რუსეთის პრეზიდენტი ვლადიმერ პუტინი აცხადებს, რომ გაკვირვებულია იმ რეაქციით, რომელიც საქართველოსთან სავიზო რეჟიმის გაუქმებას მოჰყვა.

რუსული მედიის ცნობით, ამის შესახებ პუტინმა რუსული საზოგადობრივი ორგანიზაციის „საქმიანი რუსეთის“ წევრებთან შეხვედრისას განაცხადა.

„ჩემთვის სრულიად მოულოდნელი იყო ის რეაქცია, რომელიც ამას მოჰყვა. ვფიქრობდი, ყველა იტყოდა – მადლობა, კარგია. არა, იქ ამ საკითხზე სრულიად გაუგებარი აურზაური ატყდა. ძალიან უცნაურია. უბრალოდ, გულწრფელად რომ ვთქვა, მოულოდნელია. გვერდიდან რომ ვუყურებ, ვფიქრობ, ნუთუ სულ გაგიჟდნენ? რა ხდება იქ მათთან, გაუგებარია“, – განაცხადა რუსეთის პრეზიდენტმა.

რუსეთის პრეზიდენტმა განმარტა, რომ საქართველოსთან სავიზო რეჟიმის გაუქმების გადაწყვეტილება მათ შორის შვებულებების სეზონის მოახლოების გათვალისწინებით მიიღო. მისი თქმით, მას სურდა, მხარი დაეჭირა იმ ადამიანებისთვის, რომლებიც თავად საქართველოში მიისწრაფვიან რუსეთთან ნორმალური ურთიერთობების შენებისკენ, ასევე რუსული ბიზნესისა და მოქალაქეებისთვის, რომლებსაც უყვართ მეზობელი ქვეყანა.

„ჩვენ მზად ვართ, გზის ჩვენი ნაწილი გავიაროთ, როგორც უკვე ვთქვი, ვდგამთ შემხვედრ ნაბიჯებს და მომავალშიც გავაგრძელებთ იმის მიხედვით, როგორი რეაგირება ექნებათ ამაზე ჩვენს პარტნიორებს“, – განაცხადა პუტინმა.

რუსეთის პრეზიდენტის განცხადებით, საქართველომ თავად უნდა გადაწყვიტოს, როგორ განვითარდეს და რომელ გზას გაჰყვეს.

ირაკლი კობახიძის არ დასწრებას დამოუკიდებლობის დღის ოფიციალურ ღონისძიებაზე აქვს ორი მიზეზი – ეს იყო გზავნილი ჩვენი დასავლელი პარტნიორებისთვის და კრემლისთვის, რომ მას არ აინტერესებს საქართველოს დამოუკიდებლობის დღე და მეორე – ეს იყო საბოტაჟი ირაკლი ღარიბაშვილის წინააღმდეგ, – ამის შესახებ „ერთიანი ნაციონალური მოძრაობის“ თავმჯდომარემ, ლევან ხაბეიშვილმა განაცხადა, რითაც საქართველოს დამოუკიდებლობის დღისადმი მიძღვნილ ოფიციალურ ღონისძიებაზე „ქართული ოცნების“ თავმჯდომარის, ირაკლი კობახიძის არ დასწრებას გამოეხმაურა.

მისი განცხადებით, ირაკლი კობახიძესა და ირაკლი ღარიბაშვილს შორის დაპირისპირება გადადის „უმწვავეს რეჟიმში“.

„ცივილიზებულმა სამყარომ, დასავლელმა პარტნიორებმა საქართველოს დამოუკიდებლობის დღე მიულოცეს. არის კრემლის, პუტინის რუსეთი, რომელმაც არც მიულოცა, არც აღიარებს ქვეყნის დამოუკიდებლობას და ზუსტად, ასე იქცევა მმართველი პარტიის ხელმძღვანელი, ვგულისხმობ ირაკლი კობახიძეს, რომელსაც არ აინტერესებს დამოუკიდებლობის დღე და არც გამოცხადებულა ოფიციალურ ღონისძიებაზე.

გარდა იმისა, რომ აბსოლუტურად რუსულია მისი დამოკიდებულება დამოუკიდებლობის დღისადმი, წარმოუდგენელია მმართველი პარტიის, პარლამენტის წევრი, უმრავლესობის ლიდერი არ იღებდეს მონაწილეობას ასეთ ოფიციალურ ღონისძიებაში, ეს არის გზავნილი ჩვენი ქვეყნის მოსახლეობისთვის, ჩვენი დასავლელი პარტნიორებისთვის, კრემლისთვის, რომ მას არ აინტერესებს დამოუკიდებელი საქართველო.

მეორე მნიშვნელოვანი ფაქტორი, ირაკლი კობახიძეს და ირაკლი ღარიბაშვილს აქვთ დაპირისპირება ერთმანეთთან, ვერ იყოფენ პრემიერ-მინისტრის სკამს, ვერ იყოფენ ბიძინა ივანიშვილის სკამზე ვინ უფრო მოურავი იქნება და ეს იყო ერთგვარი საბოტაჟი ირაკლი ღარიბაშვილის წინააღმდეგ. ასე ძიძგნიან ჩვენს ქვეყანას, ვერ იყოფენ თანამდებობებს, მილიონებს, კორუფციულ სისტემებს, რომლებიც მრავლად არის „ქართულ ოცნებაში“. ეს იყო გზავნილი ასევე ბიძინა ივანიშვილისთვის, რომ ის არ დაემორჩილება ირაკლი ღარიბაშვილს.

საბოლოო ჯამში, ეს დაპირისპირება გადადის უმწვავეს რეჟიმში, თუმცა საქართველოს მოქალაქეებმა კარგად უნდა გავიგოთ, რომ ჩვენ ეს ყველა რუსი და კრემლიდან მართული აგენტურა გვყავს გასაგდები კინწისკვრით, რათა გავაგრძელოთ ჩვენი დამოუკიდებელი სახელმწიფოს განვითარება და ევროატლანტიკურ სტრუქტურებში გაერთიანება”, – განაცხადა ლევან ხაბეიშვილმა.

პრეზიდენტის განცხადებით, ევროპარლამენტში სიტყვით გამოსვლისას, ბრიუსელში მისი მთავარი სათქმელი იქნება – „ჩვენი ევროპული მომავალი”. ამის შესახებ მან ჟურნალისტებთან რუსთაველის გამზირზე განაცხადა.

კითხვაზე, რა იქნება თქვენი მთავარი მესიჯი ბრიუსელში ვიზიტისას, სალომე ზურაბიშვილი პასუხობს – “ჩვენი ევროპული მომავალი”.

პრეზიდენტმა ასევე უპასუხა კითხვას, თავისუფლების მოედანზე, დამოუკიდებლობის დღის აღსანიშნავ ღონისძიებაზე მომხდარ ინციდენტთან დაკავშირებით, რა დროსაც, გავრცელებული ინფორმაციით, პარლამენტის დეპუტატმა ირაკლი ქადაგიშვილმა პრეზიდენტს მოღალატე უწოდა.

„არანაირი რეპლიკა არ მაინტერესებს,”- აცხადებს სალომე ზურაბიშვილი.

კითხვაზე, შეხვედრია თუ არა ირაკლი ქადაგიშვილს, პრეზიდენტი პასუხობს: “კი და ძალიან კარგი ურთიერთობა გვქონია.”

გარდა ამისა, სალომე ზურაბიშვილმა უპასუხა პრეზიდენტის ადმინისტრაციასთან, “მთავარი არხის” გენერალური დირექტორის, ნიკა გვარამიას გათავისუფლების მოთხოვნით ხვალ დაგეგმილ აქციასთან დაკავშირებულ კითხვასაც. პრეზიდენტის პასუხი გვარამიას საკითხზე ასეთია: „პოზიცია არის ის, რომ თავისუფლება არის მთავარი”.