კულინარიული გზამკვლევი TasteAtlas ხაჭაპურს ყველისგან მომზადებულ 50 კერძს შორის ასახელებს. გზამკვლევის რეიტინგში ხაჭაპური მე-7 პოზიციაზეა. აღსანიშნავია, რომ 50 კერძს შორისაა აჭარული, მეგრული, სვანური, გურული და იმერული ხაჭაპური. გზამკვლევში აღწერილია თუ რა ინგრედიენტებისგან მზადდება ხაჭაპური.
TasteAtlas-ის რეიტინგი გურმანთა შეფასების მიხედვით არის შედგენილი. TasteAtlas-ის პლატფორმაზე 10 ათასზე მეტი ტრადიციული კერძი და სასმელია წარმოდგენილი.
✍️ “რჩევა მურუსიძეს: განა არ მეცოდები, მეცოდები. მთელი ცხოვრება ნახევარგამტარი იყავი შენს უფროსებსა და ქვემდგომებს შორის.
არაფერი იყო პირადული, უბრალოდ, კარგი ცხოვრება გიყვარდა და გიყვარს. dolche vita. ამიტომ, ახლა გადადექი, წადი სოფელში და მეურნეობას მიხედე. თუ წერა იცი, მემუარები დაწერე, ოღონდ გულახდილი, რომ მერე ისტორიკოსებმა გამოიყენონ. ქართველი ხალხი კი კეთილია – შეგინდობს შენც და იქნებ ათ წელიწადში რომელიმე თოქ შოუშიც გიხილოთ. მოკლედ, ნუ გაჯიუტდები ახლა – ასე აჯობებს,” – წერს სოციალურ ქსელში ყოფილი პარლამენტარი დავით დარჩიაშვილი.
ახლა უკვე ყველა ბათუმელისთვის საყვარელი „ვოკ’ენ’როლის“ აზიური სამზარეულო ქალაქში პირველად 2020 წელს გამოჩნდა. როგორც მისი დამფუძნებელი და გენერალური დირექტორი, ზურა ქამაშიძე გვიყვება, დამწყები ბიზნესისთვის პანდემია ურთულესი გამოწვევა აღმოჩნდა, თუმცა გუნდმა ყველაფერი გააკეთე ბიზნესის გადასარჩენად, ბათუმის „ვოკ’ენ’როლი“ აამუშავა და თიბისის მხარდაჭერით ფილიალი თბილისშიც გახსნა.
„ბათუმში „ვოკ’ენ’როლამდე“ მსგავსი კვების ობიექტი არ არსებობდა. არადა, აზიური სამზარეულო ყველგან ძალიან მოთხოვნადია. პანდემიის სირთულეების დაძლევის შემდეგ ჩვენი კერძები ძალიან მალე გახდა პოპულარული. მომხმარებელთა რაოდენობის სწრაფი მატების შემდეგ, გადავწყვიტეთ თბილისშიც გავხსნილიყავით.
თბილისის ფილიალის გახსნისთვის და საჭირო ინვენტარის შესაძენად თიბისის მივმართეთ. თიბისი გვენდო და ვფიქრობ, ჩვენ მისი ნდობა მალევე გავამართლეთ. როგორც მოსალოდნელი იყო, „ვოკ’ენ’როლის“ კერძებმა დედაქალაქშიც სწრაფად გაითქვეს სახელი და დღეს უკვე სერიოზულად ვფიქრობთ გაფართოებაზე.
რაც სხვა აზიური საკვები ობიექტებისგან განგვასხვავებს, ვფიქრობ, ჩვენი კერძების ხარისხია. მაგალითად, ატრიას ჩვენი შეფ-მზარეულები თავად ამზადებენ. ადგილზე მზადდება ჩვენი ტკბილ-ცხარე, ცხარე თუ ტკბილ-მჟავე სოუსებიც. რეცეპტები, რომლის ბაზაზეც ვმუშაობთ, ცნობილი მზარეულებისგან ვიყიდეთ. მას შემდეგ ვციდლობთ, გემოების თამაშითა და სიახლეების ძიებით ჩვენი სამზარეულო კიდევ უფრო დავხვეწოთ და გავამრავალფეროვნოთ.
განსაკუთრებით მოთხოვნადია „ვოკ’ენ’როლის“ საფირმო ნუდლსი, იგივე ატრია. ატრია ბოსტნეულით, ხორცით, კრევეტებით, ზღვის კოქტეილით. მუდმივი მომხმარებელი ჰყავს, ასევე, ჩვენს სუშის, როლებსა და ბრინჯიან კერძებსაც.
