ტეხასში, სროლას 8 ადამიანი ემსხვერპლა. შემთხვევა ერთ-ერთ სავაჭრო ცენტრში მოხდა.
თვითმხილველების ინფორმაციით, უცნობი მამაკაცი გარშემომყოფებს განურჩევლად ესროდა.
პოლიციამ შეიარაღებული პირის ლიკვიდაცია ადგილზე შეძლო. მათი ინფორმაციით, ის მარტო მოქმედებდა. შემთხვევის შედეგად, 7 ადამიანი დაშავდა, მათგან სამის მდგომარეობა კრიტიკულია. მოტივი ჯერჯერობით უცნობია.
ექსპრეზიდენტი მიხეილ სააკაშვილი კლინიკა „ვივამედში“ დედამ გიული ალასანიამ მოინახულა.
ალასანიას განცხადებით, მიხეილ სააკაშვილი უკიდურესად სუსტად არის.
ამასთან, ალასანია პოლონელ ექიმებთან დაკავშირებით აღნიშნავს, რომ მათ საქართველოს მხრიდან დაბრკოლებები ექმნებათ.
„ჩემი ხედვით უარესი და უარესი მდგომარეობაა. ყოველი მისი წამოდგომა არის ჩემთვის გულის ფრიალი, იმიტომ, რომ თვალწინ მიდგება მისი დავარდნა და ეს ყოველ წუთს შეიძლება განმეორდეს. უკიდურესად სუსტად არის, რაღაც ჩონჩხი, ოსვენციმის კადრები თვალწინ გიდგება, რომ უყურებ ადამიანს.
რაც შეეხება სტრასბურგს ველოდებით, რაღაც პერიოდია საჭირო, უნდა გავიდეს. პოლონელ ექიმებთან დაკავშირებით მე პირადად არანაირი ინფორმაცია არ მაქვს. ძალიან მიკვირს იმიტომ, რომ სამი თვე გავიდა და რა გახდა ბოლოს და ბოლოს ასეთი მოუწესრიგებელი, არ ვიცი, არ მესმის. როგორც ჩანს აქედან დაბრკოლებებია სერიოზული“, – აცხადებს გიული ალასანია.
იგრძნო ელისიამ, რომ საქართველოში მისი „კრიშა“ ვეღარ დააფარებს ხელს და ის აუცილებლად აგებს პასუხს. ეს რომ იყნოსა რაღაც თემა გამოაგორა – გეგონება რაიმე იცოდეს და თან ამ თემით, კრიმინალებს აფარებს ხელს და იცავს“, – წერს სოციალურ ქსელში ექსპერტი ირაკლი ლატარია, რითაც ვანში მომხდარი შემთხვევის შესახებ ელისო კილაძის „ფეისბუკ ლაივს“ ეხმიანება.
„არა ნუ.. თუ კი სადმე არის: გვამებით ვაჭრობა, ბინძური მკვლელობა, ბავშვების გატაცება, გაუპატიურება, წამლის გაყიდვა და ა.შ…თუ კი სადმე უბინძურესი დანაშაულია ყველგან არის ელისო…. ქალი იწოვს თემებს, სადაც არის სიბინძურე, საშინელი სუნი დანაშაულებებისა… იგრძნო ელისიამ, რომ საქართველოში მისი „კრიშა“ ვეღარ დააფარებს ხელს და ის აუცილებლად აგებს პასუხს… ევროპა ელისიას რუსეთის მილიციაში არ აერიოს – მანდ მფარველობა არ მოსულა და ეს რომ იყნოსა ამ გოიმ ძონძმა, რაღაც თემა გამოაგორა – გეგონება რაიმე იცოდეს და თან ამ თემით, კრიმინალებს აფარებს ხელს და იცავს… მოკლედ რა – ეს ბინძური ქალი რით ვერ მოვიშორეთ ამ საზოგადოებამ? …. ქალი არის მოსიარულე კრიმინალი, მოსიარულე დამნაშავე, რომელიც დღემდე შანტაჟებითა და გამოგონილი ისტორიებით სულდგმულობს..მაგრამ ახლა ვეღარაფერი უშველის მის ციხეში შეგდებას და ჩვეულებრივ დასაბმელი გახდა – რომელსაც ვერავინ და ვერაფერი უშველის!!!“ – წერს ირაკლი ლატარია.
