არსებობს ეს ადამიანი, ვერავინ პოულობს ამ ადამიანს. სავარუდოდ, როგორც ამბობენ, საერთოდ ქვეყნიდან გაიყვანეს ეს ადამიანი.

მინდა, მივმართო შსს-ს, სუს-ს, პროკურატურას, ამ საქმესთან დაკავშირებით ვინმე არის დაკითხული ან დაკავებული? ვინმე არის პასუხისგებაში მიცემული? ვინ ჩაიდინა დანაშაული, თუ ასეთი დანაშაული არსებობს, რაიმე მტკიცებულება გაგაჩნიათ? სად არის ეს მიხეილ არახამია, რატომ აფარებთ მას ხელს? იმ ქოცპროპაგანდისტულ არხებს – „იმედს“, „რუსთავი 2“-ს, „პოსტივის“, რომ ლიკლიკებთ და საუბრობთ, ტყლაპივით რომ გაქვთ ენა გადაგდებული, ერთი კითხვა მაინც არ გაგიჩნდათ, სად არის ეს ხალხი? სად არიან ის ადამიანები, ვინც თურმე დანაშაული ჩაიდინა?“, – განაცხადა გიორგი ვაშაძემ.

დღეის მდგომარეობით, ცესკო-ს ვადაგასული თავმჯდომარე ასრულებს ცესკო- ს თავმჯდომარის მოვალეობას, ახლა „ოცნებას“ უნდა უკვე ვადით დანიშნოს ადამიანი, რომელიც ხელს მოუწერს არჩევნების სავარაუდო გაყალბებაზე,- ამის შესახებ “სტრატეგია აღმაშენებლის” ლიდერმა გიორგი ვაშაძემ განაცხადა, რითაც საკანონმდებლო ცვლილებებს გამოეხმაურა.

ამასთან, ვაშაძე აღნიშნავს, რომ ვერც პრეზიდენტმა შეძლო მასზე დაკისრებული პასუხისმგებლობის შესრულება და ვერ წარმოადგინა კანდიდატი, რომელსაც მათ შორის, ოპოზიციის მხარდაჭერა ექნებოდა.

„დღეის მდგომარეობით პროცედურების სრული დარღვევით, კანონის უგულებელყოფით ცესკო-ს ვადაგასული თავმჯდომარე ასრულებს ცესკო- ს თავმჯდომარის მოვალეობას. ახლა “ქართულ ოცნებას” უნდა, უკვე ვადით დანიშნოს პირდაპირ ადამიანი, რომელიც ხელს მოუწერს არჩევნების სავარაუდო გაყალბებაზე, ეს არის მთელი შინაარსი ამ ინიციატივის. ჩვენ გვახსოვს, თავის დროზე შეთანხმება იყო, რომ 90 ხმით უნდა ყოფილიყო არჩეული ცესკო- ს თავმჯდომარე, რომელიც უნდა წარადგინოს პრეზიდენტმა. სამწუხაროდ, აქვე მინდა ვთქვა, პრეზიდენტმა ვერ უზრუნველყო თავის წილი პასუხისმგებლობა, რომ ობიექტური და მიუკერძოებელი კანდიდატი წარედგინა პარლამენტისთვის, რომელსაც ექნებოდა მათ შორის, ოპოზიციის მხარდაჭერა. სწორედ ამიტომ არის, რომ ვადაგასული ადამიანი კვლავ ასრულებს მოვალეობას თავმჯდომარის პოზიციაზე,”- განაცხადა ვაშაძემ.

უმრავლესობის საკანონმდებლო ინიციატივით, ცესკოს თავმჯდომარეობის და ე.წ. პროფესიული წევრობის კანდიდატების შერჩევის და პარლამენტისთვის წარდგენის პრეროგატივა პრეზიდენტის ნაცვლად, პარლამენტის თავმჯდომარეს ექნება. იცვლება მათ არჩევასთან დაკავშირებული პროცედურა და კვორუმი – თუკი პარლამენტი ცესკოს თავმჯდომარესა და წევრებს სრული შემადგენლობის უმრავლესობით (76 ხმა) მხარს დაუჭერს, თანამდებობას 5 წლის ვადით დაიკავებენ. ამ მიმართულებით „საარჩევნო კოდექსსა“ და პარლამენტის რეგლამენტში ცვლილებები ფრაქცია “ქართული ოცნების“ დეპუტატებმა მოამზადეს და ის ბიუროს უახლოეს სხდომაზე წარედგინება.