„უფასო სარეკლამო კამპანიის ფარგლებში. თუ თქვენ დაგღალათ ზღაპრებმა ღმერთის თაობაზე; ხართ დანომრილი მშობლების პოტენციური რომელიმე, თქვენთვის მისაღები, გენდერის მატარებელი; ჰეტეროსექსუალურ ურთიერთობებს მიიჩნევთ ანაქრონიზმად; სოხუმი და ცხინვალი წინსვლისა და დასავლური პროგრესის „რუსული ღუზა“ და „ბალასტია“; მაშინ…“, –  წერს სოციალურ ქსელში  „ხალხის ძალის“ წევრი, დავით ქართველიშვილი.

მისი თქმით, „თავისუფლების აკადემია – ცვლილებების სკოლა“ განკუთვნილია იმ ადამიანებისთვის, ვინც ქრისტიანული რელიგიის წინააღმდეგაა განწყობილი, ვინც მშობლების დანომვრის მომხრეა და ვისთვისაც სოხუმისა და ცხინვალის დაბრუნება რუსულ საქმესთან ასოცირდება.

„უფასო სარეკლამო კამპანიის ფარგლებში. თუ თქვენ: დაგღალათ ზღაპრებმა ღმერთის თაობაზე; გაღიზიანებთ ლეგენდა წილხვდომილობაზე; ნერვებს გიშლით ცოცხალი პატრიარქი; ხელები გექავებათ ეკლესიის ასაფეთქებლად; ხართ დანომრილი მშობლების პოტენციური რომელიმე, თქვენთვის მისაღები, გენდერის მატარებელი; ჰეტეროსექსუალურ ურთიერთობებს მიიჩნევთ ანაქრონიზმად; გულის სიღრმეში სახელმწიფო ენად უკრაინულს აღიარებთ; თქვენი წინაპრები კანიბალები იყვნენ; სოხუმი და ცხინვალი წინსვლისა და დასავლური პროგრესის „რუსული ღუზა“ და „ბალასტია“, მაშინ “ – წერს დავით ქართველიშვილი.

ჩვენ მკაფიოდ ვთქვით, რომ გვექნება თანამშრომლობა აბსოლუტურად ყველა პოლიტიკურ ძალასთან, რომელიც წარმოდგენილია ევროპარლამენტში, – ამის შესახებ საპარლამენტო უმრავლესობის წევრმა, ირაკლი ჩიქოვანმა „ქრონიკაში“ განაცხადა. კითხვა ეხებოდა მმართველი ძალის მიერ „ევროპის სოციალისტური პარტიის“ დატოვებას და შეუშლის თუ არა ეს საქართველოსთვის კანდიდატის სტატუსის მინიჭებას ხელს. „ეს არ ნიშნავს იმას, რომ ჩვენ მუშაობას არ გავაგრძელებთ ამ პარტიასთან ან ნებისმიერ სხვა პარტიასთან. მნიშვნელოვანია ყველას ესმოდეს, რომ გადაწყვეტილება, რომელიც მიღებული იქნება, მიღებული იქნება ევროპული საბჭოს მხრიდან“, – განაცხადა ჩიქოვანმა. „ქართული ოცნება“ ევროპის სოციალისტური პარტიის დამკვირვებელი წევრის სტატუსს, ასევე ამ პარტიასთან დაკავშირებულ სხვა გაერთიანებებს ტოვებს. შესაბამისი გადაწყვეტილება მმართველი პარტიის პოლიტსაბჭომ მიიღო.

მიხეილ სააკაშვილთან დაკავშირებით სტრასბურგის სასამართლოს გადაწყვეტილებას “ნაციონალურ მოძრაობაში” ეხმაურებიან და სამართლებრივი დავის გაგრძელებას აანონსებენ. “ნაციონალურ მოძრაობაში”პირობას დებენ, რომ პარტია სააკაშვილის თავისუფლებისთვის ბრძოლას გააგრძელებს.

“მთავარი სტრასბურგის გადაწყვეტილებასთან დაკავშირებით არის წინ. აქ პირველად გადაწყვეტილებაზე, რომელიც ეხება დროებით ღონისძიებას, ეს არის ის გადაწყვეტილება, რაც მიიღო სტრასბურგმა. ვიმეორებ, რომ ყველაზე მთავარი არსებითი განხილვა საქმის, რაც დასაშვებად ცნო სტრასბურგმა, ეს არის ის, რის განხილვასაც უნდა ველოდეთ აწი,“ – აცხადებს პარლამენტის ფრაქციის “ერთიანი ნაციონალური მოძრაობა – ძალა ერთობაშია” წევრი, ანა წითლიძე.

“ერთიანი ნაციონალური მოძრაობის” პოლიტიკური საბჭოს წევრი, გიორგი ჩალაძე ამბობს, რომ ეს მხოლოდ პირველი ეტაპი დასრულდა, მეორე კი წინ არის.

