ნებისმიერი სიტუაციისგან უნდათ რაიმე სახის არეულობა იყოს ჩვენს ქვეყანაში და ამ არეულობით საკუთარი პოლიტიკური ამბიციები დაიკმაყოფილონ. თუმცა, ყოველ ჯერზე, როგორც აქამდე, ახლაც სრული მარცხი და ფიასკო ელით, – ამის შესახებ საპარლამენტო უმრავლესობის წევრმა რატი იონათამიშვილმა რადიკალურ ოპოზიციაზე საუბრისას განაცხადა. რუსეთთან აღდგენილ ავია-ფრენებთან დაკავშირებით იგი რადიკალური ოპოზიციის განცხადებებს გამოეხმაურა. „ნებისმიერი სიტუაციისგან უნდათ რაიმე სახის არეულობა იყოს ჩვენს ქვეყანაში და ამ არეულობით საკუთარი პოლიტიკური ამბიციები დაიკმაყოფილონ. თუმცა, ყოველ ჯერზე, როგორც აქამდე, ახლაც სრული მარცხი და ფიასკო ელით. ეს ადამიანები გულწრფელები არ არიან და უნდათ, ჩვენი ქვეყანა დაადანაშაულონ იმაში, რაშიც ჩვენი ქვეყანა საერთოდ არ მონაწილეობდა. ამავე დროს, მე არ მახსენდება მათი მხრიდან, როდესაც ჩვენ სტრასბურგში ან ჰააგაში ვუგებდით რუსეთს საერთაშორისო სასამართლოებში, გამოსულიყვნენ და ამ გადაწყვეტილებების პოზიტიური შეფასება მოეხდინათ. იყვნენ ჩუმად დამალულები და აქედანაც ჩანს, ისინი არიან უსამშობლო და არა ეროვნული ხალხი“, – განაცხადა იონათამიშვილმა. ხანგრძლივი პაუზის შემდეგ რუსეთიდან საქართველოს მიმართულებით პირველი ავიარეისი 19 მაისს საპროტესტო აქციის პარალელურად შესრულდა. სამოქალაქო ავიაციის სააგენტომ კომპანია Азимут-თვის ფრენების განხორციელებისთვის აუცილებელი ნებართვა 15 მაისს გასცა. რუსეთის პრეზიდენტის ბრძანებით, 2023 წლის 15 მაისიდან საქართველოს მოქალაქეები რუსეთში შესვლას ვიზის გაფორმების გარეშე შეძლებენ. პუტინის გადაწყვეტილებით, ასევე უქმდება 2019 წლის ივნისში გამოცემული ბრძანებულება, რომლითაც აიკრძალა საქართველოსთან პირდაპირი ფრენები.
რა ვითარებაა უკრაინაში ამ დროისთვის. ომის 451-ე დღე
უკრაინაში რუსული აგრესია გრძელდება. უკრაინის გენერალური შტაბის ცნობით, რუსულმა არმიამ 6 სარაკეტო, 62 საავიაციო და 65 საარტილერიო დარტყმა განახორციელა 5 მიმართულებით.
დაიღუპა მშვიდობიანი მოსახლეობა. ფრონტის ხაზის ეპიცენტრად ისევ დონეცკის ოლქი რჩება.
ანალიტიკოსი გია აბაშიძე ისრაელის საგარეო საქმეთა მინისტრის, ელი კოენის განცხადებას ეხმიანება
ანალიტიკოსი გია აბაშიძე ისრაელის საგარეო საქმეთა მინისტრის, ელი კოენის განცხადებას ეხმიანება იმის შესახებ, რომ მისი რუსეთში ასობით ათასი ებრაელი ცხოვრობს, ხოლო მოსკოვი ახლო აღმოსავლეთში მნიშვნელოვან როლს თამაშობს, ამიტომ ისრაელი უკრაინასთან მიმართებით საკუთარი ინტერესებით ხელმძღვანელობს და მორალურ მხარდაჭერით შემოიფარგლება.
ანალიტიკოსის თქმით, ბაიდენი ეცადა ჩარეოდა ისრაელის მართლმსაჯულების რეფორმებში და ხისტი პასუხი მიიღო ისრაელის მთავრობისგან.
