გია ლორთქიფანიძეს უკრაინის ეროვნული გმირის წოდება მიანიჭეს. ამის შესახებ ინფორმაციას ანი წითლიძე ავრცელებს.
გია ლორთქიფანიძე ნაციონალური მოძრაობის მმართველობის პერიოდში შინაგან საქმეთა მინისტრის მოადგილე იყო. ხელისუფლების შეცვლის შემდეგ ის უკრაინაში წავიდა და 2022 წელს უკრაინის კონტრდაზვერვის დირექტორის მოადგილედ დაინიშნა.
რუსეთის ბრიანსკის ოლქში ორი ვერტმფრენი და ერთი სამხედრო თვითმფრინავი ჩამოვარდა. „სუ-34“-ის ჩამოვარდნის შესახებ იუწყება რუსული სახელმწიფო მედია „ტასის“. სააგენტოს მონაცემებით „სუ-34“-ის ჩამოვარდნის მიზეზი ძრავის აალება გახდა. სააგენტო „კომერსანტის“ ცნობით კი, ორი ვერტმფრენი და ავიაგამანადგურებელი უკრაინის საზღვართან ახლოს ჩამოადგეს. ვრცელდება ცნობები ასევე იმის შესახებაც, რომ ავიაგამანადგურებელი ჩერნიგოვის ოლქში სარაკეტო იერიშისთვის ემზადებოდა.
„ვაგნერის ჯგუფის“ ლიდერი ევგენი პრიგოჟინი ფრთხილად უნდა იყოს ჩაის დალევისას, რადგან კრემლმა რუსეთის პრეზიდენტ ვლადიმერ პუტინის მკაცრი კრიტიკისთვის იგი შესაძლოა, დასაჯოს, – ამის შესახებ Politico ირონიულ და ანალიტიკურ სტატიაში წერს.
„ვლადიმერ პუტინის გაღიზიანება ან გამოწვევა საშიში თამაშია, რომელიც ხშირად კრიტიკოსის მოულოდნელი გარდაცვალებით მთავრდება“, – აღნიშნულია გამოცემის სტატიაში.
Politico იხსენებს, რომ უკრაინაში სრულმასშტაბიანი შეჭრის დაწყებისთანავე, ცნობილი რუსების იდუმალი სიკვდილის ტალღამ მთელი რუსეთი მოიცვა: სულ მცირე შვიდი რუსი ოლიგარქი დაიღუპა უცნაურ გარემოებებში და ასევე დაფიქსირდა მრავალი ცნობილი ჩინოვნიკის უეცარი სიკვდილი.
სტატიის ავტორები მიიჩნევენ, რომ პრიგოჟინი, რომელმაც ცოტა ხნის წინ პუტინს შეურაცხყოფა მიაყენა, შესაძლოა სხვა რუსი მაღალჩინოსნების მსგავსად „მოულოდნელად“ ფანჯრიდან გადავარდეს ან ჩაის დალევის შემდეგ მოიწამლოს.
პარტია „კანონის და სამართლის“ ლიდერი თაკო ჩარკვოანი სოციალურ ქსელში წერს, რომ მიხეილ სააკაშვილის მხარდამჭერი აქციები „ნაცმოძრაობის“ ყოფილმა წევრმა ხატია დეკანოიძემ ჩაშალა.
ჩარკვიანი, ოპოზიციონერ დეპუტატს უტიფარს და მოღალატეს უწოდებს.
