12-პუნქტიან გეგმაში, როდესაც პერსონალურ მონაცემთა დაცვის ინსტიტუტის ზოგადად გაძლიერებაზეა ერთ-ერთი რეკომენდაცია და ამ თვალსაზრისით 12 პუნქტს პირდაპირ უკავშირდება და ასრულებს ეს საკანონმდებლო ინიციატივა ამ შემთხვევაში, მიუხედავად ამისა ნულოვანი იყო თავიდან ბოლომდე ოპოზიციის ჩართულობა, მონაწილეობა და ინტერესი საზოგადოდ ამ საკანონმდებლო ინიციატივასთან მიმართებით“-ამის შესახებ პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე მიხეილ სარჯველაძემ, პერსონალურ მონაცემთა დაცვის შესახებ კანონში ცვლილებების მეორე მოსმენისას განაცხადა.

მიხეილ სარჯველაძის განცხადებით, ეს კარგად წარმოაჩენს იმ დამოკიდებულებას ,რომელიც ოპოზიციას ევრორეკომენდაციების შესრულებასთან მიმართებით აქვს „სამწუხაროდ მიუხედავად იმისა, რაოდენ დიდია თავისთავად მნიშვნელობა და ღირებულება ამ საკანონმდებლო აქტის, რომელსაც ვიღებთ ახლა , რადგან თავისი შინაარსით ეს არის კანონპროექტი , რომელიც წლებია ელოდება დღის სინათლეს და მათ შორის ძირითადი მოტივი, რის გამოც იცვლება დღეს მოქმედი კანონი ამ ახლით გახლავთ ის , რომ ევროპული რეკომენდაციების არა, ევროპული დირექტივის მოთხოვნები შესრულდეს, რომელიც მსხვილი ნაწილია ასოციაციების შეთანხმების და ასოციების დღის წესრიგის . მიუხედავად იმისა რომ ასეთი დიდია ამ დოკუმენტის მნიშვნელობა , რასაც ასევე ზრდის ის გარემოებაც, რომ მაგალითად 12-პუნქტიან გეგმაში, როდესაც პერსონალურ მონაცემთა დაცვის ინსტიტუტის ზოგადად გაძლიერებაზეა ერთ-ერთი რეკომენდაცია და ამ თვალსაზრისით 12 პუნქტს პირდაპირ უკავშირდება და ასრულებს ეს საკანონმდებლო ინიციატივა ამ შემთხვევაში, მიუხედავად ამისა ნულოვანი იყო თავიდან ბოლომდე ოპოზიციის ჩართულობა მონაწილეობა და ინტერესი საზოგადოდ ამ საკანონმდებლო ინიციატივასთან მიმართებით.

ეს კარგად წარმოაჩენს ჩემი აზრით იმ დამოკიდებულებას რომელიც ზოგადად ოპოზიციას სამწუხაროდ აქვს , მათ შორის ევრორეკომენდაციების შესრულების და ევროინტეგრაციის პროცესთან მიმართებით“ მიხეილ სარჯველაძის განცხადებით, დიდი მნიშვნელობის და მოცულობის საკანონმდებლო რეგულაციების მიუხედავად, სამწუხაროდ ოპოზიციის ყურადღების მიქცევა ვერ შეძლეს. „თუ რამეზე ხელის მოთბობის უნარი არ აქვთ და პოტენციალი არ აქვთ ასეთ შემთხვევაში მათთვის საკითხი, მიუხედავად იმისა რომ ეს შეიძლება განსაკუთრებული მნიშვნელობის და ინტერესის საგანი იყოს, მათთვის ეს საინტერესო არ ხდება. არადა ეს არის ძალიან საინტერესო, დაწყებული ისეთი საკითხის მოწესრიგებით, როგორიც არის მესიჯების ავტომატურად მოსვლა ,არ მოსვლა , დამთავრებული მაგალითად უსაფრთხოების საკითხებით, მათ შორის მონაცემთა ბაზებისა. მიუხედავად ამ დიდი მნიშვნელობის და დიდი მოცულობის საკანონმდებლო რეგულაციების , სამწუხაროდ ოპოზიციის ყურადღება ვერაფრით ვერ მივიქციეთ“,- განაცხადა მიხეილ სარჯველაძემ.

„ბატონმა სულეიმან სოილუმ ბრძანა: „ლაჩრები გვიწოდეთ, თუ არ გავანადგურებთ ყველას, ვინც ამ ქვეყანას ავნებს, მათ შორის ამერიკულ ჯარებს,“ – ამის შესახებ „ხალხის ძალის“ წევრმა, დავით ქართველიშვილმა, სოციალურ ქსელში დაწერა. მან სულეიმან სოილუს საკმაოდ თამამი განცხადების ციტირებამდე ყურადღება გაამახვილა იმაზე, რომ თურქეთი გახლავთ NATO-ს წევრი და EU-ს წევრობის კანდიდატი ქვეყანა.

„Говорит Анкара!“ საინტერესო ციტატა მინდა, მოვიყვანო თურქეთში გამარჯვებული პრეზიდენტის მხარდამჭერი მიტინგიდან. ციტატა ეკუთვნის NATO-ს წევრი და EU-ს წევრობის კანდიდატის სტატუსის მქონე ქვეყნის შინაგან საქმეთა მინისტრს. ბატონმა სულეიმან სოილუმ ბრძანა: „ლაჩრები გვიწოდეთ, თუ არ გავანადგურებთ ყველას, ვინც ამ ქვეყანას ავნებს, მათ შორის ამერიკულ ჯარებს. მომდევნო 5 წლის განმავლობაში თურქეთს ასეთი შესაძლებლობა პირველად გაუჩნდა. ჩვენ პირველად გამოვიჭირეთ დასავლეთი სუსტ მდგომარეობაში. პირველად დავიჭირეთ ამერიკა ასეთ მდგომარეობაში. პირველად 100 წლის განმავლობაში ჩვენ ისინი რეჯეფ თაიფ ერდოღანთან ერთად დავიჭირეთ. ალაჰის ნებითა და წყალობით, ჩვენ ახლა ყველაზე ძლიერ პერიოდში ვართ ბოლო 300 წლის განმავლობაში. ხვალინდელი დღე, დემოკრატიის ძალით, ხალხის ძალაუფლებით, იქნება გარდამტეხი მომენტი დასავლური ძალების ჩაგვრისა და მათი ბოროტი საქმეებისაგან მსოფლიოს გადარჩენაში,“ – წერს დავით ქართველიშვილი.

„ერთია, რომ საუბრობდნენ, რუსეთი რამენაირად იზოლაციაში მოვაქციოთო და სინამდვილეში, რუსეთთან ურთიერთობით დახურულ კარს მიღმა ყველა ქვეყანა საკუთარ სარგებელს ნახულობს. თურმე საქართველო უნდა ყოფილიყო რუსეთის იზოლაციაში მომქცევი, რაც სინამდვილეში, საქართველოს აქეთ მოაქცევდა იზოლაციაში და გახდიდა მათხოვრად, რომ კვარტლიდან კვარტლამდე იქნებ რამე გრანტი გადმოერიცხათ“, – ამის შესახებ გადაცემა „პოლიტიკურ პოსტში“ „ხალხის ძალის“ წევრმა და ანალიტიკოსმა ზურაბ ქადაგიძემ განაცხადა.

მისი თქმით, საერთაშორისო შეფასებების მიხედვით, საქართველო მოწინავეა და ევროკავშირის წევრ გარკვეულ ქვეყნებს უსწრებს, რაც პრემიერ ირაკლი ღარიბაშვილის დამსახურებაა, რადგან მან პირდაპირ განაცხადა, რომ არანაირად ჩაჯდებოდა იმ პოლიტკონიუნქტურაში, რომელიც თითქოსდა სრულ იზოლაციაში აქცევდა რუსეთს, სინამდვილეში კი აღმოჩნდა, რომ რუსეთი ევროკავშირისგან დღიურად 700 მილიონ ევრომდე შემოსავალს იღებს.

„როდის დაიწყო გადაკვეთა საქართველოსა და დასავლეთის აქტორებს შორის? მაშინ, როდესაც გარკვეულწილად დასავლეთმა აიღო გლობალური პოლიტკონიუნქტურის ხაზი და ამ პოლიტკონიუნქტურაში საქართველო არ ჩაჯდა. ღვთის წყალობით, ქვეყანას მართლა ჰყავს ხელისუფალი, რომელიც პასუხისმგებელია არა მარტო საკუთარ ინტერესებზე, არამედ – საზოგადოების ინტერესებზე. ხელისუფლებამ აირჩია ეროვნული სტრატეგია და ინტერესები, როცა რუსეთთან მიმართებით ხუთასამდე საერთაშორისო რეზოლუციას შეუერთდა; თუნდაც ჰააგის თემაში საქართველო ერთ-ერთი მოწინავე და ინიციატორი იყო; ფინანსურ საკითხებში ყველანაირად შეუერთდა სანქციებს, მაგრამ პრემიერმა ირაკლი ღარიბაშვილმა პირდაპირ განაცხადა, რომ საქართველოს საზოგადოების ეროვნული ინტერესებიდან გამომდინარე და ქვეყნის ეკონომიკური მდგომარეობიდან გამომდინარე, ეკონომიკურ სანქციებში ვერ ჩავერთვებითო.

ამან შედეგი მოიტანა ის, რომ არარეალური, უპრეცედენტოდ მაღალი ეკონომიკური მოგება ნახა ქვეყანამ. დღეს, თუნდაც საერთაშორისო შეფასებებს რომ გადავხედოთ, საქართველო მოწინავეა და მთელ ევროპას თუ არა, ევროკავშირის წევრ გარკვეულ ქვეყნებს უსწრებს – ახლო აღმოსავლეთში პირველია, რეგიონში პირველია და აზიის არაერთ ქვეყანას უსწრებს. ეს მოიტანა იმან, რომ პრემიერმა ღარიბაშვილმა პირდაპირ განაცხადა, რომ არანაირად ჩაჯდებოდა იმ პოლიტკონიუნქტურაში, რომელიც თითქოსდა სრულ იზოლაციაში აქცევდა რუსეთს, სინამდვილეში კი აღმოჩნდა, რომ დღიურად 700 მილიონ ევრომდე შემოსავალს იღებს რუსეთი ევროკავშირისგან. არ დაგვავიწყდეს, რომ საქართველოს წლიური ეკონომიკური მოგება, რაც რუსეთისგან აქვს, იგივეა, რასაც რუსეთი ოთხ დღეში იღებს ევროკავშირისგან. ამავდროულად, როცა საუბრობდნენ, რომ თითქოს რუსეთისგან ნავთობპროდუქტებს არ მიიღებდნენ – ევროკავშირი მაინც იღებს მას გადამუშავებული სახით მესამე ქვეყნებიდან; ასევე, დღემდე მიეწოდებათ ბუნებრივი აირი რუსეთიდან, თან უკრაინის გავლით და ა.შ. ამ ორმაგი სტანდარტის პოლიტკონიუნქტურაში არ ჩაჯდა საქართველო.

ანუ, ერთია, რომ საუბრობდნენ, რუსეთი რამენაირად იზოლაციაში მოვაქციოთო და სინამდვილეში, რუსეთთან ურთიერთობით დახურულ კარს მიღმა ყველა ქვეყანა საკუთარ სარგებელს ნახულობს და თურმე საქართველო უნდა ყოფილიყო რუსეთის იზოლაციაში მომქცევი, რაც სინამდვილეში, საქართველოს აქეთ მოაქცევდა იზოლაციაში და გახდიდა მათხოვრად, რომ კვარტლიდან კვარტლამდე იქნებ რამე გრანტი გადმოერიცხათ. სწორედ ამ ორმაგ სტანდარტებზე ისაუბრა პრემიერმა“, – განაცხადა ზურაბ ქადაგიძემ.