„ისრაელის საგარეო საქმეთა მინისტრმა ელი კოენმა The Jerusalem Post-თან ინტერვიუში აღნიშნა, რომ რუსეთში ასობით ათასი ებრაელი ცხოვრობს, ხოლო მოსკოვი ახლო აღმოსავლეთში მნიშვნელოვან როლს თამაშობს, ამიტომ ისრაელი უკრაინასთან მიმართებით საკუთარი ინტერესებით ხელმძღვანელობს და მორალურ მხარდაჭერით შემოიფარგლება. თუმცა, ისრაელი იცავს „რუსეთის ებრაული სააგენტოს“ უსაფრთხოების ინტერესებს. უკრაინის საკითხზე აშშ-ის მემარცხენე ადმინისტრაცია გაუბედავს ისრაელს რაიმე სახით დამუნათებას? ცხადია ვერ, რადგან სპონსორებისგან საკადრის პასუხს მიიღებს თავად ამერიკაში. ბაიდენი ეცადა ჩარეოდა ისრაელის მართლმსაჯულების რეფორმებში და ‘ზალპური’, ხისტი პასუხი მიიღო ისრაელის მთავრობისგან. მეტიც, პრემიერი ნეთანიაჰუ გაბრაზებულია თეთრ სახლზე, რადგან როდესაც ხელახლა აირჩიეს დეკემბერში, ვაშინგტონიდან მას დღემდე მიწვევა არ მიუღია. შედეგად, ისრაელის მთავრობის მეთაურმა აუკრძალა მინისტრებს ოფიციალური-საქმიანი ვიზიტით ეწვიონ აშშ-ს, სანამ იქიდან მას არ მოუვა მიწვევა.
Foreign Minister Eli Cohen: Russia is a player in the Middle East, and there are hundreds of thousands of Jews in Russia; therefore we express a moral stance of support for Ukraine while preserving our security interests and those of the Jewish Agency in Russia https://www.jpost.com/…/politics-and…/article-743500“- წერს გია აბაშიძე სოციალურ ქსელში.
დღეს 13 ასურელი მამის ხსენების დღეა
საქართველოს მართლმადიდებელი ეკლესია დღეს წმინდა 13 ასურელი მამის ხსენების დღეს აღნიშნავს. ამასთან დაკავშირებით, ტაძრებში სადღესასწაულო წირვა-ლოცვა აღევლინება. საპატრიარქოს ცნობით, პატრიარქის მოსაყდრე, მეუფე შიო სადღესასწაულო წირვას სამების საკათედრო ტაძარში დღეს, 10:00 საათზე დაიწყებს.
ეკლესია წმინდა იოანე ზედაზნელთან ერთად, აბიბოს ნეკრესელს, ანტონ მარტყოფელს, დავით გარეჯელს, ზენონ იყალთოელს, თადეოზ სტეფანწმინდელს (თათა მამებელისა), ისე წილკნელს, იოსებ ალავერდელს, ისიდორე (ეზდრიოს) სამთავნელს, მიქაელ ულუმბოელს, პიროს ბრეთელს, სტეფანე ხირსელსა და შიო მღვიმელს (VI-VII) იხსენებს.
წმინდა იოანე ზედაზნელი, 12 ასურელ მამასთან ერთად, მართლმადიდებლობის განსამტკიცებლად, საქართველოში მე-6 საუკუნეში შემოვიდა, ის, მოწაფეებთან ერთად, ზედაზენზე დამკვიდრდა, სადაც ადრე ზედაზნის კერპი იყო. ასევე, ღვთისმშობლის გამოცხადებით, წმ. იოანე ზედაზნელის მოწაფეებმა ზედაზენი დატოვეს და სამოღვაწეოდ საქართველოს სხვადასხვა ადგილი აირჩიეს. დღეს, ასევე, წმინდა მეფე მირიანისა და დედოფალ ნანას ხსენების დღეა, რომელიც გარდამავალია და აღდგომიდან მე–7 კვირას აღინიშნება.
რუსეთ-საქართველოს მიმართულებით ფრენები ორმხრივად აღდგა
რუსეთ-საქართველოს მიმართულებით ფრენები ორმხრივად აღდგა.
დღეს, 08:00 საათზე, მოსკოვის მიმართულებით ფრენა „ჯორჯიან ეარვეისმა“ შეასრულა.