ჩვენი მომხმარებელი, ძირითადად, ახალგაზრდები და დასაქმებული ადამიანები არიან. ლანჩის დროს განსაკუთრებული დატვირთვით ვმუშაობთ, რადგან სამსახურიდან გამოსული ადამიანები საგანგებოდ მოდიან ჩვენი კერძების საჭმელად. ვმუშაობთ შეკვეთებზეც.
ამჟამად ბათუმში 7, თბილისის ფილიალში კი 8 ადამიანია დასაქმებული. თუმცა, თიბისის მხარდაჭერით უკვე ვგეგმავთ ბათუმში კიდევ ერთი ობიექტის დამატებას. ახლო მომავალში კი სწრაფი კვების ობიექტიდან რესტორნად გადაკეთებასაც ვფიქრობთ.
დღევანდელი გადმოსახედიდან რომ ვაფასებ, ვხვდები, რომ ადამიანი არასდროს არ უნდა შეეგუოს სორთულეებს, ბოლომდე იბრძოლოს, ბევრი იშრომოს და აუცილებლად მიაღწევს მიზანს.“
Forbes საქართველოს პროექტზე 30 under 30 განაცხადის შევსება 15 აპრილამდეა შესაძლებელი. თიბისისთან პარტნიორობით, Forbes საქართველო უკვე მეხუთე წელია არჩევს ფორბსის 30-წლამდელთა ლიდერების სიას, მათი წარმატების, შრომის, ენთუზიაზმისა და გამბედაობის დასაფასებლად. პროექტში მონაწილე ახალგაზრდებს თავიანთი მიღწევებით მნიშვნელოვანი წვლილი შეაქვთ ქვეყნის უკეთესი მომავლის შექმნაში, ხოლო ფორბსის ეს აღიარება მათ კიდევ მეტის გაკეთების სტიმულს აძლევს.
თიბისი პროექტის მთავარი პარტნიორია და გალფთან ერთად მხარს უჭერს იმ ახალგაზრდებს, რომლებიც არ უშინდებიან ბარიერებს და დინების საწინააღმდეგოდ მიდიან.
„ეს პროექტი ერთ-ერთია იმ მრავალრიცხოვან პროექტებსა და ინიციატივებს შორის, რომლებიც ამ სამი ათწლეულის განმავლობაში ახალი თაობის მხარდასაჭერად განვახორციელეთ. მე ძალიან ვამაყობ ყველა ამ წამოწყებით, რომელიც ახალგაზრდებს აძლიერებს და წაახალისებს. ეს ადამიანები არიან 30 წლამდე ასაკის პროფესიონალები, წარმატებული ლიდერები, რომლებმაც თავიანთი კარგი საქმით მნიშვნელოვანი გავლენა მოახდინეს თავიანთ სფეროში და მჯერა, რომ Forbes-ის ეს აღიარება ახალგაზრდებს გზას გაუხსნის და კიდევ მეტის გაკეთების სტიმულსა და შესაძლებლობას მისცემს.” ამბობს ვახტანგ ბუცხრიკიძე, თიბისის გენერალური დირექტორი.
“Forbes-ის მიერ საქართველოში წამოწყებული 30/30 პლატფორმა საუკეთესო ასპარეზია მასში მონაწილე ახალგაზრდებისთვის, მიიღონ ცხოვრებაში პირველი საერთაშორისო აღიარება ყველაზე გავლენიანი ბიზნესგამოცემისგან მსოფლიოში. 30-წლამდელთა სიაში დასახელება სრულიად ახალ შესაძლებლობებსა და ურთიერთობებს უხსნის მის მონაწილეებს. „Forbes Georgia” & BMG-ის მედიაპლატფორმების საშუალებით 30/30 სიის წევრებს გაიცნობენ საზოგადოების სხვადასხვა წრის წარმომადგენლები მსოფლიოდან, რაც საშუალებას მისცემს გამარჯვებულებს, ახალი საქმიანი კონტაქტები და ურთიერთობები დაამყარონ.” ამბობს გიორგი ისაკაძე, Forbes Georgia-სა და BMG-ის მთავარი რედაქტორი.
