Home Blog Page 1986

რუსთაველის სამეცნიერო ფონდი ISTC-ის მმართველი საბჭოს სხდომაში მონაწილეობდა

შოთა რუსთაველის საქართველოს ეროვნული სამეცნიერო  ფონდის გენერალური დირექტორი ერეკლე ასტახიშვილი  ნორვეგიის დედაქალაქ ოსლოში გამართულ  საერთაშორისო სამეცნიერო ტექნიკური ცენტრის  მმართველი  საბჭოს  76-ე  სხდომაში მონაწილეობდა,  რომელზეც    განიხილეს ორგანიზაციის მიმდინარე და სამომავლო პროექტები და  ინიციატივები, უახლოესი წლების სამოქმედო   სტრატეგია,  პროექტების, პროგრამების  დაფინანსების საკითხები.

ღონისძიების ფარგლებში საქართველოს განათლებისა და მეცნიერების სამინისტროს სსიპ შოთა რუსთაველის საქართველის ეროვნულ სამეცნიერო ფონდსა და სომხეთის რესპუბლიკის განათლების, მეცნიერების, კულტურისა და სპორტის სამინისტროს სამეცნიერო კომიტეტს შორის ურთიერთთანამშრომლობის მემორანდუმს მოეწერა ხელი, რომლის მიზანია მეცნიერების, ტექნოლოგიებისა და ინოვაციების სფეროში ურთიერთობების გაღრმავება, ერთობლივი კვლევითი პროექტების განხორციელება,  მკვლევართა გაცვლითი პროგრამების მხარდაჭერა, მჭიდრო თანამშრომლობა ევროკავშირის პროგრამების ფარგლებში.  შეთანმებას ხელი მოაწერეს რუსთაველის სამეცნიერო ფონდის გენერალურმა დირექტორმა, ერეკლე ასტახიშვილმა და სომხეთის რესპუბლიკის განათლების, მეცნიერების, კულტურისა და სპორტის სამინისტროს სამეცნიერო კომიტეტის თავმჯდომარე სარგის ჰაიოციანმა.

საერთაშორისო სამეცნიერო-ტექნიკური ცენტრი (ISTC) დაარსდა 1992 წლის შეთანხმებით, როგორც მთავრობათაშორისი ორგანიზაცია. საქართველო ISTC-ის 1994 წელს შეუერთდა. ISTC წარმოადგენს საქართველოს მეცნიერების მხარდამჭერ  ერთ-ერთ მნიშვნელოვან ორგანიზაციას, რომლის მიერ დაფინანსდა 160-მდე სამეცნიერო პროექტი საერთო ბიუჯეტით 32 მილიონი აშშ დოლარამდე.

 

თიბისი საქართველოში მსოფლიო რობოტების ოლიმპიადის მხარდამჭერია

თიბისის განათლების პროგრამის მხარდაჭერით, საქართველოში, მსოფლიო რობოტების ოლიმპიადის (WRO) რეგიონული ფინალი გაიმართა.

საქართველოში გამართული ოლიმპიადის მიზანია, ჩვენს ქვეყანაში, ხელი შევუწყოთ თანამედროვე ტექნოლოგიური განათლების პრინციპების დანერგვას, ისეთი დისციპლინების განვითარებას, როგორიცაა: პროგრამირება, რობოტიკა, ელექტრული და ელექტრონული ინჟინერია, მათემატიკა და სხვა ზუსტი და საბუნებისმეტყველო მეცნიერებები.

წლევანდელ ოლიმპიადაში, საქართველოს რვა სხვადასხვა რეგიონიდან, 41 გუნდი, სულ 123 ბავშვი და მოზარდი იღებდა მონაწილეობას. ფინალში 3 გამარჯვებული გუნდი, სამ სხვადასხვა ასაკობრივ კატეგორიაში, გამოვლინდა. გამარჯვებული გუნდები საქართველოს სახელით, 2023 წლის ნოემბერში, პანამაში გამართულ WRO-ს საერთაშორისო ფინალზე გაემგზავრებიან.

მსოფლიო რობოტების ოლიმპიადა გამოწვევებით სავსე, შემეცნებითი საერთაშორისო კონკურსია, რომელშიც 75 ათასზე მეტი ახალგაზრდა მონაწილეობს მსოფლიოს 85  ქვეყნიდან. WRO 2004 წლიდან ტარდება და ემსახურება ახალგაზრდების STEM (S-მეცნიერება, T-ტექნოლოგია, E-ინჟინერია, M-მათემატიკა) საგნებით დაინტერესების გაზრდას და მათ შთაგონებას გახდნენ მომავალი ინოვატორები.

რობოტების ოლიმპიადა, რომლის  თითოეული აქტივობა რობოტექნიკის შეჯიბრებებს გულისხმობს, მოიცავს მეცნიერებას, ტექნოლოგიებსა და ზოგადი განათლების სხვადასხვა სფეროს. კონკურსის შემოქმედებითი დავალებები ახალგაზრდებს ეხმარება მათი პოტენციალის გამოვლენასა და განვითარებაში, უვითარებს მათ დამოუკიდებელ, შემოქმედებით, გამომგონებლურ, კრიტიკულ და ლოგიკურ აზროვნებას.