„კომპანია „ჯორჯიან ეარვეისმა“ განახორციელა პირველი რეისი თბილისი-მოსკოვის მიმართულებით. პირველ რეისზე 85 მგზავრი გვყავდა. „ჯორჯიან ეარვეის“ გეგმავს ყოველდღიურად ფრენების შესრულებას კვირაში შვიდი სიხშირით“, – განუცხადა ჟურნალისტებს ავიაკომპანიის წარმომადგენელმა.
ხანგრძლივი პაუზის შემდეგ რუსეთიდან საქართველოს მიმართულებით პირველი ავიარეისი 19 მაისს საპროტესტო აქციის პარალელურად შესრულდა.
სამოქალაქო ავიაციის სააგენტომ კომპანია Азимут-თვის ფრენების განხორციელებისთვის აუცილებელი ნებართვა 15 მაისს გასცა.
რუსეთის პრეზიდენტის ბრძანებით, 2023 წლის 15 მაისიდან საქართველოს მოქალაქეები რუსეთში შესვლას ვიზის გაფორმების გარეშე შეძლებენ. პუტინის გადაწყვეტილებით, ასევე უქმდება 2019 წლის ივნისში გამოცემული ბრძანებულება, რომლითაც აიკრძალა საქართველოსთან პირდაპირი ფრენები.
,,აშშ თვითმფრინავების ნაწილებს რუსულ ავიაკომპანიებს მაინც აწვდიდა” – NYT
უკრაინაში რუსეთის შეჭრის შემდეგ აშშ-მა მსოფლიოს 40-მდე ქვეყანასთან ერთად რუსეთის წინააღმდეგ სანქციები დააწესა, რათა შეიარაღებაზე, თვითმფრინავების ნაწილებზე და სხვა საქონელზე მოსკოვის წვდომა შეეზღუდა. სანქციები შეეხო რუსულ ავიაკომპანიებს, მათ შორის „აეროფლოტს“, მის შვილობილ „როსიას“ და სხვებს.
თუმცა, მიუხედავად ამისა, გასულ წელს დაფიქსირდა არაერთი შემთხვევა, როდესაც რუსეთში თვითმფრინავების ნაწილები გაიგზავნა. ამის შესახებ მეტყველებს რუსეთის საბაჟო სამსახურების მონაცემები, რომლებზეც წვდომა The New York Times-მა მოიპოვა.
მონაცემების თანახმად, ათობით მილიონი დოლარის ღირებულების თვითმფრინავების ნაწილები გაეგზავნა სანქცირებულ რუსულ ავიაკომპანიებს, მათ შორის „როსიას“, „აეროფლოტს“, „ურალის ავიახაზებს“, S7-ს და „პობედას“.
რამდენიმე დღის წინ აშშ-ში დააკავეს მაიამიში მცხოვრები რუსეთის მოქალაქე ოლეგ პაცულია და მისი ბიზნესპარტნიორი, რომლებსაც ბრალი აშშ-ის საექსპორტო კონტროლის დარღვევა და ფულის გათეთრება ედება ბრალად. როგორც გაირკვა, ოლეგ პაცულია ფლორიდაში, თურქეთსა და რუსეთში მოქმედი კომპანიების გამოყენებით ავიაკომპანია „როსიას“ საერთაშორისო სანქციების გვერდის ავლაში ეხმარებოდა.
მაგალითად, გასულ წელს „აეროფლოტის“ საწყობებში მოხვდა Boeing-ის მიერ აშშ-ში დამზადებული თვითნფრინავების ნაწილები. რუსეთში მიწოდება ნაკლებად ცნობილი სავაჭრო კომპანიების, ჩინეთსა და არაბთა გაერთიანებულ საამიროებში თავისუფალი ვაჭრობის ზონებისა და ინდუსტრიალური პარკების გავლით ხორციელდებოდა.
საბაჟო მონაცემებში ფიგურირებს 5000-ზე მეტი ინდივიდუალური გზავნილი, რომლებსაც 2022 წლის 8-თვიან პერიოდში ჰქონდა ადგილი. Boeing-ში აცხადებენ, რომ რუსეთში თვითნფრინავების ნაწილების მიწოდება 2022 წლის დასაწყისში შეწყვიტეს. ნაწილების უმეტესობა რუსეთში არაბთა გაერთიანებული საამიროების, თურქეთის, ჩინეთისა და მალდივის კუნძულების გავლით მოხვდა, თუმცა დაფიქსირდა ისეთი გზავნილებიც, რომლებიც ავიაკომპანია „როსიამ“ უშუალოდ ევროპიდან ან აშშ-დან მიიღო.