Forbes 30 under 30 გლობალური პროექტია, რომელსაც წარმატებული ახალგაზრდების ინდივიდუალური აღიარებით საზოგადოებისა და ქვეყნის უკეთესობისკენ შეცვლა შეუძლია, ეს პროექტი მონაწილეებისათვის შესანიშნავი შესაძლებლობაა, რომ საერთაშორისო ასპარეზზე გაიტანონ არა მხოლოდ საკუთარიტ, არამედ საქართველოს სახელი.
შეავსეთ განაცხადი და შემოუერთდი forbes-ის 30 წლამდელთა ახალგაზრდა ლიდერების სიას, აპლიკაციების შევსება 15 აპრილამდე გრძელდება, პროექტის შესახებ დეტალური ინფორმაციისთვის ეწვიეთ ბმულს. პროექტის ორგანიზატორი „კონსიერჟ თბილისია”
საქართველოს პრემიერ-მინისტრი ირაკლი ღარიბაშვილი დელეგაციასთან ერთად აზერბაიჯანის რესპუბლიკაში გაემგზავრა, – ამის შესახებ ინფორმაციას მთავრობის ადმინისტრაცია ავრცელებს.
მათივე ინფორმაციით, ვიზიტის ფარგლებში, პრემიერ-მინისტრი აზერბაიჯანის რესპუბლიკის პრეზიდენტთან ილჰამ ალიევთან გამართავს პირისპირ შეხვედრას, რის შემდეგაც მედიისთვის ერთობლივი განცხადებები გაკეთდება.
საქართველოს დელეგაციის შემადგენლობაში, რომელსაც პრემიერ-მინისტრი ხელმძღვანელობს, ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი, საგარეო საქმეთა მინისტრი ილია დარჩიაშვილი და მთავრობის ადმინისტრაციის უფროსი რევაზ ჯაველიძე არიან.
,,თეგეტა ჰოლდინგში“ შემავალი ორგანიზაცია Tegeta Green Planet-ი მზად არის დედაქალაქის შემოვლით გზაზე გადაყრილი საბურავები გადამამუშავებელ საწარმოს ჩააბაროს.
თბილისის შემოვლით გზაზე არსებული სიტუაციის ამსახველი ფოტომასალა ფოტოგრაფმა ბილი ბილიხოძემ გაავრცელა, რამაც სოციალურ ქსელში დიდი გამოხმაურება გამოიწვია.
ნარჩენების გატანის შესახებ ,,თეგეტა ჰოლდინგი“ განცხადებას ავრცელებს, რომელსაც უცვლელად გთავაზობთ:
,,თეგეტა ჰოლდინგი“, როგორც მაღალი სოციალური პასუხისმგებლობის მქონე კომპანია, რომლისთვისაც გარემოს დაცვა ერთ-ერთი პრიორიტეტული მიმართულებაა, მზად ვართ დაბინძურებული ტერიტორიის მოწესრიგების ვალდებულება ავიღოთ. ჰოლდინგის შვილობილი ორგანიზაცია Tegeta Green Planet საავტომობილო ნარჩენებს გაიტანს და გადასამუშავებლად პარტნიორ საწარმოებს ჩააბარებს.
საწარმოებში საბურავების გადამუშავება ნარჩენების მართვის შესახებ ტექნიკური რეგლამენტის შესაბამისად მოხდება.
კინორეჟისორი გოგა ხაინდრავა აშშ-ის ელჩის, კელი დეგნანის განცხადებებს სოციალურ ქსელ „ტვიტერში“ ეხმიანება.
„პანდორას ყუთი გახსენით, ქალბატონო დეგნან, ისეთი სიმყრალე ამოვა ინანებთ! აშშ-ის სახელმწიფო მდივანი ცილის მწამებლად აქციეთ! საკუთარი მისია კრახით დაამთავრეთ რეგიონში აშშ-ის ერთადერთ მეგობარ და დასაყრდენ ხალხს შეურაცხყოფა მოგვაყენეთ! უდანაშაულო ადამიანებს ბრალი დასდეთ! სამართლებრივად მოგეკითხებათ!“, – წერს ხაინდრავა.
ომის 408-ე დღეს, უკრაინის თავდაცვის ძალებმა, გასული დღის განმავლობაში, 4 მიმართულებით მოწინააღმდეგის 40-ზე მეტი შეტევა მოიგერიეს, – ინფორმაციას უკრაინის შეიარაღებული ძალების გენერალური შტაბი ავრცელებს.
