“როგორც ვხედავ, სტრასბურგის გადაწყვეტილების შემდეგ „ნაციონალური მოძრაობის“ და მიხეილ სააკაშვილის გადაწყვეტილებაა, რომ 2024 წელს ისინი მართლაც გააქტიურდნენ და სააკაშვილიც გააქტიურდეს პოლიტიკურად, რათა საკუთარი ამომრჩევლის მობილიზაცია მოახდინოს – ამის შესახებ ოპოზიციონერმა დეპუტატმა, „ნაციონალური მოძრაობის“ ყოფილმა წევრმა, ხატია დეკანოიძემ განაცხადა.

დეკანოიძის თქმით, „ნაციონალური მოძრაობის“ გარშემო ვერ მოხერხდება მთელი გადაუწყვეტელი ამომრჩევლის კონსოლიდაცია”.

„„ნაციონალური მოძრაობის ორბიტაზე“ მყოფი პარტიები და პოლიტიკოსები, რომლებიც არიან ახლა „ნაციონალური მოძრაობის“ გარშემო, საუბრობენ „ნაციონალური მოძრაობის“ სახელით და არიან პარტიის ლიდერები: ქალბატონი ჩარკვიანი, ბატონი გუბაზ სანიკიძე, „სტრატეგია აღმაშენებელი“ და ა.შ. მათი ერთობა არ გამოიწვევს დამატებით ხმების მატებას „ნაციონალური მოძრაობისთვის“. ეს არის ხმები, რომელიც ეკუთვნის მიხეილ სააკაშვილს და, ჩემი აზრით, ეს ორბიტა უნდა იყოს ცალკე. აქეთა მხარეს უნდა იყოს ერთობა იმ ადამიანებისა და პოლიტიკური ძალების, ვისაც არ უნდა „ნაციონალურ მოძრაობაში“ გაერთიანება და ვისაც ესმის, რომ იმ ქვაბში ჩაყრა, როგორც ორბანმა ჩაყარა ერთ ქვაბში მთელი ოპოზიცია, არ არის გამარჯვების ფორმულა. ვფიქრობ, მნიშვნელოვანია, „ნაციონალურმა მოძრაობამ“ თავისი ამომრჩევლის კონსოლიდაცია გააკეთოს. ამაში ალბათ ხელს შეუწყობს მიხეილ სააკაშვილის აქტიურ პოლიტიკაში შემოსვლა. როგორც ვხედავ, მიხეილ სააკაშვილი შემოდის აქტიურ პოლიტიკაში. როგორც ვხედავ, სტრასბურგის გადაწყვეტილების შემდეგ „ნაციონალური მოძრაობის“ და მიხეილ სააკაშვილის გადაწყვეტილებაა, რომ 2024 წელს ისინი მართლაც გააქტიურდნენ და სააკაშვილიც გააქტიურდეს პოლიტიკურად, რათა საკუთარი ამომრჩევლის მობილიზაცია მოახდინოს, ხოლო აქეთა ფრთაზე, არ ვიცი, როგორი იქნება გადალაგება, მაგრამ, ვფიქრობ, ჩვენი ამომრჩევლისთვის კონკრეტულად რამდენიმე არჩევანის მიცემა მნიშვნელოვანია. იმავეს ვსაუბრობდი, როდესაც ვიყავი ამ პარტიაშიც. „ნაციონალური მოძრაობის“ გარშემო ვერ მოხერხდება მთელი გადაუწყვეტელი ამომრჩევლის კონსოლიდაცია“, – განაცხადა ხატია დეკანოიძემ.

ექსპერტი ირაკლი ლატარია რუსეთის დუმის დეპუტატის, კონსტანტინ ზატულინის განცხადებას აფასებს, სადაც მან აღნიშნა, რომ უმჯობესი იქნებოდა, „რუსეთი დალოდებოდა უკრაინის მხრიდან სამხედრო მოქმედებების დაწყებას და შემდეგ ეპასუხა, რაც აარიდებდა რუსეთს ფართომასშტაბიან სანქციებს”.

ლატარიას თქმით, რუსი პოლიტიკოსის ეს განცხადება კიდევ ერთხელ ადასტურებს იმ ფაქტს, რომ 2008 წელს ტერიტორიები მიხეილ სააკაშვილის შეცდომის გამო ქვეყანამ ისე დაკარგა, რომ ომიც საქართველოს დაბრალდა და მსოფლიო სავაჭრო ორგანიზაციაშიც რუსეთს დაუჭირა მხარი.