საქართველოში მსოფლიო რობოტების ოლიმპიადის ორგანიზატორები არიან: WRO Georgia, Edutus University, Ug-Limes რობოტექნიკის აკადემია.

გენერალური სპონსორები არიან თიბისი და საქართველოს უნივერსიტეტი.

თიბისისთვის ახალი თაობის მხარდაჭერა და განათლების ხელშეწყობა კორპორაციული სოციალური პასუხისმგებლობის მთავარი მიმართულებაა, რომელიც ათასობით ახალგაზრდისთვის ხარისხიან განათლებაზე ხელმისაწვდომობას გულისხმობს.

(R)

“ბენდუქიძემ, ნაყოფიამ რუსეთში იშოვეს ფული, ისინი არ არიან რუსულ კავშირებში მხილებული, სამაგიეროდ, თურმე რუსი ოლიგარქი ყოფილა ივანიშვილი”

„ნაცმოძრაობას“ არაფერზე პასუხი არ აქვს, არ აინტერესებთ, რომ ხოშტარია 5 მილიონ რუბლს იღებს რუსეთის ბიუჯეტიდან, არ აინტერესებთ, რომ ბენდუქიძემ და ნაყოფიამ რუსეთში იშოვეს ფული. ნაყოფია, ბენდუქიძე და სხვები არ არიან რუსულ კავშირებში მხილებული, სამაგიეროდ, ბიძინა ივანიშვილი ყოფილა თურმე რუსი ოლიგარქი, – ამის შესახებ პარტია „ქართული ოცნების“ თავმჯდომარე ირაკლი კობახიძემ განაცხდაა.

მისი თქმით, ბიძინა ივანიშვილს რუსეთის ფედერაციაში არ აქვს არავითარი აქტივი.

„ბენდუქიძემ სად იშოვა ფული? ბენდუქიძე იყო თუ არა რუსი ოლიგარქი? ბენდუქიძემ იშოვა ფული რუსეთში, ნაყოფიამ იშოვა ფული რუსეთში – არის თუ არა კობა ნაყოფია რუსი ოლიგარქი? „ნაცმოძრაობას“ არ აქვს არცერთ კითხვაზე პასუხი, ყველაფერში გაჭედილები არიან. „ნაცმოძრაობას“ არ აქვს არაფერზე პასუხი, რადგან არაფერში მართალი არ არის. არ აინტერესებთ, რომ ხოშტარია 5 მილიონ რუბლს იღებს სახელმწიფო ბიუჯეტიდან, არ აინტერესებთ, რომ კახა ბენდუქიძემ და კობა ნაყოფიამ რუსეთში იშოვეს ფული. ნაყოფია, ბენდუქიძე და სხვები არ არიან რუსულ კავშირებში მხილებული, სამაგიეროდ, ბიძინა ივანიშვილი ყოფილა თურმე რუსი ოლიგარქი. თქვენ ყველაფერში ხართ მტყუანი. ბენდუქიძეს ხომ აქვს რუსეთში ნაშოვნი ფული? რა შუაშია, რომ ცოცხალი არ არის, სურათები უკიდიათ ოთახებში და ბენდუქიძე დღემდე ითვლება „ნაცმოძრაობის“ ერთ-ერთ ბელადად და კობა ნაყოფია დღემდე არის „ნაცმოძრაობის“ ერთ-ერთი წევრი. თქვენ ოდესმე დაინტერესებულხართ ბენდუქიძის, კობა ნაყოფიას ფლის წარმომავლობით? თქვენი პარტიის წევრია. ბენდუქიძე იყო თქვენი პარტიის წევრი და კობა ნაყოფიაც არის თქვენი პარტიის წევრი, მაგიტომ არ გაინტერესებთ. ხოშტარიაც მაგიტომ არ გაინტერესებთ, რომ თქვენი პარტიის წევრია, „ტვ პირველი“ არის ნაცმოძრაობა“, – განაცხადა ირაკლი კობახიძემ.

“ბავშვებს ყვირილის შეეშინდათ”- გრეტა წიწავა

სხდომის მიმდინარეობისას პარლამენტის თავმჯდომარე მიესალმა შშმ ბავშვებს (სტუმრებს), ამ დროს ერთ-ერთმა ქალმა დაიწყო ყვირილი და გადმოფინა ნაჭერი წარწერით…ბავშვებს ყვირილის შეეშინდათ…აი ასეთი მავნებელი ადამიანია დამგეგმავ-შემსრულებელი, როდესაც ისინი შშმ ბავშვებს ამოეფარნენ თავიანთი ვიწროპარტიული ინტერესებისთვის. – ასე ეხმაურება სოციალურ ქსელში  წერს “ქართული ოცნების” დეპუტატი გრეტა წიწავა  პარლამენტის პლენარულ დარბაზში მომხდარ ინციდენტს