“გეგმა არის შემდეგი, რომ ბრძოლა რომელიც დაწყებულია სამართლებრივი, მისი მხოლოდ ერთი ეტაპია ჯერ დასრულებული, მეორე ეტაპი არის წინ, რომელიც არის მთავარი საჩივრის განხილვა, რომელიც ჯერ არ დაწყებულა და საქმე უკვე მიღებულია სტრასბურგში და მიმდინარეობს ამ საქმეზე მუშაობა. დარწმუნებული ვარ, შედეგი იქნება ისეთი, რომელიც შეეფერება საზოგადოებას, რომლისთვისაც ადამიანის უფლებები ძვირფასია და პრეზიდენტი სააკაშვილი გათავისუფლდება,” – აცხადებს გიორგი ჩალაძე.

ნებისმიერი გადაწყვეტილება, რომელიც იქნება რუსეთის მიერ მიღებული საქართველოსთან მიმართებით, ეს არ არის არსებითი გადაწყვეტილება, თუ ის არ უკავშირდება დეოკუპაციასა და ქვეყნის ტერიტორიული მთლიანობის აღდგენას, ასევე იმ შეთანხმების შესრულებას, რომელსაც 12 აგვისტოს მოეწერა ხელი, – ამის შესახებ საპარლამენტო უმრავლესობის წევრმა, ირაკლი ჩიქოვანმა „ქრონიკაში“ რუსეთის მიერ სავიზო რეჟიმის გაუქმებაზე საუბრისას განაცხადა. „რაც შეეხება უშუალოდ ამ გადაწყვეტილებას, ის მიზნად ისახავს, რომ რუსეთმა დაანახოს მთელ მსოფლიოს, რომ მას ინტერესი რეგიონში კვლავ აქვს. ჩვენთვის უმთავრესი და უმნიშვნელოვანესია, როგორ იმოქმედებს ეს გადაწყვეტილება ჩვენს მოქალაქეებზე, თუმცა ამის მიღმა, არ და ვერ შეიძლება ეს იყოს განხილული, როგორც პოლიტიკური დაახლოების ახალი შესაძლებლობა“, – განაცხადა ჩიქოვანმა. მისივე თქმით, საქართველოში ფრენების აღდგენასთან ერთად, სასანქციო რეჟიმი არ იქნება დარღვეული და არ იფრენენ ისეთი ბორტები, რომლებიც საფრთხეს წარმოადგენენ.