ექსპერტი ედიშერ გვენეტაძე ვანში მომხდარი უბედური შემთხვევის შესახებ ელისო კილაძის გამოხმაურებაზე წერს. როგორც ექსპერტი აღნიშნავს, ელისო კილაძემ ეს ყველაფერი საზოგადოების ყურადღების გადასატანად დაიწყო.
ექსპერტის თქმით, მისი სათავისო უკუღმა დატრიალებით ცდილობს მის მიტანას ზოგიერთ კოკინაშვილ პელაგიამდე! ეტყობა ჟურნალისტ ასინეთა-ელისტრახოს ვერ გაუგია, რომ ქოლცენტრებით სავსე კოკა გაუტყდა!
„ევროპელ პენსიონერთა სავარაუდო მძარცველი ე.წ. ჟურნალისტი ელისტრახო, იგივე ასინეთა წაასწრეს მთხლეზე და ისიც შეუდგა მისი მომძღვნელი პურისა და სარჩოსი კეზერა-სეთურ-აბელის გათეთრება-გალამაზებას! საზოგადოების ყურადღების გადასატანად დაიწყო, მაგრამ რა დაიწყო! გაახსენდა, რომ ერთ დროს ჟურნალისტი იყო და მოძებნა ვანში, რაღაც მართლაც სამარცხვინო და საშინელი ამბავი და მისი სათავისო უკუღმა დატრიალებით ცდილობს მის მიტანას ზოგიერთ კოკინაშვილ პელაგიამდე! ეტყობა ჟურნალისტ ასინეთა-ელისტრახოს ვერ გაუგია, რომ ქოლცენტრებით სავსე კოკა გაუტყდა! იცნეს, დასტებად იღვრება ბრონირებული ჯიბიდან ევროები და პელაგიებსაც ვეღარ ატყუებს, მანამდე ათასჯერ ნაცადი, აწ უკვე გაცვეთილი ოინებით! ეჰ ასე იცის ასე! „ნუ დაუწყებ სხვას ორმოს გათხრას თორემ თავად აღმოჩნდები შიგო“ – ღაღადებს ძველი „ჰინდური“ ანდაზა!“ – წერს ედიშერ გვენეტაძე სოციალურ ქსელში.
ვეტერანების საქმეთა სახელმწიფო სამსახურის ინიციატივით და ზუგდიდის მუნიციპალიტეტის მერიის მხარდაჭერით, მიმდინარე წლის 6 მაისს, ზუგდიდში, მერაბ კოსტავას სახელობის პარკში, საქართველოს ეროვნული გმირის, მამია ალასანიას ბიუსტი გაიხსნა. დღეს, მამია ალასანიას, 80 წელი შეუსრულდებოდა. ღონისძიებას დაესწრნენ ვეტერანების საქმეთა სახელმწიფო სამსახურის დირექტორი, გენერალ-მაიორი კობა კობალაძე, პირველი მოადგილე, ნიკოლოზ კვეზერელი, მოადგილე ჯანდრი უბირია, დირექტორის მრჩეველი, ვლადიმერ იმნაძე, მამია ალასანიას ვაჟი, ირაკლი ალასანია, ზუგდიდის მუნიციპალიტეტის მერი, მამუკა წოწერია, სამეგრელო-ზემო სვანეთის სახელმწიფო რწმუნებულის მოადგილეები, დავით კუხალეიშვილი და დავით ვერავა, აფხაზეთის ა/რ მთავრობის თავმჯდომარის მოადგილე, ანზორ მარგიანი, საქართველოს პარლამენტის წევრები, ვეტერანების საქმეთა სახელმწიფო სამსახურის რეგიონული მართვის დეპარტამენტის სამეგრელოს სამმართველოს წარმომადგენლები, ომისა და თავდაცვის ძალების ვეტერანები.