„მტერი აგრძელებს ძირითადი ძალისხმევის კონცენტრირებას ლიმანის, ბახმუტის, ავდიივკასა და მარინკას მიმართულებით შეტევითი ოპერაციების ჩატარებაზე. ჩვენმა დამცველებმა, ბოლო დღე-ღამის განმავლობაში, 40-ზე მეტი მტრის შეტევა მოიგერიეს,“ – აცხადებენ გენშტაბში.
უწყების ინფორმაციით, ბახმუტის მიმართულებით რუსული ძალები შტურმს განაგრძობენ და ქალაქზე სრული კონტროლის დაწესებას ცდილობენ. სასტიკი ბრძოლები გრძელდება.
ამასთან, გენშტაბში აცხადებენ, რომ რუსულმა ძალებმა უკრაინის ჯარების პოზიციებისა და ქვეყნის დასახლებების სამოქალაქო ინფრასტრუქტურის წინააღმდეგ 5 სარაკეტო და 18 საჰაერო დარტყმა განახორციელეს, მრავალჯერადი სარაკეტო სისტემებიდან კი ცეცხლი 53-ჯერ გახსნეს.
საპასუხოდ, უკრაინის თავდაცვის ძალების ავიაციამ ბოლო დღის განმავლობაში 6 დარტყმა მიაყენა ოკუპანტების პირადი შემადგენლობისა და სამხედრო ტექნიკის კონცენტრაციის უბნებს. გარდა ამისა, გაანადგურეს 3 სხვადასხვა ტიპის უპილოტო საფრენი აპარატი („Orlan-10“, „Supercam“ და „Lancet-3“). უკრაინის სარაკეტო და საარტილერიო დანაყოფებმა კი მოწინააღმდეგის ცოცხალი ძალის კონცენტრაციის 2 ტერიტორიას, საწვავი და საპოხი მასალების 2 საცავსა და რადიოელექტრონული ბრძოლის სადგური გაანადგურეს.
რუსმა ოკუპანტებმა კი, ხერსონის ოლქის სოფელი დაბომბეს, დაშავებულია 4 ადამიანი. ინფორმაციას ამის შესახებ ხერსონის საოლქო სახელმწიფო ადმინისტრაციის ხელმძღვანელი ალექსანდრ პროკუდინი “ტელეგრამის” პირად არხზე ავრცელებს.
მისი თქმით, რუსულმა დრონმა ხერსონის ოლქის სოფელ ზმიევკაში ასაფეთქებელი ისროლა, რის შედეგადაც სხვადასხვა სიმძიმის ჭრილობები 4-მა ადგილობრივმა მოსახლემ მიიღო. ისინი უახლოეს სამედიცინო პუნქტში გადაიყვანეს.
7 აპრილს ქუთაისში +23 გრადუსი და უნალექო დღეა მოსალოდნელი, ღამით კი +8 გრადუსი იქნება. მზიანი დღე იქნება ოზურგეთშიც, სადაც დღისით +22 გრადუსი დაფიქსირდება, ღამით კი +8 გრადუსია ნავარაუდევი. ბათუმშიც გამოიდარებს. დღისით ჰაერი +20 გრადუსამდე გათბება, ღამით კი +10 გრადუსი დაფიქსირდება.
ფოთშიც უნალექო დღეა ნავარაუდები. დღისით +21 გრადუსი დაფიქსირდება, ღამით კი +8 გრადუსია მოსალოდნელი. ზუგდიდში დღისით ტემპერატურა +23 გრადუსს მიაღწევს, ღამით კი +7 გრადუსია ნავარაუდევი. +21 გრადუსია მოსალოდნელი დღისით სოხუმში, ღამით +15 გრადუსი დაფიქსირდება.
მესტიაშიც გამოიდარებს. დღისით +17 გრადუსია, ღამით კი +1 გრადუსი დაფიქსირდება. ამბროლაურში ჰაერი დღისით +20 გრადუსამდე გათბება, ღამით კი +6 გრადუსი დაფიქსირდება.
უნალექო დღეა მოსალოდნელი ჭიათურაში, დღისით +23 გრადუსია მოსალოდნელი, ღამით კი +7 გრადუსი. ახალციხეში იწვიმებს. დღისით ჰაერი +18 გრადუსამდე გათბება, ღამით კი ტემპერატურა +4 გრადუსამდე დაიწევს.