„რას ვართ გადარჩენილები, ამას თუ გადარჩენა ქვია მაგრამ მაინც… მოკლედ ზატულინმა სასწაული რამ თქვა, უნდა დაგვეცადა როდის დაიწყებდა უკრაინა ომსო და სწორედ ამის შემდეგ უნდა შეგვეტიაო და ხომ ავცდებოდით ამდენ სანქციებსო? აბა კარგად დააკვირდით რა თქვაა? …. ანუ რაც საქართველოში მოხდაო და ლეშმა სააკაშვილმა დაუშვა შეცდომაო, ის გვაწყობდა უკრაინასთანაცო…. სწორედ მოღალატე სააკაშვილის გამო დავკარგეთ ამდენი სოფელი და თან ისე დავკარგეთ, რომ ომის დაწყებაც ჩვენ დაგვბრალდა და მსოფლიო სავაჭრო ორგანიზაციაშიც ჩვენ დავუჭირეთ მხარი რუსეთს.. ამაზე დიდი ღალატი საკუთარი ქცეყნის, სადმე წაგიკითხავთ მაინც? მე – არა… აი, რა აწყობდა რეალურად რუსეთს და როგორ დაეხმარა ამ ყველაფერში ეს სამშობლოს გამყიდველები ახლა მაინც ხვდებით?“, – წერს ირაკლი ლატარია Facebook-ზე.

მე რომ რაიმე რწმენა მქონოდა ამ პარტიის თავმჯდომარეში ან იმ პროცესებში, რომელიც პარტიაში მიმდინარეობს, პარტიას არ დავტოვებდი. „ნაციონალურ მოძრაობაში“ ნამდვილად არ არის მოგების გასაღები, – ამის შესახებ ოპოზიციონერმა დეპუტატმა, „ნაციონალური მოძრაობის“ ყოფილმა წევრმა, ხატია დეკანოიძემ განაცხადა.

დეკანოიძემ კომენტარი გააკეთა „ნაციონალური მოძრაობის“ თავმჯდომარის, ლევან ხაბეიშვილის იმ განცხადებაზე, სადაც ხაბეიშვილი აღნიშნავს: „ივანიშვილის დამარცხების მთავარი გასაღები „ნაციონალურ მოძრაობას“ აქვს. ჩვენთან უნდა ისაუბროს ყველამ. მოვიდნენ და თუ უნდათ, მივეხმარებით ამ გასაღების გადამრავლებაში, რომ 5-7 პროცენტი მიიღონ, რათა ხვალ, ზეგ იყოს კოალიციური მთავრობა“.

ხატია დეკანოიძე ამბობს, რომ მოგების გასაღები არის „ნაციონალური მოძრაობის“ გარეთ სხვადასხვა ძალის კონსოლიდაციაში.

„ნაციონალურ მოძრაობაზე“ მყოფი პარტიები და ის ადამიანები, პოლიტიკოსები, რომლებიც ახლა „ნაციონალური მოძრაობის“ გარშემო არიან და „ნაციონალური მოძრაობის“ სახელით საუბრობენ, არიან პარტიის ლიდერები: ქალბატონი ჩარკვიანი, ბატონი გუბაზ სანიკიძე, „სტრატეგია აღმაშენებელი“ და ა.შ. მათი ერთობა არ გამოიწვევს დამატებით ხმების მატებას „ნაციონალური მოძრაობისთვის“. ეს არის ხმები, რომელიც ეკუთვნის მიხეილ სააკაშვილს და ჩემი აზრით, ეს ორბიტა უნდა იყოს ცალკე. აქეთა მხარეს უნდა იყოს ერთობა იმ ადამიანებისა და პოლიტიკური ძალების, ვისაც არ უნდა „ნაციონალურ მოძრაობაში“ გაერთიანება და ვისაც ესმის, რომ იმ ქვაბში ჩაყრა, როგორც ორბანმა ჩაყარა ერთ ქვაბში მთელი ოპოზიცია, არ არის გამარჯვების ფორმულა. ამიტომ ვფიქრობ, ძალიან მნიშვნელოვანია, „ნაციონალურმა მოძრაობამ“ თავისი ამომრჩევლის კონსოლიდაცია გააკეთოს“, – განაცხადა ხატია დეკანოიძემ.

დეკანოიძე აღნიშნავს, რომ „ნაციონალური მოძრაობის“ გარშემო ვერ მოხერხდება მთელი გადაუწყვეტელი ამომრჩევლის კონსოლიდაცია.