„არ მინდოდა მეპასუხა მაგრამ, არ მოისვენა და რა ვქნა, ეს ხატია დეკანოიძე, დღეს მერაბიშვილის მლანძღველი იმ წლებში კი მისი მაღალჩინოსანი და უპირობოდ ნებაყოფლობითი პაიკი ადეიშვილ-მერაბიშვილისა, ყველაფრის შემსრულებელი მუდამ მიშა სააკაშვილის ხმებით მოსიარულე, „ნაცმოძრაობის“ ფრაქციის ხელმძღვანელი, რომელსაც მანდატი ვერ გავაგდებინეთ ხელიდან დატოვება რომ გვინდოდა პარლამენტის( რადგან მოგეხსენებათ რომ ყველაზე მეტი მანდატი „ნაცმოძრაობას“ ჰქონდა და გადამწყვეტი ხმაც მისი იყო, ისე არანაირი აზრი არ ჰქონდა პარლამენტის დატოვებას ) ეს ფინანსებზე (საყოველთაოდ ცნობილი ფაქტია) ძლიერ დამოკიდებული დეკანოიძე, პოლიციის ყოფილი მაღალჩინოსანი, სიტყვა რომ არ დაუძრავს ყოფილი ხელისუფლების დროს რაიმე დარღვევასა თუ დანაშაულზე დღეს რომ თავს იკლავს „მაშინ ცუდი ამბები ხდებოდა და ჩემთვის წითელი ხაზიაო“ და ახლა რომ აღმოაჩინა წითელი ხაზები 2023 წელს, კი მაგრამ, მაშინ რატომ არ გაგვიგია ერთი სიტყვა მონაწილე რომ იყო როგორც პოლიციის მაღალჩინოსანი და თავზე დიდი ქუდი ეხურა პოლიციელის, ან დარბევაზე, ან რაიმე დანაშაულზე, ან,ან,ან.
ვახ ეს შუბლის ძარღვი „მაყუთთან“ ერთად წყდება თუ ისედაც გაწყვეტილი აქვთ და მერე იწყებენ ფიქრს როგორ იშოვონ ფული, ახლა უკვე სხვის ბეღელში ან ბანკში, ნუ მიშა ამ ჩურჩუტებს ციხეში გამომწყვდეული და დაუძლურებული ეგულებათ და ახალ „სადგომს ეძებს“, მე ვერ ვასწავლი ერთგულებას და მეგობრობას დაგვიანებულია მისთვის, მაგრამ ნაცრის შეყრა თვალებში უკვე მეტისმეტია. 2 წლის წინ მიშას გამო აქცია რომ დავგეგმეთ ჯერ კიდევ მაშინ გავოცდი მელიასთან ერთად დეკანოიძე რომ გაკიოდა: არ მიხვიდეთ რუსთაველზე ჩვენი პარტიის აქცია არ არისო, გეგონება ჩემთვის კეთდებოდა ის აქცია???? ჰოდა, ახლა ეს ბედავს, ეს უტიფარი „პოლიციელი“ დეკანოიძე თითის გაშვერას, იმ „თითის“ აწეული რომ ჰქონდა და მაღალჩინოსანი რომ იყო და შვილმკვდარ დედებს რომ უქნევდა უტიფრად.
