საქართველოს პარლამენტის წინ აღმართულია ეროვნული დროშა და ევროკავშირის დროშა. თუ ვინმე ეძებს დროშას, თვალები გაახილოს და დაინახავს, – ამის შესახებ საქართველოს პარლამენტის თავმჯდომარე შალვა პაპუაშვილმა განაცხადა.

მისივე თქმით, რაც შეეხება 26 მაისთან დაკავშირებით დეკორაციებს, დეკორაციები ყოველ წელს თემატურია. ამასთან, შალვა პაპუაშვილი ამბობს, რომ რადიკალურმა ოპოზიციამ, ასევე არასამთავრობო ორგანიზაციებმა ქართველ ხალხს ეროვნული დღესასწაულის აღნიშვნა უნდა აცადონ.

„კიდევ უფრო მეტად იმედგამაცრუებელია, რომ ვნახე, ამ საკითხში, თუ მათ შორის, დეზინფორმაციულ პროპაგანდაში ჩართული არიან არასამთავრობო ორგანიზაციები. რამდენჯერ უნდა ითქვას ამაზე, ხვალ არის საქართველოს ეროვნული დღესასწაული და ორგანიზაციები, რომლებზეც იხარჯება უცხო ქვეყნის ფული, ორგანიზაციები, რომლებშიც დონორები ხარჯავენ ფულს, დგანან ახლა და საქართველოს ეროვნულ დღესასწაულთან დაკავშირებით ასეთ ისტერიას მართავენ. შემდეგ იმ დონორების, თუ იმ საელჩოების წარმომადგენლები ხვალ ტრიბუნებზე ისხდებიან და თავად აღლუმში მიიღებენ მონაწილეობას, პარალელურად, მათი დაფინანსებული „ენჯეოები“ ისტერიკას მოაწყობენ ამ საკითხთან დაკავშირებით. ეს არის სწორედ ის დამოკიდებულება, რომელიც ადასტურებს ქვეყნის არაკეთილსინდისიერ დახმარებას. უცხო ქვეყნის ფული და უცხო ქვეყნის მოქალაქეების ფული არ უნდა იხარჯებოდეს იმაში, რომ მასპინძელი ქვეყნის მოქალაქეებს ჩააშხამონ ეროვნული დღესასწაული. ამიტომ, კიდევ ერთხელ, თავად იცით, რომ თემა არასერიოზულია. ამასთან დაკავშირებით მთავრობის ადმინისტრაციამ გააკეთა განმარტება. ჩამოხსნა, არ ჩამოხსნა, საქართველოს პარლამენტის წინ აღმართულია ორი დროშა – საქართველოს ეროვნული დროშა და ევროკავშირის დროშა. თუკი ვინმე ეძებს დროშას, თვალები გაახილოს და დაინახავს ამ დროშას.

რაც შეეხება დეკორაციებს, დეკორაციები ყოველ წელს თემატურია და შეესაბამება თემატიკას. თუკი ვინმეს ელეთმელეთი ემართება ქართული დროშის დანახვაზე, დაჯდეს სახლში, იჯდეს მშვიდად სახლში და 26 მაისს საერთოდ ნუ გამოვა ქუჩაში, რადგან საქართველოს ძალიან ბევრ დროშას დაინახავს საქართველოს ქუჩებში. კიდევ ერთხელ, მივმართავ ყველას, განსაკუთრებით, მოქალაქეებს, ხედავენ, რომ ჩვენს ოპოზიციას, არასამთავრობო ორგანიზაციებს აქვთ ერთადერთი მიზანი, რამე მოიფიქრონ, რომ არიონ, ხალხს ნერვები მოუშალონ, ცუდ განწყობაზე დააყენონ. ხვალ გვაქვს უდიდესი ზეიმი, ჩვენი დამოუკიდებლობის დღე, ადამიანები, რომლებიც ასაკიდან გამომდინარე მოესწრნენ ამ დღეს, დღეს, როდესაც ჩვენ დამოუკიდებლობა გამოვაცხადეთ, ასაკოვან ადამიანებს ერთი ემოციური კავშირი აქვთ ამასთან, ჩვენი ახალგაზრდობისთვის, რომლებიც იმიტომ რომ დაბადებული არ იყვნენ ან პატარები იყვნენ, თავის დროზე ვერ იზეიმეს ეს დღე, ახლა ზეიმობენ. აცადონ ქართველ ხალხს საკუთარი ეროვნული დღესასწაულის აღნიშვნა, აცადოს, როგორც ჩვენმა რადიკალურმა ოპოზიციამ, ასევე იმ „ენჯეოებმა“, რომლებმაც არ იციან, სად წაიღონ უცხოური ფული და ნაცვლად იმისა, რომ ნერვები უშალონ საკუთარ მოქალაქეებს, დასხდნენ თავიანთ ოფისებში, დასხდნენ საკუთარ სახლებში, თუ არ სიამოვნებთ საკუთარი დროშის დანახვა, იყვნენ სახლში. კიდევ ერთხელ, ხვალ იქნება ძალიან ბევრი ქართული დროშა, საქართველოს, თბილისისა და სხვა ქალაქების ქუჩებში“, – განაცხადა შალვა პაპუაშვილმა.

საქართველო უზრუნველყოფს სანქციების გვერდის ავლა ქვეყნის ტერიტორიის გამოყენებით არ მოხდეს და ამაში კეთილსინდისიერია 100%-ით , – ასე გამოეხმაურა საქართველოს პარლამენტის თავმჯდომარემ, შალვა პაპუაშვილმა რუსული მედიის მიერ გავრცელებულ ინფორმაციას, რომ Georgian Airways რუსეთის მოქალაქეებისთვის ევროპის მიმართულებით ტრანზიტულ ფრენებს იწყებს.

მისივე თქმით, საქართველოს ხელისუფლების მთავარი პრინციპია სანქციები არ დაირღვეს და სანქციების გვერდის ავლა არ მოხდეს.

„ჩვენთვის ისევე, როგორც სხვა ქვეყნებისთვის მისაღებია ისეთი მდგომარეობა, თუკი სანქციების გვერდის ავლა არ მოხდება. ეს არის მთავარი პრინციპი. ყველა, ჩვენ ამ საკითხს უნდა შევხედოთ ამ პრიზმით, ხომ არ არის რისკი სანქციების გვერდის ავლა მოხდეს. თუკი არის რისკი და თუკი შეიძლება სანქციების გვერდის ავლა მოხდეს, ასეთი რამ არ განხორციელდება.

ამასთან დაკავშირებით, გუშინ მე შევხდი ნატოს გენერალური მდივნის წარმოამადგენელს. კიდევ ერთხელ ნატოს გენერალური მდივნის წარმომადგენლის მეირ ხაზი გაესვა, რომ საქართველოდან ორმხრივი სანქციების დაწესებას არ ითხოვს. ეს არის მთავარი საკითხი და ჩვენ და ჩვენი პარტნიორები ვთანხმდებით ორ რამეზე: ერთი, რომ საქართველო უზრუნველყოფს სანქციების გვერდის ავლა საქართველოს ტერიტორიის გამოყენებით არ მოხდეს და ამაში საქართველოს კეთილსინდისიერია 100%-ით, არცერთი ასეთი შემთხვევა არ ყოფილა. მეორე, ჩვენ არავინ არ გვთოხვს ორმხრივი სანქციები დავაწესოთ, გარდა ჩვენი ოპოზიციისა და „ენჯეოს“ ზოგიერთი წარმომადგენლისა. მთავარი პრინციპი არის სანქციები არ დაირღვეს და სანქციების გვერდის ავლა არ მოხდეს.

სანქციების გვერდის ავლის საფრთხე არსებობს 2022 წლის 24 თებერვლიდან, როდესაც სანქციების დაწესება ევროკავშირმა და სხვა ასეთმა სტრუქტურებმა დაიწყო, ეს საფრთხე, რა თქმა უნდა, არსებობს. ერთ წელზე მეტია საქართველოს ხელისუფლება რას აკეთებს? – რომ ამ საფრთხის რეალიზება არ მოხდეს“, – განაცხადა პაპუაშვილმა.