“ქართული დიპლომატიის დღეს ვულოცავ თითოეულ ქართველ დიპლომატს” – პრემიერი

12:41 - 03/11/2023

ქართული დიპლომატიის დღეს ვულოცავ თითოეულ ქართველ დიპლომატს, ყველას, ვინც საერთაშორისო ასპარეზზე დაუღალავად შრომობს ქართული სახელმწიფოს წარმატებისთვის, – ამის შესახებ საქართველოს პრემიერ-მინისტრის ირაკლი ღარიბაშვილის განცხადებაშია აღნიშნული.

მთავრობის მეთაურის თქმით, დიპლომატია − დიალოგის, მოლაპარაკებების, თანამშრომლობის, მშვიდობის განმტკიცების ხელოვნებაა და, ამდენად, უმთავრესი ინსტრუმენტია იმ გამოწვევათა პირისპირ, რომელთა წინაშეც დღეს საქართველო და მსოფლიო დგას.

„ამ თარიღს ჩვენ აღვნიშნავთ დიდი საზოგადო მოღვაწის, თანამედროვე ქართული დიპლომატიის ფუძემდებლის − სულხან-საბა ორბელიანის დაბადების დღეს, რათა კიდევ ერთხელ დავადასტუროთ ჩვენი ერთგულება ფასეულობებისადმი, რომელთაც იგი მთელი ცხოვრების განმავლობაში ემსახურებოდა.

დიპლომატია − დიალოგის, მოლაპარაკებების, თანამშრომლობის, მშვიდობის განმტკიცების ხელოვნებაა და, ამდენად, უმთავრესი ინსტრუმენტია იმ გამოწვევათა პირისპირ, რომელთა წინაშეც დღეს ჩვენი ქვეყანა და მსოფლიო დგას. ჩვენი სახელმწიფოსა და ხალხის უმთავრესი მიზნების – საქართველოს გაერთიანება, ევროპის თავისუფალ ერთა ოჯახში სრულფასოვანი ინტეგრაციის მისაღწევად, მშვიდობისა და განვითარების უზრუნველსაყოფად თქვენი − დიპლომატთა როლი − საკვანძოა.

მადლობა მინდა გადაგიხადოთ მაღალი პროფესიონალიზმისათვის, პატრიოტიზმისათვის, თავდადებისათვის, რითაც ფასდაუდებელი წვლილი შეგაქვთ ამ მისწრაფებათა რეალიზებაში. პირადად ჩემი და მთავრობის სახელით კვლავაც თანადგომას გპირდებით და შემდგომ წარმატებებს გისურვებთ!”, – აღნიშნავს ირაკლი ღარიბაშვილი.

“28 დღეა, მსოფლიო ღაზაში კაცობრიობის წინააღმდეგ ჩადენილი დანაშაულის მოწმეა” – ერდოღანი

12:19 - 03/11/2023

ზუსტად 28 დღეა, მსოფლიო ღაზაში კაცობრიობის წინააღმდეგ ჩადენილი დანაშაულის მოწმეა, – ამის შესახებ თურქეთის პრეზიდენტმა, რეჯეფ თაიფ ერდოღანმა ასტანაში, თურქულ სახელმწიფოთა ორგანიზაციის სახელმწიფოთა მეთაურთა საბჭოს სხდომაზე განაცხადა.

ერდოღანის თქმით, არ არსებობს კონცეფცია, რომელიც ამართლებს ან ახსნის იმ სისასტიკეს, რაც 7 ოქტომბრის შემდეგ ღაზაში ხდება.

„თურქული სამყაროს ერთიანობითა და სოლიდარობით მოქმედება ხელს შეუწყობს გზას ჯერ ცეცხლის შეწყვეტისაკენ, შემდეგ კი, მუდმივი მშვიდობისკენ. ჩვენი ძალისხმევა გრძელდება, რათა საფუძველი ჩავუყაროთ საერთაშორისო სამშვიდობო კონფერენციას“, – განაცხადა თურქეთის პრეზიდენტმა.