მიშას ხმებით ფინანსებით შევარდნენ პარლამენტში და საერთოდ „შეიქმნენ“ ზოგიერთები, უღალატეს მიატოვეს კაცი, ჩამოიყვანეს მე მის მაგივრად ჩამოვიდოდიო გახსოვთ მელიას გამოსვლა „ტვ პირველზეც“, მესამე პრეზიდენტის ტელეფონს არ პასუხობდა „ზოგიერთი“ როცა საჭირო იყო, მარტო დატოვეს, ვინც რაიმე დავგეგმეთ – აქცია პირწმინდად ჩაგვიშალეს, რადგან მათ ხელში იყო ყველაფერი თავმჯდომარე მელიას და ფრაქციის ხელმძღვანელის დეკანოიძის, ბუნებრივია ამომრჩეველი მათ ემორჩილებოდა. თავად კი დიდ მრავალათასიან აქციებს შლიდნენ და ხალხი პიპინ-პიპინ წრეზე დაჰყავდათ სანამ ნიჰილიზმი არ დათესეს, არადა ერთადერთი გადარჩენა და რისიც ხელისუფლებას ეშინია და უკან იხევს, ხალხის პროტესტი და ბრძოლაა ეს ფაქტია.როგორც კი ვიტყოდი გზა რუსთაველზეა-თქო, გამოხტებოდა ხან მელია, ხან დეკანოიძე მათი ცნობილი ფრაზით დუეტში: „აქციამ აქტუალურობა დაკარგაო“…და აი ამის ჩამდენი, ელისაშვილთან მისული ინიციატივით და ლევან იოსელიანის უფლების დამცველად არჩევის ინიციატორი პარლამენტში და დღეს ბანკირებთან გარიგების დიდად მოსურნე, ბედავს საერთოდ ხმის ამოღებას…
ჩემი ბრალია გავუფრთხილდი მაშინ, პროცესი არ დაზიანდეს-თქო და წყალი ჩავიგუბე პირში სააკაშვილის მდგომარეობის და საერთოდ პროცესის გამო. ახლა უკვე ლუსტრაცია მოხდა ამაზე უარესს ვეღარ გააკეთებენ ლუსტრაცია მოხდა და კარგია, თორემ ამ ზოგიერთი ცუღლუტი ფეიკ ოპოს წყალობით და ამ ზოგიერთ უსინდისო „ნაჩინოვნიკარზე“ ხელის დაფარებით აღმოჩნდა პროცესი განადგურებული. როგორც ჩანს ასეა ბატონებო ბრონჯავშნოსანი ჯიპები, ისე ჯიპები (ამ გაგანია ბრძოლის დროს ,როცა აქციებს ბუნებრივია მოწყობას ფინანსები სჭირდებოდა და არ გვაქვსო წუწუნებდნენ), ციდან არ ცვივა ბონირწბული მანქანები საჩუქრებად , ჰოდა რის ფასად ხდებოდა ალბათ დღეს უკვე ყველასთვის ნათელია. არ მსურდა საუბარი, მაგრამ რა ვქნა ხედავთ რომ არ მოისვენეს. P.S ეჰ სათვალის ჩამოკოსება ან პოლიციელის დიდი ქუდი რომ ჭკუას და სინდისს მატებდეს ხატია გენაცვალე უთუოდ შეგეტყობოდა!“ – წერს თაკო ჩარკვიანი.
კაცობრიობა ყვავილს, სულ ცოტა, სამი ათასი წელია იცნობს. ჯანდაცვის მსოფლიო ორგანიზაციის მონაცემებით , მხოლოდ მე -20 საუკუნეში ამ დაავადებამ 300 მილიონი ადამიანის სიცოცხლე შეიწირა. ითვლება, რომ ყვავილთან გამკლავების პირველი მცდელობა იყო ჩინეთში, ინდოეთსა და აზიის სხვა ქვეყნებში, ვაქცინის ოფიციალურ გამოგონებამდე დიდი ხნით ადრე. სწორედ ამ ცდების ფარგლებში, იმდროინდელი სპეციალისტები შეგნებულად ცდილობდნენ ვირუსის მცირე დოზით ადამიანების ინფიცირებას, რათა პაციენტი დაავადებას უფრო ადვილად გამკლავებოდა. ამისათვის ისინი ყვავილის გამონაყარის ბუშტუკიდან ჩირქს იღებდნენ და ჯანმრთელი ადამიანის ორგანიზმში შეჰყავდათ. ზოგიერთ ქვეყანაში ამას ცხვირის ღრუს მეშვეობით აკეთებდნენ, სხვაგან კი – ნემსის დახმარებით. ამ უკანასკნელ შემთხვევაში კანი სხვადასხვა ადგილას იჭრებოდა, შემდეგ კი ჩირქში ამოვლებულ ძაფს კანქვეშ ატარებდნენ.