,,საზოგადოება მეორედ მსგავს შეცდომას აღარ დაუშვებს” – სუბარი
რატომ წამოეგნენ ასე ადვილად ოპოზიციის ტყუილებს? იმიტომ, რომ ოპოზიციას კი არა აქვს მაღალი რეიტინგი და არ სჯერათ მისი, მაგრამ როდესაც გამოდიან ჩვენი „დაუძინებელი მეგობრები“, როდესაც ელჩი დეგნანი დღეში რამდენჯერმე გამოდიოდა და ამბობდა, რომ ეს რუსული კანონია, სახელმწიფო დეპარტამენტის პრესსპიკერმა დაივიწყა უკრაინის ომი, დაივიწყა ჩინეთი-ტაილანდის კრიზისი, ძირითადად ლაპარაკობდა ამ კანონპროექტზე, ევროკავშირის ცალკეული ქვეყნების წარმომადგენლები, ევროკომისია, ევროპარლამენტიც ამას ამბობდნენ, ხალხმაც იფიქრა, რაღაც სასწაული ხდებაო და დაიჯერა ეს ყველაფერი, მაგრამ მეორედ აღარ დაიჯერებენ, რადგან ნახეს, რომ არ გასულა ერთი კვირა და ევროკავშირი ასეთი კანონის მიღებას ცდილობს,“ – ამის შესახებ „ხალხის ძალის“ ერთ-ერთმა ლიდერმა, სოზარ სუბარმა, ტელეკომპანია „პოსტივის“ ეთერში ისაუბრა.
მისი თქმით, მართალია, საზოგადოება ერთხელ უკვე წამოეგო ოპოზიციის ტყუილებს, მაგრამ მეორედ მსგავს შეცდომას აღარ დაუშვებს, რადგან დარწმუნდა მათ ცბიერებაში.
„დღეს ვახტანგ გომელაური ინტერპელაციის წესით იყო დაბარებული პარლამენტში და მისი მოსმენა მიმდინარეობდა. იქ ძალიან საინტერესო რამ თქვა ვახტანგ მეგრელიშვილმა, გირჩის წარმომადგენელმა: ვსხედვართ მთელი ოპოზიცია, ვცდილობთ, დავაგროვოთ მუხტი და შედეგი არ არისო და გამახსენდა სიტყვები, რომლებიც, თუ არ ვცდები, ჩერჩილს ეკუთვნის: შეიძლება, მცირე რაოდენობის ადამიანი მოატყუო ბევრჯერ, ან ერთი ადამიანი მოატყუო ერთხელ, ან ორჯერ მაგრამ ყოველთვის ყველას ვერ მოატყუებო. მათ ერთხელ გაუვიდათ ხალხის შეცდომაში შეყვანა, მათი ტყუილით გამოყვანა ქუჩაში, მაგრამ მეორედ და მესამედ ეს უკვე შეუძლებელია!
„გორბის“ კვლევაში გამოჩნდა, რომ „ხალხის ძალის“ კანონპროექტი წაკითხული ჰქონდა 18%-ს, იმათაც ან ჰქონდათ წაკითხული, ან – არა. ყოველ შემთხვევაში უმრავლესობამ არ იცოდა, რას აპროტესტებდა. რატომ წამოეგნენ ასე ადვილად ოპოზიციის ტყუილებს? – იმიტომ, რომ ოპოზიციას კი არა აქვს მაღალი რეიტინგი და არ სჯერათ მისი, მაგრამ როდესაც გამოდიან ჩვენი „დაუძინებელი მეგობრები“, როდესაც ელჩი დეგნანი დღეში რამდენჯერმე გამოდიოდა და ამბობდა რომ ეს რუსული კანონია, სახელმწიფო დეპარტამენტის პრესსპიკერმა დაივიწყა უკრაინის ომი, დაივიწყა ჩინეთი-ტაილანდის კრიზისი, ძირითადად ლაპარაკობდა ამ კანონპროექტზე, ევროკავშირის ცალკეული ქვეყნების წარმომადგენლები, ევროკომისია, ევროპარლამენტიც ამას ამბობდნენ, ხალხმაც იფიქრა, რაღაც სასწაული ხდებაო და დაიჯერა ეს ყველაფერი, მაგრამ მეორედ აღარ დაიჯერებენ, რადგან ნახეს, რომ არ გასულა ერთი კვირა და ევროკავშირი ასეთი კანონის მიღებას ცდილობს.