წვიმას ვარაუდობენ ბორჯომშიც, სადაც დღისით +18 ღამის ღამით კი +5 გრადუსი დაფიქსირდება. ბაკურიანში დღისით წვიმა და +15 გრადუსია მოსალოდნელი, ღამით +0 გრადუსი დაფიქსირდება.
გორშიც წვიმაა მოსალოდნელი. დღისით +20 გრადუსია მოსალოდნელი, ღამის განმავლობაში კი +7 გრადუსი დაფიქსირდება. ცხინვალში, დღისით ჰაერს ტემპერატურა +19 გრადუსი იქნება, ღამით კი +6 გრადუსი დაფიქსირდება.
გუდაურში +10 გრადუსი და წვიმაა ნავარაუდევი, ღამით კი ჰაერის ტემპერატურა 0 გრადუსი იქნება. წვიმაა მოსალოდნელი ომალოშიც, სადაც დღისით +9, ღამით კი +2 გრადუსი დაფიქსირდება.
ლაგოდეხში ჰაერის ტემპერატურა დღის განმავლობაში +19 გრადუსი იქნება, ღამით კი 10 გრადუსი დაფიქსირდება. იწვიმებს. თელავში დღისით +217 გრადუსი დაფიქსირდება, ღამით კი +9 გრადუსია ნავარაუდევი. მოსალოდნელია წვიმა. გურჯაანშიც ნალექიანი დღეა ნავარაუდები. დღისით +19 გრადუსი, ღამით კი 8 გრადუსი დაფიქსირდება. სიღნაღში +17 გრადუსი და ნალექიანი დღეა მოსალოდნელი, ღამით +8 გრადუსი დაფიქსირდება.
რუსთავში +19 გრადუსია მოსალოდნელი, ღამით კი +9 გრადუსი დაფიქსირდება. იწვიმებს.
თბილისში ჰაერის ტემპერატურა დღისით +18 გრადუსს მიაღწევს, ღამით კი +10 გრადუსი იქნება. მოსალოდნელია ხანმოკლე წვიმა.
რადიკალური ოპოზიციისთვის ეს საკითხი ერთგვარ ჟანგბადის წყაროდ იქცა და ამის გააქტიურებას და გამოყენებას შეეცდებიან, – ამის შესახებ საპარლამენტო უმრავლესობის წევრმა, ირაკლი ქადაგიშვილმა განაცხადა, რითაც გამოეხმაურა ოპოზიციის მოთხოვნას სასამართლო სისტემაში კორუფციის და სხვა სამართალდარღვევების შესწავლისთვის საგამოძიებო კომისიის შექმნის შესახებ.
„ამ საკითხებთან დაკავშირებით კითხვები რა ფორმით შეიძლება ფორმირდეს და პარლამენტმა მეტად შეიძლება წამოიწყოს ამაზე გამოძიება თუ არა – ეს საერთო მსჯელობის საგანი მართლაც შეძლება გახდეს“, – აღნიშნა ქადაგიშვილმა.
სასამართლო სისტემაში კორუფციის და სხვა სამართალდარღვევების შესწავლისთვის ოპოზიცია საგამოძიებო კომისიის შექმნას გეგმავს და პრეზიდენტს პარლამენტის რიგგარეშე სხდომის მოწვევის თხოვნით მიმართავს.
აშშ-ის სახელმწიფო მდივნის, ენტონი ბლინკენის განცხადებით, აშშ-მა მოსამართლეებს მიხეილ ჩინჩალაძეს, ლევან მურუსიძეს, ირაკლი შენგელიასა და ვალერიან ცერცვაძეს, მნიშვნელოვან კორუფციულ საქმიანობაში მათი ჩართულობის მოტივით, სანქციები დაუწესა.
ვერძი
ამ დღეს აქტიურობა უნდა შეამციროთ და მეტი ყურადღება გარშემომყოფების გრძნობებს და მათთან დაკავშირებულ მოვლენებს უნდა დაუთმოთ. ეცადეთ, ადამიანებს თავშეკავებულად და ტაქტიანად მოექცეთ და ნაკლებად აკრიტიკოთ. საეჭვო შეთავაზებებს ნუ დათანხმდებით, თორემ შეიძლება ფინანსურად დაზარალდეთ.