ამ მეთოდს ვარიოლაცია ერქვა და ის მე-18 საუკუნის ევროპაში ძალიან პოპულარული გახდა. ვარიოლაციის გამოყენების შემთხვევაში, სიკვდილიანობის მაჩვენებელი დაახლოებით 2%-ს შეადგენდა. თუმცა ყვავილით ადამიანები ბევრად ხშირად იღუპებოდნენ, ამიტომაც ეს მეთოდი აქტუალობას მაინც არ კარგავდა. აქვე ისიც უნდა ითქვას, რომ საფრანგეთში ვარიოლაცია აკრძალული იყო. ამ მეთოდს აქ შიშით უყურებდნენ, იმის მიუხედავად, რომ 1774 წელს მეფე ლუდოვიკო XV ყვავილით გარდაიცვალა.
შინაგან საქმეთა სამინისტროს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს ტრეფიკინგის და უკანონო მიგრაციის წინააღმდეგ ბრძოლის სამმართველოს თანამშრომლებმა, გენერალურ პროკურატურასთან ერთად საქმეზე ჩატარებული ოპერატიული და საგამოძიებო მოქმედებების შედეგად 4 პირი დააკავეს.
უწყების ცნობით, 2001 წელს დაბადებული დ.ფ., 1971 წელს დაბადებული გ.ფ., 1998 წელს დაბადებული ნ.გ. და პირობითი მსჯავრის ქვეშ მყოფი 2000 წელს დაბადებული მ.კ. არასრულწლოვნით ვაჭრობის ბრალდებით არიან დაკავებულები.
„ჩატარებული გამოძიებით დადგინდა, რომ ბრალდებულები დ.ფ., გ.ფ., ნ.გ. და მ.კ მცირეწლოვან ბავშვებზე ფსიქოლოგიურ ზეწოლას და შრომით ექსპლუატაციას სისტემატურად ახდენდნენ. აიძულებდნენ გაეყიდათ ყვავილები და ეთხოვათ მოწყალება. მიღებულ თანხას კი თავად ითვისებდნენ. იმ შემთხვევაში თუ არასრულწლოვნები არ დაემორჩილებოდნენ დაკავებულების მითითებებს მათ სიტყვიერად და ფიზიკურად უსწორდებოდნენ.
გამოძიება საქართველოს სისხლის სამართლის კოდექსის 143 სეკუნდა მუხლის მე-2 და მე-3 ნაწილებით მიმდინარეობს.
დანაშაული 14-იდან 17 წლამდე ვადით თავისუფლების აღკვეთას ითვალისწინებს“, – აღნიშნულია შსს-ს განცხადებაში.
გამთენიისას უკრაინის თითქმის მთელ ტერიტორიაზე საჰაერო განგაში ჩაირთო. სარაკეტო დარტყმების საფრთხე გამოცხადდა კიევში, ზაპოროჟიეში, დნეპრო პეტროვსკისა და დონეცკის ოლქებში.
უკრაინის შეიარაღებული ძლების გენერალური შტაბის ცნობით, დონეცკის ოლქში უკრაინელმა მებრძოლებმა 4 სარაკეტო, 80-მდე საავიაციო და 100-მდე საარტილერიო თავდასხმა მოიგერიეს.
თურქეთში დღეს საპრეზიდენტო და საპარლამენტო არჩევნები იმართება.
თურქეთის მოქალაქეებს საპრეზიდენტო არჩევნებში სამ კანდიდატს შორის მოუწევთ არჩევანის გაკეთება; ესენი არიან: ქვეყნის მოქმედი პრეზიდენტი რეჯეფ თაიფ ერდოღანი, ოპოზიციის ერთიანი კანდიდატი ქემალ კილიჩდაროღლუ და ასევე – სინან ოგანი. კიდევ ერთმა კანდიდატმა, მუჰარემ ინჯემ საკუთარი კანდიდატურა არჩევნებამდე რამდენიმე დღით ადრე მოხსნა.