“დღეს შეზღუდული შესაძლებლობების მქონე პირთა უფლებების დაცვის დღეა. პარლამენტში ტრადიციულად გვქონდა ღონისძიება – წლებია ვმეგობრობთ და ვთანამშრომლობთ შშმ პირებთან და ორგანიზაციებთან .სხდომის მიმდინარეობისას პარლამენტის თავმჯდომარე მიესალმა შშმ ბავშვებს (სტუმრებს), ამ დროს ერთ-ერთმა ქალმა დაიწყო ყვირილი და გადმოფინა ნაჭერი წარწერით…ბავშვებს ყვირილის შეეშინდათ…აი ასეთი მავნებელი ადამიანია დამგეგმავ-შემსრულებელი, როდესაც ისინი შშმ ბავშვებს ამოეფარნენ თავიანთი ვიწროპარტიული ინტერესებისთვის. ბავშვები რომ დაისტრესდნენ ამ ქალის გაურკვეველ ავ კივილზე იმაზე ვწუხ, თორემ მისი ქმედება შშმ პირთა უფლებების დაცვის დღეს ეს მის დამოკიდებულებაზე მეტყველებს, თუ როგორ არ სცემს პატივს და არ აღელვებს შშმ პირები…”- წერს გრეტა წიწავა.

https://www.facebook.com/gretatsitsava/posts/10219200200915638?ref=embed_post

“ეს არის სისაძაგლე, ყველაფერს თავისი ეთიკა აქვს, გამოხატვასაც, სიტყვის თქმასაც” – მიხეილ სარჯველაძე

ყველაფერს თავისი ეთიკა აქვს, გამოხატვასაც, სიტყვის თქმასაც, მაგრამ რაღაცას უზნეოდ როცა აკეთებენ, ეს არანაირ ჩარჩოში აღარ ჯდება, – ამის შესახებ ადამიანის უფლებათა დაცვის კომიტეტის თავმჯდომარემ, მიხეილ სარჯველაძემ განაცხადა, რითიც პარლამენტის სხდომათა დარბაზში დღეს მომხდარ ინციდენტს გამოეხმაურა.

მისივე თქმით, უზნეო საქციელია, რაც დღეს პარლამენტში მოხდა.

„მინდა, ვისარგებლო შესაძლებლობით და ყველა ჩემს კოლეგას, ვისაც დღეს შეურაცხყოფა მიაყენეს, ბოდიში მოვუხადო. სამწუხაროდ, ისე ხდება ხოლმე, რომ ადამიანური ფაქტორები ბევრი ადამიანისთვის გამოსაყენებელი ხდება მერკანტილური მოტივებით და იდეებით. ეს ცუდი ამბავია. მინდა, ყველას სახელით ბოდიში მოვუხადო იმ ბავშვებს, რომლებმაც დღეს ძალიან დიდი სტრესი განიცადეს. ეს არის სისაძაგლე. ყველაფერს თავისი ეთიკა აქვს, გამოხატვასაც, სიტყვის თქმასაც, მაგრამ როცა ამ ეთიკას არაფერს დაუდევენ, რაღაცას სხვანაირად, უზნეოდ აკეთებენ, ეს არანაირ საზღვარში აღარ ჯდება და ძალიან ცუდი ამბავია. ყველამ თავისი თავი შეაფასოს და საკუთარ გულში ჩაიხედოს“, – განაცხადა მიხეილ სარჯველაძემ.

პარლამენტის სხდომათა დარბაზში, პლენარული სხდომის მიმდინარეობისას, ერთ-ერთმა მოქალაქემ გადმოფინა ბანერი შეძახილით – „არა რუსულ კანონს“. დარბაზში ხმაურის გამო პარლამენტის თავმჯდომარემ ნახევარსაათიანი შესვენება გამოაცხადა.

სკოლის ატესტატის გაცემა 3 ივლისიდან დაიწყება

საქართველოს იუსტიციის სამინისტროს სსიპ სახელმწიფო სერვისების განვითარების სააგენტოში სრული ზოგადი განათლების დამადასტურებელი სახელმწიფო დოკუმენტის მისაღებად განცხადებების მიღება და ატესტატის გაცემა 3 ივლისიდან დაიწყება. ინფორმაციას სახელმწიფო სერვისების განვითარების სააგენტო ავრცელებს.

📚მთელი ქვეყნის მასშტაბით წელს სკოლა 47 306-მა მე-12 კლასელმა დაამთავრა.

📚სკოლადამთავრებულები სრული ზოგადი განათლების დამადასტურებელი სახელმწიფო მატერიალური დოკუმენტის მისაღებად განაცხადის გაკეთებას შეძლებენ იუსტიციის სახლებსა და სახელმწიფო სერვისების განვითარების სააგენტოს ფილიალებში.