კურო
საკუთარი სისუსტეების გამო შეიძლება ძალიან დაისაჯოთ. ამ დღეს კვებასა თუ ურთიერთობებში სიფრთხილე და თავშეკავება უნდა გამოიჩინოთ. წინააღმდეგ შემთხვევაში კვებითი ინტოქსიკაცია ან იმედგაცრუება გელით. გირჩევთ ახალი კონტაქტები და შეხვედრები შეამციროთ და საყვარელ ადამიანებთან მეტი დრო გაატარეთ. შოპინგისთვის არახელსაყრელი დღეა – მაღაზიებში ვიზიტი სხვა დროისთვის უნდა გადადოთ.
ტყუპები
ამ დღეს ადამიანებს პირველივე შეხედვით ხიბლავთ. თუ სასურველის ასაღებად უკან არაფერზე დაიხევთ და საკმარისად იაქტიურებთ, შეიძლება ძალიან ბევრს მიაღწიოთ. არახელსაყრელი დღეა რთული და ერთფეროვანი სამუშაოსთვის. გირჩევთ, ასეთი საქმეები სხვა დროისთვის დაგეგმოთ.
კირჩხიბი
ემოციები და გრძნობები გავსებთ. ყველაფერი რაც დღეს ხდება, თქვენს ძლიერ რეაქციას იწვევს. ვარსკვლავები გირჩევენ, რომ მუშაობისგან ცოტა შეისვენოთ, ურთიერთობა შეზღთუდოთ და მთელი დღე მარტოობაში გაატაროთ. სიჩუმე და მშვიდი ატმოსფერო სულიერი წონასწორობის აღდგენაში დაგეხმარებათ.
ლომი
გირჩევთ იმ საქმეებს, რომლებიც მოგწონთ ან კარგად გამოგდით, მეტი დრო დაუთმოთ. ეცადეთ გულწრფელი საუბრისთვის დრო გამონახოთ და რაიმე საინტერესო ღონისძიება დაგეგმოთ. გახსოვდეთ, რომ საყვარელ ადამიანებს წვრილმანების გამო გული არ უნდა ატკინოთ.
ქალწული
ყურადღება მიაქციეთ რაზე საუბრობენ თქვენ გარშემო. ახლობელ ადამიანებს ნუ გააკრიტიკებთ და სარკასტულ გამონათქვამებამდე ნუ დაეშვებით. თუ სამსახურებრივ პრობლემებს დამოუკიდებლად ვერ უმკლავდებით, გირჩევთ დახმარებისთვის მეგობრებს ან კოლეგებს მიმართოთ.
სასწორი
იღბლიანი დღეა. წარმატება ფეხდაფეხ დაგყვებათ და ჩანაფიქრის განხორციელებაში გეხმარებათ. ეცადეთ მომენტით ისარგებლოთ და რაც შეიძლება მეტი საქმე მოასწროთ. თავი შეიკავეთ მაღაზიებში სეირნობისა და ფულის ხარჯვისგან. გირჩევთ, საკუთარი პრობლემები ოჯახის წევრებთან განიხილოთ – მათგან კარგ რჩევას დ მხარდაჭერას მიიღებთ.
მორიელი
ბოლო დღეები ძალიან დაძაბული იყო, ამიტომ კარგი იქნება თუ პაუზას აიღებთ და ცოტა დაისვენებთ. გირჩევთ, ჯანმრთელობას მეტი ყურადღება მიაქციოთ და პრევენციული მკურნალობისთვის დრო გამონახოთ. სახლის დალაგება სტრესის მოხსნაში დაგეხმარებათ.
მშვილდოსანი
სჯობს, რთული და საპასუხისმგებლო საკითხები სხვა დროისთვის გადადოთ, დღეს კი მსუბუქი საქმეებით დაკავდეთ. ზამთრის შემდეგ დაქვეითებულ იმუნიტეტს გაძლიერება სჭირდება – მეტი ხილი და ბოსტნეული მიირთვით, ვიტამინები დალიეთ და სუფთა ჰაერზე მეტი იარეთ.
თხის რქა
თუ შესაძლებელია, საქმეების კეთება სამომავლოდ გადადეთ და ენერგიის აღდგენაზე იზრუნეთ. ამისთვის გჭირდებათ სრულყოფილი დასვენება, კარგად გამოძინება და პოზიტიურ ადამიანებთან ურთიერთობა. სახლის დალაგება და ნივთების მოწესრიგება სტრესის მოხსნაში დაგეხმარებათ და კარგ განწყობას დაგიბრუნებთ. მოერიდეთ ფულის უსარგებლო ხარჯვას.