საპარლამენტო არჩევნებში სულ 24 პოლიტიკური პარტია და 151 დამოუკიდებელი კანდიდატი მონაწილეობს. პარტიების ნაწილი არჩევნებში კოალიციებით არის წარმოდგენილი.
საარჩევნო უბნები ადგილობრივი დროით, დილის 08:00 საათზე გაიხსნება და საღამოს, 17:00 საათზე დაიხურება.
არჩევნებში მონაწილეობის უფლება სულ 64.1 მილიონ მოქალაქეს ექნება. ხუთ მილიონამდე ამომრჩეველი პირველად მისცემს ხმას.
საარჩევნო უბნებზე ამომრჩევლებს ვიდეოს გადაღება აკრძალული ექნებათ. შესაბამისად, უბანზე მობილური ტელეფონებით ან კამერებით შესვლა დაუშვებელია.
ამომრჩევლები საკუთარ არჩევანს ორ სხვადასხვა ბიულეტენზე დააფიქსირებენ და ერთ კონვერტში მოათავსებენ.
პირველ რიგში დაითვლება საპრეზიდენტო არჩევნების შედეგები.
თურქეთის უმაღლესმა საარჩევნო საბჭომ 6 თებერვლის დამანგრეველი მიწისძვრით დაზარალებულ რაიონებში სპეციალური საარჩევნო უბნები კონტეინერებში გახსნა.
ამასთან, არჩევნების დღეს აკრძალული იქნება ალკოჰოლის გაყიდვა, დახურული იქნება გასართობი დაწესებულებები.
მედიასაშუალებებში ადგილობრივი დროით, საღამოს 18:00 საათზე დაუშვებელი იქნება საარჩევნო შედეგებთან დაკავშირებით პროგნოზების გაკეთება.
არჩევნების შედეგების შესახებ ინფორმაციას მხოლოდ ქვეყნის უმაღლესი საარჩევნო საბჭო გაავრცელებს. მათი გასაჯაროება ადგილობრივი დროით, საღამოს 21:00 საათზე მოხდება.
რუსთავში, მტკვარში 30 წლამდე კაცის ცხედარი იპოვეს. ინფორმაციას „ინფო რუსთავი“ ავრცელებს.
მედიის ცნობით, კაცის ცხედარი მდინარემ ე.წ. ახალი ხიდის მიმდებარედ გამორიყა, რისი შემჩნევის შემდეგაც, მოქალაქე შესაბამის სამსახურებს დაუკავშირდა.
ადგილზე სამაშველო სამსახურისა და კრიმინალური პოლიციის ეკიპაჟები იყო მობილიზებული.
„ინფო რუსთავის“ ინფორმაციით, ბიჭი 2 კვირის წინ თბილისში გაუჩინარდა და მას ოჯახი ამ ხნის განმავლობაში ეძებდ
როგორც ლეგენდა ამბობს, იყო ერთი საცოდავი და ბოროტი კაცი. ბავშვობიდან მშობლებმა მას მხოლოდ ერთი სათნოება ასწავლეს – ლოცვა ღვთისმშობლის ხატის წინაშე. ერთხელ იგი მიუახლოვდა ხატს, როდესაც მოულოდნელად დაინახა, რომ ჩვილ იესოს სისხლდენა წყლულები ჰქონდა და ღვთისმშობლის სახე დამახინჯდა ტკივილისა და მწუხარებისგან. ახალგაზრდამ წამოიძახა: “ვინ გააკეთა ეს ღვთის ძესთან?” და საშინლად გავიგე ღვთისმშობლის პასუხი: ”თქვენ და თქვენნაირები ცოდვილები ხართ. შენი ცოდვებით ჯვარცმულხარ ჩემს ძეს ისევ და ისევ “.
