სალომე ზურაბიშვილის პრეზიდენტობა არის კლასიკური პოლიტიკური ზიგზაგი – არამდგრადობა, არაადეკვატურობა ახირებების თანხლებით. მისი მავნებლური განცხადებები იქეთ იყოს და თავის დროზე, ელჩების დანიშვნაზეც და მისთვის მინიჭებული შეზღუდული მანდატის ფარგლებშიც გამოავლინა დროებითი, სხვა ბავშვური კაპრიზები. ამჯერად საქმე ეხება კონსტიტუციურ ინსტიტუტს – საქართველოს ეროვნული ბანკის გამართულ ფუნქციონირებას – წერს ანალიტიკოსი გია აბაშიძე.

როგორც აბაშიძე აღნიშნავს, საბჭოს წევრების არჩევის საკითხზე პრეზიდენტთან ბოლო კომუნიკაცია მმართველი გუნდის ინიციატივით გუშინ შედგა, თუმცა, სალომე ზურაბიშვილმა განაცხადა, რომ წლის ბოლომდე ის პარლამენტს არცერთ კანდიდატურას არ წარუდგენს.

„სალომე ზურაბიშვილის პრეზიდენტობა არის კლასიკური პოლიტიკური ზიგზაგი – არამდგრადობა, არაადეკვატურობა ახირებების თანხლებით.

მისი მავნებლური განცხადებები იქეთ იყოს და თავის დროზე, ელჩების დანიშვნაზეც და მისთვის მინიჭებული შეზღუდული მანდატის ფარგლებშიც გამოავლინა დროებითი, სხვა ბავშვური კაპრიზები.
ამჯერად საქმე ეხება კონსტიტუციურ ინსტიტუტს – საქართველოს ეროვნული ბანკის გამართულ ფუნქციონირებას.
კონსტიტუციის თანახმად, ეროვნული ბანკის საბჭოს წევრებს ირჩევს პარლამენტი პრეზიდენტის წარდგინებით. მმართველ გუნდსა და პრეზიდენტს შორის შესაბამისი კონსულტაციები უკვე შედგა, რის შემდეგაც საქართველოს პრეზიდენტმა დაადასტურა მზაობა, ეროვნული ბანკის საბჭოს ერთ-ერთ წევრად ლაშა ხუციშვილის კანდიდატურა წარმოედგინა. საბჭოს შემადგენლობის სულ მცირე ერთი წევრით შევსების შემდეგ, ეროვნული ბანკის პრეზიდენტის დანიშვნაც გახდებოდა შესაძლებელი.

კონსულტაციების დროს, კონკრეტული თარიღებიც დაფიქსირდა – თებერვალი, 8 მარტი და სხვ. თუმცა, პრეზიდენტმა ზურაბიშვილმა ყველა შეთანხმებული ვადა დაარღვია და მას ეროვნული ბანკის საბჭოს წევრობის კანდიდატი პარლამენტისთვის დღემდე არ წარუდგენია. ერთ-ერთი შეთანხმების თანახმად, ქალბატონი ზურაბიშვილი პარლამენტს ლაშა ხუციშვილის კანდიდატურას წარუდგენდა იმ შემთხვევაში, თუ პარლამენტი პრეზიდენტის მიერ „საქართველოს ეროვნული ბანკის შესახებ“ ორგანულ კანონზე დადებულ ვეტოს არ დაძლევდა. პარლამენტმა შეთანხმება შეასრულა და ვეტო არ დაძლია, თუმცა, სამწუხაროდ, პრეზიდენტმა პირობა ამ შემთხვევაშიც დაარღვია. საბჭოს წევრების არჩევის საკითხზე პრეზიდენტთან ბოლო კომუნიკაცია მმართველი გუნდის ინიციატივით გუშინ შედგა, თუმცა, სალომე ზურაბიშვილმა განაცხადა, რომ წლის ბოლომდე ის პარლამენტს არცერთ კანდიდატურას არ წარუდგენს.

ერთ-ერთი უმნიშვნელოვანესი კონსტიტუციური ინსტიტუტის მიმართ პრეზიდენტის ამგვარი უდიერი დამოკიდებულება მის კონსტიტუციურ პასუხისმგებლობასთან პირდაპირ წინააღმდეგობაში მოდის. მისგან განსხვავებით, “ქართული ოცნების” გუნდი ვერ დაუშვებს ინსტიტუციურ კრიზისს ვერცერთ სახელმწიფო ინსტიტუტში და იზრუნებს თითოეული კონსტიტუციური ორგანოს გამართულ ფუნქციონირებაზე. ეს არის მმართველი გუნდის პასუხისმგებლობა ჩვენი სახელმწიფოსა და ხალხის წინაშე.

ბუნებრივია, პარლამენტს მოუწევს ვეტოს დაძლევა და „საქართველოს ეროვნული ბანკის შესახებ“ ორგანულ კანონში შესატანი იმ ცვლილებების საბოლოოდ მიღება, რომლის მიზანი ეროვნული ბანკის შეუფერხებელი საქმიანობის უზრუნველყოფა იყო.

აშშ-ში, მადამ ვიცე-პრეზიდენტზე, კამალა ჰარისზე ხშირად ამბობენ, რომ საქმის კეთების ნაცვლად, ის ხუმრობს და იცინის. ჩვენს შემთხვევაში, პრეზიდენტ ზურაბიშვილზე ასე ვიტყოდი – დაკისრებული მოვალეობების შესრულების ნაცვლად, ბავშვივით ჭირვეულობს და ვერ გაუცნობიერებია საკუთარი პასუხისმგებლობა ქვეყნისა და ერის წინაშე!” – წერს აბაშიძე.