აღსანიშნავია, რომ მამია ალასანიას ბიუსტი დაიდგა იმ პარკში, სადაც განთავსებულია საქართველოს ეროვნული გმირების მერაბ კოსტავასა და გენო ადამიას ბიუსტები და 1924 წლის აჯანყებულთა ხსოვნის მემორიალი.
მამია ალასანია 1943 წლის 6 მაისს, სოფელ ანაკლიაში დაიბადა. იმავე წელს ალასანიების ოჯახი ზუგდიდში გადასახლდა. მამია ალასანიამ 1961 წელს ზუგდიდის №1 საშუალო სკოლა დაამთავრა. იგი უშიშროების პოლკოვნიკი გახლდათ. 1974 წლიდან სხვადასხვა ხელმძღვანელ თანამდებობებზე მუშაობდა. მოგვიანებით კი სამხრეთ ოსეთის ავტონომიური ოლქის უშიშროების კომიტეტის განყოფილების უფროსი იყო. 1992-93 წლებში, სპეციალური დავალებით იგი სამეგრელოში იქნა მივლინებული.
1993 წლის 27 სექტემბერს, სოხუმის დაცემის დღეს, იგი, სოხუმში, ჟიული შარტავასთან, სოხუმის მერთან, გურამ გაბესკირიასა და აფხაზეთის ა/რ მთავრობის სხვა წევრებთან ერთად, აფხაზეთის ა/რ უმაღლესი საბჭოს შენობაში იმყოფებოდა. სეპარატისტებმა, ჟიული შარტავა, გურამ გაბესკირია და ორმოცდაათი წლის მამია ალასანია, თანმხლებ პირებთან ერთად მოკლეს. წითელი ჯვრის საერთაშორისო კომიტეტისა და საქართველოს მთავრობის ძალისხმევითა, 2017 წლის ოქტომბერში, მამია ალასანიას ნეშტი, გურამ გაბესკირიას ნეშტთან ერთად, იდენტიფიცირებულ იქნა და მასთან ერთად, დიღმის ძმათა სასაფლაოზე სამხედრო პატივით დაიკრძალა.
მამია ალასანიას, 2018 წელს, საქართველოს ეროვნული გმირის ორდენი მიენიჭა.
ვეტერანების საქმეთა სახელმწიფო სამსახურის ორგანიზებით, აკადემიკოს გ.ჩაფიძის სახელობის გადაუდებელი კარდიოლოგიის ცენტრის ექიმებმა, ქედის მუნიციპალიტეტში მცხოვრები ომისა და თავდაცვის ძალების ვეტერანებისა და მათი ოჯახის წევრებისათვის, ურთიერთთანამშრომლობის მემორანდუმის ფარგლებში, რიგით 143-ე საქველმოქმედო-სამედიცინო აქცია ჩაატარეს. აქცია მოიცავდა კარდიოლოგიური პროფილის უფასო გამოკვლევებს ( ექიმი-კარდიოლოგის კონსულტაცია, ელექტროკარდიოგრამა, გულის ექოსკოპია, ლაბორატორიული კვლევები ).
საქველმოქმედო სამედიცინო აქციით უსასყიდლოდ ისარგებლა სამსახურის 150 -ზე მეტმა, ბენეფიციარმა, განხორციელდა 270 სამედიცინო ვიზიტი.
აქციის მიმდინარეობას ადგილზე გაეცნენ: ვეტერანების საქმეთა სახელმწიფო რეგიონული მართვის დეპარტამენტის აჭარის სამმართველოს უფროსი, შოთა ყიფიანი, სამსახურის სოციალურ საკითხთა და სააღრიცხვო-ანალიტიკური დეპარტამენტის უფროსი სპეციალისტი, ვაჟა დალაქიშვილი, ქედის მუნიციპალიტეტის მერი, რონალდ ბერიძე, პარლამენტის წევრი, ანზორ ბოლქვაძე.
