ვერძი

კარგი დღეა ნათესავებთან ურთიერთობისთვის, ფინანსური მდგომარეობის გაუმჯობესებაში დაგეხმარებათ ახალი ტექნოლოგიების გამოყენება და სიახლეების დანერგვა თქვენს საქმიანობაში.

კურო

დღეს, შესაძლოა ნაცნობებთან საერთო ენის გამონახვა გაგიჭირდეთ, ამიტომ, იმოქმედეთ დამოუკიდებლად და ერიდეთ გაუმართლებელ, დაუგეგმავ დანახარჯებს.

ტყუპები

მიუხედავად იმისა, რომ თქვენი სასიცოცხლო ძალები კარგ მდგომარეობაშია, სასურველია, ერიდოთ ფიზიკურ დატვირთვას და გადაღლას. კარგია ბუნებასთან კონტაქტი და დასვენება.

კირჩხიბი

დღეს, სჯობს, საკუთარი ძალების იმედად იყოთ, ახალ პარტნიორებთან ერთად ნურაფერს წამოიწყებთ. ამ ეტაპზე, სხვა ადამიანების ჩარევა მხოლოდ დააბრკოლებს თქვენს საქმიანობას.

ლომი

შესაძლოა, წარმოქმნილ გაუგებრობაში, გულგრილმა დამოკიდებულებამ საფრთხე შეუქმნას თქვენდამი ნდობას და ძველი წყენებიც გაიხსენონ. ამიტომ, შეეცადეთ, სწრაფად აღკვეთოთ უთანხმოება და აკონტროლოთ სიტუაცია.

ქალწული

შესაძლოა, სამსახურში გარკვეულ განხეთქილებას ჰქონდეს ადგილი, რაც ძალიან დაგაფიქრებთ იმაზე, თუ რამდენად სწორად ცხოვრობთ, რამდენად სწორი მიზნები და ამოცანები გაქვთ.

სასწორი

თუ ინტუიციას მიენდობით და ტაქტიანად იმოქმედებთ, მარტივად გაუმკლავდებით საკუთრებასთან დაკავშირებულ საკითხებს. ამ ეტაპზე, სჯობს, მოერიდოთ გარჩევებსა და კონფლიქტურ სიტუაციებს.

მორიელი

რაც უფრო გულწრფელი და გახსნილი იქნებით, მით მეტი შანსი გაქვთ, ახლობლებისა და მეგობრების კეთილგანწყობა დაიმსახუროთ და შეინარჩუნოთ სტაბილური ურთიერთობები.

მშვილდოსანი

დღეს, შესაძლოა, იმაზე მეტი ხარჯი გქონდეთ ვიდრე წარმოგედგინათ. მოერიდეთ სარისკო ექსპერიმენტებს და ფარული გზებით მოქმედებას. სასურველ შედეგს ასე ნამდვილად ვერ მიიღებთ.

თხის რქა

დღეს, თქვენი ამტანობა და შრომისმოყვარეობა მაღალ შეფასებას დაიმსახურებს. ნებისმიერ სფეროში, აშკარად, ლიდერობთ და წარმატებით ახდენთ თქვენი დასახული ამოცანების რეალიზებას.

მერწყული

ურთიერთგამომრიცხავი ტენდენციების დღეა, საუკეთესო იქნება, თუ ამ პერიოდს დასვენებას მიუძღვნით. ყური მიუგდეთ თქვენთვის ძვირფასი ადამიანების რჩევებს და აუცილებლად იზრუნეთ ტონუსის აღდგენაზე.

თევზები

თქვენს ჩანაფიქრს გავლენიანი ადამიანების თანადგომით და სანდო, გამოცდილი ადამიანების მხარდაჭერით წარმატებით განახორციელებთ. ეცადეთ, დაიჭიროთ ოპტიმისტური ტალღა.

ქრისტეს ჰყავდა მოწინააღმდეგეები და “მაკდონალდს” რომ ჰყავდეს, რა პრობლემაა? – ასე გამოეხმაურა თემურ ჭყონია ბრალდებებს და საბავშვო ბროშურის შესახებ საზოგადოების ნაწილის აღშფოთებას, რომელიც ელტონ ჯონისა და მისი პარტნიორი მამაკაცის ურთიერთობებს ეხებოდა.

ამის შესახებ ჭყონიამ რადიო “თავისუფლება”-სთან ისაუბრა. მის თქმით, ბროშურები არ ამოუღიათ ქსელიდან, არამედ პროგრამა დასრულდა, რომელიც უკვე სხვა ცნობილი ადამიანების შესახებ ბროშურებით გაგრძელდება.