გავიდა კიდევ ცოტა ხანი და ერთ-ერთმა საერთაშორისო ორგანიზაციამ, საერთაშორისო ვაჭრობის განვითარების სააგენტომ, რომელმაც 2010 წელს მიიღო მსგავსი კანონი, ოღონდ ის იყო მხოლოდ ლობიზმზე, ახლა აღმოაჩინა, რომ მხოლოდ ლობიზმზე საკმარისი არაა და საჭიროა, ზოგადად გამჭვირვალობასა და უცხო ქვეყნის გავლენებზე მიიღონ კანონი. აღარ განვაგრძობ ჩამოთვლას, კანადის, ავსტრალიისა და დიდი ბრიტანეთის შესახებ ყველამ იცის, რომ ამ კანონზე მუშაობენ – ზოგს უკვე მიღებული აქვს, ზოგიც – ახლა იღებს, ან ამკაცრებს. ამით გამოჩნდა, რომ ეს ყველაფერი არის ტყუილი.
ახლა კი, როდესაც მათ სცადეს, რომ იგივე გაეკეთებინათ ფრენების აღდგენასთან დაკავშირებით, ცხადია არ გამოვიდა და არავინ დაიჯერა. უფრო მეტიც, იმ გაყალბებულ კვლევებშიც კი, რომელსაც IRI აწარმოებს, 48% ამბობს, რომ მომხრეა რუსეთიდან ფრენების აღდგენისა და მიესალმება უვიზო მიმოსვლას; ცოტა ნაკლები პროცენტი ამბობს, რომ არ არის წინააღმდეგი და დანარჩენი – უბრალოდ თავს იკავებს“, – განაცხადა სოზარ სუბარმა.
ვოლოდიმირ ზელენსკი იაპონიაში ჩავიდა
უკრაინის პრეზიდენტი, ვოლოდიმირ ზელენსკი, იაპონიის ქალაქ ჰიროსიმაში ჩავიდა. CNN-ის ინფორმაციით, უკრაინის პრეზიდენტი იაპონიაში საფრანგეთის მთავრობის თვითმფრინავით ჩავიდა, რომელიც ჰიროსიმაში ცოტა ხნის წინ ჩაფრინდა.
ვოლოდიმირ ზელენსკი ჰიროსიმაში მიმდინარე „დიდი შვიდეულის“ სამიტში მიიღებს მონაწილეობას.
გაფრთხილება ამინდის შესახებ
გარემოს დაცვის ეროვნული სააგენტოს ინფორმაციით, 20 მაისის დღის ბოლოდან 21 მაისის ჩათვლით საქართველოს უმეტეს, ხოლო 22 მაისს ქვეყნის ზოგიერთ რაიონში მოსალოდნელია წვიმა, ზოგან ძლიერი და ელჭექი, შესაძლებელია სეტყვა. მოსალოდნელმა ძლიერმა წვიმებმა საქართველოს მდინარეებზე შესაძლებელია წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო ქვეყნის მთიან ზონებში მეწყრული პროცესების ჩასახვა – გააქტიურება გამოიწვიოს.
20 მაისის ასტროლოგიური პროგნოზი
ვერძი
ამ დღის მოვლენები თქვენგან ყურადღებას და წინდახედულობას მოითხოვენ. აჩქარებამ შეიძლება საბოლოო შედეგი დააზიანოს, ამიტომ ეცადეთ საქმეს მშვიდად და აუჩქარებლად მიჰყვეთ. გაუგებრობას შეიძლება არასასურველი შედეგები მოჰყვეს, ამიტომ საკუთარი აზრები მკაფიოდ და ყველასთვის გასაგებად უნდა გამოხატოთ.