ვეტერანების საქმეთა სახელმწიფო სამსახურსა და აკადემიკოს გ.ჩაფიძის სახელობის გადაუდებელი კარდიოლოგიის ცენტრს შორის, პირველი მემორანდუმი 2017 წელს გაფორმდა; ხუთწლიანი, ნაყოფიერი თანამშრომლობის შემდეგ კი, 2022 წლის 16 აპრილს, მემორანდუმი, კვლავ 5 წლით გაგრძელდა.
მემორანდუმის ფარგლებში, ვეტერანებისა და მათი ოჯახის წევრებისათვის, საქველმოქმედო სამედიცინო აქციები, მთელი საქართველოს მასშტაბით, პერმანენტულად იმართება. დღეის ჩათვლით, ვეტერანების საქმეთა სახელმწიფო სამსახურის ორგანიზებით, აკადემიკოს გ.ჩაფიძის სახელობის გადაუდებელი კარდიოლოგიის ცენტრის ექიმებმა 142 საქველმოქმედო სამედიცინო აქცია ჩაატარეს; უფასო სამედიცინო მომსახურება გაეწია 12 776 ბენეფიციარს.
მემორანდუმის ფარგლებში, ვეტერანებისა და მათი ოჯახის წევრებისათვის, საქველმოქმედო სამედიცინო აქციები, მთელი ქვეყნის მასშტაბით, კვლავ ჩატარდება, რომელთა შესახებ ინფორმაცია, ვეტერანებს, წინასწარ მიეწოდებათ.
ცხოველთა მონიტორინგის სააგენტო შინაური ცხოველების მეპატრონეებს სთავაზობს, რომ დაარეგისტრირონ ცხოველები მუნიციპალურ თავშესაფარში, რის შემდეგაც ცხოველის უფასოდ სტერილიზაცია – კასტრაციას შეძლებენ.
როგორც ცხოველთა მონიტორინგის სააგენტოს დირექტორი გიორგი კობიაშვილი განმარტავს, რეგისტრაციის საფასური 19 ლარს შეადგენს.
„ცხოველთა მონიტორინგის სააგენტო მოსახლეობას სიახლეს ვთავაზობთ: თუ მოქალაქე მოვა მუნიციპალურ თავშესაფარში და აქ დაარეგისტრირებს ცხოველს, მუნიციპალური თავშესაფარი უფასოდ მოახდენს ცხოველის სტერილიზაცია-კასტრაციას, რაც საკმაოდ კარგია. იცით, რომ გარკვეულ საფასურს იხდიან ადამიანები როგორც კერძო ვეტკლინიკაში, ასევე მუნიციპალურ თავშესაფარში, ასეთი მომსახურება ფასიანია.
ამ კამპანიით გვინდა წავახალისოთ ცხოველთა რეგისტრაცია, რაც ძალიან მნიშვნელოვანია. ასევე, გვინდა ხაზი გაესვას სტერილიზაცია-კასტრაციის მნიშვნელობას.
ადამიანებს შეუძლიათ ცხოველთან ერთად მობრძანდნენ მუნიციპალურ თავშესაფარში, სადაც რეგისტრაციის საფასურია გადასახდელი 19 ლარის ოდენობით, სპეციალური ჩიპით ხდება ცხოველის რეგისტრაცია და იდენტიფიცირება, რის შემდეგაც შეუძლიათ ცხოველი სრულიად უფასოდ გაასტერილონ ცხოველი მუნიციპალურ თავშესაფარში.
ამ კამპანიას სატესტო სახე აქვს, 1 თვე იქნება გათვალისწინებული. შედეგებიდან გამომდინარე, თუ როგორ გაამართლებს ეს კამპანია, ვიფიქრებთ, გავაგრძელოთ თუ არა ასეთი აქცია. ის მეპატრონე, რომელსაც ცხოველი არ ჰყავს რეგისტრირებული ჯარიმას ექვემდებარება. 2015 წელს საკრებულომ გამოსცა დებულება, რომლის მიხედვითაც აუცილებელია მოსახლეობამ დაარეგისტრიროს პატრონობაში მყოფი ცხოველი“,- აღნიშნა გიორგი კობიაშვილმა
მთავრობის მიერ ორგანიზებული ევროპის დღეები გრძელდება. დღეს ორბელიანის მოედანზე შვედური კულტურა იქნება წარმოდგენილი. დაგეგმილია სხვადასხვა სახის ღონისძიებები.