მერწყული
ეცადეთ, საკუთარ თავს და ახლობელ ადამიანებს მეტი დრო დაუთმოთ. მნიშვნელოვანი საკითხებზე გადაწყვეტილების მისაღებად არახელსაყრელი დღეა. ამის ნაცვლად, ჯობს საყვარელ ადამიანს გრძნობებში კიდევ ერთხელ გამოუტყდეთ და ლამაზი სიურპრიზი მოუწყოთ. მოერიდეთ ექსპერიმენტებს და ახალ ნაცნობობას.
თევზები
ენერგიით სავსე ხართ, ამიტომ სამსახურში წარმატებას ადვილად აღწევთ. თუ სურვილის ასრულებას დიდი ხნის განმავლობაში ვერ ახერხებთ, იქნებ მასზე უარის თქმა ან კორექტირება ჯობს – ვარსკვლავები სწორ მიმართულებას გიჩვენებენ.
დღეს, მართლმადიდებელი ეკლესია ყოვლადწმინდა ღვთისმშობლის ხარების დღესასწაულს აღნიშნავს.
ხარება ერთ-ერთი საუფლო დღესასწაულია ქრისტიანულ ეკლესიაში. უძრავი დღესასწაული ძველი სტილით 25 მარტს აღინიშნება, ახალი სტილით კი – 7 აპრილს.
დღესასწაულთან დაკავშირებით, ყველა ტაძარში წირვა-ლოცვა აღევლინება.
ამ დღეს ყოვლადწმიდა მარიამთან ერთად მთელ კაცობრიობას ეუწყა, რომ სახიერმა ღმერთმა ადამიანი სიკვდილისა და ცოდვის სამუდამო ტყვეობისათვის ვერ გაიმეტა და ეშმაკის მონობისაგან მისი გამოხსნა გადაწყვიტა. ეს დღე არის დასაბამი “ჩვენი ცხონებისა და გამოჩინება საუკუნოითგან დამალულისა საიდუმლოისა”.
უფალმა იესო ქრისტეს შობამდე დიდი ხნით ადრე აღუთქვა კაცობრიობას, რომ მხსნელს, მესიას მოუვლენდა, რომელსაც შობდა ქალწული და უწოდებდა სახელად ემანუელს, რომელიც ითარგმანება როგორც “ჩვენთარ არს ღმერთი”. ჭეშმარიტად, ღვთის განკაცებით ჩვენთან არს ღმერთი.
და აი, მიავლინა უფალმა მთავარანგელოზი გაბრიელი გალილეის ქალაქ ნაზარეთში ქალწულ მარიამთან, რომელიც დაწინდული იყო იოსებზე, დავითის მოდგმის შთამომავალზე.
წარუდგა ანგელოზი ქალწულს და უთხრა: “გიხაროდენ, მიმადლებულო, უფალი შენთანაა. კურთხეულ ხარ შენ დედათა შორის”. მარიამი შეაძრწუნა მისმა სიტყვებმა და გაიფიქრა: “ვითარ-მე არს მოკითხვაჲ ესე?” – რას უნდა ნიშნავდეს ეს მოკითხვაო? ანგელოზმა უთხრა: “ნუ გეშინინ, მარიამ, რამეთუ ჰპოვე მადლი წინაშე ღმრთისა. და აჰა, ესერა შენ მუცლად-იღო და ჰშვა ძე და უწოდი სახელი მისი იესუ”.
მარიამის ძეს ღმერთი დავითი საყდარს ანუ ისრაელის სამეფო ტახტისა და იაკობის სახლზე – ისრაელის თორმეტ ტომზე – საუკუნო (მარადიულ) სუფევას აღუთქვამს. მარადიული მხოლოდ ღმერთია, ხოლო “იაკობის სახლი” უფლის მხილველი, მორწმუნე ერია, რომელიც სულით უფალთანაა შეერთებული.
ადამიანის გონებისათვის მიუწვდომელია ქალწულისაგან უმამაკაცოდ შობა. ღვთისმშობელი, რადგან ქალწულების აღთქმა ჰქონდა დადებული, იკითხავს: “ვითარმე იყოს ესე ჩემდა, რამეთუ მე მამაკაცი არა ვიცი?” ანგელოზი მიუგებს: “სული წმიდაჲ მოვიდეს შენ ზედა და ძალი მაღლისა გფარვიდეს შენ”, – და ნიშანსაც აძლევს: მისი ნათესავი, მოხუცი ელისაბედი, უკვე მეექვსე თვეა, რაც მიდგომილია.