თბილისში ბავშვთა და ახალგაზრდული გუნდების ფოლკლორული ფესტივალი გაიმართება

12:11 - 03/11/2023

9 ნოემბერს,19:00 სთ-ზე, კონსერვატორიის დიდ დარბაზში თბილისის ბავშვთა და ახალგაზრდული გუნდების ფოკლორული ფესტივალის ფარგლებში პირველი კონცერტი გაიმართება!

2022 წელს თბილისის საკრებულოსა და მერიის თანადგომით თბილისის ბავშვთა და ახალგაზრდული გუნდების ფოლკლორული ფესტივალი დაარსდა, რომელმაც 700 მდე ბავშვი ქართული ხალხური სიმღერისა და გალობის შესასრულებლად ქარვასლის დიდ დარბაზში გააერთიანა.

ფესტივალის დააარსების მიზანი, თბილისში არსებული დამოუკიდებელი (კერძო და არა სახელმწიფო დაფინანსების ქვეშ მყოფი) შემოქმედებითი კოლექტივებს ხელშეწყობა და მათი წახალისება იყო.

წელს ფესტივალის ფარგლებში 2 კონცერტი გაიმართება, პირველი კონცერტი 9 ნოემბერს კონსერვატორიის დიდ დარბაზში გაიმართება, რომელშიც გასული წლის მონაწილე 10 გამორჩეული ანამბლი მიიღებს მონაწილეობას და დაჯილდოვდება.

წლევანდელ ფესტივალზე, ქართული ტრადიციული მრავალხმიანობის შემსრულებელი ანსამბლების გარდა თბილისის ისტორიისთვის დამახასიათებელი ეთნიკური ჯგუფებიც მიიღებენ მონაწილეობას.

ფესტივალის ფარგლებში თითოეულ ახალ მონაწილე მუსიკალურ ჯგუფზე მცირე დოკუმენტური სიუჟეტი იქნება გადაღებული.

თბილისში ბავშვთა და ახალგაზრდული გუნდების ფოლკლორული ფესტივალის ფარგლებში, პირველად თბილისისა და ჩეხეთის ბავშვთა ფესტივალებს შორის გაფორმდება ურთიერთ თანამშორმლობის მემორანდუმი, რომლის ფარგლებშიც თბილისის ანსამბლები ჩეხეთის ფესტივალზე მიიღებენ მონაწილეობას.

ფესტივალს ჰყავს ჟიური, რომელიც საინტერესო და პროფესიულ რჩევებს აძლევს მონაწილეებს.

ფესტივალის მთავარი მედია პარტნიორია საზოგადოებრივი მაუწყებელი.

ფესტვალის მონაწილეებისთვის აპლიკაციის მიღება დაიწყო.

თიბისის სამომხმარებლო სესხის ვადა 4 წლამდე გაიზარდა

11:56 - 03/11/2023

1 ნოემბრიდან თიბისის ციფრული სამომხმარებლო სესხების ვადა 4 წლამდე გაიზარდა. ხოლო ეფექტური საპროცენტო განაკვეთი 15,5%-ით განისაზღვრა.

ახალი პირობების თანახმად, შესაძლებელია:

თანხის მოთხოვნა 100-დან 10 000 ლარამდე
თანხის დამატება ყოველთვიური შენატანის გაზრდის გარეშე
სესხების გაერთიანებისას, დამატებითი თანხის მოთხოვნა
არსებული სესხების გაერთიანება და ყოველთვიური გადასახადის შემცირება

მომხმარებლების ცხოვრების გასამარტივებლად, სესხზე განაცხადის შევსება და ყველა საჭირო საფეხურის გავლა ციფრულ ბანკში, ფილიალში ვიზიტის გარეშეა შესაძლებელი.

აღსანიშნავია, რომ ციფრულ სამომხმარებლო სესხზე 20%-მდე ფასდაკლება მოქმედებს. წინსწრებით დაფარვისას კი, მომხმარებელი საკომისიო გადასახადისგან თავისუფლდება.

არსებული სესხების გაერთიანების მიზნით, ახალი სესხის აღების შემთხვევაში, 20%-იანი ფასდაკლებით სარგებლობა მაინც მოქმედებს, რომლის ეფექტური საპროცენტო განაკვეთიც 15,5%-დან იწყება.