„ევროპის დღეების“ ფარგლებში, დღეს, ორბელიანის მოედანი, შვედურ კულტურას უმასპინძლებს.
„მეტი რა უნდა გააკეთოს ამ მორალისგან და სინდისისგან დაცლილმა ქალმა, რომ განიკვეთოს საზოგადოებისგან. თურმე შოკშია და გული ხელით უჭირავს, ისეთი მძიმე დანაშაული ამხილა, პედოფილიის შემთხვევა ვანის ერთ-ერთ სოფელში, არა და მისი მოწინააღმდეგეების ბავშვების ბულინგი ხომ მისი მოგონილია.”- წერს ექსპერტი ნინო ფოჩხუა ელისო კილაძის შესახებ.
როგორც ექსპერტი აღნიშნავს, ელისო კილაძეს და მის პატრონებს ვანში მომხდარი შემზარავი ფაქტით სურთ გადაფარონ ქოლცენტრების საქმე.
„მეტი რა უნდა გააკეთოს ამ მორალისგან და სინდისისგან დაცლილმა ქალმა, რომ განიკვეთოს საზოგადოებისგან. მის ლაივ-ჩართვასაც ვუსმინე, ამდენი ფარსი და მანიპულაცია თუ შეეძლო ადამიანს ვერ წარმოვიდგენდი, თურმე შოკშია და გული ხელით უჭირავს, ისეთი მძიმე დანაშაული ამხილა, პედოფილიის შემთხვევა ვანის ერთ-ერთ სოფელში, არა და მისი მოწინააღმდეგების ბავშვების ბულინგი ხომ მისი მოგონილია. ამჟამად რას ემსახურება მისი ასეთი აღშფოთება, აქ მარტივად არის საქმე, მას და მის პარტნიორებს იმ თემის გადაფარვა უნდათ, რასაც მათ მმართველობაში არსებული, უბინძურესი ფულის შოვნის ბიზნესი ქოლ-ცენტრი ჰქვია. პედოფილია ისეთი თემაა ყვავი-ჩხიკვის მამიდა კი არა, საკუთარმა შვილმაც რომ ჩაიდინოს მსგავსი დანაშაული ვერავინ ააცილებს უმკაცრეს დასჯას. ასე რომ ეს გალიაში გამომწყვდეული, ადამიანად წოდებული უკვე ყოველდღე ხვრეტს ფსკერს და ეს უნდა დამთავრდეს!“- წერს ნინო ფოჩხუა Facebook-ზე.
ბათუმში, ავტოსაგზაო შემთხვევას 60 წლამდე მამაკაცი ემსხვერპლა. შემთხვევა გვიან ღამით, აეროპორტის გზატკეცილზე მოხდა.
არსებული ინფორმაციით, ცენტრალურ საავტომობილო გზაზე ქვეითად მოსიარულე მამაკაცს მსუბუქი ავტომობილი დაეჯახა.
სასწრაფო სამედიცინო დახმარებას მამაკაცი ადგილზე გარდაცვლილი დახვდა.
მომხდართან დაკავშირებით გამოძიება მიმდინარეობს
საქართველოს პარლამენტის თავმჯდომარე შალვა პაპუაშვილი, დელეგაციასთან ერთად, 7-12 მაისს, ვიზიტით მალტისა და იტალიის რესპუბლიკებს ეწვევა. ინფორმაციას საქართველოს პარლამენტი ავრცელებს.
პარლამენტის თავმჯდომარე შეხვედრებს მალტის რესპუბლიკის პარლამენტის სპიკერთან და მალტის რესპუბლიკის პრეზიდენტთან გამართავს.
შეხვედრა გაიმართება მალტის პარლამენტის საგარეო და ევროპულ საქმეთა კომიტეტის წევრებთან.
ვიზიტის ფარგლებში დაგეგმილია შეხვედრები ვატიკანის სამოციქულო სასახლეში აღმოსავლეთ ეკლესიების დიკასტერის პრეფექტთან, და წმინდა საყდრის სახელმწიფო მდივანთან.