საქართველო არ აპირებს სანქცირებულ კომპანიებთან თანამშრომლობას რაიმე ფორმით, შესაბამისად, ეს მხედველობაში იქნება მიღებული, რომელი კომპანია, რომელი ავია-ბორტია დასანქცირებული – ამის შესახებ ადამიანის უფლებათა კომიტეტის თავმჯდომარემ მიხეილ სარჯველაძემ ჟურნალისტებთან განაცხადა. როგორც სარჯველაძემ აღნიშნა, არაფერი განსხვავებული აშშ-ს სახელმწიფო დეპარტამენტის განცხადებაში არ თქმულა. „სახელმწიფო დეპარტამენტის განცხადებაში ითქვა, რომ სანქცირებული ბორტი, მაგალითად, არ უნდა შემოფრინდეს საქართველოში. ეს გასაგებია, ასეთივეა განწყობა, ვიდრე ეს განცხადება გაკეთდებოდა სახელმწიფო დეპარტამენტში, მანამდე გაკეთდა საქართველოს ხელისუფლების მხრიდან. ის რასაც ვამბობთ, სრულდება. შესაბამისად, არ მგონია, აქ რაიმე მოსალოდნელი სცენარის მიღმა სასაუბრო რჩებოდეს ამ თემასთან დაკავშირებით“, – განაცხადა მიხეილ სარჯველაძემ. ამასთან, მისი თქმით, არ ჰგონია, რუსეთიდან პირდაპირი ფრენების აღდგენას პოლიტიკური გავლენა ჰქონდეს საქართველოს ევროინტეგრაციაზე. „არ მგონია, რომ უნდა ჰქონდეს პოლიტიკური გავლენა და სიმართლე გითხრათ ეს არც იქნება სამართლიანი არც ერთ შემთხვევაში, თუ ვინმე ეცდება, მათ შორის ჩვენი ქვეყნის ოპოზიცია ან მისი გულშემატკივარი პოლიტიკოსები საზღვარს გარეთ, თუ ეცდებიან, ეს ფაქტორი გამოიყენონ საქართველოს ხელისუფლების და საქართველოს ინტერესების საწინააღმდეგოდ ეს არ იქნება სამართლიანი, ეს არ იქნება კეთილსინდისიერი, იმიტომ რომ ყველას კარგად ესმის, რომ ეს იყო გადაწყვეტილება ჯერ 2019 წელს, შემდეგ 2023 წელს, რომელიც აბსოლუტურად დამოუკიდებლად, თავისით მიიღო რუსეთის ფედერაციამ, ამის გულისთვის პასუხისმგებლობა საქართველოსთვის, რასაკვირველია, არ იქნებოდა არცერთი თვალსაზრისით გამართლებული“, – აღნიშნა მიხეილ სარჯველაძემ. ამასთან, მიხეილ სარჯველაძის თქმით, საქართველოს დამოკიდებულება ევროკავშირში ინტეგრაციასთან მიმართებით უცვლელია. „რაც შეეხება ევროინტეგრაციის მიმართულებას, გასაგებია რომ გვაქვს მოცემულობა, კონკრეტული წინაპირობები განსაზღვრული, კონკრეტული პერსპექტივა, ასოცირების შეთანხმება, ამაზეა წესით დამოკიდებული ყველა შემდგომი ნაბიჯი და გადაწყვეტილება ევროპული მხრიდან. თუ რამდენად აკმაყოფილებს ქვეყანა შესაბამის სტანდარტებს და შესაბამისად რამდენად არსებობს საფუძველი უკვე შემდგომი გადაწყვეტილებების მიღებისთვის, რაც გულისხმობს თავისთავად კანდიდატის სტატუსის მიღებას. არ მგონია, რომ თუნდაც ეს პოლიტიკური ფაქტორი, რომელიც შეიძლება ვინმეს შეთხზულ ვარაუდებზე იყოს დაფუძნებული, რომ იმსახურებდეს ევროპელი კოლეგების მხრიდან ყურადღებას. შესაბამისად ალბათ უმჯობესია, კონცენტრირებული ვიყოთ მნიშვნელოვან საკითხებზე, მათ შორის, რაც საგანგებოდ აღნიშვნას მოითხოვს, ეს გახლავთ საკითხი იმის შესახებ, რომ საქართველოს დამოკიდებულება ევროკავშირში ინტეგრაციასთან მიმართებით არის უცვლელი, ეს არის კონსტანტა პრაქტიკული, რომელიც გულისხმობს საქართველოს ქცევას ჭეშმარიტ ევროპულ დემოკრატიად, ევროპულ სახელმწიფოდ. შესაბამისად, ვფიქრობ, ამ თვალსაზრისით ყველა ის გაუმჯობესება, რომელიც საქართველოს ბოლო წლებში აქვს, არ დარჩება ევროპელი კოლეგების მხედველობის მიღმა და იმავდროულად, მათი გადაწყვეტილებაც დამსახურებაზე იქნება დაფუძნებული. ასეთ შემთხვევაში, ვფიქრობ, ხელმეორედ დაშვებული არ იქნება იგივე შეცდომა, რომელიც გასული წლის ზაფხულში იქნა დაშვებული“, – განაცხადა მიხეილ სარჯველაძემ.

“ამ მდგომარეობაში მყოფი ადამიანის, ინსტრუმენტალიზაციას ახდენდნენ, დღეს ჩამი-ჩუმი არ ისმის”- მელია “ამ მდგომარეობაში მყოფი ადამიანის, პატიმრის (მიხეილ სააკაშვილი) ინსტრუმენტალიზაციას ახდენდნენ, 65 კილოგრამიანი ადამიანის ინსტრუმენტალიზაციას ახდენდნენ. და დღეს ჩამი-ჩუმი არ ისმის. 50 კაციანი და 100 კაციანი აქციები თუ იყო ამოცანა ამ ადამიანების, ეს უნდა გაეკეთებინათ?!” – ამის შესახებ პარტია “ნაციონალური მოძრაობის” ყოფილმა თავმჯდომარე ნიკა მელიამ განაცხადა. “იყვნენ ადამიანები, რამდენიმე კანდიდატი ხომ იყო, ყოველ დღე ატარებდა აქციას… გიორგი მუმლაძე ხომ გახსოვთ, ყოველ დღე 31 დეკემბერს, მიშა კვდება, მიშა ხვალამდე ვერ გაძლებს, მელია რას აკეთებს, სად ხარ, ყოველ დღე, დღეში სამჯერ კლავდნენ კაცს. დილით, დღისით და საღამო, ღამითაც. 4-ჯერ. დღეს ეს ადამიანი არ ჩანს საერთოდ, უკეთ არის?! კარგით, მე არ ვვარგივარ და ვერ გავაკეთე, შენ რას აკეთებ, სად არის უწყვეტი აქციები?! – თავისივე დაპირების ტყვეობაში აღმოჩნდნენ, რადგან მათ ძალიან კარგად იცოდნენ რაზედაც მე ვსაუბრობდი. მიხეილ სააკაშვილის გათავისუფლების გზა ვერ იქნებოდა მოკლე და ბიძინა ივანიშვილის დამარცხებაზე გადიოდა. სამწუხაროდ, რაციონალური აზრი დამარცხდა ემოციის პირისპირ. შედეგად მივიღეთ ის, რომ პარტია დაიცალა ემოციისგან, რაციონალისზმისგან და არ იციან რას აკეთებენ.” – განაცხადა ნიკა მელიამ