ცოდვილი სახეზე დაეცა ხატის წინაშე და ლოცულობდა ცოდვების მიტევებისათვის, სანამ არ გაიგონა მაცხოვრის ხმა: “ახლა იგი შეიწყალა”. ამის შემდეგ, სიკვდილამდე, მან მართალი ცხოვრება ჩაატარა და თქვა, რომ მას აღარ ჰქონდა იმედი, რომ ყველაფერს პატიობდა, რაც მან გააკეთა. სწორედ ეს ამბავია აღბეჭდილი ღვთისმშობლის ხატზე “მოულოდნელი სიხარული”.
ორიგინალი ხატის ადგილმდებარეობა ამჟამად უცნობია. ყველაზე ადრეული სურათი არის მოსკოვში, ობადენის ზოლში წინასწარმეტყველი ელიას ტაძარში. ყოველდღე, მრავალი მომლოცველი მოდის ხატის წინაშე და ლოცულობს საკუთარი თავისა და ახლობლებისთვის.
ხატზე გამოსახულია ცოდვილი, რომელიც მუხლმოდრეკილია ღვთისმშობლის გამოსახულების წინაშე ჩვილი იესოთი. მისი ხილვის ისტორიის დასაწყისში წერია ხატის ქვედა ნაწილზე: “ერთი ბოროტი კაცი ცხოვრობდა …” გამოსახული ცოდვილი ევედრება უფალს და ღვთისმშობელს ცოდვების მიტევებისა და ახალი, მართალი და ღვთისმოსავი ცხოვრების მინიჭებისთვის.
22 დეკემბერს და 14 მაისს, ხალხი დახმარებას ითხოვს და იმედოვნებს, რომ მათი პრობლემები მოგვარდება, დედები ითხოვენ შვილებს, ითხოვენ დაავადებების განკურნებას.
1592 წელს მოსკოვში აშენდა ხის ეკლესია. და მას შემდეგ, რაც მთელმა მსოფლიომ ააგო ერთ დღეში, მას რუსული წესის მიხედვით ეწოდა – ყოველდღე. ასე აიგო ტაძარი კარგი მიზნით. ის იმ ადგილას იდგა, სადაც ახლა ობიადე წინასწარმეტყველის ეკლესია მდებარეობს ობიდენსკის შესახვევში.
მთელი საუკუნის განმავლობაში ტაძარი კოშკური იყო. ის არც საბჭოთა პერიოდში განადგურებულა. მხოლოდ 1933 წელს დაეცა ყველა ზარი. ეს ტაძარი იქცა იმ ხატებისა და სიწმინდეების საცავად, რომლებიც საბჭოთა რეჟიმმა არ დაიშურა. ის, ვინც განადგურდა ან გადაიქცა საერო ინსტიტუტებად. ასე გამოჩნდა სასწაულებრივი ხატი “მოულოდნელი სიხარული” ელიას წინასწარმეტყველის ეკლესიაში. სურათი, ხატის მთელი კომპოზიცია ზუსტად შეესაბამება დიმიტრი როსტოვსკის ნამუშევარს.
14 მაისს საქართველოში ქართული ეკლესიის მიერ წმინდანად შერაცხული მეფე თამარის ხსენების დღე აღინიშნება. ამ დღეს საქართველოს ავტოკეფალიის აღდგენიდან, 1917 წლიდან აღნიშნავენ.
თამარი XII-XIII საუკუნეების მიჯნაზე მოღვაწეობდა. იგი 12 წლის ასაკში ავიდა ტახტზე და 5 წელი მამასთან, გიორგი III-თან ერთად მართავდა სახელმწიფოს. თამარის გამეფების წელსვე (1184წელს) სახელმწიფო საკითხებთან დაკავშირებით დაპირისპირება გაჩნდა. გაჩნდა სამოქალაქო ომის დაწყების საშიშროება, მაგრამ თამარმა მოახერხა მოწინააღმდეგეს მის წინაშე მუხლი მოეყარა, სანაცვლოდ თვითონაც მოუწია დათმობებზე წასულიყო.