📚აბიტურიენტები მზა ატესტატებს განაცხადის წარდგენიდან მე-10 სამუშაო დღეს უფასოდ მიიღებენ. დოკუმენტის უფასოდ მისაღებად განაცხადის გაკეთება შესაძლებელია მიმდინარე წლის 31 დეკემბრის ჩათვლით. ატესტატის დაჩქარებული წესით აღების შემთხვევაში კი, დაწესებულია შესაბამისი საფასური.

📚სრული ზოგადი განათლების დამადასტურებელი სახელმწიფო დოკუმენტის – ატესტატის მიღება შესაძლებელია როგორც მატერიალური, ისე ელექტრონული ფორმით. ელექტრონული ატესტატი არის ორიგინალი დოკუმენტის ასლი, რომელიც დედნის თანაბარი იურიდიული ძალის მქონე ელექტრონული დოკუმენტია.

📚დაინტერესებულ პირებს მატერიალური დოკუმენტის დამზადების შემდეგ, ნებისმიერ დროს, ადგილიდან გაუსვლელად შეუძლიათ ელექტრონული პორტალიდან (my.gov.ge) ელექტრონული ატესტატის ჩამოტვირთვა. ამისათვის უნდა გამოიყენონ განცხადების ჩაბარებისას მათთვის გადაცემულ სამახსოვრო ბარათში მითითებული განცხადების ნომერი და კოდი.

📚აბიტურიენტებს ელექტრონული ატესტატით სარგებლობა შეუზღუდავად შეუძლიათ, იმის მიუხედავად, გაიტანენ თუ არა მზა მატერიალურ დოკუმენტს.

“კოლექტიური „ნაცმოძრაობიდან“ არცერთი ადამიანი არ იქნება არჩეული ვიცე-სპიკერად”-ირაკლი კობახიძე

კოლექტიური „ნაცმოძრაობიდან“ არცერთი ადამიანი არ იქნება არჩეული ვიცე-სპიკერად, – ამის შესახებ ჟურნალისტებს საპარლამენტო უმრავლესობის ლიდერმა, „ქართული ოცნების“ თავმჯდომარემ, ირაკლი კობახიძემ განუცხადა.

„თუ უარს იტყვის კოლექტიური „ნაცმოძრაობა“ კანდიდატურის წარდგენაზე და არაკოლექტიური „ნაცმოძრაობიდან“ იქნება წარმოდგენილი კანდიდატურა, ჩვენ განვიხილავთ მხარდაჭერას. კოლექტიურ „ნაცმოძრაობაში“ იგულისხმება პარტია „ნაცმოძრაობა“, „ლელო“, ვაშაძის პარტია, გახარიას პარტია. არჩევანი არის უკიდურესად დავიწროებული, შესაბამისად, პერსპექტივა იმისა, რომ ჩვენ მოვახერხოთ ვიცე-სპიკერის არჩევა, არის ძალიან დაბალი. თუმცა თუ ვიცე-სპიკერის ვაკანსია არ შეივსება, ეს არავითარი პრობლემა არ არის პარლამენტის ფუნქციონირებისთვის“, – აღნიშნა კობახიძემ.

თიბისის მხარდაჭერით კომპანია „უფლისციხის მამულმა“ ქართლში ვენახები გააშენა და უმაღლესი ხარისხის ცქრიალა ღვინის წარმოება დაიწყო

თიბისის პარტნიორმა კომპანია „უფლისციხის მამულმა“ ქართლის რეგიონში ვენახები გააშენა. აქვე, წამოიწყო მარნის მშენებლობა და აღჭურვა, სადაც პრემიუმ კლასის ღვინოებსა და ცქრიალა ღვინოს აწარმოებს. „უფლისციხის მამულის“ გენერალური დირექტორი, აკაკი ავალიშვილი კომპანიის მიზნებსა და ამბიციებზე გვესაუბრა:

„ღვინის წარმოების იდეა 2019 წელს დაიბადა და კომპანია ოთხმა პარტნიორმა დავაფუძნეთ. ფიქრი შიდა ქართლის რეგიონზე შევაჩერეთ, ვინაიდან გვჯერა, აქ დიდი პოტენციალია, განსაკუთრებით მევენახეობა-მეღვინეობის და ტურისტული  მიმართულებებით. მოვძებნეთ ლამაზი ადგილი უფლისციხესთან და შევიძინეთ რამდენიმე ნაკვეთი, სულ 11 ჰა-მდე. მოგვიანებით აღნიშნულ მიწას მიემატა დაახლოებით 10 ჰა იჯარით აღებული სავარგულები. პარალელურად მივიღეთ როგორც თეორიული, ასევე პრაქტიკული საბაზისო განათლებაც ამ სფეროში, რათა პროფესიონალურად მივდგომოდით ჩვენს წამოწყებას. ბევრი ვიმოგზაურეთ, მათ შორის საფრანგეთშიც, კერძოდ შამპანის რეგიონში, რათა ადგილზე გავცნობოდით ცქრიალა ღვინის წარმოების თავისებურებებს.