სამომხმარებლო სესხით სარგებლობა შეუძლიათ, როგორც ფიქსირებული შემოსავლის მქონე, ისე თვითდასაქმებულ პირებს. გახსოვდეთ, სესხის აღება შეგიძლიათ მაშინაც კი, თუ ხელფასი ბანკში არ გერიცხებათ.

სესხის ვადის 4 წლამდე გაზრდა ამარტივებს სესხის დამტკიცებას და საშუალებას იძლევა, სესხი აიღოთ, როცა გინდათ.

დეტალური ინფორმაციის მისაღებად ეწვიეთ ბმულს.

ენტონი ბლინკენი ისრაელში ჩავიდა

11:36 - 03/11/2023

აშშ-ის სახელმწიფო მდივანი ენტონი ბლინკენი ისრაელში ჩავიდა. ინფორმაციას „სიენენი“ ავრცელებს.

ბლინკენი შეხვედრებს გამართავს ისრაელის პრემიერ-მინისტრ ბენიამინ ნეთანიაჰუსთან და სხვა მაღალჩინოსნებთან.

როგორც გამგზავრებამდე ბლინკენმა ჟურნალისტებთან საუბრისას განაცხადა, ისრაელის მთავრობასთან აპირებს, ისაუბროს „ჰამასის“ წინააღმდეგ მიმდინარე კამპანიის და იმ ნაბიჯების შესახებ, რომლებიც მშვიდობიანი მოსახლეობის დასაცავად უნდა გადაიდგას.

7 ოქტომბრის შემდეგ აშშ სახელწიფო მდივანი ისრაელში უკვე მესამედ ჩავიდა.

სექტემბერში საქართველოში წლიურმა ინფლაციამ 0.6 პროცენტი შეადგინა – საქსტატი

11:18 - 03/11/2023

სტატისტიკის ეროვნული სამსახურის მონაცემებით, 2023 წლის ოქტომბერში წინა თვესთან შედარებით, ინფლაციის დონემ საქართველოში 0.6 პროცენტი, ხოლო წლიური ინფლაციის დონემ 0.8 პროცენტი შეადგინა.

რაც შეეხება საბაზო ინფლაციას, საქსტატის ცნობით, აღნიშნულმა მაჩვენებელმა 2023 წლის ოქტომბერში, გასული წლის შესაბამის პერიოდთან შედარებით, 2.4 პროცენტი შეადგინა, ხოლო თამბაქოს გარეშე წლიური საბაზო ინფლაციის მაჩვენებელი 2.1 პროცენტით განისაზღვრა.

„ყოველთვიური ინფლაციის მაჩვენებლის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე: ტრანსპორტი – ჯგუფში ფასები გაიზარდა 3.6 პროცენტით, რაც 0.45 პროცენტული პუნქტით აისახა მთლიან ინდექსზე. ფასები გაიზარდა პირადი სატრანსპორტო საშუალებების ექსპლუატაციაზე (5.6 პროცენტი). ამასთან, ფასები შემცირდა სატრანსპორტო მომსახურებაზე (-0.4 პროცენტი); ტანსაცმელი და ფეხსაცმელი: ჯგუფში დაფიქსირდა ფასების 3.3 პროცენტიანი მატება, რაც 0.13 პროცენტული პუნქტით აისახა თვის ინფლაციაზე. ფასები მომატებულია როგორც ფეხსაცმლის (7.0 პროცენტი), ისე ტანსაცმლის (1.9 პროცენტი) ჯგუფებზე; ალკოჰოლური სასმელები, თამბაქო: ჯგუფში ფასები გაზრდილია 1.3 პროცენტით, რაც 0.09 პროცენტული პუნქტით აისახა თვის ინფლაციაზე. ფასები გაიზარდა თამბაქოს ნაწარმზე (1.4 პროცენტი) და ალკოჰოლურ სასმელებზე (1.1 პროცენტი)“, – აღნიშნულია საქსტატის მიერ გამოქვეყნებულ ანგარიშში.