კურო
მნიშვნელოვანი სამუშაოს მიუხედავად, ეცადეთ დასვენებისთვის დრო გამონახოთ. ახლა ყველაზე მთავარია ემოციური განტვირთვა და ძალების აღდგენა. ეცადეთ, სამუშაოს დასრულების შემდეგ, დღის მეორე ნახევარში მეგობრებთან ერთად ბუნებაში განმარტოვდეთ. ახალი საქმის დაწყებისთვის ჯერჯერობით არახელსაყრელი დროა.
ტყუპები
ნუ ცდილობთ, რომ ახლობლებისგან დახმარება ზეწოლის გზით მიიღოთ. მათი კეთილგანწყობის მოპოვებას პიროვნული ხიბლის დახმარებით უფრო შეძლებთ. სასურველია, რომ ეს დღე საყვარელ ადამიანთან ერთად გაატაროთ და სასიამოვნო სიურპრიზი მოუმზადოთ.
კირჩხიბი
ეცადეთ, რომ საქმეს, რომელიც დადებითი ემოციებით გავსებთ და ძალიან მოგწონთ, მეტი დრო დაუთმოთ. სასურველია, რომ დღის მეორე ნახევარში ყოფითი საკითხებით დაკავდეთ. მაგალითად, ავეჯი გადააადგილოთ ან მცირე რემონტი დაიწყოთ. ძველ მეგობრებთან შეხვედრა სასიამოვნო სიურპრიზს გპირდებათ.
ლომი
სადავო საკითხები შეიძლება ჩხუბის გარეშე, მოლაპარაკებების გზით მოაგვაროთ და სასურველი შედეგი მიიღოთ. ეცადეთ, ეს შესაძლებლობა გამოიყენოთ და გარშემო მყოფებთან რაც შეიძლება მეტი კონტაქტი დაამყაროთ. საყვარელი საქმის კეთება თქვენს კეთილდღეობაზე დადებითად აისახება და კარგ ხასიათს დაგიბრუნებთ.
ქალწული
ამ დღეს ქალწულებისთვის ურთიერთობა ადვილი და ნაყოფიერი იქნება. ადამიანებთან საუბარი საჭირო ინფორმაციის მიღებასა და საკუთარი იდეების გავრცელებაში დაგეხმარებათ. შესაძლოა, ისეთი რაღაც გაიგოთ, რაც ახალი, საინტერესო პროექტის საფუძველი გახდება. თუმცა, ჯერჯერობით ამ გეგმის განხორციელების დრო არ დამდგარა, ცოტა უნდა დაიცადოთ.
სასწორი
ცვალებადი და დატვირთული დღეა. ეცადეთ, სიმშვიდე შეინარჩუნოთ და წვრილმანებზე არ ინერვიულოთ. ბევრ სასწორს გეგმების შეცვლა ან დაგეგმილი შეხვედრების გაუქმება მოუწევს. ახლად გაცნობილმა ადამიანმა შეიძლება თქვენს კარიერაზე გავლენა მოახდინოს და დაწინაურებაში დაგეხმაროთ.
მორიელი
ამ დღეს ხმაურიან წვეულებებს და ხალხმრავალ ადგილებს უნდა ერიდოთ. გარშემო მყოფები ყურადღებას გიფანტავენ და მუშაობაში ხელს გიშლიან, მარტოობა და ინდივიდუალური მუშაობა კი საჭირო შედეგის მიღებაში დაგეხმარებათ. გაათავისუფლეთ სივრცე თქვენ ირგვლივ, გადაყარეთ ძველი ნივთები და მოიშორეთ უარყოფითი ემოციები. დროა იმუნიტეტის გაძლიერებაზე იზრუნოთ და პროფილაქტიკური მკურნალობა დაიწყოთ.
მშვილდოსანი
მეგობრების გარემოცვაში გატარებული დღე დადებითი ემოციებით აგავსებთ და ძალების აღდგენაში დაგეხმარებათ. მალე საინტერესო და მოგებიანი შესაძლებლობები გაჩნდება, რაც თქვენს ცხოვრებას უკეთესობისკენ შეცვლის. სპორტული ვარჯიში და ჰაერზე სეირნობა თავს გაცილებით უკეთ გაგრძნობინებთ.