ჯერ იყო და ელჩების დანიშვნის შეფერხება, შემდეგი იყო ცსკო-ს თავჯდომარის დანიშვნა, ახლა ეროვნული ბანკი, ეს უკვე დამთხვევები არ არის, ეს მიზანმიმართული შანტაჟი და საბოტაჟია, რასაც პირნათლად ასრულებს პრეზიდენტის სავარძელში შემთხვევით მოხვედრილი უსამშობლო, უცხო ქვეყნის გავლენის აგენტი, – ასე ეხმიანება ექსპერტი ნინო ფოჩხუა „ქართული ოცნების“ პოლიტსაბჭოს განცხადებას, რომლის თანახმად, პრეზიდენტი სალომე ზურაბიშვილის ქმედებები, პრობლემებს უქმნის ეროვნული ბანკის გამართულ ფუნქციონირებას.

როგორც ფოჩხუა სოციალურ ქსელში წერს, პრეზიდენტი რომ სახელმწიფოებრივად აზროვნებდეს, არსებული რთული ვითარების ფონზე, ამგვარად არ მოიქცეოდა.

„ჯერ იყო და ელჩების დანიშვნის შეფერხება, შემდეგი იყო ცსკო-ს თავჯდომარის დანიშვნა, ახლა ეროვნული ბანკი, ეს უკვე დამთხვევები არ არის, ეს მიზანმიმართული შანტაჟი და საბოტაჟია, რასაც პირნათლად ასრულებს პრეზიდენტის სავარძელში შემთხვევით მოხვედრილი უსამშობლო, უცხო ქვეყნის გავლენის აგენტი.
ამ ქალს ბიოლოგიური სამშობლო რომ უყვარდეს, აზროვნებდეს სახელმწიფოებრივად, გრძნობდეს პასუხისმგებლობას ქვეყნის წინაშე, ამ ურთულეს დროს ასე მოიქცეოდა?
კიდევ კარგად მუშაობს ჩვენი ხელისუფლება ამდენი მტრის და აგენტის ხელში.“ – წერს ნინო ფოჩხუა.

რატომ სძულს ასე რადიკალურ ოპოზიციას, მათ მართვად სამოქალაქო სექტორს და მედიას საკუთარი ქვეყანა და ხალხი? როგორ შეიძლება, კონსტიტუციური ვალდებულება, იზრუნოს სახელმწიფოს საზღვარგარეთ მცხოვრებ თანამემამულეებზე, ჩვენს დიასპორაზე მთელს მსოფლიოში, გამოაცხადო საარჩევნო მანიპულაციად? – ასე ეხმიანება თბილისის საკრებულოს უმრავლესობის დეპუტატი, ვლადიმერ ბოჟაძე საზღვარგარეთ მცხოვრები თანამემამულეებისთვის საქართველოს მოქალაქეობის მიღების პროცედურების გამარტივებასთან დაკავშირებით მთავრობის ინიციატივას.

ბოჟაძის თქმით, რადიკალური ოპოზიცია სახელმწიფოს კონსტიტუციურ ვალდებულებას, იზრუნოს საკუთარ მოქალაქეებზე როგორც საქართველოში, ისე საზღვრებს გარეთ, რუსეთის ინტერესად აცხადებს, რისი მიზანიც ქვეყნის მაქსიმალურად დაზიანებაა.

„რატომ სძულს ასე რადიკალურ ოპოზიციას, მათ მართვად სამოქალაქო სექტორს და მედიას საკუთარი ქვეყანა და ხალხი? როგორ შეიძლება კონსტიტუციური ვალდებულება, იზრუნოს სახელმწიფოს საზღვარგარეთ მცხოვრებ თანამემამულეებზე, ჩვენს დიასპორაზე მთელს მსოფლიოში, გამოაცხადო საარჩევნო მანიპულაციად? როგორ შეიძლება გაეროს ლტოლვილთა უმაღლესი კომისარიატის (UNHCR— გაეროს სააგენტო, რომელსაც გააჩნია უფლებამოსილება დაიცვას ლტოლვილები, იძულებით გადაადგილებული და მოქალაქეობის არმქონე პირები) რეკომენდაცია და საერთაშორისო ვალდებულება რუსეთის ინტერესად გამოაცხადო? როგორ და მარტივად, რასაც დაავალებს კეზერაშვილი, მერაბიშვილი და ადეიშვილი იმას იმეორებს ომის და ღალატის პარტია, რადიკალური ოპოზიცია, მართვადი მედია, სამოქალაქო სექტორი და ა.შ. ასეთი სახის დეზინფორმაციის და ტყუილის გავრცელებას მხოლოდ 1 მიზანი აქვს – მაქსიმალურად დააზიანოს საქართველოს სახელმწიფო, ქართველი ხალხის ინტერესები, საფრთხე შეუქმნან სტაბილურობას და განვითარებას. საქართველოს ხელისუფლების კონსტიტუციური ვალდებულებაა იზრუნოს მოქალაქეებზე როგორც საქართველოში, ასე მთელ მსოფლიოში, ამ ვალდებულების უკეთ შესრულებას ემსახურება იუსტიციის სამინისტროს ინიციატივა და აუცილებლად განხორციელდება. რაც შეეხება 2024 თუ 2028 წლის საპარლამენტო არჩევნებს, ქვეყნის და ხალხის ინტერესების წინააღმდეგ მოქმედი რადიკალური ოპოზიცია – ნაციონალური მოძრაობა, ისევე დამარცხდება როგორც 2012 წლიდან ყველა დონის არჩევნებზე!“, – წერს ვლადიმერ ბოჟაძე Facebook-ზე.