“აქ სექსზე, ან რაიმეზე კი არ არის საუბარი, ორმა მოხუცმა ადამიანმა ერთმანეთი იპოვა, შემდეგ ბავშვები აიყვანეს და ზრდიან. მორჩა! სად არის აგიტაცია?.. პროპაგანდა რას ნიშნავს? პროპაგანდით შეიძლება წყობა შეცვალო, მაგრამ ორიენტაცია როგორ უნდა შეუცვალო, ვერ წარმომიდგენია.

მთავარი რა არის? ეს ხდება ყველაზე კონსერვატიულ ქვეყანაში, ინგლისში – ამ ადამიანს [ელტონ ჯონს] დედოფალმა ელიზაბეტმა ლორდის წოდება მიანიჭა. თემურ ჭყონია ვინ ვარ, რომ მაგაზე დავიწყო საუბარი, ან რა ჩემი საქმეა? ჩვენ, ბოდიში, დაგვიღია პირი და ვაბრალებთ “მაკდონალდსს” ლგბტ პროპაგანდას, ამაზე ჩამორჩენილობა და სირცხვილი რა უნდა იყოს?”

ჭყონიას თქმით, პრობლემა არა “მაკდონალდში”, არამედ საზოგადოების არასწორ ინფორმირებულობაშია:

“ჩვენ ხომ განათლებას ერთმანეთთან საუბრით ვიღებთ და არა წიგნების კითხვით, ჩვენ ერთმანეთს რომ ვესაუბრებით, მაშინ ვნათლდებით, გამოცდილება ცხოვრებამ უნდა მოგვიტანოს და არა კითხვამ? ამაშია პრობლემა. წიგნი არავის წაუკითხავს, ელტონ ჯონის ისტორია არავინ არ იცის და “მაკდონალდს” აბრალებენ ლგბტ-ს ხელშეწყობას”.

როგორც თემურ ჭყონია ამბობს, ელტონ ჯონზე წიგნების სერია, რასაც გამოხმაურება მოჰყვა, ქსელიდან არ ამოუღიათ, არამედ “პროგრამა დასრულდა”, კამპანია კი სხვა ცნობილი ადამიანების შესახებ წიგნებით გაგრძელდება: “მაგალითად, დღეს გამოდის მუჰამედ ალი, შემდეგ გამოვა პელე, რომელიც ბავშვობაში ჭინჭის ბურთით თამაშობდა და გახდა ფეხბურთის მეფე”, – ამბობს ის და განმარტავს, რომ ამ ყველაფრის მიზანია მკითხველს გააცნონ, როგორ ცხოვრობდნენ წარმატებული ადამიანები ბავშვობაში, რომ “ყველას შეუძლია მიაღწიოს შედეგს, ყველას შეუძლია გახდეს აინშტაინი, პელე, მუჰამედ ალი, თუ იშრომებს, იწვალებს და ცოდნას შეიძენს”.

თემურ ჭყონია ასევე გვეუბნება, რომ “მაკდონალდსის” წინააღმდეგ დაწყებული კამპანია გაყიდვებს “აბსოლუტურად” არ შეხებია: “მე ვფიქრობ, ცივილიზებული ადამიანები საქართველოში უფრო მეტია, ვიდრე ადამიანები, რომლებიც ამ თემას უყურებენ ისეთ დონეზე, რომ რა ვიცი”. – ამბობს თემურ ჭყონია რადიო “თავისუფლების” ჟურნალისტისთვის მიცემულ კომენტარში/

ადიგენის და ასპინძის მუნიციპალიტეტებში ბოლო 4 დღეში, ყირიმ–კონგოს ცხელებით დაავადების სამი ახალი შემთხვევა დაფიქსირდა. ამის შესახებ ინფორმაციას ადგილობრივი ონლაინ გამოცემა „სამხრეთის კარიბჭე“ ავრცელებს.

როგორც დაავადებათა კონტროლის ეროვნული ცენტრის სამცხე–ჯავახეთის განყოფილებაში აცხადებენ, მიმდინარე წელს რეგიონის მასშტაბით, ყირიმ–კონგოს ჰემორაგიული ცხელების 11 შემთხვევაა გამოვლენილი.

ერთ ერთი მათგანი ლეტალურად დასრულდა – ახალციხის სოფელ წყალთბილაში 60 წლამდე ასაკის ექიმი, რომელსაც ყირიმ–კონგოს ცხელება დაუდგინდა, გარდაიცვალა.