ბრუნო მარსის კონცერტის ბილეთები TNET-ის Super App-ში გაიყიდება

16:42 - 19/06/2023

15 გრემის ჯილდოს, 4 Brit Awards-ის, 4 გინესის რეკორდისა და უამრავი მუსიკალური პრიზის მფლობელი პოპისა და R&B-ს ლეგენდა Bruno Mars საქართველოს 1 ოქტომბერს Starring Georgia-ს ფარგლებში ეწვევა!

სწორედ ამასთან დაკავშირებით, TKT.ge-სა და Super App-ს ქართველი მსმენელისთვის სასიამოვნო სიახლე აქვს: ბრუნო მარსის კონცერტის ამ ორ პლატფორმაზე გაიყიდება.

Super App-ში Star Ring და Orbit კატეგორიის ბილეთების გაყიდვა 20 ივნისს, 10:00-ზე დაიწყება და შესაბამისად, ნებისმიერ მსურველს შესაძლებლობა ექნება რამდენიმე წამში, ძალიან მარტივად შეიძინოს საყვარელი არტისტის კონცერტზე დასასწრები ბილეთი.

როგორც ცნობილია, Star Ring ბილეთის ფასი 250 ლარია, Orbit-ის კი 500.

ბილეთის შეძენისას, Super App-ში თიბისის ყველა Visa ბარათზე იმოქმედებს 20%-იანი ფასდაკლება, ხოლო კონცეპტის Visa ბარათზე – 30% -იანი ფასდაკლება Orbit კატეგორიის ბილეთზე. თიბისის მოსწავლის და სტუდენტური ბარათით გადახდისას იმოქმედებს 30 %-იანი ფასდაკლება, რომელიც გავრცელდება star ring კატეგორიის 5000 ბილეთზე.

იმისათვის, რომ ბილეთი Super App-იდან, რიგებისა და დისკომფორტის გარეშე შეიძინო, საჭიროა:

ჩამოტვირთო აპლიკაცია;
გაიარო რეგისტრაცია;
მიაბა პროფილს საბანკო ბარათი.

აპლიკაციის გადმოწერა შესაძლებელია როგორც IOS, ასევე Android

სისტემებისთვის. თუ კონცერტზე დასწრებას აპირებ, დაიჭირე თადარიგი და გადმოწერე Super App-ი, სადაც ბილეთს სწრაფად და

მარტივად შეიძენ: bit.ly/superapp-tnet

თანამედროვე შემსრულებლებს შორის, ერთ-ერთი ყველაზე გავლენიანი არტისტი Bruno Mars- ი მისი ენერგიული ლაივებით მილიონობით მსმენელის საყვარელი შემოქმედი გახდა.

ალბომების Doo-Wops & Hooligans, Unorthodox Jukebox და 24K Magic-ის დამსახურებით, ვარსკვლავური სტატუსი მალევე მოიპოვა, ხოლო მისი ჰიტები სხვადასხვა თაობის საყვარელ კომპოზიციებად იქცა. Სწორედ ამ ჰიტებს შემოგვთავაზებს ამერიკელი არტისტი 1 ოქტომბერს დინამო არენაზე.

„Starring Georgia“ ორწლიანი კამპანიაა, რომლის ფარგლებში, საქართველო მთელი

„თანავარსკვლავედის“ მასპინძელი გახდება. ჩვენს ქვეყანას თანამედროვეობის

ყველაზე აქტუალური არტისტები ეწვევიან, რომელთა მოსმენის საშუალება

ქართველ მელომანებს აქამდე საკუთარ ქვეყანაში არ ჰქონიათ. მათ შორისაა:

“Bruno Mars”„ Imagine Dragons“ “The Killers”, „Nile Rodgers & Chic“, „FKJ“, „Damian Lazarus“ და „All Day I Dream“.

ახალი კამპანიის ფარგლებში, „Black Sea Arena-ს“ სცენის გარდა, კონცერტები

შეკვეთილში, თბილისსა და სხვა ლოკაციებზე ჩატარდება.

(R)

“ამით ამაყობენ ჯალათი „ვაგნერის“ სნაიპერები” – გია აბაშიძე

16:42 - 19/06/2023

ანალიტიკოსი გია აბაშიძე სოციალურ ქსელში გამოცემა Politico-ს სტატიას ეხმაურება, სადაც საუბარია დოკუმენტებზე, რომლითაც დასტურდება, რომ სანქცირებული რუსული სამხედრო მრეწველობის კომპანიები ამერიკული კომპანიისგან ტყვია-წამალს ყიდულობენ.

აბაშიძის თქმით, აღნიშნულ ფაქტში ყველაზე ცინიკური ის გარემოებაა, რომ აშშ-ისგან საბრძოლო მასალის შესყიდვით „ვაგნერის“ სნაიპერები ამაყობენ.

„აღმოჩენილია მორიგი „შავი კრატერი“ ომითა და უკრაინელთა სისხლით გამდიდრებულ ზნედაცემულ ფარისეველთა ველზე. საერთაშორისო გამოცემა Politico-ს მიერ მოპოვებული დოკუმენტები მიუთითებს იმაზე, რომ ე.წ. სანქცირებული რუსული სამხედრო მრეწველობის კომპანიებმა “Промтехнология”-მ, “ORSIS T-5000”-მა და “ТЕТИС ПРО”-მ შეიძინეს ასობით ათასი ტყვია-წამალი ამერიკული კომპანია Hornady-სგან. მიწოდებები გრძელდება სანქციების დარღვევისთვის აშშ-ში არსებული სასჯელის მიუხედავად ($1 მილიონი ჯარიმა და 20-წლიანი ციხე). რაც ყველაზე ცინიკურია, ამით რუსულ მედიაში, სოცქსელებში ამაყობენ ჯალათი “ვაგნერის” სნაიპერები,“ – წერს გია აბაშიძე ფეისბუკზე.

პოლიტიკოს სტატია იხილეთ ვრცლად.

შოთა რუსთაველის სამეცნიერო ფონდის ორგანიზებით კონფერენცია „ქალები ინოვაციაში“ გაიმართა

16:14 - 19/06/2023

საქართველოს განათლებისა და მეცნიერების სამინისტროს სსიპ შოთა რუსთაველის საქართველოს ეროვნული სამეცნიერო ფონდის ორგანიზებით გაიმართა ევროკავშირის კვლევისა და ინოვაციის ჩარჩო პროგრამა Horizon 2020 – ის პროექტის „CALIPER”-ის კონფერენცია „ქალები ინოვაციაში“.

კონფერენციის მიზანია STEM მიმართულების წარმომადგენელი მეცნიერი და ინოვატორი ქალების საქმიანობის წარმოჩენა, გამოცდილების გაზიარება, მოტივაციის ამაღლება და მეცნიერი ქალების კვლევებში აქტიური ჩართვის ხელშეწყობა, გენდერული თანასწორობის, ქალებისა და გოგონების სამეცნიერო კვლევებში ჩართულობის ხელშეწყობის შესახებ საზოგადოების ცნობიერების ამაღლება.

დამსწრე საზოგადოებას მიესალმნენ შოთა რუსთაველის საქართველოს ეროვნული სამეცნიერო ფონდის გენერალური დირექტორი ერეკლე ასტახიშვილი, გენდერული თანასწორობის მუდმივმოქმედი საპარლამენტო საბჭოსა და პარლამენტის კულტურისა და განათლების კომიტეტის წევრი მარიამ ლაშხი, განათლებისა და მეცნიერების სამინისტროს მეცნიერების განვითარების დეპარტამენტის უფროსის მოადგილე, პროფესორი ზაზა მარუაშვილი, ივანე ჯავახიშვილის სახელობის თბილისის სახელმწიფო უნივერსიტეტის რექტორი ჯაბა სამუშია, გაეროს ქალთა ორგანიზაციის (UN Women) წარმომადგენლის მოადგილე თამარ საბედაშვილი, ივანე ჯავახიშვილის სახელობის თბილისის სახელმწიფო უნივერსიტეტის რექტორის მოადგილე, პროფესორი ნინო ოკრიბელაშვილი, ილიას სახელმწიფო უნივერსიტეტის ასოცირებული პროფესორი თამარ ცხადაძე. პროექტი CALIPER- ის შესახებ პრეზენტაცია წარადგინა რუსთაველის ეროვნული სამეცნიერო ფონდის საერთაშორისო ურთიერთობებისა და ფონდების მოზიდვის სამსახურის უფროსმა, რუსუდან ჯობავამ.

STEM მიმართულებით მოღვაწე მეცნიერი და ინოვატორი ქალების გამოცდილების გაზიარების მიზნით პრეზენტაციები წარადგინეს: საქართველოს ტექნიკური უნივერსიტეტის პროფესორმა, ტექნიკის მეცნიერებათა კანდიდატმა, ფონდის 2022 წლის გამოყენებითი კვლევების საგრანტო კონკურსის გამარჯვებულმა, ლანა შატაკიშვილმა, დოქტორმა, აგრარული უნივერსიტეტის წარმომადგენელმა, 2022 წლის გამოყენებითი კვლევების საგრანტო კონკურსის გამარჯვებულმა, ეკა მეტრეველმა, “IT აკადემია Step საქართველოს“ ფილიალის დამფუძნებელმა და აღმასრულებელმა დირექტორმა, მაკა მახათაძემ და გეოლოგიის მეცნიერებათა დოქტორმა, სან დიეგოს სახელმწიფო უნივერსიტეტის პროფესორმა ელინა ბაქრაძემ.