„ჩვენ გვაქვს მაგალითად, რატომ ვერ დაამარცხა ოპოზიციამ ორბანი არჩევნებზე. მემარჯვენეები, მემარცხენეები და ძალიან ბევრი სხვადასხვანაირი პარტია გაერთიანდა ერთად და ხმები, რომლებიც უნდა დამატებოდა ამ პარტიებს, ოპოზიციას – წაიღო ორბანმა. მე ამას ვუწოდებ ორბანის ქვაბს. ახლა ჩვენ გვაქვს ივანიშვილის ქვაბი, ის ამ ქვაბში წარმატებით ხარშავს ყველას, „ნაციონალური მოძრაობა“, ოპოზიცია, ზელენსკი, ევროკავშირი და ა.შ. და ახლა „ნაციონალური მოძრაობის“ გარშემო გაერთიანება ნიშნავს, რომ ეს ქვაბი გაცილებით დაცლილი იქნება, ვიდრე – ავსებული. ამიტომ ჩემი მოსაზრებით „ნაციონალურ მოძრაობაზე“ მყოფი ლიდერები და პარტიები, ვინც არია ჩარკვიანი, სანიკიძე, „სტრატეგია აღმაშენებელი“, არ ვიცი, იქ „დროას“ და „გირჩის“ გადაწყვეტილება, მაგრამ ესენი უნდა იყვნენ ამ ორბიტაზე და აქეთ მხარეს უნდა გაძლიერდეს კიდევ გადაუწყვეტელი ამომრჩევლისთვის შესაბამისი არჩევანის მიმცემი პოლიტიკური ცენტრი. ჩემი წარმოდგენით, ეს ასეა, არ ვიცი, ახლა ერთი პარტია იქნება, ორი, სამი, ოთხი, თუ ხუთი. ტექნიკური თანამშრომლობა შესაძლებელია. თქვენ იცით, რომ ბლოკები აღარ არსებობს, მაგრამ შესაძლებელია ტექნიკურად მსხვილი ცენტრი ჩამოყალიბდეს. ამაზე საუბარი ცოტა ადრეა, მაგრამ მე ვერ ვხედავ ძალიან ლოგიკურად და პრაგმატულად. ამას ვამბობდი მაშინაც, როდესაც ვიყავი „ნაციონალურ მოძარობაში“. პრაგმატულად პარტია, რომელიც უერთდება „ნაციონალურ მოძრაობას“, მისი ხმევი არ მიდის „ნაციონალურ მოძრაობაში“. ამომრჩეველს უნდა მივცეთ ორი ან სამი შეთავაზება, გამსხვილებული ცენტრები და ამის შემდეგ ვიმუშაოთ გადაუწყვეტელ ამომრჩეველზე. ყველა თუ იქნება ივანიშვილის ქვაბში, ჩემი წარმოდგენით, ეს იქნება მხოლოდ არაპრაგმატული“, – განაცხადა ხატია დეკანოიძემ.

ბოლოს მინდა ერთ საკითხზე გავაკეთო კომენტარი, ბოლო დღეებია ვუყურებ თქვენს სასოწარკვეთილ ქმედებებს, ე.წ. აჟიოტაჟი გამოიწვია ჩემმა განცხადებამ ბრატისლავაში, რომელიც კიდევ ერთხელ მინდა გავიმეორო, მე თქვი, რომ უკრაინის სურვილი, ამ დიდი ომის, ერთ-ერთი მიზეზი, ერთ-ერთი და არა ერთადერთი მიზეზი იყო უკრაინის სურვილი, რომ გამხდარიყო, თუ გახდეს ნატოს წევრი, კარგად გახსოვთ და შემდეგ ვთქვი, რომ მე არ მინდა, ციტირება მოვახდინო რუსეთის ხელისუფლების, ანუ მათი განცხადებების, კითხვა იყო თუ როგორ ფიქრობთ რატომ დაიწყო და მე ამით ვაჩვენე, ერთი, რომ უკრაინის სურვილი ჰქონდა როგორც სუვერენულ სახელმწიფოს, რომ გამხდარიყო და გახდეს ევროკავშირის ნატოს წევრი ქვეყანა და მეორე ის იყო, რომ არ მინდოდა მომეხდინა ციტირება. აქვე მინდა შეგახსენოთ ყველას, რომ მეორე დღესვე ქალბატონი ურსულა ფონ დერ ლაიენი გამოვიდა ევროკომისიის პრეზიდენტი და მან თქვა, რომ ეს ომი, ამ ომის ერთ-ერთი მთავარი მიზეზი არის ის, რომ უკრაინას აქვს სურვილი, გახდეს ევროპული ოჯახის წევრი. ახლა მე მინდა კითხვა დავუსვა აი ამ ბრძენ კრიტიკოსებს, რომელიც არ ჩერდებიან, ჯობია გაჩერდნენ, უფრო მეტის თქმა შეგვიძლია, მაგრამ არ ვამბობთ. რამდენიმე საათში ქალბატონ ურსულას გამოსვლიდან, ბატონი მაკრონი გამოვიდა, რომელმაც განაცხადა პრაქტიკულად იგივე და ცოტა უფრო მეტიც, ჩვენ მოვისმინეთ პრეზიდენტ მაკრონის განცხადება, რომ უკრაინას და საქართველოს მიეცა პერსპექტივა ნატოში გაწევრიანების, ყოველგვარი უსაფრთხოების გარანტიების გარეშე, რამაც გამოიწვია აგრესია რუსეთის, საქართველოსა და უკრაინაში, – ამის შესახებ პრემიერ-მინისტრმა, ირაკლი ღარიბაშვილმა ჟურნალისტის კითხვის პასუხად ქუთაისში განაცხადა.