ჩვენი სურვილი თავიდანვე მაღალი ხარისხის ქართული ღვინოების წარმოება იყო. განსაკუთრებით აღნიშვნის ღირსია ქართული ცქრიალა ღვინოები, რომელსაც საინტერესო წარსული და მომავალი აქვს, გააჩნია პოტენციალი ღირსეულ ადგილი დაიკავოს საერთაშორისო ბაზრებზე. ამიტომაც, მთელი ჩვენი ფინანსური თუ ინტელექტუალური რესურსი ამ ამბიციური გადაწყვეტილების ხორცშესხმისკენ მივმართეთ.

2020 და 2021 წლებში საფუძვლიანად შევისწავლეთ ჩვენი სავარგულები. ჩავატარეთ ნიადაგის ლაბორატორიული კვლევები და დასკვნითი შეფასებისთვის მოწვეული გვყავდა ქართველი და ფრანგი ექსპერტები, რომელთა რჩევითაც სამომავლო ვენახისთვის ინდივიდუალურად შეირჩა საძირეები. ამის შემდგომ მივიღეთ გადაწყვეტილება, გაგვეშენებინა ვენახი, სადაც, ძირითადად, ქართლში გავრცელებული ჯიშები დავრგეთ (მათ შორის ჩინებული, გორული მწვანე, თავკვერი და  შავკაპიტო). ასევე, გავაშენეთ ფრანგული ჯიშების, პინო ნუარისა და შარდონეს ვენახები.

საკუთარი მოსავლის მიღებამდე, ღვინის საწარმოებლად, ყურძენს ვიძენთ მუხრანის, ოკამის და ატენის ზონებში მდებარე ვენახებიდან. შედეგად, უკვე მესამე წელია რაც ვაწარმოებთ სხვადასხვა სახეობის ღვინოს. დაწყებული გვაქვს ასევე, ცქრიალა ღვინის წარმოებაც.

ცქრიალა ღვინოს ვამზადებთ კლასიკური, ბოთლური მეთოდით და ვაძველებთ 2 წლის განმავლობაში. წელს, მაგალითად, ვაწარმოეთ და დასაძველებლად გადავდეთ დაახლოებით 6’000 ბოთლი ცქრიალა ღვინო. გარდა ამისა, უკვე ჩამოვასხით 4’000 ბოთლზე მეტი კლასიკური მეთოდით დამზადებული გორული მწვანე და ჩამოსასხმელად მოვამზადეთ რამდენიმე ათასი ლიტრი ქვევრის გორული მწვანე, ასევე ქვევრის შავკაპიტოს და შავი პინოს კუპაჟი.

ვენახების გარდა, განსაკუთრებული აღნიშვნის ღირსია ჩვენი მარანი, რომელიც თიბისის მხარდაჭერით ავაშენეთ. თიბისის მხარდაჭერითვე შევიძინეთ, ღვინის საწარმოო ფრანგული დანადგარებიც, რომელთა შორისაც განსაკუთრებული აღნიშვნის ღირსია „კოკარდის“ ბრენდის (Coquard) ყურძნის ტრადიციული 4 ტ. წარმადობის ჰიდრავლიკური წნეხი, რომელსაც საფრანგეთში, შამპანის რეგიონში, დიდი ხნის ძებნის შემდეგ მივაკვლიეთ.

1500 კვ.მ. ფართის ნაგებობაში, რომელიც როგორც ზემოთაც აღვნიშნეთ, აღჭურვილია უმაღლესი ხარისხის საწარმოო დანადგარებით, სივრცის ერთი ნაწილი ეთმობა ღვინის საწარმოსა და საცავებს, ხოლო დანარჩენში განთავსდება სადეგუსტაციო სივრცე და რესტორანი. მარნის აშენება-მოწყობაში ინვესტირებულია დაახლოებით 1’200’000 ლარი. ვფიქრობთ, ჩვენი მარანი სამომავლოდ გახდება ღვინის მოყვარულთათვის ერთერთი საინტერესო და მიმზიდველი ადგილი, რაც ამ ულამაზესი, ნაყოფიერი და ისტორიულად მდიდარი ღვინის ტრადიციების მქონე რეგიონისთვის ძალიან მნიშვნელოვანია.

ჩვენი ღვინოები ადგილობრივ ბაზარზე სულ რამდენიმე მაღაზიაშია წარმოდგენილი (მათ შორის „8000 მოსავალში“, „ღვინის ბიბლიოთეკაში“ და „ღვინის ბირჟაზე“). ყოველწლიურად იზრდება რა ჩვენი წარმოების მოცულობა, დაწყებული გვაქვს მუშაობა საექსპორტო მიმართულებითაც. ჯერჯერობით მოლაპარაკებას ვაწარმოებთ ორ ქვეყანასთან – ნორვეგიასა და პორტუგალიასთან. როგორც კი მივიღებთ სრულფასოვან მოსავალს ჩვენი ვენახებიდან, ცხადია გაიზრდება საექსპორტო ქვეყნების ჩამონათვალიც.

დღეისათვის ჩვენს პროექტში ჯამურად ორ მილიონ ლარამდეა ინვესტირებული. დამატებით ერთი მილიონი ლარის ინვესტიცია იგეგმება იმისთვის, რომ საკუთარი ვენახებიდან მიღებული მოსავლით სრული დატვირთვით ამუშავდეს ჩვენი წარმოება და მსოფლიოს უკეთ გავაცნოთ ქართული წარმოების ცქრიალა ღვინოები.“

(R)

“დედას შევიგინები, როგორც სიტყვა “მოღალატეს” ახსენებთ” – მამუკა მდინარაძე ოპოზიციას

პარლამენტის სასესიო დარბაზში, პლენარული სხდომის შესვენების დროს ოპოზიციის წარმომადგენლებსა და ფრაქცია „ქართული ოცნების“ თავმჯდომარე, მამუკა მდინარაძეს შორის სიტყვიერი დაპირისპირება მოხდა. დაპირისპირების დროს დარბაზში მედია არ იმყოფებოდა, თუმცა ინციდენტის ამსახველ ვიდეოჩანაწერს „ნაციონალური მოძრაობის“ წევრი, დეპუტატი ანა წითლიძე ავრცელებს, სადაც ჩანს, რომ მამუკა მდინარაძის გაღიზიანება ოპოზიციის მხრიდან „მოღალატის“ შეძახილმა გამოიწვია.

„ყველამ დაიმახსოვრეთ, დედას შევიგინები, როგორც კი მაგ სიტყვას ახსენებთ. რამე გინდა, მითხარი? დედას შევიგინები მოღალატეს ახსენებთ თუ არა, იმიტომ, რომ მთელი ცხოვრება რუსულ საქმეს აკეთებდით. აგერ, დევი [ჭანკოტაძე] ხომ არის? თქვი, აბა, დაგაბრალეს თუ არა ომის დაწყება რეზოლუციით? თქვენ ხართ ქვეყნის მტრები და მოღალატეები“, – მიმართა მამუკა მდინარაძემ ოპოზიციის დეპუტატებს.

მდინარაძეს „ნაციონალური მოძრაობის“ ერთ-ერთმა წევრი ანა წითლიძე გამოეხმაურა. „მაგარი ბიჭი ხარ? კამერები არ არის და შეგიძლია [კამათი], თუ რა არის, ვერ გავიგე?“ – განაცხადა წითლიძემ, რაზეც მდინარაძემ უპასუხა: „ხო, მაგარი ბიჭი ვარ…შენ ხომ იღებ[ვიდეოს], გადაიღე. ქვეყნის მოღალატე ხარ, იმიტომ, რომ „ნაცი” ხარ, შენ ხარ რუსული საქმის მკეთებელი და პროვოკატორი, ტუტუცი გოგო ხარ, უზრდელი ხარ”, – მიმართა მდინარაძემ ანა წითლიძეს.

ამის შემდეგ ანა წითლიძემ მდინარაძეს უთხრა, რომ ის მოღალატეა. „რუსი მოღალატე, გაეთრიე მართლა. რამდენს ბედავ, უზრდელო. კამერები გაიყვანა ბიჭმა, დგას 50 კაცში და „ბლატაობა” შეუძლია “, – აღნიშნა წითლიძემ.

მამუკა მდინარაძემ წითლიძეს უპასუხა, რომ მას თავს არ უყადრებს და ზოგადად, ყველას მისამართით საუბრობს.

„მოღალატე სიტყვის შეჩვევას თავი დაანებეთ! მთელი ცხოვრება თქვენ აკეთებდით რუსეთის საქმეს“, – მიმართა ოპოზიციას მდინარაძემ.

“ოცნება” მხოლოდ ჭყონიამ აღაშფოთა?! რა სიყალბეა!” – დემურ გიორხელიძე

“ჯორჯიან თაიმსის” ბლოგი

ავტორი: დემურ გიორხელიძე

ისე, ამ, “ოცნებას” რა აცაბაცა ხედვები აქვს და რა ტყუილზე აგებული ყველაფერი! რატომ?!

(ა) გასაგებია, კოკა-კოლას პატრონის უაზრო და უპატიებელი საქციელი! ეს უკვე პირდაპირი აგრესიაა ბავშვებზე, თუმცა, კუდრაჭა დედიკოებს, – “დასავლეთზე გულაჩვილებულ” წამხედურა პროვინციელ დედიკოებს, – ეს ყველაფერი მოსწონთ, შვილებიც მაკდონალდსში დაჰყავთ (სწრაფი კვების ობიექტში!), დაბადების დღეებსაც იქ უხდიან და ახლა კიდევ პედარასტ=ლესბიანკების ისტორიასაც თუ “აჩუქებს” “მაკდონალდსი, – ხომ წარმოგიდგენიათ, ნუ, რა ბედნიერებაა, – “შიგ დასავლეთია”, თანაც, თბილისში, “შიგ მაკდონალდსში”! რა ბედნიერებაა: შვილი აზიარა “დასავლეთს” და მისი ნაწილი გახადა თანდათან…

უყურებს და უხარია, მისი შვილის გენდერიზაცია. მოკლედ, კუდრაჭა წამხედურა პროვინციელ დედიკოს ეგენდერება საკუთარი შვილი და მერე, ალბათ, თავს მოიწონებს: ეს უკვე ქნა და იმას კიდევ ქნავსო! “ოცნების” აღშფოთება მესმის, – საპირისპირო ბანაკის ღია ეპიგონმა, იცის რა ხელისუფლების სისუსტე, ადგა და თავზე დააფურთხა ყველას. მათ შორის, ხელისუფლებასაც! მხოლოდ უტვინო და იდეოლოგიით გონებადაკარგული ბიზნესმენი გააკეთებდა ამას. ეს ჭყონიას დიდი შეცდომაა! იგი გასცდა დასაშვებს. მაკდონალდსი და კოკა-კოლა უვარგისი რამეებია და მით უფრო, იდეოლოგიის იარაღად გამოყენებული, – ასახვევად გაუხდება საქმე.

(ბ) ზუსტად გუშინ, “ოცნების” მეხოტბე-პროპაგანდისტი ტ/კ “იმედი” რაღაც გადაცემა ჰქონიათ, აი, გაუგებარი ტიპები რომ ხმაშეცვლილი მღერიან და… გვიან ვბრუნდები უნივერსიტეტიდან, სახლში შევდივარ და ეს გადაცემა მხვდება (მეუღლე უყურებს “იმედს” და ჩემი შვილების დედას რაიმეს ნამდვილად ვერ მივუთითებ!).

ჰოდა, აი, ხბოსაღტკინებით შემხარი ჟიური და დარბაზი დიდი გულაჩუყებით უსმენს მამათმავლების ცნობილ თბილისურ სიმღერას: “პატარა ბიჭი დამეკარგა, წითელპერანგა!” ჰა,ჰა,ჰა!

შემთხვევით შეარჩია ეს სიმღერა პროდიუსერია თუ ვიღაც, ვინც რეპერტუარს ქმნის?! მოკლედ,
მადათოვის დაწესებულებების ხიბლი სისხლში გიზით! გასული საუკუნის 900-იანები გნებავთ დაბრუნება, ცხადია, ოცნებობთ იმ დროზე, არადა, ასე თუ გააგრძელებთ, აგიხდებათ! მაშინ, თბილისში, ქალაქის მოსახლეობის 10%-ია მხოლოდ ეთნიკური ქართველი! ამ ქალაქს სხვა აშენებს და სხვა პატრონობს! ქართველი თავადაზნაურები, რომლებმაც არ მიიღეს კაპიტალიზმი, უცხოურ ბანკებში ჩადებული საკუთარ ქონების უზრუნველყოფით აღებულ ვალს ორთაჭალის ლაზათებში მარგარიტებში ფლანგავენ და “პარიზიდან მობერილ სიოს” (“კაცმა ცხოვრებაში ყველაფერი უნდა დააგემოვნოო”) ყნოსვით მიჰყვებიან, რომელსაც ისინი მადათოვზე მამაკაცის ბორდელებში მიჰყავთ და ოფლისღვრის დონემდე მამათმავლობენ.
გეები ვინ იყვნენ?
არ იცით?!

(გ) მაგრამ აღშფოთებული “ოცნება” და მისი ეპიგონები საერთოდ გაქრნენ და ხმაც არ ამოუღიათ, როცა თბილისის მერმა ადგა და. რა გვარია ის მოდელიორი, აი, პარიზში რომაა, – მგონი გვასალია! აიღო, ადგა, წამოიმართა თბილისის მერი და გვასალია თბილისის საპატიო მოქალაქედ ლეწა! ბარაქალა, მერო! შენ “ნაღდად ევროპა ხარ”… მაგრამ შენი უბედურება ისაა, რომ ევროპა გვასალია გგონია, არადა, გვასალია ისეთივე ევროპაა, როგორც ნებისმიერი ქოცი-ბომონდი!

(დ) ახლა აიღეთ ეს უსაზიზღრესი საზოგადოებრივი მაუწყებელი! მალე “ბავშვების იდეოლოგიური აღზრდის მიზნით ამნაირ-იმნაირ სექსუალურ გაკვეთილებს ღია ეთერში აყურებინებს ყველა ბავშვს, აი, კუდრაჭა დედიკოიანს. და ა.შ. და ა.შ.
p.s.

და “ოცნება” მხოლოდ ჭყონიამ აღაშფოთა?! რა სიყალბეა! სიყალბე კი არ მუშაობს, – უფრო სწორად, აღარ მუშაობს!

“ნატო-ს ლიდერები ალიანსის ხელმძღვანელის თანამდებობაზე სტოლტენბერგის უფლებამოსილების გახანგრძლივებას ემხრობიან” – „ფაინენშელ თაიმსი“

ნატო-ს ლიდერები ალიანსის ხელმძღვანელის თანამდებობაზე იენს სტოლტენბერგის უფლებამოსილების გახანგრძლივებას ემხრობიან, რადგან შემცვლელზე შეთანხმება მიღწეული არ არის – ამის შესახებ ინფორმაციას „ფაინენშელ თაიმსი“ აქვეყნებს.

„უწყვეტობის ინტერესებიდან გამომდინარე, ამას აზრი აქვს. ის ამას გააკეთებდა. ის მოვალეობის შემსრულებელი ადამიანია“, – განაცხადა ერთ-ერთმა დასავლელმა დიპლომატმა.

გამოცემა წერს, რომ გამწვავებული დებატები იმის თაობაზე, თუ ვინ უნდა შეცვალოს სტოლტენბერგი, რომლის ამჟამინდელი მანდატი ოქტომბერში მთავრდება, ნატო-სთვის მნიშვნელოვან დროს მიმდინარეობს, რომელიც უკრაინაში რუსეთის შეჭრას და ჩინეთს უკავშირდება.

„სტოლტენბერგი იყო შესანიშნავი გენერალური მდივანი და მე ახლა ნავის რყევის აზრს ვერ ვხედავ“, – განაცხადა ნატო-ს წევრი ერთ-ერთი ქვეყნის საგარეო საქმეთა მინისტრმა.

ალიანსის ბევრმა ქვეყანამ გამოთქვა მხარდაჭერა ალიანსის პირველი ქალი გენერალური მდივნის არჩევაზე, სხვები კი ამბობენ, რომ აღმოსავლეთ ევროპის კანდიდატი წარმოაჩენდა რეგიონის მზარდ წონას და უკრაინაში ომის მნიშვნელობას.

„ვაშინგტონ პოსტი“ წერს, რომ ქვეყნების უმეტესობა, მათ შორის აშშ-ის და ალიანსის უმსხვილესი წევრების უმეტესობა, თვლის, რომ თანამდებობა უნდა დაიკავოს ამჟამინდელმა ან ყოფილმა პრეზიდენტმა ან პრემიერ-მინისტრმა.

გამოცემის თანახმად, გერმანია და საფრანგეთი დანიის პრემიერ-მინისტრის, მეტე ფრედერიკსენის კანდიდატურას უჭერენ მხარს, თუმცა დანიის მთავრობის ხელმძღვანელის მიმართ დიდ მხარდაჭერას არ გამოხატავს აშშ-ის პრეზიდენტი ჯო ბაიდენი.

„ვაშინგტონ პოსტი“ წერს, რომ ნატო-ს გენერალურ მდივანთან დაახლოებული ადამიანების თქმით, სტოლტენბერგი სულ უფრო გაღიზიანებულია იმის გამო, რომ არ აქვს მკაფიო გზავნილი მის მომავალთან დაკავშირებით.

“ჭიათურაში ჩასვლას ვაპირებ, მინდა, შევხვდე აქციის მონაწილეებს” – ლევან იოსელიანი

ვაპირებ ჩასვლას ჭიათურაში, მინდა, შევხვდე ამ ადამიანებს და მოვისმინო მათი გასაჭირი, ვნახო, რა პრობლემები აწუხებთ, – ამის შესახებ სახალხო დამცველმა, ლევან იოსელიანმა განაცხადა.

მისი თქმით, სახალხო დამცველის აპარატისთვის მნიშვნელოვანია, რომ მაღაროში მომუშავეთა შრომითი უფლებები და უსაფრთხოება იყოს გარანტირებული.

„ერთი, რაც მისასალმებელია, რომ დაინიშნა სახელმწიფოს მხრიდან მედიატორი, რომელიც ამ პროცესში ჩართულია. კერძო სუბიექტებს შორისაა ეს პროცესი, თუმცა ჩვენთვის უფლებრივი თვალსაზრისით, მათი შრომითი უფლებების პერსპექტივის თვალსაზრისით, მნიშვნელოვანია, რომ მათი შრომითი უფლებები და უსაფრთხოება იყოს გარანტირებული“, – განაცხადა იოსელიანმა.

ცნობისთვის, ჭიათურაში მაღაროელების პროტესტი გრძელდება. ისინი ხელფასის გაზრდას, სამუშაო პირობების გაუმჯობესებას, შრომითი უსაფრთხოების ნორმების დაცვას, ჰიგიენის პირობებისა და კვების საკითხების გაუმჯობესებას ითხოვენ.

1...1,9851,9861,987...2,303Page 1,986 of 2,303
ჩვენი არქივი

კონტაქტი

მის: ქ.თბილისი, მ.კოსტავას 59

ტელ: +995 32 93 44 05

ელ.ფოსტა: editor@geotimes.ge

ნავიგაცია

ონლაინ გაზეთი Geotimes.ge

დამატებითი რესურსი