12 ივნისს, რუსთაველის თეატრში შეიკრიბება საზოგადოება და დავიწყებთ ორგანიზებული ძალის შექმნას, რომელიც ამ ყველაფერს, რასაც ქართული საზოგადოება წლებია, თვალს ადევნებს, ქმედით და ეფექტურ წინააღმდეგობას გაუწევს. ეს იქნება კონსერვატიული გაერთიანება, კავშირი „საქართველო უპირველეს ყოვლისა, – ამის შესახებ კონსერვატიული პორტალის „საქართველო უპირველეს ყოვლისა“ დამფუძნებელმა, ვატო შაქარიშვილმა „იმედის“ ეთერში განაცხადა.

მისი თქმით, ეს იქნება ფართო საზოგადოებრივი მოძრაობა, რომელიც გაერთიანებული იქნება კონკრეტული ღირებულებათა სისტემის გარშემო და პირველ რიგში იმ გამოწვევების, იმ დესტრუქციის, ამ ქვეყნის არევის გამუდმებული მცდელობების წინააღმდეგ. მისივე თქმით, ახალი საზოგადოებრივი მოძრაობის შექმნის იდეა უფრო საჭიროებით არის ნაკარნახევი, ვიდრე რაიმე პოლიტიკური ამოცანებით.

„შეუძლებელია ამ ყველაფრის ყურება, რასაც წლებია, ქართული საზოგადოება თვალს ადევნებს. ეს არის ამ ქვეყნის გამუდმებული რყევა, რევოლუციური სცენარების თავს მოხვევა, დესტრუქციული მოქმედებები, ლიბერალური დიქტატის დამყარების მცდელობა. ყველა წითელი ხაზი რეალურად გადაკვეთილია, აქ უკვე პოლიტიკაზე აღარ არის საქმე, წილი ნაყარია და ქართული საზოგადოება ამას მშვიდად და უმოქმედოდ ვეღარ უყურებს. შესაბამისად, 12 ივნისს, რუსთაველის თეატრში, შესანიშნავ ისტორიულ დარბაზში შეიკრიბება საზოგადოება და დავიწყებთ ისეთი ორგანიზებული ძალის შექმნას, რომელიც ამ ყველაფერს ქმედით და ეფექტურ წინააღმდეგობას გაუწევს. ეს იქნება კონსერვატიული გაერთიანება, კავშირი „საქართველო უპირველეს ყოვლისა“. ეს არ იქნება ერთი რომელიმე კონკრეტული პირის ან ჯგუფის მოძრაობა, ეს იქნება ფართო საზოგადოებრივი მოძრაობა, რომელიც გაერთიანებული იქნება კონკრეტული ღირებულებათა სისტემის გარშემო და პირველ რიგში იმ გამოწვევების, იმ დესტრუქციის, ამ ქვეყნის არევის გამუდმებული მცდელობების წინააღმდეგ, რასაც თვალს ვადევნებთ. ყველა იბრალებს და გარედანაც ამის „ლეგიტიმაციას“ ახდენენ და არქმევენ, ეს ლიდერია, ეს სამოქალაქო საზოგადოებაა და ა.შ“ – განაცხადა ვატო შაქარიშვილმა.

რაც შეეხება იმას, ვინ იქნებიან ახალი საზოგადოებრივი მოძრაობის სახეები, ვატო შაქარიშვილის თქმით, ამას ვნახავთ 12 ივნისს, რუსთაველის თეატრში, საღამოს 20:00 საათზე.

„ეს იქნება მხოლოდ საინიციატივო ჯგუფის წარდგენა, ეს არ იქნება დახურული ტიპის ორგანიზაცია, ეს იქნება წმინდად საზოგადოებრივი მოძრაობა, სადაც ჩვენ მხოლოდ ამ იდეას გავაჟღერებთ და გავხსნით კარს და შემდგომში შემოგვიერთდება დარწმუნებული ვარ, უამრავი ადამიანი. ეს იქნება ღია ღონისძიება, დასწრება თავისუფალია. ველოდებით იმ ადამიანებს, ვინც გულწრფელად დაღლილია იმ ყველაფრის ყურებით, რასაც ჩვენ თვალს ვადევნებთ, განსაკუთრებთ მას შემდეგ, რაც ამ ყველაფერმა ახალი მასშტაბი შეიძინა, ახალ ფაზაში გადავიდა, როდესაც გასული წლის 24 თებერვალს დაიწყო ომი უკრაინაში და საქართველომ მკაფიო უარი თქვა სხვისი ინტერესების გამო საკუთარი თავის განადგურებაზე, აირჩია მშვიდობის გზა და დაიწყო საკუთარი სუვერენიტეტის და ქართველი ხალხის ინტერესების დაცვა, ამის შემდეგ წამოვიდა ის „შკვალი“, რაც მოდის ქვეყნის გარედან და ქვეყნის შიგნიდან ამას ყავს უამრავი აღმსრულებელი. რეალურად ჩვენ ამას უნდა დავუპირისპიროთ ქმედითი ორგანიზებული ძალა“ – განაცხადა ვატო შაქარიშვილმა.

მისივე თქმით, ყველამ უნდა იცოდეს, რომ დღეს საქართველოს ყველაზე მეტად სჭირდება მშვიდობა, იმიტომ, რომ განვითარების გასაღები მხოლოდ და მხოლოდ მშვიდობაშია.

„ჩვენ დღეს ამის უნიკალური შანსი გვაქვს, რომ მყარად დავდგეთ ფეხზე. ვხედავთ, რომ ცდილობენ დაგვსაჯონ იმის გამო, რომ ავირჩიეთ მშვიდობა და ჩვენი ქვეყნის ინტერესების დაცვა. მაშინ, როცა ჩვენ უკანასკნელი 30 წლის განმავლობაში, შორს რომ აღარ წავიდეთ, გვითამაშია და გვივლია სხვისი დღის წესრიგით, მაგრამ რა მოგვიტანა ამ სხვისმა დღის წესრიგმა ვნახეთ – დაკარგული ტერიტორიები, უკან დახეული ქვეყანა, დაკარგული სიცოცხლე, დაკარგული დრო, შესაბამისად, ჩვენ კიდევ ერთხელ ვიტყვით მკაფიოდ, რომ აღარ ვაპირებთ სხვისი დღის წერიგით მოქმედებას, ჩვენ გვექნება ქართული დღის წესრიგი, ეს არ არის არც რუსული დღის წესრიგი, არც ამერიკული დღის წესრიგი, ეს იქნება მხოლოდ და მხოლოდ ქართული დღის წესრიგი. ლიბერალური დიქტატი ასე მოქმედებს – ქართული არის რუსული, თეთრი არის შავი, ამერიკული კანონი არის რუსული, მსხვერპლი არის მმოძალადე და ა.შ. სწორედ ამის წინააღმდეგ იქნება ეს მოძრაობა. ჩვენ ყველა ქმედებას გავცემთ ადეკვატურ პასუხს. ყველამ უნდა იცოდეს, რომ შეურაცხყოფა, ბულინგი, დედის გინება სოციალურ მედიაში, ფიზიკურად, ამ ქვეყნის მუდმივი რყევა იქნება პასუხგაცემული და ეს პასუხი იქნება ადეკვატური“, – განაცხადა ვატო შაქარიშვილმა.

განცხადება არის გამიზნულად გაკეთებული, ერთგვარი შურისძიება – მიზანია, რეპუტაციული ზიანი მიაყენოს საქართველოს და გამწვავდეს შიდა ვითარება, რომ საქართველო ესკალაციის გზით წავიდეს რუსეთთან ურთიერთობაში , – ამის შესახებ საპარლამენტო უმრავლესობის წევრმა ირაკლი ქადაგიშვილმა ჟურნალისტებთან უკრაინის პრეზიდენტის ვოლოდიმირ ზელენსკის განცხადების შეფასებისას განაცხადა.

მისი თქმით,ზელენსკის ჰქონდა მოლოდინი, რომ საქართველო საომარ მოქმედებებში იქნებოდა აქტიური, ხოლო როცა ვერ დაინახა, “დემარშები განახორციელა”.

“ზელენსკის ჰქონდა თავიდანვე არასწორი წარმოდგენა და ხედვა და დარწმუნებულო ვარ, ეს განპირობებული იყო სააკაშვილის და იქ სხვა ქართველების, თუ ძალების რწმუნებით, რომ საქართველო თუ მოხდებოდა საომარი მოქმედებები, აუცილებლად იქნებოდა აქტიური ამ პროცესში. როცა მან ეს ვერ დაინახა და გასაგებია, რომ ვერ და არ იქნებოდა ესე, მან „დემარშები“ განახორციელა. ახლაც მე მგონია, რომ სწორედ ამ დემარშის გაგრძელებასთან გვაქვს საქმე. ალბათ, მძიმე შეფასება შეიძლება ჩვენი მხრიდან ამას მიეცეს, მაგრამ როგორც ყოველთვის, ჩვენ მაინც ანგარიშს ვუწევთ უკრაინელებს იმ მძიმე ომის გამო, რომელშიც არიან. ეს არის გამიზნულად გაკეთებული განცხადება, ერთგვარი შურისძიება არის ამ მიზეზებიდან გამომდინარე და სწორედ რომ დაზიანდეს საქართველოს რეპუტაცია როცა კანდიდატის სტატუსის მონიჭების საკითხი ახლოვდება, ერთგვარ ულტიმატუმს უყენებს დასავლეთს, რომ საქართველოსთვის კანდიდატის სტატუსის მინიჭება მისთვის მიუღებელი იქნებოდა, ეს არის და ეს მიზანი აქვს ამ განცხადებას ან მეორე მხრივ ის, რომ საქართველომ უარი თქვას თავის პოლიტიკაზე და ესკალაციის გზით წავიდეს რუსეთის ფედერაციასთან.

მიზანი ერთი არის ის, რომ უნდა რეპუტაციული ზიანი მიაყენოს საქართველოს კანდიდატის სტატუსის მიცემის წინ და მეორე რამენაირად გაამწვავოს შიდა ვითარება ასეთი განცხადებების ფონზე, რომ საქართველო ესკალაციის გზით წავიდეს რუსეთთან ურთიერთობაში”, – განაცხადა ქადაგიშვილმა.

ცნობისთვის, მედიაში გავრცელებული ინფორმაციით, უკრაინის პრეზიდენტმა ვოლოდიმირ ზელენსკიმ მოლდოვის უსაფრთხოების სამიტზე განაცხადა: „ვხედავთ, რა ხდება ბელარუსში და რა ხდება საქართველოში, როგორ ჩაითრიეს ეს ქვეყნები სხვადასხვა გზით უკანონობაში“.

„ყველა ევროპული ქვეყანა, რომლის დაყოფაც რუსეთს უნდა, უნდა გახდეს ევროკავშირის და ნატო-ს წევრი“, – განაცხადა ზელენსკიმ.