ღონისძიების დასასრულს გაიმართა 2023 წლის რუსთაველის ეროვნული სამეცნიერო ფონდის პრემიის კონკურსის „ქალები მეცნიერებაში“ გამარჯვებული მეცნიერის, ბიოლოგიის დოქტორის, თამარ ხარძიანის დაჯილდოების ცერემონია.

კონფერენციაზე მოწვეული იყვნენ მკვლევარი ინოვატორები საქართველოს სხვადასხვა უნივერსიტეტებიდან და კვლევითი ცენტრებიდან, ასევე საჯარო სექტორის, დონორი და არასამთავრობო ორგანიზაციების წარმომადგენლები.

ლაიონსების თვალის კლინიკამ ვეტერანებისთვის მორიგი საქველმოქმედო აქცია ნიქოზში ჩაატარა

16:13 - 19/06/2023

მიმდინარე წლის 17 ივნისს, ვეტერანების საქმეთა სახელმწიფო სამსახურის ორგანიზებით, ურთიერთთანამშრომლობის მემორანდუმის ფარგლებში, ლაიონსების თვალის დიაბეტურმა კლინიკა-საქართველომ, გორის მუნიციპალიტეტის სოფელ ნიქოზში მცხოვრები ომისა და თავდაცვის ძალების ვეტერანებისა და მათი ოჯახის წევრთათვის, ჩაატარა უფასო ოფთალმოლოგიური გამოკვლევები და, ასევე, მინი-ოპერაციები. საქველმოქმედო სამედიცინო აქციაში მონაწილეობა მიიღო კვალიფიციურ მედიკოსთა 12 კაციანმა ჯგუფმა (ოფთალმოლოგები, ენდოკრინოლოგი) მაღალტექნოლოგიური აპარატურით.

საქველმოქმედო სამედიცინო აქციით ისარგებლა სამსახურის 174-მა ბენეფიციარმა; მათ შორის, 97 ვეტერანი, ხოლო 77_ვეტერანის ოჯახის წევრი გახლდათ; 189 ბენეფიციარს, უსასყიდლოდ გადაეცა ოპტიკური საშუალებები ( სათვალე);

აქციის მიმდინარეობას, ადგილზე გაეცნენ ვეტერანების საქმეთა სახელმწიფო სამსახურის დირექტორი, გენერალ-მაიორი კობა კობალაძე, დირექტორის მოადგილე, ჯანდრი უბირია, რეგიონული მართვის დეპარტამენტის უფროსი, ლევან ამირიძე, მონიტორინგისა და აუდიტის სამმართველოს უფროსი, გია ედილაშვილი, სოციალურ საკითხთა და სააღრიცხვო-ანალიტიკური დეპარტამენტის უფროსი სპეციალისტი, ვაჟა დალაქიშვილი, სამსახურის შიდა ქართლის სამმართველოს უფროსი, ზვიად საბაშვილი.

აღსანიშნავია, რომ მიმდინარე წელს, ლაიონსების თვალის დიაბეტურმა კლინიკა საქართველომ, ქვეყნის მასშტაბით ჩატარებული საქველმოქმედო- სამედიცინო აქციების ფარგლებში, დღეის ჩათვლით, უსასყიდლოდ გაუწია კვალიფიციური მომსახურება ვეტერანების საქმეთა სახელმწიფო სამსახურის 544 ბენეფიციარს.

ურთიერთთანამშრომლობის მემორანდუმი ვეტერანების საქმეთა სახელმწიფო სამსახურსა და ლაიონსების თვალის დიაბეტურ კლინიკა-საქართველოს შორის, პირველად, 2016 წელს გაფორმდა და ყოველწლიურად განახლდება. უფასო სამედიცინო აქციები, მთელი საქართველოს მასშტაბით, პერმანენტულად ტარდება.

სხვადასხვა სამედიცინო დაწესებულებებთან არსებული მემორანდუმების ფარგლებში, ვეტერანებისა და მათი ოჯახის წევრებისათვის, საქველმოქმედო სამედიცინო აქციები, მთელი საქართველოს მასშტაბით, კვლავ ჩატარდება, რომელთა შესახებ, ინფორმაცია, ვეტერანებს, წინასწარ მიეწოდებათ.

კობა კობალაძემ მცხეთა-მთიანეთში რეგიონული სამმართველოს ახალი უფროსი, მურთაზ გაბიტაშვილი წარადგინა

16:04 - 19/06/2023

ვეტერანების საქმეთა სახელმწიფო სამსახურის დირექტორი, ყაზბეგის მუნიციპალიტეტის მერს ბაკურ ავსაჯანიშვილს და საკრებულოს თავმჯდომარეს დავით ქირიკაშვილს შეხვდა.

შეხვედრაზე, კობა კობალაძემ რეგიონში, ვეტერანების საქმეთა სახელმწიფო სამსახურის, რეგიონული მართვის დეპარტამენტის მცხეთა-მთიანეთის სამმართველოს ახალი უფროსი, მურთაზ გაბიტაშვილი წარადგინა.

მურთაზ გაბიტაშვილი, აფხაზეთის ომის ვეტერანია. მას აქტიური მონაწილეობა აქვს მიღებული აფხაზეთის ტერიტორიაზე 1992-93 წლებში წარმოებულ საბრძოლო მოქმედებებში. დაჯილდოებულია მედლით “მხედრული მამაცობისთვის” და ვახტანგ გორგასლის III ხარისხის ორდენით.

შეხვედრებზე, კობა კობალაძემ, დეტალურად ისაუბრა რეგიონში მცხოვრები ვეტერანების სოციალური და ეკონომიკური მდგომარეობის გაუმჯობესების, პრიორიტეტული პროგრამების შემუშავების, სამსახურის ბენეფიციართა ჯანდაცვის სერვისებით უზრუნველყოფის, ამ კუთხით ვეტერანთა წინაშე არსებული გამოწვევებისა და მათი დაძლევისთვის, სამსახურისა და ადგილობრივი ხელისუფლების წარმომადგენელთა კოორდინირებული მუშაობის გაღრმავების შესახებ.

შეხვედრას, ასევე, ესწრებოდნენ: ვეტერანების საქმეთა სახელმწიფო სამსახურის დირექტორის პირველი მოადგილე, ნიკოლოზ კვეზერელი, დირექტორის მრჩეველი, ვლადიმერ იმნაძე და რეგიონული მართვის დეპარტამენტის უფროსი ლევან ამირიძე.

“მართლაც არ ელოდებიან საქართველოში რუსებს?” – რას წერს უცხოური პრესა

15:42 - 19/06/2023

რუსულ გაზეთ „მოსკოვსკი კომსომოლეცში“ (Московский комсомолец) ქვეყნდება სტატია სათაურით „მართლაც არ ელოდებიან საქართველოში რუსებს?“, რომლის ავტორი სვეტლანა სამოდელოვა ცდილობს გააქარწყლოს ზოგიერთ რუსულ გამოცემაში და სოციალურ ქსელებში გამოხატული თვალსაზრისი, რომ საქართველოში რუსოფობიაა გამეფებული და რომ ქართველებს რუსი ტურისტები სძულთ.

პუბლიკაციაში მიმოხილულია საქართველოს შავიზღვისპირა კურორტებზე (ქობულეთში, ურეკში…) არსებული დამოკიდებულება რუსი ტურისტების მიმართ, რომლებშიც პოზიტიური რეაქციაა გამოხატული.

„რა თქმა უნდა, ჩვენ გვსურს რუსი ტურისტების საქართველოში ჩამოსვლა. დაიმახსოვრე სამი მთავარი სიტყვა: „გამარჯობა“, „გმადლობ“ და „საქართველოს გაუმარჯოს!“. ეს სიტყვები შენთვის პაროლი იქნება და სადაც ახსენებ, ყველგან დიდი სიხარულით და უპრობლემოდ მოგემსახურებიან… და თუ „სულიკოსაც“ წაიღიღინებ, მაშინ შეიძლება საქართველოს მოქალაქეობაც მოგანიჭონ“, – ციტირებს ავტორი ქობულეთელი ნაცნობის გოჩას გამონათქვამს.

სტატიაში აღნიშნულია, რომ საქართველოში მომსახურებისა და კვების ფასები მართლაც არის მომატებული, რაც რიგი მიზეზებითაა გამოწვეული – მათგან ერთ-ერთია თურქეთში შექმნილი კრიზისული სიტუაცია და მაღალი ინფლაცია. პუბლიკაციის დასასრულს მოცემულია რუსი ტურისტის საშუალო დონის ხარჯები საქართველოში.

წყარო

“სააკაშვილს მინდა მივმართო: თუ ქვეყანა უყვარს, შეწყვიტოს ეგომანიაკობა” – ნათია მეზვრიშვილი

15:33 - 19/06/2023

მიხეილ სააკაშვილს Mikheil Saakashvili მინდა მივმართო – თუ მართლა ქვეყანა უყვარს (და არა მხოლოდ საკუთარი თავი), შეწყვიტოს ეგომანიაკობა, გაწყვიტოს ყველანაირი კავშირი პოლიტიკასთან, ღირსეულად მოიხადოს სასჯელი, შეეგუოს, რომ არის წარსული და გზა დაუთმოს მომავალს, – ამის შესახებ პარტია „საქართველოსთვის“ წევრი, ნათია მეზვრიშვილი სოციალურ ქსელში წერს.

“ვარდების რევოლუციის დროს სტუდენტი ვიყავი. უნივერსიტეტის დამთავრებისთანავე, კორუფციის და ნეპოტიზმის გარეშე, ღია კონკურსით მოვხვდი პროკურატურაში. ბევრი ჩემნაირი ახალგაზრდისთვის გაიხსნა სახელმწიფო უწყებების კარი. უამრავი კარგი გაკეთდა საპატრულო პოლიციის რეფორმით დაწყებული ქურდული სამყაროს წინააღმდეგ ბრძოლით დამთავრებული. მაგრამ … ხალხმა ვერ და სამართლიანად არ გაპატიათ გირგვლიანი და სხვა მძიმე დანაშაულები, წამება და არაადამიანური მოპყრობა ციხეებში, 26 მაისი, იმედის დარბევა და ა.შ. და გაგიშვათ ხელისუფლებიდან. არ გაპატიათ გარყვნა და ძალაუფლების შესანარჩუნებლად ხალხის ტერორი (ზუსტად ისე, როგორც ოცნებას არ აპატიებენ). დანაშაულები იმდენად მასშტაბური და სისტემური იყო, რომ ყველა კარგი საქმე გადაწონა. შესაბამისად, ამაოა მცდელობა ხალხს დაავიწყოთ ცუდი, მითუმეტეს, როცა თავად ეს ცუდი არასოდეს გადაგიფასებიათ და მინიმუმ ბოდიში არ მოგიხდიათ.

ამ ფონზე, ნებისმიერი მისი პოლიტიკური აქტიურობა არის საჩუქარი ოცნებისთვის. 11 წელია ამ საჩუქრებს ჩუქნის და ოცნების ხელისუფლებაში ყოფნას ახანგრძლივებს. ბოლო 2 წელია საზოგადოება და საკუთარი ამომრჩეველი მისი ცხოვრებით და როგორც აღმოჩნდა, ტყუილებში აცხოვრა. ესეც არ იკმარა და გადაწყვიტა ოცნებას კიდევ ერთხელ, ამჯერად ყველაზე კრიტიკულ მომენტში, გაუწოდოს დახმარების ხელი. ახლა ოცნების დახმარება, ღალატის ტოლფასია იმიტომ, რომ სასწორზე ქვეყნის ევროპული მომავალი დევს.

შესაბამისად, როგორც ჩამოვიდა, ისე მოიხადოს სასჯელი და დაეხსნას ქართულ პოლიტიკას. შეუძლებელია წარსულმა, რომელიც აწმყოს ვერ ქმნის, შექმნას მომავალი. გაიაზროს, რომ არის წარსული და იქნებ შემდეგ ხალხმა ის კარგიც დაინახოს, რაც ცუდის კეთებამდე უკეთებია”,- წერს ნათია მეზვრიშვილი.

როგორ ვლინდება ალერგიული რინიტი და ცხვირის ძგიდის გამრუდება? – ინტერვიუ ოტორინოლარინგოლოგ ხათუნა ჩიტაძესთან

15:32 - 19/06/2023

ოტორინოლარინგოლოგ ხათუნა ჩიტაძეს ყველა ახასიათებს, როგორც გულისხმიერ ექიმსა და პროფესიონალს. სწორედ ამიტომაც ჩვენი მკითხველების მოთხოვნით, მასთან აქტუალურ საკითხებზე ინტერვიუ ჩავწერეთ.

-ქალბატონო ხათუნა, როგორია თქვენი სამუშაო არეალი?

-ჩემი მუშაობის არეალი საკმაოდ დიდია,ყელი ყური და ცხვირი ერთმანეთთან პირდაპირ პროპორციულ დამოკიდებულებაშია როგორც ანატომიურად ასევე ფუნქციურად და ცხადია ნებისმიერი თუნდაც მცირედი გაციების ფონი კლინიკურად ვლინდება მთელ რიგი კომბინირებული პრობლემებით.მუშაობა მიწევს ნული ასაკიდან ზრდასრული ასაკის ჩათვლით. ბავშვთა ასაკში მომართვიანობა მეტად ხშირია ყურის სხვადასხვა სახის ანთებებით,ადენოიდების და გლანდების პრობლემებით,ცხვირით სუნთქვის გაძნელებით,ანგინებით,უცხო სხეულებით ცხვირსა და ყურში ძირითადად,სმენის დაქვეითების პრობლემებით,მოზრდილთა ასაკში წამყვანი პრობლემა მაინც ცხვირის ძგიდის გამრუდება,ნიჟარების ჰიპერტროფია და ქრონიკული სინუსიტებია,ბოლო პერიოდში იმატა მომართვიანობამ სმენის დაქვეითებით და თავბრუსხვევებით,რაც ნეიროსენსორული სმენის დაქვეითებას და ვესტიბულოპათიებს უკავშირდება,ეს თავის მხრივ განპირობებულია კოვიდ ინფექციის არსებობასთან რომელიც არჩევითად აზიანებს შიგნითა ყურს,ხშირია სოკოვანი დაავადებები ყელის და ყურის .ასევე აღსანიშნავია რომ აღნიშნული პრობლემების გარდა თავისთავად მიწევს მუშაობა ოტორინოლარინგოლოგიის კომპეტენციის ფარგლებში ყველა სხვა ნოზოლოგიასთან და მიწევს მათი მოგვარება როგორც ამბულატორიული მკურნალობის ფონზე ასევე ქირურგიული მეთოდების გამოყენებითაც( ახალი,ნაკლებ ტრავმული და მაღალ ტექნოლოგიებზე დაფუძნებული ქირურგიული მეთოდებით).

-ძალიან ხშირია, ცხვირიდან სუნთქვის გაძნელება და ძგიდის გამრუდებასთან დაკავშირებული პრობლემები. რას ურჩევთ პაციენტებს და როგორია საყოველთაოდ აპრობირებული მკურნალობის მეთოდები?რა შემთხვევაშია აუცილებელი ქირურგიული ჩარევა.

21-ე საუკუნე ალერგიის საუკუნედ მოიხსენიება სხვადასხვა ლიტერატურულ წყაროებში და შეუძლებელია არ დაეთანხმო აღნიშნულ მოსაზრებას.ჯანდაცვის მსოფლიო ორგანიზაციის მიერ გამოქვეყნებული სტატისტიკის მიხედვით, ყოველ მე-10 ადამიანს ალერგიული რეაქცია უვითარდება სხვადასხვა ორგანული თუ არაორგანული ნივთიერებების მიმართ.მათ რიცხვში არიან პაციენტებიც,რომლებიც ალერგიულ რეაქციის განვითარებას აღნიშნავენ არა ბავშვობიდან მოყოლებული,არამედ ცხოვრების მოგვიანებით ეტაპზე.

მკვლევარები ალერგიული რეაქციების გააქტიურების რამდენიმე მიზეზს ასახელებენ:

1.თანამედროვე გარემოს ცვლილებები ( საკვები დანამატები,ქიმიური სარეცხი საშუალებების აქტიური გამოყენება,ანტიბიოტიკოთერაპიის არარაციონალური გამოყენება,სატრანსპორტო საშუალებების გამონაბოლქვით დაბინძურებული ჰაერიდან სხვა.)

2.გლობალური დათბობის ფაქტორი (მცენარეთა ვეგეტაციური ცვლილებები)3.გენეტიკური განწყობა ალერგიული რეაქციებიდან ერთ-ერთი ყველაზე გავრცელებული ფორმაა ალერგიული რინიტი,რომელიც მწვავდება გაზაფხული-შემოდგომის პერიოდში.სტატისტიკურად ალერგიულ რინიტს უკავია პირველი ადგილი ალერგიულ გამოვლინებებს შორის და ასევე პირველ ადგილზეა ცხვირის ძგიდის გამრუდებასთან ერთად იმ მიზეზთაგან რომლებიც იწვევენ ცხვირით სუნთქვის გაძნელებას.

როგორ ვლინდება ალერგიული რინიტი და ცხვირის ძგიდის გამრუდება?

1.ცემინება

2.ცრემლდენა

3.ცხვირით სუნთქვის გაძნელება,გაჭედილობის შეგრძნება

4.ცხვირიდან გამონადენი,უფრო ხშირად ცხვირ-ხახაში ჩანადენის სახით.

5.უძილობა

6.შრომის უნარიანობის დაქვეითება,რასაც საბოლოო ჯამში მიჰყავს ადამიანი ღრმა დეპრესიამდე

საწყის ეტაპზე აღნიშნული სიმპტომიდან ვლინდება ორი ან სამი ჩივილი.ცხვირით სუნთქვა თანდათანობით ძნელდება,რაღაც ეტაპზე შეუძლებელიც ხდება,რასაც საბოლოო ჯამში შრომის უნარიანობის დათრგუნვამდე მივყავართ . ეს კი თავისთავად პაციენტის ძლიერი სტრესის მიზეზი ხდება.

-როგორ ვიქცევით ალერგიული რინიტის და ცხვირის ძგიდის გამრუდების დროს?

აუცილებელია ოტორინოლარინგოლოგის კონსულტაცია,რის საფუძველზეც დაზუსტდება აღნიშნული პრობლემა მოგვარდება მედიკამენტოზური მკურნალობის საფუძველზე თუ პაციენტისთვის სასურველი ეფექტის მისაღებად საჭირო იქნება ქირურგიული ჩარევა.

ალერგიული რინიტის დროს,როგორც წესი ობიექტურად იცვლება ცხვირის ორივე სავალში ცხვირის ნიჟარების მოცულობა,ვითარდება ნიჟარების ჰიპერტროფია. თუ პრობლემა მოიცავს რამდენიმე წელს, ცხვირის ქვედა ნიჟარები მოცულობაში იმდენად იზრდება,რომ შეუძლებელი ხდება მათი შეჭმუხვნა მედიკამენტოზური მკურნალობის საფუძველზე. შესაბამისად, სწორი სუნთქვის აღდგენის მიზნით, გადამწყვეტი მნიშვნელობა აქვს მკურნალობის სწორი ტაქტიკის შერჩევას, რაც მხოლოდ ოტორინოლარინგოლოგის კომპეტენციის ფარგლებშია.

როგორი ამინდია მოსალოდნელი საქართველოში

15:23 - 19/06/2023

გარემოს ეროვნული სააგენტო მოსალოდნელი ამინდის შესახებ მოსახლეობას აფრთხილებს.

სააგენტოს ცნობით, 19 ივნისს დღის ბოლოდან 22 ივნისამდე საქართველოს უმეტეს რაიონში მოსალოდნელია ხანმოკლე წვიმა, ზოგან ძლიერი, ელჭექი და ქარი, აღმოსავლეთ საქართველოში ზოგან სეტყვა.

„მოსალოდნელმა ძლიერმა წვიმებმა საქართველოს პატარა მდინარეებზე, შესაძლებელია, წყალმოვარდნები, ხოლო ქვეყნის მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს“, – აღნიშნულია გარემოს ეროვნული სააგენტოს ინფორმაციაში.

“ღვიძლის გადანერგვის ოპერაციას სახელმწიფო სრულად დააფინანსებს” -ზურაბ აზარაშვილი

15:07 - 19/06/2023

დევნილთა, შრომის, ჯანმრთელობისა და სოციალური დაცვის მინისტრის განცხადებით, ღვიძლის გადანერგვის ოპერაციას სახელმწიფო სრულად დააფინანსებს.

ამის შესახებ ზურაბ აზარაშვილმა მთავრობის სხდომის დასრულების შემდეგ გამართულ ბრიფინგზე განაცხადა.

„მნიშვნელოვანი გადაწყვეტილებები მივიღეთ მთავრობის სხდომაზე. ერთ-ერთი საკითხი ეხება ორგანოთა ტრანსპლანტაციის ბიუჯეტში ცვლილებებს. მნიშვნელოვანია, რომ, ღვიძლის გადანერგვის შემთხვევაში, 120 000-ლარიან ოპერაციას სახელმწიფო აფინანსებდა მხოლოდ 70 000 ლარით. ეს ხშირ შემთხვევაში ისეთ სეგმენტს ეხება, სადაც რთულია დარჩენილი 50 ათასი ლარის მობილიზება და ამიტომ მივიღეთ გადაწყვეტილება, სრულად დავაფინანსოთ ოპერაციის ხარჯები, როგორც დიაგნოსტიკასთან, ისე ოპერაციასთან დაკავშირებული. ღვიძლის ტრანსპლანტაციის შემთხვევაში 120 ათას ლარს დღეიდან სრულად დაფარავს სახელმწიფო“, – განაცხადა ზურაბ აზარაშვილმა.

მიხეილ სააკაშვილმა პოლიტიკაში დაბრუნება დააანონსა – რას წერს „ნეზავისიმაია გაზეტა“

15:05 - 19/06/2023

საქართველოს შესახებ წერს რუსული პრესაც: (Независимая газета) დღევანდელ, 19 ივნისის ნომერში დაბეჭდილია სტატია სათაურით „მიხეილ სააკაშვილმა პოლიტიკაში თავისი დაბრუნება დააანონსა“ (ავტორი – იური როქსი). „პატიმარი მიხეილ სააკაშვილი აქტიურ პოლიტიკაში ბრუნდება. მან ყველა ეროვნულ პროევროპულ და ანტირუსულ ძალას გაერთიანებისაკენ მოუწოდა, მათ შორის, განსაკუთრებით „ერთიან ეროვნულ მოძრაობას“. ექს-პრეზიდენტის მიზანია „ბიძინა ივანიშვილის პრორუსული ოლიგარქიული რეჟიმის განადგურება“. ქვეყანაში სიტუაცია მწვავდება, ძლიერდება ხელისუფლებისა და ოპოზიციის დაპირისპირება“, – ნათქვამია პუბლიკაციაში.

ავტორი მკითხველებს აცნობს საქართველოს ხელისუფლების რეაქციას, რომლის მიხედვით, მიხეილ სააკაშვილის განცხადება არასერიოზულია და „ფეიკ-პიარს“ წარმოადგენს. „იგი პატიმარია, თანაც უკრაინის მოქალაქეა და საინტერესოა, როგორ აპირებს პოლიტიკაში დაბრუნებას “, – ციტირებულია მმართველი პარტიის „ქართული ოცნების“ ერთ-ერთი ლიდერის, მამუკა მდინარაძის გამონათქვამი.

პუბლიკაციაში მიმოხილულია საქართველოს პოლიტიკურ სცენაზე მომხდარი ბოლო მოვლენები – აჭარის უმაღლესი საბჭოს თავმჯდომარის თორნიკე რიჟვაძის განცხადება ოპოზიციური „ნაციონალური მოძრაობის“ მოღალატეობრივი საქმიანობის შესახებ, რომელიც 2008 წელს რუსეთთან ომში ლაჩრულად მოქმედებდა. სწორედ ამ განცხადებამ გამოიწვია მიხეილ სააკაშვილის აღშფოთება. მას მოჰყვა „ნაციონალების“ ლიდერის ლევან ხაბეიშვილის კრიტიკული განცხადება ბიძინა ივანიშვილის მიმართ, შემდეგ კი გიორგი ვოლსკის პასუხი… სტატიაში საუბარია აგრეთვე ოპოზიციონერებზე თავდასხმის შესახებაც, როცა პარტია „გირჩის“ ლიდერს ზურაბ ჯაფარიძეს ფიზიკური შეურაცხყოფა მიაყენეს.

„საქართველოს ხელისუფლება აცხადებს, რომ ასეთ სიტუაციაში, ალბათ, შეუძლებელი იქნება ევროკავშირის რეკომენდაციების ერთ-ერთი პუნქტის შესრულება, რომელიც ქვეყანაში პოლიტიკური პოლარიზაციის შესუსტებას ეხება“, – აღნიშნავს ავტორი.

წყარო

თიბისი კაპიტალის ყოველკვირეული განახლება მთავარი ეკონომისტისგან: შემდეგი შერბილება – ამ კვირაში თუ შემდეგ სხდომაზე?

14:56 - 19/06/2023

მაისის სავალუტო შემოდინებები წლიურ ჭრილში დანორმალიზდა, განსაკუთრებით აშშ დოლარში გამოხატული ექსპორტისა და იმპორტის კუთხით, სადაც საკმაოდ დაბალი მაჩვენებლები დაფიქსირდა. ეს ძირითადად წინა წლის მაღალი საბაზო ეფექტით არის გამოწვეული. გზავნილების მხრივ, აღსანიშნავია, რომ შესაბამისი შესწორების შემდეგ, ზრდის ტემპი მაინც შედარებით მაღალია. წინა პერიოდთან მიმართებით – ნაკლები, თუმცა მაინც ასევე მაღალია ტურისტული შემოდინებები მიგრანტების სრულად და ნაწილობრივ გათვალისწინების შემთხვევაშიც. წმინდა სავალუტო შემოდინებების შეფასება კვლავ ძლიერია, რაც კიდევ ერთხელ მიუთითებს, რომ მაისში ლარის სისუსტე სწორედ შეცვლილი სენტიმენტების შედეგი იყო. ამ მხრივ, საყურადღებოა, რომ უახლესი მონაცემებით, კერძოდ დეპოზიტების ყოველდღიურ სავალუტო კომპოზიციაზე დაყრდნობით, სენტიმენტები კვლავ უკვე ლარის სასარგებლოდ შეიცვალა.

მიმდინარე კვირა სებ-ის მონეტარული პოლიტიკის კომიტეტის გადაწყვეტილების კუთხით იქნება საინტერესო. თიბისი კაპიტალის შეფასებით, როგორც შერბილების, ასევე განაკვეთის უცვლელად დატოვების არგუმენტებიც არსებობს, თუმცა როგორც ჩანს, მათი უმეტესობა შერბილების მხარდამჭერია. ამ ფონზე, თიბისი კაპიტალის ბოლო პროგნოზი მიმდინარე წლის დეკემბრისათვის, რომელიც რეფინანსირების განაკვეთის 9.5%-მდე დაწევას ითვალისწინებდა, მართალია მცირედით, მაგრამ უფრო პესიმისტური ჩანს, ვიდრე ოპტიმისტური.

გაეცანით პუბლიკაციას ბმულზე.

1...2,0892,0902,091...2,422 Page 2,090 of 2,422