აშშ-ის სახაზინო დეპარტამენტი აცხადებს, რომ შეერთებული შტატები „ჰამასის“ ათ მთავარ წევრს სანქციებს უწესებს.
„ეს პირები მხარს უჭერდნენ „ჰამასსა“ და სხვა ტერორისტულ ორგანიზაციებს, რაც საშუალებას აძლევდა „ჰამასს“, განეხორციელებინა თავისი სასტიკი ტერორიზმი, როგორიცაა თავდასხმა ისრაელზე“, – ნათქვამია სახაზინო დეპარტამენტის განცხადებაში.
მათივე განმარტებით, სანქციები მიმართულია „ჰამასის“ ტერორისტებისა და მათი მხარდამჭერი ქსელისკენ და არა პალესტინელებისკენ.
„ჩვენ გავაგრძელებთ გადავდგათ ყველა საჭირო ნაბიჯი იმისთვის, რომ „ჰამასის“ ტერორისტებს აღარ ჰქონდეთ შესაძლებლობა შეაგროვონ და გამოიყენონ თანხები სისასტიკის განსახორციელებლად და ისრაელის მოსახლეობის დასატერორებლად“, – განაცხადა აშშ-ის სახაზინო მდივანმა ჯანეტ იელენმა.
ერთ-ერთი სანქცირებულია აიმან ნოფალი, ჰამასის მეთაური, რომელიც მიმდინარე კვირის დასაწყისში ისრაელის საჰაერო იერიშების შედეგად დაიღუპა.