1185 წელს მეფემ რუს უფლისწულ იურიზე (ანუ გიორგი) იქორწინა. ქართველებმა მისი სარდლობით მრავალი ირანული ქალაქი აიღეს. მოგვიანებით, გიორგის შეუწყნარებელი ხასიათის გამო, თამარი იძულებული გახდა ქმარს გაჰყროდა.1189 წელს მეფემ მეორედ იქორწინა ოსთა მეფის ძეზე, დავით სოსლანზე. თამარსა და დავითს ვაჟი შეეძინათ მას გიორგი-ლაშა უწოდეს. ერთი წლის შემდეგ თამარსა და დავითს მეორე შვილი, რუსუდანი შეეძინათ.
თამარ მეფის მეთაურობით, ქართველებმა მრავალ ბრძოლაში გაიმარჯვეს. თამარის გარდაცვალების თარიღად მეცნიერები რამდენიმე წელს ასახელებენ. მძიმე სენით დაავადებული მეფის გარდაცვალება მთელმა საქართველომ იგლოვა.
დღემდე თამარ მეფის ოთხი პორტრეტია შემორჩენილი: ბეთანიის ტაძარში, ბერთუბნის ეკლესიაში (თუმცა, აქ ფრესკა დაზიანებულია, გადარჩენილი ნაწილები საქართველოს ხელოვნების მუზეუმშია დაცული), თამარ მეფე და გიორგი III არიან გამოსახული ვარძიაში, ღვთისმშობლის მიძინების ტაძრის ჩრდილოეთ კედელზე და ყინწვისის ტაძრის ჩრდილოეთ კედელზე.
ქართულმა ეკლესიამ თამარ მეფე წმიდანად შერაცხა.
ახალციხეში ამ დღესასწაულს ყოველთვის განსაკუთრებულად აღნიშნავენ. შეგახსენებთ, რომ ახალციხეში, ამაღლების ეკლესიასთან მდგარი თამარ მეფის ძეგლი წმინდა თამარ მეფის ერთადერთი ძეგლია საქართველოში.
20-21 მაისს თბილისში, „ექსპო ჯორჯიას“ მე-11 პავილიონში საქართველოში პირველი სპორტული ფესტივალი, „სპორტფესტი“ ჩატარდება.
ფესტივალზე მისულ სტუმრებს შიდა და გარე სივრცეები დახვდებათ, რომელშიც მოწყობილი იქნება სპორტის სხვადასხვა სახეობის ზონები, სპორტული არენა, სცენა სხვადასხვა სპიკერებით, საბავშვო და კვების ზონები.
ფეხბურთი, ბეისბოლი, გოჯუ რიუ, ჯიუჯიცუ, რაგბი, ტექბოლი, ავტოსპორტი, მთის სპორტები, ფარიკაობა, ველოსპორტი – ეს იმ სახეობების არასრული ჩამონათვალია, რომლებსაც სტუმრები ფესტივალზე შეხვდებიან.
სპორტული ფედერაციები, სკოლები, კლუბები, სავარჯიშო დარბაზები და მაღაზიები უამრავი გასართობი აქტივობითა და სიურპრიზით შეეცდებიან, ნებისმიერი ასაკისა და ინტერესის სტუმარი სპორტთან დააკავშირონ.
სპორტული აქტივობების გარდა, ადგილზე მოეწყობა კვების ობიექტები, ასევე გაიმართება გასართობი და სათავგადასავლო აქტივობები. ყველა ასაკის ადამიანს შეეძლება, ჩაერთოს მხიარულ პაექრობებში. ფესტივალს გულშემატკივრებისთვის ცნობილი და საყვარელი სპორტსმენები დაესწრებიან.
„სპორტფესტის“ მიზანია საზოგადოებაში ცხოვრების ჯანსაღი და აქტიური წესის პოპულარიზაცია.
20 და 21 მაისს აქტივობები 12:00 საათზე დაიწყება და 21:00 საათამდე გაგრძელდება.
დასწრება თავისუფალია.
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge