რუსული ავიაკომპანია “აზიმუტი” და ქართული Georgian Airways მომავალ კვირაში რუსეთ-საქართველოს შორის ფრენების აღდგენას აპირებენ, – აღნიშნულ ინფორმაციას, რუსულ მედიას რუსეთის ხელისუფლებასთან დაახლოებული პირი უდასტურებს. გამოცემის ინფორმაციით, დარჩენილია მხოლოდ ფორმალური ნაწილის მოგვარება და ასეთ შემთხვევაში, “აზიმუტის” ბორტი მოსკოვის ვნუკოვოს აეროპორტიდან თბილისში 16 მაისს გამოფრინდება, თბილისიდან ფრენა კი 18 მაისს შედგება. ” შეიძლება 18 მაისს არა… იმედია, უახლოეს ათ დღეში ფრენებს დავიწყებთ ჩვენ პატარა კომპანია ვართ და ზარალზე მუშაობა არ შეგვიძლია, ამიტომ ვიმუშავებთ, რომ ეს მიმართულება განვავითაროთ”- უთხრა რუსულ მედიას Georgian Airlines Group-ის პრეზიდენტმა თამაზ გაიაშვილმა გავრცელებული ინფორმაციით, ორივე ავიაკომპანიამ ამის შესახებ, საქართველოს აეროპორტი საქმის კურსში ჩააყენა. “აზიმუტი” თბილისში კვირაში 6 ფრენის განხორციელებას აპირებს, ხოლო Georgian Airways ბილეთების გაყიდვის დაწყებას მომავალი კვირიდან გეგმავს.