თხის რქა
გირჩევთ საყვარელ ადამიანებს თქვენზე ზრუნვის უფლება მისცეთ. უსიამოვნო შემთხვევამ შეიძლება განწყობა გაგიფუჭოთ, მაგრამ არ დანებდეთ. შეხვდით და ესაუბრეთ ახალ ადამიანებს – ეს საჭირო საქმიანი კავშირების დამყარებაში დაგეხმარებათ.
მერწყული
მშვენიერი დღეა ჩანაფიქრის განხორციელებისთვის, თუნდაც თქვენი გეგმა სარისკო იყოს – ამ დღეს ვარსკვლავები თქვენს მხარეს არიან. გუნდური მუშაობა ინდივიდუალურზე უფრო ნაყოფიერი იქნება, ამიტომ პრობლემების დროს შეგიძლიათ დახმარება მეგობრებს ან კოლეგებს სთხოვოთ. პირად ურთიერთობებში გარკვეული სირთულეებია მოსალოდნელი. ეცადეთ, საყვარელი ადამიანი სასიამოვნო სიურპრიზით გაახაროთ.
თევზები
მეგობრების და ახლობლების დახმარებით ამ დღეს ნებისმიერ პრობლემას წარმატებით გაუმკლავდებით. გირჩევთ წვრილმანებზე დრო არ დაკარგოთ და ყურადღება გაამახვილოთ საქმეზე, რომელსაც შეუძლია თქვენი შემოსავალი გააორმაგოს.
“ლავროვის შვილის სტუმრობა ყვარლის ტბაზე არ შეესაბამება სიმართლეს”-“ყვარლის ტბის” ადმინისტრაცია
ყვარლის ტბის ადმინისტრაცია სპეცილურ განცხადებას ავრცელებს, სადაც წერია, რომ მედიაში გავრცელებული ინფორმაცია, ლავროვის შვილის სტუმრობასთან დაკავშირებით, სიმართლეს არ შეესაბამება:
“გვსურს გამოვეხმაუროთ დეზინფორმაციას, რომელიც მედიაში ვრცელდება!
ვაცხადებთ, რომ ლავროვის შვილის სტუმრობა ყვარლის ტბაზე არ შეესაბამება სიმართლეს, არც ლავროვის გვარით გვიფიქსირდება სტუმარი და არც აქამდე დაფიქსირებულა.
სამწუხაროდ მედიის საშუალებით ვრცელდება ინფორმაცია, რომელიც არ შეესამება სიმართლეს!”- აღნიშნულია განცხადებაში.
“კონსტიტუცია, ოკუპაციის კანონი თავზე ჩამოახიეს ერს!- სახელმწიფო მიტაცებულია!”- თაკო ჩარკვიანი
კონსტიტუცია, ოკუპაციის კანონი თავზე ჩამოახიეს ერს! სახელმწიფო მიტაცებულია! – ამის შესახებ პარტია „კანონი და სამართლის“ ლიდერი, თამარ ჩარკვიანი სოციალურ ქსელში წერს.
„ჰააგაში სამხედრო დამნაშავედ ცნობილი პუტინის ბრძანებას რომ შეასრულებ, იმ პუტინის მსოფლიო რომ დაუპირისპირდა , როგორც დამნაშავეს , იმის გამო, რაც მან ჩაიდინა უკრაინაში და ამ დასავლეთის რეკომენდაციების შესრულების- ” სტატუსის” მიღების წინ რომ აეროდრომზე ოკუპანტის თვითმფრინავს დასვამ და კიდევ რომ ბედავ “ტლიკინს” უტიფრად- უთავმოყვარეოდ ასეთი კოლაბორაციონალი ხელისუფალი, საკანონმდებლო ორგანოში ქოლცენტრების სქემის გამოსააშკარავებლად კომისიის შექმნას არ ეთანხმები და ამბობ დასავლეთის ქვეყნებს ვენდობით გამოძიებაშიო , კი მაგრამ დასავლეთის მიერ ჰააგაში დამნაშავედ ცნობილი პუტინის ბრძანებებს რომ ასრულებთ ეს როგორ არის, მაშინ ვის ენდობით??? თქვე მართლა მონადშობილნო! კონსტიტუცია ოკუპაციის კანონი თავზე ჩამოახიეს ერს! სახელმწიფო მიტაცებულია!“ – წერს ჩარკვიანი.