პროკურატურამ ბადრაგირებისას მსჯავრდებულთა ჯგუფურად გაქცევის ფაქტზე საბადრაგო ჯგუფის უფროსს ბრალდება წარუდგინა

11:09 - 03/11/2023

პროკურატურამ ბადრაგირებისას მსჯავრდებულთა ჯგუფურად გაქცევის ფაქტზე საბადრაგო ჯგუფის უფროსს ბრალდება წარუდგინა.

საქართველოს იუსტიციის სამინისტროს გენერალური ინსპექციის მიერ ჩატარებული გამოძიებით დადგინდა, რომ 1 ნოემბერს, პენიტენციური დეპარტამენტის ესკორტირების მთავარი სამმართველოს საბადრაგო ჯგუფმა, N15 პენიტენციური დაწესებულებიდან, თბილისში მდებარე „ავერსის” კლინიკაში გამოკვლევის მიზნით ექვსი მსჯავრდებული გადაიყვანა. ბადრაგირების განხორციელებისას, საბადრაგო ჯგუფის უფროსმა არ შეასრულა ბადრაგირების დადგენილი წესი, მსჯავრდებულები დატოვა მუდმივი ვიზუალური მეთვალყურეობის გარეშე და სათანადოდ არ ჩაკეტა სპეციალური სატრანსპორტო საშუალების კარები. აღნიშნულით ისარგებლა სამმა მსჯავრდებულმა, რომლებმაც ღია კარებებიდან დაუბრკოლებლად დატოვეს სატრანსპორტო საშუალება და მიიმალნენ.

სამართალდამცველებმა საბადრაგო ჯგუფის უფროსი 2 ნოემბერს დააკავეს. მას ბრალდება საქართველოს სისხლის სამართლის კოდექსის 342 პრიმა მუხლის პირველი ნაწილით (სპეციალური პენიტენციური სამსახურის მოსამსახურის მიერ სამსახურში დადგენილი წესის შეუსრულებლობა მისდამი დაუდევარი დამოკიდებულების გამო, რასაც შედეგად მოჰყვა გადაყვანისას მსჯავრდებულთა გაქცევა) წარედგინა.

პროკურატურა ბრალდებულისთვის აღკვეთის ღონისძიების სახით პატიმრობის შეფარდების მოთხოვნით, თბილისის საქალაქო სასამართლოს კანონით დადგენილ ვადაში მიმართავს.

სისხლის სამართლის საქმეზე გამოძიება გრძელდება.

თიბისის მხარდაჭერით, ზესტაფონში საქკაბელის მოდერნიზებული საწარმო და ახალი შოურუმი გაიხსნა

10:47 - 03/11/2023

სს „საქკაბელმა”, თიბისის მხარდაჭერით, ზესტაფონში საწარმოს რიგით მე-3 გადაიარაღებული სივრცე და ახალი შოურუმი გახსნა.

ახალი საწარმოო ხაზი პროგრამის – „აწარმოე საქართველოში” ფარგლებში განხორციებული ინვესტიციით ამოქმედდა. მაღალტექნოლოგიური მანქანა-დანადგარებით აღჭურვილ, მოდერნიზებულ საწარმოში ენერგოეფექტური პროდუქცია იქმნება, რომელზეც დიდი მოთხოვნაა როგორც საქართველოში, ისე ქვეყნის ფარგლებს გარეთ.

„საქკაბელი” მომხმარებელს სიახლეებს მუდმივად სთავაზობს. ჩვენი პროდუქციის წარმადობა მზარდია და ტექნოლოგიურად განვითარებადი. ამჯერად აქცენტი განახლებად და მწვანე ენერგიების საკაბელო პროდუქციაზე გვაქვს, რომელიც მთელ მსოფლიოში და მათ შორის, საქართველოშიც დიდი პოპულარობით სარგებლობს. სოლარ კაბელების ევროპული სტანდარტებით წარმოება რამდენიმე თვის წინ დავიწყეთ. დღეს ევროპული სერტიფიკატიც ავიღეთ, რაც ნიშნავს იმას, რომ ჩვენი წარმოებული პროდუქცია ყველა სათანადო სტანდარტს აკმაყოფილებს. ამ პროექტის წასახალისებლად სახელმწიფო მხარდაჭერითაც ვისარგებლეთ. ვფიქრობ, სოლარ კაბელების წარმოებით, ჩვენი კომპანიაც შეიტანს თავის წვლილს საქართველოს ენერგეტიკული უსაფრთხოების ამაღლებაში. გარდა ამისა, ჩვენი ინტერესია, გავზარდოთ „საქკაბელის” მიერ წარმოებული პროდუქციის ექსპორტი, რაც ქვეყანაში დამატებით სავალუტო შემოსავლებს ნიშნავს. ამასთანავე, ახალი საწარმოო ხაზის ამოქმედება მნიშვნელოვანია იმერეთის, კერძოდ კი ზესტაფონის მუნიციპალიტეტისა და მისი ეკონომიკის განვითარებისთვის”, – დავით კაპანაძე, „საქკაბელის” მმართველი დირექტორი.

„თიბისისა და „საქკაბელის” პარტნიორობა 22 წელიწადს ითვლის და მოხარული ვარ, რომ ორ ათწლეულზე მეტია კომპანიის ზრდისა და განვითარების მხარდამჭერები ვართ. „საქკაბელთან” პარტნიორობით, ჩვენ თიბისისთვის პრიორიტეტულ ერთდროულად რამდენიმე მიმართულებას – რეგიონულ განვითარებას, ადგილობრივების დასაქმებას, ეროვნულ წარმოებასა და ქართული პროდუქციის ექსპორტს ვუჭერთ მხარს. ასევე, ჩვენთვის მნიშვნელოვანია ყველა ის ინიციატივა, რაც განახლებადი და მწვანე ენერგიის მოხმარებას უწყობს ხელს და საქართველოში ენერგეტიკულ უსაფრთხოებას ამაღლებს. მოხარული ვარ, რომ ქვეყნის ფარგლებს გარეთ, არა მარტო ტრადიციული საექსპორტო პროდუქტი, არამედ ენერგოეფექტური კაბელები და მასთან ერთად, საქართველოს სახელიც გადის”, – გიორგი თხელიძე, თიბისის გენერალური დირექტორის მოადგილე.

ღონისძიებაზე კომპანიას ავტორიზებული ეკონომიკური ოპერატორის (AEO) სტატუსის დამადასტურებელი სერტიფიკატები გადაეცა. აღნიშნული სტატუსი „საქკაბელს” ახალ გამარტივებულ საბაჟო შესაძლებლობებს სთავაზობს.

ღონისძიების ფარგლებში, კონფერენციაც გაიმართა, სადაც „საქკაბელის” მენეჯმენტმა დამსწრე საზოგადოებას კომპანიის გეგმები და სიახლეები, მათ შორის, სოლარ კაბელების წარმოების შესახებ ინფორმაციაც გაუზიარა.

,,საქკაბელი” დღეისთვის აერთიანებს:

საწარმოს ზესტაფონში, სადაც როგორც საკაბელო ისე საიზოლაციო მასალები და გოფრირებული მილები იწარმოება;
საქართველოს მასშტაბით 8 ოფიციალურ შოურუმს;
30-მდე სადილერო და 300-მდე პარტნიორ მაღაზიას.
კომპანიის სამომავლო გეგმები მსხვილი ენერგეტიკული პროექტების განვითარებისკენაა მიმართული.

აშშ-მა სანქციები დააწესა 130 ფიზიკური და იურიდიული პირის წინააღმდეგ, რომლებიც რუსეთს სამხედრო ტექნოლოგიების მიწოდებაში ეხმარებიან

10:23 - 03/11/2023

აშშ-ის სახაზინო დეპარტამენტის საგარეო აქტივების კონტროლის ოფისმა სანქციების ყოვლისმომცველი პაკეტი დაამტკიცა 130 ფიზიკური და იურიდიული პირის წინააღმდეგ, რომლებიც ეხმარებიან რუსეთს სამხედრო ტექნოლოგიების მიწოდებაში.

სანქცირებული კომპანიების მეშვეობით თურქეთიდან, ჩინეთიდან და არაბთა გაერთიანებული საამიროებიდან რუსეთს მიეწოდებოდა ტექნოლოგია, აღჭურვილობა და სხვა მარაგი, რაც საჭიროა მისი სამხედრო-სამრეწველო კომპლექსის მხარდასაჭერად და შესანარჩუნებლად.

სანქციები ასევე მოიცავს პირთა ქსელს, რომელიც დაკავშირებულია რუსეთის მოქალაქე არტურ პეტროვთან. პეტროვი მიმდინარე წლის დასაწყისში კვიპროსში შეერთებული შტატების მოთხოვნით დააკავეს. როგორც ამერიკელი გამომძიებლები აღნიშნავენ, მან შექმნა რთული სქემა სანქციების გვერდის ავლით რუსული კომპანიებისთვის ამერიკული წარმოების ელექტრონული ტექნოლოგიების შესაძენად.

აშშ-ის ხაზინის ახალი სანქციების ცალკეული ბლოკი მოიცავს რუსეთის ფედერაციის ათეულობით სამხედრო-სამრეწველო კომპანიას, რომლებიც აწარმოებენ იმპორტს, ასევე ყიდიან სამრეწველო აღჭურვილობას.

გარდა ამისა, შეერთებულმა შტატებმა გააფართოვა სანქციები რუსული საბანკო სექტორების წინააღმდეგ.

“აშშ-ის მადლობელი ვართ ახალი და ძლიერი სანქციების გადაწყვეტილების გამო” – ზელენსკი

10:13 - 03/11/2023

მადლობელი ვართ ამერიკის შეერთებული შტატების ახალი და ძალიან ძლიერი სანქციების გადაწყვეტილების გამო, – ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.

მისი თქმით, სანქციების ძალა მსოფლიოს ძალაა.

„რუსული და არა მხოლოდ რუსული სუბიექტები, რომლებიც აგრესიაზე მუშაობენ, ახლა აშშ-ის სანქციების ქვეშ იმყოფებიან. ეს არის ის, რაც საჭიროა. სანქციების ძალა მსოფლიოს ძალაა. ამ მიზნით მუდმივად გვაქვს კომუნიკაცია ჩვენს პარტნიორებთან. ერთიანი სამყარო უნდა გაძლიერდეს“, – აღნიშნა ზელენსკიმ.

უკრაინის პრეზიდენტმა დასძინა, რომ სანქციებმა უნდა იმუშაონ ისე, რომ რუსეთს არ ჰქონდეს გვერდის ავლის შესაძლებლობა.

აშშ-მა სანქციები დააწესა 130 ფიზიკური და იურიდიული პირის წინააღმდეგ, რომლებიც რუსეთს სამხედრო ტექნოლოგიების მიწოდებაში ეხმარებიან.

3 ნოემბრის ასტროლოგიური პროგნოზი

00:47 - 03/11/2023

ვერძი

ვარსკვლავები გირჩევენ, დაასრულოთ ის, რაც წინსვლის და განვითარების საშუალებას არ გაძლევთ. ეს შეიძლება იყოს მოძველებული ურთიერთობა ან უინტერესო პროექტი. საყვარელ ადამიანებთან კომუნიკაცია სასიამოვნო სიახლეებით გაგახარებთ. გირჩევთ საღამო ერთად გაატაროთ და ერთმანეთი პატარა სიურპრიზით გაახაროთ.

კურო

ახალი დღე დატვირთული იქნება – საინტერესო შეხვედრები და სასიამოვნო თანამოსაუბრეები გელით. გირჩევთ მათი საკონტაქტო ინფორმაცია შეინახოთ, რათა საჭიროების შემთხვევაში დაუკავშირდით. დღის მეორე ნახევარში წესების დარღვევა კატეგორიულად გეკრძალებათ – როგორც მოძრაობის, ასევე ჰიგიენის წესების.

ტყუპები

მოემზადეთ რთული და კონფლიქტებით სავსე დღისთვის. დილიდან არაკეთილმოსურნე ადამიანების თავდასხმების მოგერიება და საკუთარი ინტერესების დაცვა მოგიწევთ. ასევე მოსალოდნელია ფინანსური პრობლემები, ამიტომ ეცადეთ, დამატებითი შემოსავლის წყაროს მიაგნოთ. გახსოვდეთ, რომ დროებითი პრობლემები მოწყენის მიზეზი არ უნდა გახდეს, ამიტომ პირქუში აზრები განდევნეთ და გახალისდით.

კირჩხიბი

ამ დღეს გუნდური მუშაობა წარმატებული და ნაყოფიერი იქნება, კოლეგებთან და თანამშრომლებთან ურთიერთობა გაუმჯობესდება. პირად ურთიერთობაში გარკვეული პრობლემები კი ნამდვილად არსებობს – თანამოსაუბრის განწყობის ამოცნობა და მისი აზრების გაგება გიჭირთ, ამიტომ ჯობს, საღამო მარტოობაში გაატაროთ.

ლომი

ლომებო, გირჩევთ დრო არ დაკარგოთ და აქტიური მუშაობისთვის განეწყოთ. დილიდან მნიშვნელოვანი საკითხების მოგვარება, ასევე პროფესიული მოვალეობების შესრულება მოგიწევთ. უპირატესობა იმ აქტივობებს მიანიჭეთ, რომლებშიც საუკეთესო ხართ. ეს თქვენს თვითშეფასებას გაზრდის და განწყობას გაგიუმჯობესებთ.

ქალწული

ხალისიანი განწყობა რთული დავალების შესრულებაში დაგეხმარებათ. გირჩევთ, ხელიდან არ გაუშვათ შანსი, რომელსაც ბედისწერა გიმზადებთ. ირგვლივ ყურადღებით მიმოიხედეთ და ხელსაყრელი გარემოებებით ისარგებლეთ. გაიხსენეთ დაპირება, რომელიც საყვარელ ადამიანს მიეცით – იქნებ, მისი შესრულების დროა?

სასწორი

თავს დილიდან ძალაგამოცილად გრძნობთ და მუშაობა გიჭირთ. შესაძლოა, ამის გამო დაგეგმილი საქმეების განხორციელება ვერ შეძლოთ. მოსალოდნელია ფინანსური პრობლემები, ამიტომ გირჩევთ, საქმეები, რომლებიც დიდ დანახარჯებს უკავშირდება, სხვა დროისთვის გადადოთ. სავარაუდოდ, თავში საინტერესო იდეა მოგივათ, რომელიც აუცილებლად უნდა დაიმახსოვროთ.

მორიელი

ამ დღეს მცირე სურვილები აგისრულდებათ, რომლებსაც საგანგებო მომზადება და დიდი ფინანსური ხარჯი არ სჭირდება. სავარაუდოდ, უახლოეს ადამიანებთან ურთიერთობისას გაურკვევლობას და დაძაბულობას იგრძნობთ. გირჩევთ, თავისუფალი დრო მარტოობაში გაატაროთ და ყველა საზრუნავისგან დაისვენოთ.

მშვილდოსანი

წინ მშვენიერი დღე გელით, რომელიც ფინანსურ შემოსავალს ან კარიერულ წინსვლას გპირდებათ. ეცადეთ პრიორიტეტები განსაზღვროთ და პერსპექტიულ საკითხებსა და პროექტებს მეტი ყურადღება მიაქციოთ. შეიძლება, საქმეში ძველი ნაცნობი გამოგადგეთ.

თხის რქა

დილიდან ენერგიულად იქნებით, რაც აქტიურ მუშაობაში და მნიშვნელოვანი საკითხების გადაჭრაში დაგეხმარებათ. გირჩევთ, ყველაზე რთული საქმეები დღის პირველ ნახევარში დაგეგმოთ. დილით უსიამოვნო თემებზე საუბარი მოგიწევთ, თუმცა შედეგი იმდენად სასიამოვნო იქნება, თავადაც გაოცდებით. მოინახულეთ ადამიანი, რომელიც დიდი ხანია არ გინახავთ და მოგენატრათ.

მერწყული

3 ნოემბერს დღის მეორე ნახევარი, დილასთან შედარებით, გაცილებით წარმატებული და ნაყოფიერი იქნება. ენერგიის მაღალი დონე საშუალებას მოგცემთ, დიდი ხნის განმავლობაში იმუშაოთ და სასურველი შედეგი მიიღოთ. ეცადეთ, ურთიერთობის დროს ტაქტი და კეთილგანწყობა გამოიჩინოთ, წინააღმდეგ შემთხვევაში შეიძლება საყვარელ ადამიანებთან ურთიერთობა გაიფუჭოთ.

თევზები

გირჩევთ, ყველაზე მნიშვნელოვანი და რთული საქმეები დილას დაგეგმოთ. პროექტმა, რომელზედაც დიდ გეგმებს ამყარებდით, შეიძლება იმედი გაგიცრუოთ, თუმცა მალე უკეთესი შანსი მოგეცემათ. საღამოს ვარჯიში ან სეირნობა სტრესისგან გათავისუფლებაში დაგეხმარებათ.

“მოვუწოდებ გერმანიის მთავრობას, გამოასწოროს პოზიციები” – „ჰამასის“ წარმომადგენელი

00:35 - 03/11/2023

„ჰამასის“ ოფიციალური წარმომადგენლის განცხადებით, ისრაელის მხარდაჭერის გამო ამერიკის შეერთებული შტატები და გერმანია ღაზაში „სისხლისღვრის პარტნიორები“ გახდნენ.

ლიბანის დედაქალაქ ბეირუთში მედიასთან საუბრისას საერთაშორისო ურთიერთობებში „ჰამასის“ წარმომადგენელმა, ოსამა ჰამდანმა განაცხადა, რომ ისრაელის მიერ ნუსეირატსა და ჯაბალიაზე თავდასხმების შედეგად 1 000-ზე მეტი ადამიანი დაიღუპა ან დაიჭრა.

„ღაზის სექტორში პოლიტიკურ რუკას ვერავინ შეცვლის, რადგან ჩვენ ვმუშაობთ ჩვენი ხალხის თავისუფლებისა და დამოუკიდებლობისთვის. შეერთებული შტატები მუშაობს, რათა ისრაელს მეტი დაცვა, თავშესაფარი და უსაფრთხოება მისცეს. ისინი არ ზრუნავენ პალესტინის ინტერესებზე, არ ზრუნავენ პალესტინელი ხალხის ეროვნულ უფლებებზე, ისინი არიან პარტნიორები ჩვენი ხალხის წინააღმდეგ დანაშაულებში“, – განაცხადა „ჰამასის“ წარმომადგენელმა.

ამასთან, ჰამდანის განცხადებით, ფიქრობდნენ, რომ „გერმანია დანაშაულის მონაწილე არ იქნებოდა“.

„ეს ქმედება გვაიძულებს, დავსვათ კითხვა, გულისხმობს თუ არა გერმანული პოლიტიკური მენტალიტეტი ჰოლოკოსტის მენტალიტეტს ყველა ხალხის წინააღმდეგ და არა მხოლოდ ამა თუ იმ მხარის? ჩვენ ვფიქრობდით, რომ გერმანიამ ისწავლა წარსულიდან გაკვეთილები და არ იქნებოდა ამ დანაშაულის თანამონაწილე“, – განაცხადა ჰამდანმა.

„ჰამასის“ წარმომადგენელი გამოეხმაურა გერმანიის მთავრობის გადაწყვეტილებას, რომლის მიხედვითაც, გერმანია ქვეყანაში ორგანიზაცია „პალესტინელი პატიმრების სოლიდარობის ქსელის“ საქმიანობას კრძალავს.

„მინისტრსა და გერმანიის მთავრობას მოვუწოდებ, გამოასწორონ პოზიციები, ნაცვლად იმისა, დაწერონ ახალი ჰოლოკოსტი პალესტინელების წინააღმდეგ“, – აღნიშნა „ჰამასის“ წარმომადგენელმა.

1...1,9591,9601,961...2,860 Page 1,960 of 2,860