პარლამენტის თავმჯდომარე და დელეგაციის წევრები იტალიის პარლამენტის ქვედა პალატის თავმჯდომარე ლორენცო ფონტანას და სენატის ვიცე-პრეზიდენტ ჯან მარკო ჩენტინაიოს შეხვდებიან.
საქართველოს საპარლამენტო დელეგაცია, პარლამენტის თავმჯდომარის ხელმძღვანელობით , იტალიის რესპუბლიკის ევროპულ საქმეთა მინისტრს, რაფაელე ფიტოს და იტალიის საგარეო საქმეთა და საერთაშორისო თანამშრომლობის მინისტრის მოადგილეს, ედმონდო ჩირიელის შეხვდება.
შეხვედრები გაიმართება იტალია-საქართველოს საპარლამენტო მეგობრობის ჯგუფის წევრებთან და ქართული დიასპორის წარმომადგენლებთან.
საპარლამენტო დელეგაციის შემადგენლობაში დეპუტატები: ნიკოლოზ სამხარაძე, მაკა ბოჭორიშვილი, გივი მიქანაძე, ქეთევან თურაზაშვილი და პარლამენტის თავმჯდომარის კაბინეტის უფროსი, ლევან მახაშვილი შედიან.
The Washington Post პრეზიდენტ ვლადიმირ ზელენსკისთან და თავდაცვის მინისტრ ოლექსი რეზნიკოვთან ინტერვიუებზე დაყრდნობით წერს, რომ უკრაინის მაღალი თანამდებობის პირები ცდილობენ შეამცირონ მოლოდინები კონტრშეტევებთან დაკავშირებით.
გამოცემის ცნობით, უკრაინის ხელმძღვანელობა ამას აკეთებს იმის შიშით, რომ კონტრშეტევის შედეგმა შეიძლება, არ დააკმაყოფილოს მათი მოკავშირეების მოლოდინი.
გასულ კვირას ვაშინგტონ პოსტისთვის მიცემულ ინტერვიუში ოლექსი რეზნიკოვმა თქვა, რომ “ჩვენი კონტრშეტევასთან დაკავშირებით მოლოდინი მსოფლიოში გადაჭარბებულია”.
რეზნიკოვმა თქვა, რომ ”ადამიანების უმეტესობა რაღაც დიდს ელოდება”. მისი აზრით, ამან შეიძლება გამოიწვიოს “ემოციური იმედგაცრუება”.
“მე მჯერა, რომ რაც უფრო მეტი გამარჯვება გვექნება ბრძოლის ველზე, გულწრფელად რომ ვთქვათ, მით უფრო მეტი ხალხი დაგვიჯერებს, რაც ნიშნავს, რომ მეტ დახმარებას მივიღებთ,- თქვა ზელენსკიმ.
WP წერს, რომ კონტრშეტევის დეტალები კვლავ გასაიდუმლოებული რჩება. უკრაინელი ოფიციალური პირები ფიქრობენ იმაზეც: რა შედეგი იქნება საკმარისი დასავლეთზე, განსაკუთრებით ვაშინგტონზე შთაბეჭდილების მოხდენისთვის?
სტატიაში აღნიშნულია – უკრაინაში ზოგიერთი ლიდერი შიშობს, რომ კიევმა შეიძლება, დაკარგოს საერთაშორისო სამხედრო დახმარება ან მოხდეს ახალი ზეწოლა მოლაპარაკების მაგიდასთან დასაბრუნებლად. და იქვე აღნიშნულია, რომ ასეთი მოლაპარაკებები, დიდი ალბათობით, მოიცავს რუსეთის მოთხოვნას სუვერენული ტერიტორიის მოლაპარაკების გზით დათმობაზე, რასაც უკრაინა მიუღებლად მიიჩნევს.
მის: ქ.თბილისი, მ.კოსტავას 59
ტელ: +995 32 93 44 05
ელ.ფოსტა: editor@geotimes.ge
© Geotimes.ge | By view.ge