მარიამმა, როცა ყოველივე გამოწვლილვით გაიგო, დამორჩილდა, მიენდო უფალს და ღვთის ნებას თავისი ნება შეუერთა: “აჰა მხევალი უფლისაჲ, მეყავნ მე სიტყვისაებრ შენისა”. და მეყსეულად შევიდა სულიწმიდა ქალწულის შეუგინებელ ტაძარში.
რითი დაიმსახურა ქალწულმა მარიამმა ესოდენი მადლი ღვთისა, რომ ადამის მთელი მოდგმიდან სწორედ ის აირჩიეს ღვთის განხორციელების მსახურად? იმით, რომ იგი ყოველი სათნოებით იყო შემკული, რამდენადაც ეს ადამიანის ბუნებისთვისაა შესაძლებელი, და იყო ჭეშმარიტი ტაძარი ღვთისა. განსაკუთრებით აღნიშნავენ მის სიმდაბლესა და სიმშვიდეს – სწორედ ამ სათნოებათა გამო გამოირჩია იგი უფალმა.
ქალწულ ღვთისმშობელზე ასეთი გადმოცემა არსებობს: როდესაც იგი ესაია წინასწარმეტყველის წიგნს კითხულობდა, იქ, სადაც წერია: “აჰა ესერა ქალწული მიუდგეს და შვეს ძე და უწოდონ სახელი მისი ემმანუილ”, – თურმე შეყოვნდა, გაიფიქრა, რა ნეტარი იქნება ის ქალწული, რომელზეც ეს ითქვაო და ღმერთს შეევედრა, მისი ხილვის ღირსი გამხდარიყო, რათა მხევალივით მომსახურებოდა მას.
სწორედ ამ სიმდაბლის გამო იყო, რომ მთავარანგელოზმა ესოდენ სულგრძელად დაუთმო ქალწულ მარიამს, რომელმაც ზეციურ მახარებელს ნათქვამის დამტკიცება და ახსნა მოსთხოვა. არცთუ დიდი ხნის წინ გაბრიელი მღვდელ ზაქარიას გამოეცხადა და შვილის შეძენა ახარა, მაგრამ მღვდელმა არ დაუჯერა, რადგან ისიც და მისი ცოლიც ღრმად მოხუცებულნი იყვნენ. მთავარანგელოზი განურისხდა მას და დაადუმა, ვიდრე წინასწარმეტყველება ახდებოდა. ყოვლადწმიდა ქალწულს კი არამცთუ არ უსაყვედურა, არამედ დიდი კრძალვითა და მოთმინებით დააჯერა იგი და არ განეშორა, სანამ მორჩილებითა და სასოებით აღსავსე სიტყვები არ გაიგონა მისგან. მიზეზი ის გახლდათ, რომ ზაქარიამ თავისი ეჭვით ღრმად დაფარული ურწმუნოება გამოხატა, ყოვლადწმინდა მარიამმა კი – მორჩილება და სიმდაბლე.
ღმერთს არ სურდა, იძულებითა და შიშით აღგვასრულებინოს რომელიმე საქმე ან, პირიქით, დაგვიშალოს რაიმეს კეთება. იგი გულმოწყალეა, სამართლიანი, წმინდა და სურს, ჩვენც ასეთივენი ვიყონ, მაგრამ კი არ გვაიძულებს სიკეთეს, არამედ შეგონებით, დარიგებით, სწავლით, სიყვარულით მივყავართ მისკენ. მას სურს, რომ ჩვენი ნებით აღვასრულებდეთ ყოველ კეთილ საქმეს.
როცა იოსებმა გაიგო, რომ მარიამი ბავშვს ელოდებოდა, გადაწყვიტა მისი ფარულად გაშვება, მაგრამ ძილში უფლის ანგელოზი გამოეცხადა და უთხრა: “იოსებ, ძეო დავითისა, ნუ გაშინებს შენი ცოლის, მარიამის, მიღება, ვინაიდან ის, ვინც მასშია ჩასახული, სულიწმიდისაგან არის. ძეს შობს და დაარქმევ მას სახელად იესოს, ვინაიდან იგი იხსნის თავის ხალხს მათი ცოდვებისგან”.
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge
