საკონსტიტუციო სასამართლოში პრეზიდენტის წარმომადგენლის, თამარ ჩუგოშვილის განცხადებით, „ქართული ოცნება“ შეეცდება პრეზიდენტი აქციოს დისფუნქციურ პირად, რომელსაც არანაირი როლი არ ექნება.

ამის შესახებ, თამარ ჩუგოშვილმა მედიასთნ განაცხადა.

საკონსტიტუციო სასამართლოში პრეზიდენტის წარმომადგენელი დარწმუნებულია, რომ პრეზიდენტი, სალომე ზურაბიშვილი არ დაუშვებს ასეთი ტიპის სურვილებს დაემორჩილოს.

ჩუგოშვილის თქმით, მოსალოდნელია ასევე პრეზიდენტის ადმინისტრაციაზე განხორციელდეს წნეხი, თუნდაც ბიუჯეტის დამტკიცების დროს.

„ქართული ოცნება“ შეეცდება პრეზიდენტი აქციოს დისფუნქციურ პირად, ანუ თანამდებობის პირად, რომელიც არსებობს, მაგრამ არანაირი როლი არ გააჩნია. დარწმუნებული ვარ, რომ სალომე ზურაბიშვილი არ დაუშვებს ძალიან მნიშვნელოვან წელს ასეთი ტიპის სურვილებს დაემორჩილოს. ამიტომ წინ, რაღაც პროცესები გველის. არ ვიცი პრეზიდენტის ადმინისტრაციაზე რა წნეხი იქნება გამოყენებული, ეს იქნება ბიუჯეტის დამტკიცების დროს, თუ სხვადასხვა ტიპის ზეწოლა, ალბათ, პროკურატურის ხსენებაც ამას ემსახურებოდა, მაგრამ სავარაუდოდ, ადმინისტრაციაზე უფრო იქნება მიმართული“, – განაცხადა ჩუგოშვილმა.

კითხვაზე, რა სამართლებრივი ბერკეტია პრეზიდენტის ხელში? – ჩუგოშვილი პასუხობს, რომ პრეზიდენტის ხელშია ის ყველაფერი, რაც იმპიჩმენტამდე იყო, რადგან პრეზიდენტის იმპიჩმენტი დაიწყო და ვერ დასრულდა.

ამასთან, საკონსტიტუციო სასამართლოში პრეზიდენტის წარმომადგენელმა ისაუბრა იმ პროცედურებზე, რაც შეიძლება მომავალში განხორციელდეს მთავრობის მიერ პრეზიდენტის წინააღმდეგ.

ჩუგოშვილის თქმით, კონსტიტუციაში წერია, რომ თუკი იმპიჩმენტი არ შედგა, იგივე საკითხზე არ არის შესაძლებელი იმპიჩმენტის პროცედურის დაწყება.

მისივე თქმით, პარლამენტში დღეს დაემუქრნენ პროკურატურით, თუმცა, მისი თქმით, მოქმედ პრეზიდენტს, ვერც სისხლის სამართლით ვერ მოედავები თუ არ მოხდა მისი იმპიჩმენტი.

„ვფიქრობ, რომ ეს თემა უნდა ამოიწუროს და ამით დასრულდეს. დღეს, საერთოდ დაემუქრნენ პრეზიდენტს პროკურატურით. იმპიჩმენტი კი არა სისხლის სამართლის პროცედურებით იყო მუქარა. ეს ვერ შეუშლის პრეზიდენტს ხელს, რომ შეასრულოს ის როლი, რომელიც მას აქვს.

პრეზიდენტის თანამდებობიდან გადაყენების ერთადერთი გზა არის იმპიჩმენტი და ასევე პასუხისგებაში მიცემა. მოქმედ პრეზიდენტს, ვერც სისხლის სამართლით ვერ მოედავები თუ არ მოხდა მისი იმპიჩმენტი. ამიტომ, რაც არ უნდა დაუპირონ სალომე ზურაბიშვილს უნდა გაიარონ იმპიჩმენტის გზა.

ამიტომ ვფიქრობ, რომ პრეზიდენტს აქვს იმის შესაძლებლობა, რომ თავისი საქმიანობა გააგრძელოს. იმ მომენტში, რა მომენტშიც ქვეყანა არის, პრეზიდენტი არა თუ უფლებამოსილია, არამედ ვალდებულიც არის თავისი როლი შეასრულოს და ქვეყანას დაეხმაროს მხარდამჭერების მოპოვებაში“,- განაცხადა ჩუგოშვილმა.

დღეს საქართველო ამასაც მოესწრო, სალომე ზურაბიშვილის სიტყვებს გავიმეორებ, რომ რამდენიმე ევროპარლამენტარმა განგვიმარტა ქართული კონსტიტუცია და გითხრა, ვინ დაარღვია და ვინ – არა. აქამდეც მივედით და ქვეყნის შიგნით ამ ევროპარლამენტარებს მიმდევრები ჰყავთ, რომლებიც უჯერებენ მათ და მათთვის ავტორიტეტი არის რომელიღაც ევროპარლამენტარი, რომელიც განმარტავს ქართულ კონსტიტუციას, – ამის შესახებ საქართველოს პარლამენტის თავმჯდომარემ, შალვა პაპუაშვილმა გადაცემაში „იმედი LIVE“ განაცხადა.

მისი თქმით, უმრავლესობის ოპონენტებს, ქართველობა და ევროპელობა შეუთავსებელი ჰგონიათ.

„ისინი ფიქრობენ, რომ ქართული კონსტიტუცია, ქართული მართლწესრიგი ყველაფერი მეორეხარისხოვანია იმასთან შედარებით, რას იტყვის ესა თუ ის პოლიტიკოსი. ჩვენ ევროკავშირის წევრობა ხომ არ გვინდა როგორც რაღაც ამორფულ, უსახურ ქვეყანას, რომელიც იქნება აწყობილი მარტო ევრორეგულაციებზე. არც ევროკავშირს არ სჭირდება ისეთი ქვეყანა, რომელიც სტერილურია საკუთარი იდენტობისგან. ჩვენ ევროკავშირი გვინდა ჩვენი კონსტიტუციით და ევროკავშირს ვუნდივართ ჩვენი კონსტიტუციითა და ადათ-წესებით“, – აღნიშნა შალვა პაპუაშვილმა.

საქართველოს საელჩო ბრიუსელში, ავსტრიის რესპუბლიკაში მყოფ საქართველოს მოქალაქეებს აფრთხილებს.

,,გაცნობებთ, რომ ავსტრიის რესპუბლიკის ფედერალურმა მთავრობამ ავსტრიის მთელ ტერიტორიაზე საფრთხის დონე მეოთხემდე ასწია.

ამ დროისთვის, მთელი ქვეყნის მასშტაბით, საფრთხის მე-4 დონეა გამოცხადებული, რაც გულისხმობს, რომ მოქალაქეებს კვლავ მოეთხოვებათ მაქსიმალური სიფრთხილის გამოჩენა, და რეკომენდაციისამებრ, ხალხმრავალი თავშეყრის ადგილებში შეკრებისგან თავის შეკავება.

ინფორმაცია განახლდება ავსტრიის რესპუბლიკის ფედერალური მთავრობის მიერ განხორციელებული ღონისძიებების შესაბამისად”, – ნათქვამია განცხადებაში.

დღეს საქართველოს პარლამენტის ტრიბუნასთან იდგა ადამიანი, რომელიც მე-17 საუკუნის საფრანგეთის მეფის, ლუი მეთოთხმეტის პათოსით გვეუბნებოდა, რომ სახელმწიფო არის არა კონსტიტუცია, არა პარლამენტი, არა მთავრობა, არა სასამართლო, არა ხალხი, არამედ ამბობდა: სახელმწიფო ვარ მე, – ამის შესახებ შალვა პაპუაშვილმა გადაცემაში „იმედი LIVE“ განაცხადა. პარლამენტის თავმჯდომარის შეფასებით, ეს არის დემოკრატიის იდეის უპატივცემულობა.

„არ ვიცი რით არის ეს განპირობებული, მაგრამ აბსოლუტური უპატივცემულობა გამოავლინა [პრეზიდენტმა], მათ შორის დღესაც, პარლამენტის მიმართ, როდესაც უარი თქვა კითხვებზე გაეცა პასუხი. ეს კითხვები დეპუტატების კითხვები კი არ არის. პარლამენტში სხედან ქართველი ხალხის მიერ არჩეული ადამიანები, ქართველი ხალხის წარმომადგენლები. ეს კითხვები პარლამენტის სხდომათა დარბაზში ისმევა ქართველი ხალხის სახელით და პასუხები ეცემა ქართველი ხალხის მიერ დასმულ კითხვებს. დღეს საქართველოს პრეზიდენტმა უარი განაცხადა ქართველი ხალხის კითხვებზე გაეცა პასუხი, – განაცხადა პაპუაშვილმა.

„როდესაც ზვიად გამსახურდიას ხელისუფლების დამხობას მიესალმება რუსული ძალების მიერ, ეს ყველაფერი არის რუსული საქმე…“,  – ამის შესახებ სევდია უგრეხელიძემ მედიასთან  საქართველოს პრეზიდენტ სალომე ზურაბიშვილზე საუბრისას განაცხადა.

„როდესაც რუსულ უპილოტო თვითმფრინავის ჩამოგდებას საქართველოს აბრალებს, როდესაც ომის დაწყებას საქართველოს აბრალებს, ამას აგენტობა არ სჭირდება. ეს არის თავისთავად რუსული ინტერესების გატარება. როდესაც მიესალმება ზვიად გამსახურდიას ხელისუფლების დამხობას რუსული ძალების მიერ და კიტოვანის, კრიმინალური ბანდების მიერ, ეს ყველაფერი არის რუსული საქმე. ის რატომ აკეთებდა ამას, აგენტი იყო თუ არ იყო, ამას მე ვერ გეტყვით. მე ვფიქრობ, რომ სალომე ზურაბიშვილი პირველ რიგში, ის არ არის, პოლიტიკოსი… გარდა ამისა, ის არის ძალიან სუბიექტური ადამიანი, რომელიც პირადი სიძულვილის გამო, მაგ: სააკაშვილის და ხელისუფლების გარკვეული პირების მიმართ, მას შეუძლია, რომ საქართველოს ავნოს“, – განაცხადა სევდია უგრეხელიძემ.