მთავრობის მეთაურის თქმით, არასწორი ინტერპრეტირება, დამახინჯება და არასწორი განცდების შექმნა ემსახურება მხოლოდ და მხოლოდ ერთ მიზანს. მისივე განცხადებით, ამ რთულ სიტუაციაში ყველა ნორმალურად მოაზროვნე ადამიანმა უნდა იფიქროს მშვიდობაზე, მშვიდობის შენარჩუნებასა და სტაბილურობაზე.

„ახლა მე კითხვა მინდა დავუსვა ყველას, რატომ არ აკრიტიკებენ ბატონი მაკრონის განცხადებას, ან ქალბატონი ურსულა ფონ დერ ლაიენის განცხადებას? კითხვა სად რჩება, ჩვენ არაერთხელ მოგვისმენია, რომ იგივე ჩვენს ომთან დაკავშირებით, რომ ერთ-ერთი მთავარი მიზეზი ყოფილა ქვეყნის ევროინტეგრაცია, ეს ყველაფერი არის გამოწვეული იქიდან რომ ჩვენი ქვეყნის არაკეთილმოსურნეებს არ სურთ რეალურად ჩვენი ქვეყნის ნატოში გაწევრიანება და ჩვენი ქვეყნის ევროკავშირში გაწევრიანება.

მე ვერაფრით ვხსნი უბრალოდ ამ სიტუაციაში, რთულ, გეოპოლიტიკურ სიტუაციაში რატომ უნდა იყოს დაინტერესებული რომელიმე, ექსპერტი იქნება თუ ყოფილი მთავრობის წევრი, ნებისმიერი ქვეყნის, რატომ უნდა იყოს დაინტერესებული ამ თემის არასწორი ინტერპრეტირებით და დამახინჯებით და არასწორი განცდების შექმნით. ეს ემსახურება ერთ მიზეზს და მე ეს არაერთხელ მითქვამს, უბრალოდ მინდა თქვენთვის გავაკეთო კომენტარი. მე ღია საუბარი მქონია მათ შორის ნატოს ხელმძღვანელობასთან, მოქმედთანაც და წინასთანაც, წინა პრემიერ-მინისტრობის დროს. მათთან მქონდა პირდაპირი საუბარი, არ მინდა რომ ამ საუბრის შინაარსი გამოვიტანო, მაგრამ ბუნდოვანი იყო და დღესაც ბუნდოვანია საერთოდ, მე ვეუბნები რომ დღეს ქვეყანას ჯარი ჰყავს სრულად თავსებადი ნატოსთან. ჩვენ ამდენი ვიომეთ, ავღანეთში, ერაყში, ყველგან, სისხლი დავღვარეთ და ბოლოს შარშან კითხვის ნიშნის ქვეშ დააყენეს ქვეყნის კანდიდატის სტატუსი, მაშინ როდესაც დსთ-ს წევრ ქვეყანა მოლდოვას მისცეს კანდიდატის სტატუსი.

ამაზე თქვენ, ჩვენი ქვეყნის მოქალაქეებს და ჩვენს ამ უპასუხისმგებლო ოპოზიციას არ ჰქონდა არავითარი რეაქცია. ამაში ჩანს, როგორ იცავენ ეს ადამიანები ჩვენი ქვეყნის ინტერესებს. ამიტომ ამ სიტუაციაში და თქვენ ბოლო მინდა შეგახსენოთ, რომ მე მგონი გუშინ, თუ გუშინ წინ გავრცელდა ინფორმაცია თითქოს, ბატონმა ზელენსკიმ თქვა, რომ თუ რეალური დაპირება არ იქნება, უკრაინაც ვერ ხედავს აზრს, რომ დაესწროს ვილნიუსის სამიტზე. ეს უკრაინის პრეზიდენტის განცხადებაა. ამაზე უნდა გააკეთოთ თქვენ ეს სიუჟეტები და არა ყალბ მოგონილ ამბებზე. აი ეს იქნება ჩემი რჩევა.

ამ რთულ სიტუაციაში ჩვენს ქვეყანას უნდა ვუსურვოთ მშვიდობა, ყველა ნორმალურად მოაზროვნე ადამიანმა უნდა იფიქროს მშვიდობაზე, მშვიდობის შენარჩუნებასა და სტაბილურობაზე, ჩვენი ქვეყნის გადარჩენაზე. ყველაფერი იქნება ძალიან კარგად, მიუხედავად ძალიან ბევრი შიდა მტრების ,თუ გარე მტრების სურვილებისა“, – განაცხადა პრემიერმა.